مشترياتنا من معرض الخريف بالصور 2010

nice2eyes;11200073:

... الترجيه وحبيبة عزوزي ...

انا اليوم رحت أجمل الي في محرق عاد قالت لي الي هناك عن العرض الي اهو علبتين عود مبخر حجم صغير مع دهن عود هديه ب 20 دينار

الترجيه;11199560:
الترجيه ترجع من يديد مع احداث ومشتريات يديده


اليوم اتصلوو لي بنات خالتي ترجيوووو المعرض المعرض بعد المعرض يالله فديتكم بسرعه بسرعه تبرزت
وسويت خيانه من ورى اختي الغاليه رجاوي البحرين رحت اليوم عنها

بس اقولج فديتج بارجع اروح لان ابي من الحارب مارحت القاعه العوده:(

وصلنه ازدحام ازحام دشينه من القاعه الصغيره الا مصري يصارخ حب مصري ومادري شعنده وقفت تذوقت نفس البسكوت على جبن لذيذ يميييي قالي الكيلو 4د والنص 2د قلت له شنوو طعمهم واحلى شي قالي بالجبن قلت له سو لي مكس جبن وكاتشاب انصحكم فيه لاتفوتونه



خبركم يمعه بنات وهابين ريح اللي وياي لهم نفس للمشترى فاشووه الوحده تستانس واهي تشتري
فديتهم بنات الخاله

بدينه الا اشوف محل يبيع ابواك عجبوني واااايد لونه دش قلبي قالي 4 د خذته ب 3 وبعد باروح اخذ واحد سماوي اتينن درجته يارب القى منه بعد



ومرينه البخور الملكي بنت خالتي شمت ماي بيرفيوم وانه شميت العود الكمبودي عجبوووني بس ماخذت شي منهم

رحت البيت الدمشقي خذت 4 عطورات ستيلا وفنتازيا بريتني وشانيل زين شسيدوو عجبوووني واااايد



فوووتنه ورحنه عطورات المملكه ياربي حرام اللي ماخذت من عنده من اول يوم
جان اقوله وين عطر اريان شممنه كذا نوع اريان وغزلان والمملكه وغدير وانواع وايد ومعمول القرين وبخور المملكه وقال لنه العطر ب 4 ونص اذا بتاخذون 3 عطورات بحسبهم ب 10د بعد جذي جان ناخذ عطر اريان والمملكه وغدير وبنت خالتي عطر اريان وبخور المملكه ياربي اريان اينن تحفه تحفه تحفه بس لحد يتسرع من اللي يشمه اخذوو فره وبعدين قرروا افكر اروح اخذ اخر يووم لان من قلب عجيب مميز




ومرينه ع الملكي امي تبي عطر المكان وانه ابي رقيه وبنت خالتي خذت رقيه وعطر تاج محل




رحنه ندور مفارش خفيفه قطن حق شغالتنه ام ساعتين متنسيه على الوان غامجه هههه واخذي يالترجيه دوري لها من مكان لي مكان والحمدلله لقيت اللي عجبوها

عاد واحنه نفتر وحده من بنات خالتي لقت وحده تبيع الابشره على دينارين قالت بس لكم بعد جي وانه مره ماره عليهم وعجبني واحد مكتوب عليه love
وجان ناخذ كميه وانه بس خذت اثنين




الا مرينه على محل اكسسوريز ياربي تراجيه ناعمه ومميزه خذت تقريبا 5 كانه ب 12 ونص د










وشريت شنطه الاغراض اللي 2*1 شنطه ويا كرسي خذتها ب 7 د مومتنازل ولا بنص فلس ههههههه



وجان اقولهم الفودري نطروني واروح له اقوله وين عطر خاص قال خلص تبيع بطلب لج قلت اوهوو بعد جي الا اقوله افا بس افا شلون جي تعطيني سعر ورفيجتي سعر قال الثاني مايصير اكيد شاريه وايد اغراض قلت له وانه ماجني نظفت محلكم من الاغراض قام يه صديقي الصدوق الا يقولي اختي زعلانه بشري

