التجمع السابع للحوامل اللاتي يلدن في شهر 3 ( مارس/آذار ) 2010 م

بقول لكم شفتون صوبي بنات 2 حاملين فراشات وانا بعد حاملة فراش
وثنتينهمم لابسين ابيض واسود بس مو نفس الشي

هاا شفتوني

صباح النور والسرور عيون المها شخبارش
الحمدلله على سلامة مرت حماج

بنات حصلت لكم عبارات للبطاقات اذا تعجبكم



مـهما تقـولت فيك من أشـعار


فـنور وجهـك وجمال عينيـك
قد سحقت تلك الحروف والكلمات



قال الكمال......(والكمال لله وحدة)


أني بغيرك واحة غناء بلا مــاء


اللهم اجعله من الصالحين المصلحين البارين بوالديهم .
.

رزقك الله شكر الواهب وبر الموهوب



ياهناكم راحة البال يربى مولودكم على طيب الافعال







ياجعل فرحكم يكمل بوصول مولودكم الاجمل.







يا أغلى هدية من الخالق


تتمنى العين ما تفارق
أجمل وأروع مولود
هل بوسط الخلايق







ألف مبروك للحلوين


بقدوم أغلى الغاليين
الله يبارك فيه ويعين
كل من تعب من أجله أمين







يا أغلى الناس والغاليين


مبروك عليكم أحلى الحلوين
الله يديمه لكم يا رب
ويجعل دربه اليقين







مبروك ويتربى بعزكم


ويجعله قدم السعد عليكم
وإن شاء الله ما يخيب ظنكم
ويبارك فيه ويسعدكم







كنتوا بالعيلة 2


واليوم بقدومه 3
عقبال اللي بعده يا رب
وتزيد العيلة أحباب







بقدومه هلت البشاير


وبصوته هز المشاعر
الله يحميه من المخاطر
ويجعله دوم طيب الخاطر







بكرة تمر السنين


وتشوفوه أحلى الشباب
يوقف جنبكم ويعين
وكل المصاعب تلين







حملتيه تسع شهور


واليوم جاه ألف مبروك
والكل وهبه أجمل شعور
وصار بالعيلة مشهور







يا هلا بيه وبقدومه


أسعد الكل بوجوده
نعمة من الرب شوفته
وكل الي حوله يحبونه







بقدومه أشرقت شمس ******


وصار بهجة كل النفوس
نور على دنيانا وجوده
ومن اليوم بنحجزله أجمل عروس







تبدلت بوجوده الاوضاع


وصار كل شيء رائع
الله يديمه لكم يا رب
ويبعد عنكم الاوجاع







ما شاء الله


العين تسر من جماله
تبارك الله
يا زينه في دلاله







زمان أول تحول


ما حد يبقى على حاله
بقدومه كل شيء يتغير
الله يديم الفرحة ويبعد الزعل







ربك يحبك وزادك بشر في بشرك


واهداك طفل يورق باقي غصونك
وشيل طيبة قلبك...وفخرك
ويبدد شجون كل العمر...وشجونك
الله يطول بعمره ( ..........)...وعمرك
والله يصونه لبيت العز...ويصونك
والله يحفظه...ويبقى دوم في أمرك
ابن يحقق لك الأحلام بعيونك







بارك الله لكم في الموهوب .. ورزقتم بره وبلغتم أشده .







بارك الله لكم في الموهوبة .. ورزقتم برها وبلغتم أشدها .







خجلت الشمس و غـــــــــابت *** يوم أشرقت ( يحدد الإسم) بأنوارها


أقبلت و الخير معها فارتوت *** أرضنا العطشى بــــــــــــــــــأمطارها
نحمد رب العباد و نشــــكره *** و نسأله حفظها و دوام صــــــــلاحها
بارك الــــــــــواهب قدومها *** و رزقتم برها و خير دعـــــــــــــواها







