~::~التجمع الخامس لحوامل شهر( فبراير)2010~::~

victim ولدت بالسلامة وجابت الأميرة " نوف " :025:

الوالدات بسلامة


1- "ام رسيل" بتاريخ 6-1 وجابت احلى "اسيل"
2- "جوهرة دوحة" بتاريخ 13-1 وجابت احلى "محمد"
3- "فتاة المستحيل" بتاريخ 18-1 وجابت احلى "خالد"
4- "ورد الخريف" بتاريخ 20-1 وجابت احلى "عبود"
5- "بنت المناعي" بتاريخ 24-1 وجابت احلى "محمد"
6- "عاشقة الشهادة" بتاريخ 25-1 وجابت احلى "آية"
7- "دفء الجليد" بتاريخ 26-1 وجابت احلى "عائشة"
8- "welo0o" بتاريخ 27-1 وجابت احلى "رغد"
9- "نور الدنيا" بتاريخ 28-1 وجابت احلى "ليلى"
10- "سندس البحرين" بتاريخ 29-1 وجابت احلى "محمد"
11- "ما اهاب الا من خلقني" بتاريخ 30-1 وجابت احلى "امير"
12- "cendy" بتاريخ 30-1 وجابت احلى "يزن"
13- "بحرينية" بتاريخ 1-2 وجابت احلى "ولد"
14- "عروس ماتبي تعرس" بتاريخ 2-2 وجابت احلى "جنات"
15-"عمانية" بتاريخ 5-2 وجابت احلى بنوتة
16- "بنوتة بحرين" بتاريخ 6-2 وجابت احلى "زينب"
17- "ليان" بتاريخ 7-2 وجابت احلى "راشد"
18- "ساجده بتاريخ 7-2 وجابت احلى "محمد"
19- "لينا" بتاريخ 8-2 وجابت احلى "بتيل"
20 "ام ميورة" بتاريخ 9-2 وجابت احلى "روان"
21- "احلام السنين بتاريخ... وجابت احلى"ولد"
22- "عبير البنفسج" بتاريخ 11-2 وجابت احلى "دانه"
23- "ام شيوخ" بتاريخ 14-2 وجابت احلى "خليفة"
24-"حبيبة حبوب" بتاريخ 14-2 وجابت احلى "مريم"
25-"lovely lolo" بتاريخ 15-2 وجابت احلى "ايفرن-Evren"
[COLOR=darkgreen]26- "فكتم " بتاريخ 16-2 وجابت أحلى " نوف "
[/COLOR]



الكروشات
الله يسهل عليهم يارب

عبير وسعد(ثاني حمل)----1-2
قلب دلوع(بكرية)----2-2
رمش الغلا----3-2

الحالمة(بكرية)--بنت--7-2
لونا الجميلة--ولد--7-2
احلى المعاني----8-2
lovely lolo--ولد--9-2
قطر الزين----11-2
عيون السماء--ولد--11-2
ام زين----11-2
ملاك7 ----11-2
m@hy--بنت--11-2
امورة383--بنت--12-2
فتاة الصحراء--بنت--12-2
روان2005 ----15-2
الحب بالقلب----18-2
دنيا1 ----19-2
الحنانة--ولد--19-2
الوان وردية----20-2
اندومي بالكاكاو----20-2
دلوعة حسن----21-2
درر خليج----21-2
ورد محمدي ----21-2
ذكرى قديمة--ولد--21-2
كلي تفاؤل وامل--بنت--23-2
فكتم--بنت--24-2
وردة بحرين1--بنت--24-2
ام حسين القمر --بنت--24-2
ماماحسون--ولد-- 24-2
جنون الورد----26-2
راجية رحمة ربها----26-2
مهاوي --سر--26-2
ام وافي--ولد--27-2
مرجانة----27-2
عاشقة السعادة----27-2
دلعلع3----27-2
فكتوريا سيكرت----28-2

اولاد(20) بنات(20)

(13) من الاولاد شرفونا وباقي (7) +(13) من البنات شرفتنا وباقي (7)

اهلين عبير .. ازيد ما متعبني الثقل خلاص بنجرت وصلت حدي بس يالله بقى اسبوع نتحمل ..