انه كنت ابي توله معمول عطيته 3 دينار عطاني الغرشه ام 5 تولا يحليلي استاهل وعطاني رقمه بالكويت في حال بغيت شي عطان يطرشه لي ههههه ماقصر مسكين



ورحنه حق ريحه العطور لان مدحت لهم بخاخ الجسم بالفراوله ياربي حبيييييته وخذنه بعد وقلت ليش افوته بعد باخذ لي واحد وافكر اخر يوم اخذ مسكين اللي هناك يقوله تحمل فيها هاي الكستمر مالنه ههههههه امبي حسيت روحي يادهينه لاتنكتين هههه



واختي شافت هايلين 3 الوان بدينار وخذت لها الوانهم زاهيه



وعجب اختي جوتي خذناه ب 4 ونص



وبجذي اتميت مشترياتي لليوم
بس لي عوده باذن الله معنه محصله لي انذار من ابوي ربي يحفظه ههههه ان اليوم اخر يوم بس امي قالت له لا البنات يحتاجون يروحون اخر يوووم ههههه فديتها ام قلب ابيض

فباروح عشان امي تبي جلابيه مخلصه بيبون منها يوم السبت
وابي مقسم الساعات والخواتم
وابي احتمال عطر اريان للمره الثانيه ماقدر افوته
وبجذي اقدر اقول بعدها اتميت بحمد الله


لاتنسون تقيمووني فديتكم ان عجبكم تقريري المتواضع

هذيــان;11190713:

عطر سارة
قال لي بعطيش الأثنين بـ 10 دينار وتبين كم واحد؟
قلت له بس واحد قال اوكي اعطيني 7 دينار
قلت له اختي شرته الواحد بـ 5 دينار :057:
قال اوكي هاتي 5 دينار :085: > يفكر بيقص عليي :041:
(اصلا اختي ماشرته بس شفت بنت في هالموضوع تقول شرته بـ 5
واستحيت اقول له شفت بنت في منتدى عروس شرته بـ 5 )

.
.


شنطة حق التنقل بين بيتنا وبيت خطيبي احط فيها اغراضي :02: بدينار

.
.

الطبقة العلوية للستارة .. الطبقتين بـ 7 دينار


الطبقة السفلية للستارة .. الطبقتين بـ 5 دينار


الطبقتين


اكسسوارات الستارة .. بـ 2دينار
واخذت حدايد لتثبيت الستارة بـ 1 دينار
وحديدة الستارة بـ 10 دينار
( المجموع 25 دينار )



.
.


سلسلة تقليد لازوردي بـ 5 ربيات:03:

.
.


عطرين فلورا وعطر ون مليون الواحد بـ 2 ونص :014:

.
.


لحاف بدون حشوة .. بـ 15 دينار

.
.

اخذت ملابس داخلية :040:

.
.


اخذت ويايي 60 دينار توقعت ما بشتري شي بس هناك خلصو ورجعت
لان اخذت الستارة والفراش
كان خاطري في اشياء وما اخذتها فـ لي زيارة مرة ثانية
مثل: عطور
لوشنات
ستارة ثانية
اكل
اكسسوارات
ملابسة داخلية اضافية


.
.

اذا عجبكم تقريري ادعو لي او قيموني :040:

حبيبة عزوزي;11200386:
بقولكم موقف يضحك شوي في هندي يبيع مفارش طاولات شك المهم يقولي يعني بما معناه حياج قتله ما عندنا بيت قصدي مو معرسه وماعندي بيت خخخخخخخخ اقولكم كل انوع علامات الاستفهام ان شلون ماعندي بيت تخيلو يتحرطم مع رفيجه شلون ماعندي بيت خخخخخخخخخخخخخخخ

حبيبة عزوزي;11200586:
هذيان في واحد كل شي 500 فلس القاعه الصغيره اول ماتدشين اخر الممر على يدج اليميين