يستاهل الصبح وجهك والفرح ثغرك


ما دام ربي رزقك بقرة عيونك
طفل يفتح بدنيا فرحتك زهرك
ويزف سعد الليال البيض في كونك
كل التهاني يعطر حرفها ذكرك
واحلى القصايد ينور وجهها لونك
والشمع عيد...وصبح على الزهر فجرك
وقلوب تنبض غلا...مثلي...يهنونك
ربك يحبك وزادك بشر في بشرك
واهداك طفل يورق باقي غصونك
وشيل طيبة قلبك...وفخرك
ويبدد شجون كل العمر...وشجونك
الله يطول بعمر ( اسم المولود )...وعمرك
والله يصونه لبيت العز...ويصونك
والله يحفظه...ويبقى دوم في أمرك
ابن يحقق لك الأحلام بعيونك







ياهلا باللي على الدنيا حضر ****** مثل نور الشمس وأنوار القمر




بهلته فرحت كل القلوب ****** هذا ( ..... ) عسى عمره دهر


من القلب..
أشكركم لزيارتكم..
إنها المرة الأولى التي أراكم فيها..
لكنني أحبكم.. لأنكم فرحتم بوصولي..
توقيع.. ( اسم الطفل )
****************************** ****
كم هو جميل أن أراكم حولي..
في اللحظات الأولى من حياتي..
محبكم / محبتكم.. ( اسم الطفل )
****************************** ****
أعلم أنكم تحبونني..
لذلك جئتم وزرتوني..
وأنا سعيد بوجودكم حولي..
توقيع: ( اسم الطفل )







لو كان ولد تكتبين ,,,,,,,,انا فلان جيت ونورت لكم البيت


ولو كانت بنت ,,,,,,,,,,, تكتبين انا القمر جيتوا تشوفونى لعيالكم تخطبونى

انجنيرا
صباح الورد اختي ، شخبارج؟

الحلم الأزرق
تسلمين حبيبتي عيونج الحلوه ، والبطايق مثل ماقلت لج ليحين ماستقريت عليها ...

بنات امس باقولكم شنو صار لي بغينا نروح فيها رايحين مطعم ولف ريلي في الدوار كان شاحنه بدش على صوب ريلي وولدي بسرعه ركب ريلي الرصيف الشاحنه ادور بالدوار معانا بس الاخ مالفها عدل بس تخرع ريلي اول شي حذف عليه قوطي الكلينكس وبعدين صفه على جنب وركب له وطقه ويايني قالي صادج شي قلت لها وتمت عيني تدمع لانه كان ممكن يصير شي وخبرج التخيلات وتميت قابضه محمد في يدي مارجعته ورى

جود الحمدلله بخير امس تطمنت عليها رخصوها بس باقي عبادي ليحين بالحضانه ربي يحفظه ، ادعوا له ان شاء الله يزيد وزنه ويطلع بسرعه ...

بحرينية حلوه طرشت لي مسج ماخذه سك ليف يومين ، بس قلت لها دخلي من البيت وليحين ماشوفها ، شكلها ماتسمع الكلام ام دبه ...

انا كنت في المعرض من 12 الا لي وحده وشوي ، بس كنت اغلب الوقت بروحي لأن بنت خالتي الفاجه تنقع لها في المحل الواحد اكثر من نص ساعه وعاد انا ابي اتسوق شفت ان هاللون مابيمديني فرحت تفررت بروحي واهي من اول مادخلنا لي ماطلعنا ماراحت الا 3 اماكن بس في قاعه وحده ...

اهلين عيون المها شخبارج؟ وشلون اختج؟

حنين ام
اسمج من مساعه اشوفه تحت ، بس مالج حس ، شخبارج؟

وثاني شي كان امس ولد حماي عندي كان يبي محمد ولدي وبين فتره والثانية يصيح يبي امه شوي الا عطيتهم حلاوه الا حمودي ياني يقولي ماما سوت لي سوس وتم يرجع وطلع اللي في جبده كله ضاربة هوى وولد حماي يوم شافه تم يصارخ يبي امه وابوه وتم يصيح بقمة راسه متخرع وعلى طول جى ابوه يقول هذي يتصل لي يصيح وامه في المسشتفى تتصل وتصيح تبي ولدها عاد قال مادري شاسوي بهم
عاد الله يسلمكم ولدي بعد مره ثانيه رجع ويه ريلي جابة له تحميلة للوعه ودوى حاولت احط له التحميله يبس عمره ومارضى وتم يصيح وريلي الله يهداه تم يصارخ علي وقلت له لاتصارخ تخرع الولد زياده قام وزعل مني على ايش مادري بس والله حطيت بس حق ولدي فكس على صدره وبطنه ونام والحمدلله الحين اشوه
بس منقهره من ريلي يعني انا الحين ماعرف ولا افهم شلون احط تحميلة حق ولدي كل مرة احط وولدي تخرع زياده بسبة ابوه وتم يصارخ