بالنسبة لأغراضي تقريباً خلصت وانتظر فرج الله ..
شخبارش ويا الكتكوتة واختها ... تغار ؟؟

مرحباااااااااااا كروشات:087:
ام حسين>>>>>:032: وشو اخبااااااااااارك وانااااا للحين صامده:091: وتعبت بس الحمد لله على كل حال خلاص استسلمت :096:
وانا مو بكريه هذا الثاني بس الولاده الاولى كانت عمليه لان راس بنتي كان فوق والحين ما يقدرون يعطوني طلق صناعي يخافون على الرحم ما يستحمل
وانا من يوم الاحد الي طاف يجي الالم ويروح طلق بارد مع الافرازات بس الرحم مو مفتوح عندي والبيبي راسه تحت بس ما نزل الحوض .
واليوم قال لي الدكتور انو يوم الاحد بيسوي لي عمليه خلاص ما يقدر ينطر علي اكثر لان البيبي يكبر وانا قلت الي الله كاتبه بيصير لاني كان ودي اولد طبيعي بس الحمد لله على كل حال والله يكتب الي فيه خير لي وللبيبي بس احس باحباط وضيقة صدر:(:(
ادعو لي يابنات .....
فكتم :032:الف الف الف مبررررررررررررروك حبيبتي والحمد لله على سلامتك وسلامة نوف ....:029:
باااااااقي الكروشات كيفكم ؟:083:

الله يسهل عليكي حبيبتي لونا ... جاني احباط ثاني مولود وتأخرتي عن موعدك هالكثر .. شكلي خلاص بتم لشهر 3

يالله مدام الله كاتب لك العملية توكلي على الله والله يخفف عليكي يا قلبي ..

:091: التجمع صاير ممل ,,!!

اهلين بنااااااااات انامازلت صامدة :014:

الله يستر بعد بكرا بخش العاشر والدكتور قال استنى اسبوع بس وبعدين طلق صناعي :047:

ااااااااااااه ادعولي اولد بالسلامه خلاص الطاقه زيرووووووو

الحمدلله على سلامة فكتم حبيبتي :025:ومبرووووووووووك عليكي نووف انا اموت بهالاسم

ويالله عقبال كروشات صامدون

:033:شفتي عاااد يا ام حسين
خانتنا فيكتم
وبقينا انا وانتي
وما يندرى عن ماما حسوون

عاد اهم شي الله يقوم الجميع بالسلامه

وهذي لفيكتم :025:

وملل التجمع عاد لا تسالين عنه

هه وردة ... ماما حسوون لازالت صامدة .. صدفه انه احنا مو بكريات ولا وحده تفكر تولد هههههه

يالله غلبتنا فيكتم وافتكت ..
عن جد التجمع لا يطاق ..

اهلييييييييييين بنات....
اخباركم
اختي عيون المها قالت لكم اني ربيت والحمدالله ربيت الساعه 6:34 دقيقه بالضبط ....عاد سالفتي سالفه...
رجع علي الطلق الساعه 1ونص وتم يزيد يزيد وانا تميت امشي بالبيت وقلت لالا يمكن ويع وبيروح واذا طلق مب مقومه ريلي الحين وعليه دوامه الساعه 5ونص المهم وتمت اصمد وخف شوي كان يجيني كل 10 دقايق حتى ورحت كلتلي تمر وتميت امشي والا سمعت حس ام ريلي قلت مب مخرعتها ودخلت غرفتي....المهم على الساعه 3 الا ربع الا احس بشي دافي ينزل ماوقفت الا الماي تم يصب يصب مني وانا مت خوف..رحت قومت حماتي ووعليه جات على طول معاي وريلي يسألني الحين اكيد بتربين مادري شنو كنت باسويله هههه...
المهم رحت على طول دخلوني ولاده كنت 5 سانتي...
صج تعبت اول شي بس للحين ماكان جاي الصج وتميت لين مازاد علي بغيت اموت قتلهم ابي ابرة المسكن مارضوا يعطوني اياها حطولي اكسجين وتموا يحركون الياهل في بطني مب راضي يقوم كان نايم وقالولي انه تعبان بعد تميت وانا ميته من الويع وابي امي جنبي واهم يقولون لازم تطلع لين بيكشفون علي المهم شوي والا صار 6ونص وشوي الا 8 وتميت اصرخ عليهم ابي ابره مارضوا كلش كان البيبي تعبان وميييييته حدي اصرخ عليهم وبعدين الا تميت اقولهم الراس بيطلع باموت مافيني قوه كلش الا شوي الا صار 10 سانتي وانا وصلت حدي والطلق تم يجي ورى بعض وانا ابي اصيييح ميته من الويع بس بعد ماتميت اصرخ بالقو نفس الباقي يخرعووووووون وشوي على ماطلع خليفه حبيبي قطوه علي بس ماكان يصيح وتميت نسيت الالم اقولهم شفيه مايصيح شفيه وشالوه من علي وللحين بعد دقيقتين صاح فديته شوي ارتحت يوم قالتلي لا الحمدالله مافيه شي تمام بس كان تعبان ومايوصله الاكسجين وايد ....

