اولا احب اقولكم ازيكو كلكو وحشتوني اوي اوي
انهارده جايبالكو غداي بالصور مع الجمبري بالخضار يارب يعجبكم
الطريقه:
1 بوند جمبري منزوع القشر
1 كيس خضار مشكل (يعني فاصوليا طويله وبسله بقشرها وفلفل االوان مقطع جوليان وكوسه حلقات وبروكلي)
1 بصله مقطعه جوليان
2 فص ثوم مدقوق ناعم
1 ملعقه خل
ربع كوب ماء
1 ملعقه صلصه
1 ملعقه صويا صوص
نبدا بقي نحط البصل مع الثوم ونشوحهم لمده دقيقه علي االنار ثم نضع الفلفل ونضع الخضار
ونقلبهم جيدا ونضع المله والفلفل ولو ممكن شطع هتكون جميله ونضع ربع كوب ماء ونسبهم يغلو علي النار لمده 5 دقائق
ثم نضع الجمري ونقلب ونتركو لمده 5 دقائق وبالهنا والشفا
اسيبكو بقي مع الصور
وزي ما انتو سايفين انا عملتها مع ارز ابيض وكمان باكيد بوتيتو بطاطس مشويه في الفرن وفتحاها من النص وحطاهلها كريم شيز وطعمها روعه
اما بالنسبه للجمبري الاسكامبي ده سهل خالص وطريقته:
2 ملعقه بقدونس مفروم
4 ملاعق كبيره زبده 1 ملعقه خل
2 ملعقه ماء
1 فص ثوم مفروم ناعم ملح وفلفل حسب الرغبه
1 بوند جمبري
نبدا نحط كل المقادير اللي فاتت علي بعضها ونقلبها في قالب بيركس ثم نضعها في الفرن علي 350 درجه لمده 15 دقيقه فقط
واتركو مع الصور:
اما البيكد بوتيتو او البطاطس المشويه :
فهي عباره عن بطاطس ونغسلها كويس ثم نجيب شوكه ونخرمها من 12 الي 24 خرم عشان تستوي كويس بعد كده ندهنها بالزيت ونرشها بالملح والفلفل وندخلها الفرن علي 350 لمده سلعه ونص وبعد ماتستوي نقطعها من النصف ونحط سور كريم او كريم تشيز ويكون طعمها يمي
ومع الصوره :
يارب موضوعي يكون عجبكوا
فضلا وليس امرا اللي تعجبها موضوعي تقيمني
