صديقتي موظفه وتلح علي تبي فلوس!!

انصحك لا تعطيها رح تتعود عليكي

دام فلوسج انتي محتاجه لها

و ماتقدرين تعيشين من غيرها

لاتعطينها ولا شي

يعني انتي مو مقتدره وفلوسج زايده علشان تعطينها؟؟

وبعدين سألي شوفي اهي ليش تبيهم؟؟

هل شي فيه حياة موت ولابس بتوسعها على نفسها؟؟

حلم العذارى;11131150:

((( الصديق وقت الضيق )))

صح!..

بس لازم كل صديق يراعي صديقه بعد

ولازم هي تراعي إنج إنسان مديونة وعندج مسؤوليات وعندج مصاريف

حرام تسلفينها وتبقين إنتي , جذي!..

*

وإنتي قلتيها ب لسانج ,

إنها إنسانة وايد تصرف وما تحافظ على الفلس

وراتبها أقوى من راتبج

*

يعني الخلل والمشكلة منها , مو منج !..

مو معقولة بتروح تصرف في فلوسها وتلعب فيها

وتسوي لها مشاكل مادية وبتجي تورط معاها صديقتها بعد بهالمشاكل المادية

إذا فعلاً هي تعزج وتحبج

مستحيل ترضى لج تتورطين مادياً أكثر !..

*

إنتي تجاهلي حالياً طلبها وإلحاحها الدائم للفلوس

وإذا شفتيها جادة جداً معاج

كلميها بالطيب والهداوة والصراحة , وماكو أحلى من الصراحة

قولي لها إنتي لو طلبتي عيوني عطيتج .. ما بخلت

بس أنا مديونة , والدين إلي برقبتي أكبر من إني أسلفج

وغير مسؤولياتي وإلتزاماتي ومصروفي .. من وين لي ؟!.. وإنتي تعرفين كم راتبي

كلميها بالمنطق والواقعية

وضحي لها إنج قادرة وحابه تعطيها

بس ما عندج الإستطاعة خلال هالشهرين مثلاً

*

أو قولي لها تصبر ,

لين ما يعتدل إنتي وضعج المادي .. وتعطينها

*

بس نصيحة ,

لا تصيرين ضعيفة ومثالية زيادة عن اللزوم

وخصوصاً في المسائل المادية

الحين الدنيا كلها ماشية على المادة ,

وكل من يقدر يدبر عمره بهلأشياءات

*

عندها أهلها .. زميلاتها .. وايد أكو ناس تلجآ لهم غيرج .. ممكن ظروفهم أفضل منج وقادرين يساعدونها هالشهر

موفقة :f:

:ok::ok::ok::ok::ok::ok::ok::ok::ok::ok::ok:

دامج مديونه اختي
سددي دينج احسن لج
شوفي
قولي لها ان اللي متسلفه انتي منهم طالبوج بالفلووس
ووشوفي شنو هالضرف اللي تحن عليه ابي وابي مايصير تعطينيها فلوس وانتي ماتدرين بتلعب فيهم او لا
ماعندها اهل تتسلف منهم مثلا ؟؟

راي من راي الاخت لانه معاي بالدوام زميلات الاقيهم صرفوا بالهبل احيانا في كماليات وبعدين اشوفهم بالمزح يطلبوا مني او من غيري وانا عن نفسي اشوف الاولويات اللي محتاجتها وبعدين الكماليات واستغرب من تصرفهم ليش ما يوازونوا بسسسسسسسسس بحجة انهم ما يحسوا انهم محرومين من شئ يبغونه <<<<<<<<<<سامحني طلعت اللي في قلبي

انا راح اسالك سؤال
لو انت كنت متضاقية ماديا ومحتاجة فلوس وطلبت منها وهي بعد كانت تمر بفترة مادية صعبة
هل كانت حتدينك او تطنشك وتقولك مديونة وما عندي اعطيك؟؟؟؟؟؟

انت في الاول قلتي انها كريمة وما تبخل على احد فما اعتقد ان 200 دينار يخلوك تحسرين صديقة بمثابة الاخت لان الفلوس تجي وتروح بس الصديق لو راح ما عاد يرجع

قوليلها مثلا اسلفك هالشهر وأجل تسديد ديوني عشانك بس ان شاء الله الشهر الجاي بسددهم
وبعدين لو حسيتي انها راح تستغلك وتتمادى في الطلب منك ارفضي تسلفيها وتحججي باي شئ

وهذا رايي وما اعرف

انا بعد اقول نفس الشي مها عبدو

الصديق وفت الضيق اذا هي وقفت معاج في مواقف ثاانيه وحتى لو ماكانت فلوس تنحسب لها

وانتي الحين لما احتاجه بتعطينها ظهرج

يعني انتي قلتي بنفسج وقفت معاج مواقف كثيره وهي نفس الاخت

وبعدين عادي حتى يمكن تختبر صداقتج لها بهالحركه

جزاكم الله خير انا قررت ااخر كل ديوني هذا الشهر واعطيها اللي تبيه بطيب خاطر مني عطيه موو سلف اتمنى اكسبها ومابيها تزعل مني
واهي بحسبة اختي واتمنى اشوفها مرتاحه ومستانسه لاكن ماراح اعطيها مرة ثانيه لان انا صج صديقتها بس انا بعد عندي اسرة وظروف واقساط
ويااارب تقدر هالشي لاني والله مابي اخسرها واشكركم على تفاعلكم الحلو ومن طيب اصلكم~ احبكم يا احلى عرايس

هذا الي كنت ابي اقوله .. اهم شي الفلوس الي بتعطينها من طيب خاطرج ومو مغصوبه .. ودامج تحسينها تستاهل .. ان شاء الله تقدر هالشي وتعرف قيمتج اكثر...

تحياتي

ام جنى

من صجج
فوق شينه قوه عينه
ليش تقول موب بكيفج لازم تعطيني

عطيها في الويه انج مب جايبتها ونايستها عالسيف عشان تعطينها فلوس :s

عزيزتي ,,, لو كنت مكانج ممكن تحط ببالها


ان ظروفها افوى من ظروفي وو ممكن تفكر


انج التزماتج اقل ,,, بس بالنهايه اذ حبتين تأجلين ديونج عشانها


وو هي صديقتج ووعزيزه واااااااجد لا تخسرينها عشان فلوس


لان الفلوس بنظري زينه وو تروح وتجي لكن الصديق ما يتعوض


طبيعتي عادي اسلف ما افتكر المهم اعطي بنيه صااااافيه


وو قضاء حاجه محتاج وبـــــــــــــس

واااااااااااااااااااي واااي بنات ماصدق انتو جذي

اختي تقولين صديقتج ومثل اختج يعني اختج لا ضاقت عليها دنيا مابتسلفينها؟ مابتوقفين وياها اوكى عليج ديون وماتقدرين تعطينها ل 200 كامل عطيها لو 50 دينار وقولي لها ان عندي ديون ولازم اسددها لو اقدر جان عطيتج كامل هالشي بروحه كفيل انه يفهمها الوضع صح

بس مو متخيله ردود البنات لي تقول طنشيها ولي تقول لا تتعود عليج زين هي ما شحتت منج طلبت طلب من صديقه عزيزه ما تخيل ان في ناس صداقه عندهم جذي