~::~التجمع الخامس لحوامل شهر( فبراير)2010~::~

أم حسين القمر;11131788:
ام الشيوخ ... ما تشوفين شر ان شاء الله تكونين ولادة وتفتكين :01:..

ام ميورة .. هههه الناس من يشوفون الوحده بدبتها لازم يسألون:047: .. اني من السابع يسألوني ما ولدتين,, مو ذنبي اذا بطني كبييير:085: ,,,

ماما حسون;11132692:
ملللللللللللللل


ايي صح بالنسبة عن المشي ترى المشي على الرمل احسن لان يخلي الوحدة تبذل مجهود اكبر وهالشي معروف ..

وبالنسبة للاسئلة عن الولادة خخخخ محد يسألني من الاهل او اي احد يشوفني يمكن لان بطني صغييييييير على قولتهم كأنه بطن وحدة في الشهر الخامس :041:
لكن البنات اللي ما اشوفهم وايد والتقي بهم بين فترة وفترة ع المسنجر ساعات يسألوني اقولهم بعدي واني في الشهر الفلاني ما اشوفهم الا يقولون من زمااااان انتي حامل وللحين ما وصلتين التاسع هههههههههههههههههه


وعن المشي انا حدي شغل البيت فقط واذا بمشي يكون في المجمعات والاسواق اداور حق شوبنغ خخخخخخ :037:


من شوي قعدت اقرأ عن الاسبوع ال35
وقالوا عن حموضة المعدة <<< وايد اعاني منها هالفترة
وقريت اشياء استنتجت منها ان انا البيبي مالي للحين فوق ما نزل للحوض قلت اشوا يعني لسه باقي لي شوي ع الولادة خخخخخخ

ماما حسون;11131667:
قووووووووة


كيف حالكم كروشات



ما شاء الله الكل يعاني خخخخ
انا بعد وااااايد تعبااااااااااانه هذا وباقي يومين وادخل الشهر التاسع مادري شلون بيصير حالي بعدين ..:01:


الله يخفف ويسهل يا رب


اليوم بلغوني ان التوزيعات جهزت الحمدلله .. باقي التغليف النهائي ووضع البطاقات بشوف متى اروح استلمهم وأرد اوديهم محل يغلفهم ويحط البطاقات ويصفهم في الستاند وخلاص ..

انتظر الراتب بسرررعه واول ما ينزل بروح اكمل الاشياء الناقصة بأسرع فرصة لاني وايد احاتي هالفترة حتى ساعات يجيني احساس ان بولد قرييييييب واقعد احاتي اني للحين ما كملت اغراضي :091:
وتاريخ 10 \2 ولدي يبتدي امتحانات الفاينل ( حتى الروضات يسوون لهم امتحانات فاينل الله يعين السنة الجاية لين راح المدرسة !) ان شاء الله بس ما اولد قبل علشان الحق اذاكر معاه ولين كمل وابتدت اجازته ( تاريخ 19\2) اولد على راحة :095:

وعن اوضاعنا امس تعبت واااااااايد مع عيالي من الساعه 3 فجر ما شفنا الا ولدي الصغير قاعد من النوم ويرجع ويصيح وحالته حالة وولدي الكبير قعدته الصبح للمدرسة ما شفته الا يشتكي من الم بطنه وقعد يرجع وخليته يغيب وراح ابوهم من الساعه 7 وداهم اثنينهم المستشفى وانا ما قدرت اروح من التعب لاني كل شوي انظف حتى سريرنا توسخ وبدلنا الشرشف الفجر يعني ما صار الصبح الا انا ميتة من التعب وقلت لزوجي ما اقدر اروح معاكم وراح بروحه وياهم جان تطلع حالتهم محتاجة لمغذي وعندهم جفاف وولدي الصغير وايد تعبان وجيكوا دمه طلع 8.7 وظل معاهم من الساعه 7 الى 11 ونص رجعوا وكل منسدحين وتعبانين ويرجعون وانا ما وراي الا ان انظف وراهم احس روحي هلكااااااانه من امس لليوم ..

لكن الحمدلله اليوم صاروا احسن شووووي وأهم شي ان الترجيع وقف لكنهم ما زالوا يشتكون من المغص والليلة شكلنا بنرد نوديهم المستشفى لانهم ما كتبوا لهم ادوية عن المغص بس عن الترجيع والحين الترجيع وقف الحمدلله ..

أم شيوخ;11131671:
هلا فكتم......كنت قاعده مع رفيقتي في المكتب انه بريح بس تعباانه والله والحين يجيني انه وجهي يعرق جي مره وحده على طول مادري شلون جان زين اطلع من الدوام واروح البيت ماقدر كلش

مااهاب الا من خلقني;11132081:
هلا بنات شخباركم
انا نفسيتي تعبااااااااااااااااااااااااااااااانه جدا جدا جدا
امس رحت لدكتورتي قلت اروح اشيك لأن مافيني اي بوادر للولاده
المهم كان عندي امل كبير>>الأخت تتخيل
ان رحمي يكون مفتوح خخخخخخخخخ
المهم سوت لي كشف نسائي قالت على وضعه ماتغير شي وعنق الرحم طويل ومو لين ومافي اي بوادر ولاده عاد قلت لها خلاص انا تعبت حدي ابي اولد مااقدر اتحمل اكثر وكل مالها تطول في موعد ولادتي طبعا هاذي بعياده خاصه غير اللي بولد عندها قالت اي قلت باخذ خرووع قلت كوويس اخذي الأربعاء واذا حسيتي بتقلصات تعالي لي واذا ماصار شي ارتاحي يوم واخذيها على يوم الجمعه وقالت اذا خذتيتها امشي بالبيت لانه يجيب وانتم بالكرامه سهااال وانا طنشت شربت العلبه مثل ماقالت هي 60 ملم ومشيت برا وبس رجعت البيت بطني خلاااااااااااااااااااااااااااااص رايحه جايه الدبليو سي >> الحمام الله يعزكم:037:
وخلاص قال زوجي لاتاخذينه وووبس