مشترياتنا من معرض الخريف بالصور 2010

مافي احد رد عليي :01:

عــــــــــــــدنـــا
يلا صورت لكم اغراضي:)
الصور طالعين شوي مو واضحين يعني في وايد اشيا صورتها الصورة ظالمتها لان التصوير بتلفون بس اهمه في الصج احلى خصوصا اللانجري

يلا نبتدي
بسم الله الرحمن الرحيم

اقولكم كنت قاعده الساعه 5 الصبح @@
مادري شفيني متخرعه على المعرض وايد احبه
ووصلنا هناك 11:15 وتخيلوا الاوادم متيمعه ووايد !
اقول اااااااه من متى يايييين

اول شي سويت هجوم على المفرش لان خاطري فيه وايد من اول مرة رحت بس خلصت بيزاتي وماخذيته ههههههه

وخذيت بكس الساعات .. طبعا نحيس مايرضى يرخص
خذته بـ 12 وفيه حق 14 ساعه
وماروني على لون حجرتي

خذيت هاي التاتووو
الي على اليسار يضوي في الظلام بس للحين ماجربته فماعرف .. مارضت ترخصني بطت جبدي عطتني اياهم اثنينهم دينارين .. ادري مايسوى بس شسوي ما كان لي خلق حزتها اقاصص ويا احد

خذيت سلاسل من بو خمس ربيات .. حلوين في الصج بس التصوير ظالمهم

وهاي الخواتم.. طبعا مالحقت على شي على سايزي!!
خذت ذيلين الحمدلله في بعد خخخخخ

مريت محلات مال الشعر وخذيت ذيلين لان احب اسوي حركات في شعري.. الوانهم في الصج احلى احلى احلى من الصور

خذيت هايلين من البيت الدمشقي. الور وستيلا... واخوي اتصل قال يبي ون مليون ههههه

خذيت لاكوست حق خطيبي

كان بـ 30 جنه .. طلع 14.600 شي جذي

هايلين مادري من وين جفتهم في الجيس مقططين فماعرف شي عنهم
بس الي اعرف ان واحد هرده واحد مخمرية وواحد لوشن وبخور ههههههه

وخذيت ذيلين من عند الكويتي.. نسيت اسمه جنه عطور المملكة

وخذيت هايلين طبعا ملايين من عند الفودر.. والثاني من مملكة البخور شي جي اسمه نسيت بعد هههههه

وخذيت هاي الملمع مادري شنو الي قالت عنه المصرية

وخذيت ملابس داخلية وايدددد.. بس ماقدر احط صورهم لان بتطلع واضحه ماعرف اصورهم
وخذيت هافات بعد:$


وخذيت ثياب بيت

وهذي اخر وحده خذيتها من عند الصيني .. حلوة في اللبس

وهذي شوي واسعه بس جي حق البيت

الله على مشترياتكم يالبنات ..


البـارحة كـانت الزيارة الثالـثة لـي للمعرض ..


وكـانت مع خطـيبي


وصـلنا هناك السـاعه 7 وشـئ ..

اشتـريت فـراش بني وبيج وايد حـلو حصـلته 10 قطـع بـ 14 ديـنار ..

و اشتريت عطر رسـالة النسـائي

ولخطيبي رسـالة الرجـالي ..

واشتريت عطر جسم على فراوله ..

واشتريت معطر للفراش اسمه فارس كأنه ..

و عطر اسمه الملكي حده نـــــــــــــايس عجبني

واشتريـنا كاكاو كانوا مسووين عرض كل ثلاثة بديـنارين ..


طبعا حدي حدي تكسرت من الاغراض .. رغم انهم مو وايد

لاني انا رحت بروحي واشتريت اغراضي بروحي


بس بعد تعب ..


وخطيبي سوو لي فناااااااااااااتك هههههههههههههه


انا من نوصل مكان اللانجريات والملابس الداخليه اقول له شوف مناك فيه فراشات حلوين


حس الموضوع فيه انه الا يوديني مكان الملابس الداخليه يقول لي مابتأخذين شئ من هني


هههههههههههههههههههههههههه



احس وجهي انقص بالنص يقول لي بنتزوج وللحين تستحين هههههههههه


مايدري اني اخذت كل شئ من وراه


وزيــــــــارتي اليوم العصر مع بنت عمتي ..


وآخر زيارة لي اتوقع بكـره ..


ادعوا لـي يا حلوات

مشترياتكم روعة يا بنات, تتهنون فيهم

مريم ناز مشترياتش روعة عليش بألف عافية
صدق الفراش سووه بـ 25؟ ويليييييييي لاااازم اليوم أروح آخذ خاطري فيهم عدل
و مقسم الساعات من وين أخذتينه و بكم و إذا عندش خبر بكم مقسم الخواتيم؟

و مشكوووووورين كل اللي قيموني :065:
تحياتي, أم ملاك