** التجمع الثالث للحوامل اللاتي سيلدن في شهر يونيو ( 6 ) 2010 **

الغــــــلا;11154960:
هلا سيدة القوم

بصراحة كانت حلوه وكانت تمشية وتغير جوو اكثر من شوبينغ

وكنت ساكنة في دبي مول وبصراحة المجمع فضيع واغلب المحلات مسوية تنزيلات واكثر ملابس الاطفال شتويه :( فماكثرت بس اخت البجامات اللي قطعة وقطعتين مع الكبابيس
فوط بس وكان عندهم ملاحف حلوة بس ماخذت لان حجمهم كبير وين احطه :)

وخذت لي جلابيات من القرية العالميه كان في اشيء حلوه

مستحيل اخلص تجهيزاتي من هناك وووااايد اشياء باقي لي ماشريتها ان شاء الله على الاسابيع الجايه ببتدي اخلص اغراض البيبي واغراضي

وان شاء الله مادخل التاسع الا وانا مسكرة الشنطه :013:

حلو كثير بس عساك ما مشيتي واجد وتعبتي نفسك

يتهنى فيهم الصغنون وتتهني بمشتراك يا رب

ياااااااه وأنا جالسة أحاتي متى أخلص تجهيز
حاسة بقلق!

*لؤلؤة بحرينية*;11154976:

سيدة القوم والهنوف شنو طبيعة شغلكم ؟اذا مافي سؤالي احراج

انا اداوم في بنك

و وظيفتي

(MIS)

Management information System

معظم شغلى على الكمبيوتر و ارقام و لف و دواران

سيدة القوم;11154994:
حلو كثير بس عساك ما مشيتي واجد وتعبتي نفسك

يتهنى فيهم الصغنون وتتهني بمشتراك يا رب

ياااااااه وأنا جالسة أحاتي متى أخلص تجهيز
حاسة بقلق!

بصراحه تعبت مع المشي لان المجمعات ماشاء الله كبيره بس الحمدلله كل فترة اقعد واريح

لا تحاتين ان شاء الله بتخلصين وامور البيبي تقدرين تخلصينها في يوم واحد اذا تبين بس اغراضج الشخصيه هي اللي تاخذ وقت

ومشترياتج ماشاء الله حلوه ملبوس العافيه ان شاء الله :)


لؤلؤة بحرينيه

الله يعافيج الغالية

مرحبا شلونكم وشخباااركم
عساكم بخير كاكم

زمان عنكم وحشتوني .ز شلونكم وشلون التجمع ؟؟
شخبار الحمل وياكم ؟؟

انا مرضت وايد الاسبوع اللي فات تكرر وياي هبوط الضغط و الامساك وصل الى حاله عويصه .. و كم يوم ما داومت عدل و الشغل ضغط من قلب .. :( >> دعواتكم لي

في بنات من البحرين وقطر معانا ؟؟ << عندي استفسار اللي تعرف تساعدني

*لؤلؤة بحرينية*;11154976:

سيدة القوم والهنوف شنو طبيعة شغلكم ؟اذا مافي سؤالي احراج

أكيد ما في إحراج حبيبتي

أنا أشتغل في هيئة حكومية
وظيفتي مُترجمة
بس جبت على راسي شغل إداري بعدما طلبت من مديري >> هههه أوين أحب أتعلم!!

الغــــــلا;11155132:
بصراحه تعبت مع المشي لان المجمعات ماشاء الله كبيره بس الحمدلله كل فترة اقعد واريح

لا تحاتين ان شاء الله بتخلصين وامور البيبي تقدرين تخلصينها في يوم واحد اذا تبين بس اغراضج الشخصيه هي اللي تاخذ وقت

ومشترياتج ماشاء الله حلوه ملبوس العافيه ان شاء الله :)

بعيد التعب عنك حبيبتي
ترا هذا اللي يحاتيه زوجي وما راضي يوديني دبي!
يقول كل شي حصلتيه في عُمان للبيبي شو تريدي بعد من دبي!
أقوله أريد أتجهز لنفسي
يقول باخذك العين أقرب وما له لزمة مولات وتمشاية وانتِ حامل!! :01: عاد كيف أقنعه تو ما أدري!

مشكورة حبيبتي وربي يهنيك :) :083:

هلا هلا سنفونية

سلامتك حبيبتي ما تشوفي شر يا رب
عساك أحسن الحين؟

أشوف التجمع منور اليوم :)


يتصفح الموضوع حالياً: 9 (9 من الأعضاء و 0 من الزوار) ‏سيدة القوم, ‏سنفونية حب, ‏عروس ديرتي, ‏Al Hanoof, ‏جمرية الهوى, ‏*لؤلؤة بحرينية*, ‏الغــــــلا, ‏دلوعة قيصر, ‏دودي الشامسي

وايد من الحلوات هني :)

استفساري لبنات البحرين و قطر :-

شلون نظام القطاع الخاص في فترة الولادة حاليا ؟؟
يعني للوالده كم يوم اجازة ولادة؟؟ و لها كم ساعة رضاعه باليوم ؟؟

واللي يعرف اتمنى يساعدني ويخبرني .. وشاكره لكم تعاونكم

منور بوجودج سيدة القوم .. :)

و انا الحمدلله صرت احسن و بدعواتكم يارب بصير بخير وصحة وعافيه
وانت شلونكم وشخباركم ؟؟ << وحشتوني والله

يسلمووو جمرية الهوى .. و الشر ما يجيج
و ابي اعرف عن النظام في القطاع الخاص فترة الولادة

عندج فكرة ؟؟ لان تغير النظام من فترة وابي اتأكد

السلام عليكم
الهنوف مشكورة الشر ما يجيج
سيدة القوم حلوة التجهيزات يتهنى فيهم الحلو
سنفونية سلامااااات ماجوفين شر
باقي البنات اخباركم

جمرية .. اللجين تغير النظام يعطون 60 يوم ولاده

و الحكومي ساعتين رضاعه بس الخاص للحين ما ادري اذا خلوها ساعتين ولا ما غيرها بعدها ساعه ؟!!<< اللي يعرف يخبرني

+

ابي اعرف في قطر بعد شلون النظام اذا ما عليكم امر بنات قطر

الله يهنيك عروس ديرتي
كيفك اليوم؟ عساك بخير؟؟

يا حظكم عندكم ساعات رضاعة
نحن ما عندنا :(

سنفونية حب;11155144:
مرحبا شلونكم وشخباااركم
عساكم بخير كاكم

زمان عنكم وحشتوني .ز شلونكم وشلون التجمع ؟؟
شخبار الحمل وياكم ؟؟

انا مرضت وايد الاسبوع اللي فات تكرر وياي هبوط الضغط و الامساك وصل الى حاله عويصه .. و كم يوم ما داومت عدل و الشغل ضغط من قلب .. :( >> دعواتكم لي

في بنات من البحرين وقطر معانا ؟؟ << عندي استفسار اللي تعرف تساعدني

الف سلامه عليكي يا الغاليه

ما تشوفي شر يا رب

سيدة احنا ساعه ومعترضين عليها ع اساس انها ما تكفي

وانتو ما عندكم خير شر !!! << كيف مستحملين !!؟؟

انتو شلون النظام عندكم ؟