فائدة الاشعة الرباعيه ( استفسار )

بعيد الشر عنه .. حبيبتي الدكتوره تعرف من الشهر الثالث اذا طبيعي او لا عن طريق عضمة الانف وبعد عن طريق شي في الرقبه على ما اعتقد .. لأني يوم رحت لها اخر مره قالت لي الحمدلله ان الطفل طبيعي ومافيه شي ويبان واضح من وقت..

لتحاتين ولا توسوسين واذا تبين ترتاحين روحي للدكتوره وخليها تسوي لج الرباعي وتطمني بنفسج.. وسأليها عن كلشي في بالج

ايه خلاص خذيت لي موعد الساعه 7 الاربع عند د. فهيمه المطوع واول ما ارجع بقولكم بالضبط شنو صار معاي

آمين يا رب الله يسمع منج اختي
ويقر عينج بشوفه اللي ببطنج يارب

ما تشوفين شر أختي جود والله يقومك بالسلامة يا رب انتي والبيبي ،،

عندي سؤال لك هل ضغطك مرتفع ؟

لأن الأعراض اللي ذكرتيها لها علاقة بالإشكاليات اللي صايرة وياك ،،

أيضا أتفق مع مشرفتنا شانيل ، فعلا البيبي أسبرين له فايدة كبيرة بس مرة سمعت ان يوقف استعماله أول ما تدشي الأسبوع ال34 !!

صارت لك نفس الأعراض اللي صارت وياي يوم حملي ببنتي الأخيرة ، ما أريد أخوفك بس بالضبط نفس اللي تحكي ،،
والطبيبة شافت بواسطة السونار العادي ان المشيمة ( شاخت ) معاي يعني الجنين عايش فيها وهي خلاص موقفة دورها ،، سبحان الله
وعقب طلبت لي عملية طارئة عشان يسعفوا البيبي ، وفعلا ولدتها بأول التاسع وبوزن 2 كيلو و200 غرام بس ،
نسيت أقولك ان الحبل السري أيضا كان مسكر خلاص ، يعني الغذاء ما يوصل للبيبي ، وتخيلي نقصت في بطني كم غرام ..

وكل هاي بسبب ارتفاع ضغط الدم عندي ،،

الله يسهل عليك وأنصحك لا تهملين الأمر ، الأشعة الرباعية ما بتفيدك كثير لأن هالأمور تقدر الطبيبة تشوفها بالسونار العادي ،،

ديري بالك ..

ارتفاع ضغط الدم ما اتوقع لأنه مسويه اخر مرة تحليل
ونسبه الدم اللي عندي 9.8
بس بعد اسبوعين هي راح تشوفني وبخبرها ان شاء الله

انا عندي رحم ذو قرنين
ووصفت لي الاسبرين
وعطتني ابرة الرئتين

اللي ابغا اعرفه من الاشعه ان كان منغولي اولا
لأنه هي قالت لي يمكن يطلع مشوه ولا اعاقه لأنه الدم والاكسجين مو يالس يوصل له من المشيمه

حبيبتي جود أنا ما أقصد ( فحص هيمجلوبين الدم ) ولكن اقصد ( مقاس ضغط الدم ) ..

تأكدي بعدش يالغالية وعسى يار ب ما فيك إلا العافية ،،

تحتاجي تمشي لطبيبة ثقة ، لأن بعض الطبيبات ما يصرحن ،

يبدو ان هيئة الرحم عندك لها دخل في اللي وياك ،

ألف لا باس عليك ، ولا تنسي الإستغفار بنية وصول طفلك بالسلامة ..

طمنينا عليش ,,

ان شاء الله
راح اسأل عن هالموضوع اللي قلتي لي عنه
وان شاء الله اول ما ارجع اكون متطمنه عليه

الله يتمم لش على خير يارب
وتشوفين ضناج بصحه وعافيه
ادعي لش ويا اذان الظهر

الله يطمن قلبج ان شاء الله كل شي بخير

نور الولايه تسلمين حبوبة وان شاء الله ربي يسمع منج

رومانسيه آمين يا رب الله يسمع منج اليوم واتطمن

بشري شو صار جود بالي يمج يا عمري

؟؟؟؟؟؟؟؟

ما سووا لي اشعه رباعيه
سووا لي ثلاثيه
لأنه الماي االلي حوالينه جدا قليل
والجنين ما يتحرك بمكانه ثابت حتى ايده ورجوله ما يقدر يمدهم
ف قالت لي قولي لدكتورتج تتخذ قرار العمليه القيصريه بسرعه
عشان لا يموت في بطنج او تتأخرون اكثر ويعيش بس بيعيش معاق او مشلول
الله كريم

دعواتكم

الله يحفظ جنينج من كل شر و يحميه

و يقومج بالسلامه و تشوفيه بين ايديج سليما معافا بإذن الله

آمين يا رب الله يسمع منج اختي ويسهل عليج حملج وولادتج

آمين يا رب ويرزقج بعد

لا حول ولا قوة إلا بالله العلي العظيم ،،

عسى يا رب يكذب خبرها هالطبيبة وبإذن الله ربي يمن عليك بالطفل الصحيح المعافى من كل مرض وعاهة ،،

فديتك كثري استغفار قد ما تقدري وصلي صلاة الحاجة وربك كريم بيده كل شي ،،

الله يطمنك على جنينك وتقر عينك بشوفته سالم ياااا رب ،،

طمنينا عليك يالغالية وما تشوفي انتي وجنينك الشر أبد ،،

јǿđ;11120360:
ما سووا لي اشعه رباعيه
سووا لي ثلاثيه
لأنه الماي االلي حوالينه جدا قليل
والجنين ما يتحرك بمكانه ثابت حتى ايده ورجوله ما يقدر يمدهم
ف قالت لي قولي لدكتورتج تتخذ قرار العمليه القيصريه بسرعه
عشان لا يموت في بطنج او تتأخرون اكثر ويعيش بس بيعيش معاق او مشلول
الله كريم

دعواتكم

لا حول ولا قوة الا بالله العلي العظيم

الله يقدملج الي في خير ولا تحاتين يا عمري

استخفري ربج

ودائما رددي الاية الاكريمه أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