الحمدالله امس رخصوني من المستشفى وعن الختان طلبت الدكتور نفسه الي ختن ولدي لنه صارت كذا مره في دكاتره مايختنون عدل وهاي وايد اوكي..

الحين انا في بيت ابوي والله في خاطري انام ليله كامله بس خلاص مافي خخخخخ
وولدي سلطان امس يقولي ماما اطقه خليفه بلييييز يبي يطقه واليوم الصبح كان بيعطيه بوكس بالقو زين جان على بطني والله ماقدر اغفل عنه يقولي حبيبي اخوي ويعطيه بوكس...

بس الحمدالله والله كل شي مر سهالات صج تعب والطلق يذبح بس لين تشوفون البيبي تقولون والله يستاهل التعب كله

الباقي على الصامدين

مرحبا كروشات :032:
كيفكم مافي حد التجمع :08:
ام شيوخ الحمد لله على سلامتك انتي وخليفه الله يخليه لك ياااااارب ولدتي وافتكيتي الحمد لله عقبالنا يارب :013:
والله انا حدي متملله من الثقل والتعب والالم الي كله يقولون لي طلق بارد ما ادري شسوي اكل فلفل يمكن يستوي حار :039:
ام حسين وردة البحرين وماما حسون وبنت الصحراء اخباركم يلا ان شاء الله تربون بوقتكم وما تصيروووون مخلل مثلي ههههههههه:057::057:

الحمدالله على سلامتج ام شيوخ .. اهم شي انتي والبيبي بخير ,.

ويتربى في عزكم خليفة ان شاء الله :)

هههه لونا ضحكتيني :037:لا اني حاسة اني بخلل ومن الزين بعد:ok: ..

يالله نصبر شورانه :060:... وعن الطلق اني للحين مافي اثر لا بارد ولا حار ولا معتدل ههههه:085: الأخت ماخذه راحتها في بطني والتعب كله علي :091:

أم حسين القمر;11363257:
هههه لونا ضحكتيني :037:لا اني حاسة اني بخلل ومن الزين بعد:ok: ..

يالله نصبر شورانه :060:... وعن الطلق اني للحين مافي اثر لا بارد ولا حار ولا معتدل ههههه:085: الأخت ماخذه راحتها في بطني والتعب كله علي :091:

والله ام حسين احس بروحي صايره مخلل لانه فيه وحده حامل بعدي وما شاء الله يوم الاحد ربت :032:
انا الناس كله يقولون ما صار حمل والظاهر ولدي مبسوط داخل ما يبي يطلع وقاعد يلعب وياي مع ذا الطلق البارد :01:
بس شسوي بصبر لين الله يفرجها والعمليه يوم الاحد والله يسهلها علي وعليكم :029:

ام حسين شكله كل البنات الي باقين ولدوو مافي حد انا وانتي بروحنااااا:086:

لونا لاتخافي انا بعدني صامده معاكم اتصدقين موعدي باجر وللحين مب حاسه باي بوادر شكلي مطوله هه