عيون صارت لج مشكلة

انا بعد علاوي طاح من الدرج ويقول ما يقدر ياكل وبطنه يعوره مسحته بزيت زيتون دافي

عيون المها
الله حفظكم من هالمتهور ، صج يعني في ناس ماعندهم اخلاق في السياقه ، انا جذي لين اطلع اسوق او ويا احد احس قلبي في بطني من الخوف من هالأوادم اللي ماعندها فن وذوق بس هرانه وتدخيلات على خلق الله ويتسببون في حوادث بعيد الشر ...

مايشوف شر فديته ولدج ، وان شاء الله ماعليه الا العافيه ، بس وديه طبيب احسن يجوفون شنو فيه بالضبط؟ ولاتزعلين على ريلج ترى انا بعد ريلي من حملت وهو صاير عصبي اكثر من قبل احسه كله يحاتي ويخاف علي وعلى بنته من الحين ، حتى امس اسأله بتدخل وياي في الولاده؟ يقول لا ماقدر اشوفج بهالحاله سامحيني :(

هودي هذي السالفه صارت حق حماي واهو صغير كله يتقلب وانقلبت معدلته وتم 13 يوم مايقدر ياكل سباح الله ويوم العيد تقول ودته حق مسااده قالت معدته منقلبه ودلكته اول يوم قام يطلب لاكل وتموا 3 ايام يودونه والحمدلله رد الولد طبيعي انتي حاسبه لانه المستشفيات مايعرفون شنو السالفه وديه حق مساده تعرف عدل وان شاءالله يصير بخير

ويه تحملي يدش معاج بالولاده بيكرهج بعدها ههههههههههه بيشوف لوعة الجبد انا ريلي لانه اول مره ياحاول يثبت ولدي عشان ادخله التحميلة والولد يتفلت عباله عورته وانا ماسوي شي بس انقهرت لانه جرحني واهو يصارخ واكره مايكره اقوله لاتصارخ لانه خرع الولد زياده من الدوى

عيون المها

انه اليوم بخليه يمكن يصير اوكي واذا ما صار زين بوديه

دلوعة

عجبتني االبطاقة وقعدت العب فيها عد اذنج طبعا

سويت وحدة ثانية

عيون المها انشاء الله بعد اسبوعين نزوركم في قطر بس مو اكيد

وين عندكم اماكن حلوة ؟؟

حياج الله والله الحين في اماكن وايد حلوه تقدرين تروحين فلاجو ولاند مارك والستي سنتر بس فلاجو غير طبعا هذي بالنسبه للمجمعات
وعندج سوق واقف وفيه مطعم ايراني حلو اسمه اصفهان وفي مطعم هندي اسم رويال تندور بتشكريني اذا دخلتيهم
وعندج اللؤلؤة من احلى الاماكن الحي وفيها مطعم لبناني اسمه كانه شي الحمام بس متذكرته عدل وفي مطعم ايطالي يمدحونه بس مارحت له وفي من الكوفيهات شاكلت بار محل من لندن يمدحونه وكوافيه حلوه
وفي لاند مارك كوفي مايا وايد حلو وبعد امري شنو تبين تعرفين عن الاماكن واذا تحبين ادورين في متاحف روحي المتحف الاسلامي على الكورنيش

شكلهم وايد حلوين هالاماكن وانشاء الل يمديني ازورهم كلهم

وبسالج حديقة الحيوانات عندكم فيها العاب لو بس حيوانات

وشكرا على المساعدة

تسلمين حبيبتي هودي ، حلو الكلام اللي مكتوب يعطيج العافيه :)

اليوم نهاية ظهري بزوده يعورني كله اخاف اولد وانه للحين ماكملت تجهيزاتي ههههههه