التجمع السابع للحوامل اللاتي يلدن في شهر 3 ( مارس/آذار ) 2010 م

يتوم
صباح الورد ، شخبارج ؟
رحتي البوفيه اللي يم شغلكم والا ليحين ؟

شوشو 84
اهااااا يبيله عيل ، انتي من المحرق شكلج وريلج مال الرفاع ؟

الحلم الأزرق
تيت حبيبتي ناطرينج ...

شوشو84
صباح النور والسرور ، يعطيج العافيه اي انا سامعه عن ايكيا عنده وايد من هالسوالف بس انا ريلي مستحيل يوديني السعوديه اعرفه ، الاستكانات مو مشكله ان شاء الله تحصلين شي حلو في البحرين وتفتكيت ، انا بحاول اليوم اتمرر لي جم محل واذا حصلت شي بقول لكم ، ههههههه يحليله مسؤولج مايحس انج حامل وتعبانه صج ماعنده سالفه يطنقر ...

اي دلوعة انه محرقية حتى النخاع لكن القدر وداني الرفاع هههههههههههه

للحين والله ما رحت لانة احس هالايام فيني لوعة ما ادري ليش :(

امس رحت المعرض بس تكسرت من صج تكسرت .. ومرت اخوي تبي تروح اليوم وتبيني معاها :(

ما عرفت اتشرى على كيفي لانة معاي زوجي وعمتي ..

فديت المحرق واهلها ، انا بعد نفس الحاله بس للأسف رحت المدينه ههههههههه ماحبها مادري ليش ماقدر اتقبلها :(
انزين بما انج مواليد 84 كبري يعني ، في احتمال كنتي تجاري؟

لااااا دلوعة كنت علمي مغصوبة بعد :(

يتوم
بسم الله عليج اختي ماتشوفين شر ، اي والله انا حدي خاطري اروح بس ادري بروحي بتعب وايد ، اي اكره شي لين وايد ناس وياج ماتعرفين تاخذين شي وعلى اقل شي يعلقون الا ليش والا مالج سالفه ، انا اقول روحي ويا وحده ترتاحين لها ولبسي جوتي والا نعال مريحه ، انا افكر مالبس عبايه لأني وايد اتغربل صراحه كل شوي ارفعها مابي اقصرها وبس انا بودي بنت خالتي وياي يكون ماتمللني بكثرة الاسئله ...

شوشو
اي جامعه درستي وشنو تخصصج؟

بنات امس رفيجتي متصله كانت في المعرض تقولي في السكر المغلف الي اييج على ماركات الجلاده مالتهم حق المستشفى الي يبي

جان اتشجع وحدي مستعيلة ابي اروح المعرض ههههههههههه .. اليوم عندي موعد الساعة 6 ونص اذا 7 كملت باروح المعرض شويونه عن خاطري

انه جامعة المملكة اكونتنق بس اشتغل في وزارة منسق اداري خخخخخخخخخخخخخ يعني كلش ماله دخل في التخصص بس مافي شغل شنسوي :(

شوشو
ان شاء الله تتطمنين بموعدج وتروحين المعرض ، كلنا صراحه يبيلنا هجوم على هالمعرض عاد ماسووه الا حزة المعاشات حده زحمه خطر لحد يطقنا على دبابنا ، وحزة بطونا شكبر كل وحده تمشي جنها بطريق هههههههههه

زين احسن لج شغل اداري ، وشلج بالاكاونتنق ارقام وعوار راس ، انا درست لي دبلوم في جامعة البحرين نظم معلومات اداريه ، لين لاعت جبدي وعقب اخرتها تخرجت من AMA العريقة وشغلتي بعد تقريبا ادراية بس فيها حسابات و ارقام على خفيف ...

با تليقف معاكم انا شغلي غير عنكم لوعة جبد اقعد اطالع التلفزيون واضيع وقتي مع النت


لان ما عندنا شغل في قسمنا بس نراقب قنوات البحرين لان شغلي في قسم الارسال التلفزيوني

لازم نشوف اذا القنوات شغالة او لا و اذا صار اي مشكلة في اي قناة اخبر الفنيين اييون ويصلحون الاجهزة

انجنيرا
بالعكس لا لقافه ولا شي حياج اختي ويانا سولفي ، والله زين شغلج احسه مايتعب وايد ، انا بعد شغلي حلو بس قسمنا 3 ارباعهم باكستانيين ويلوعون الجبد كله يكرفون ، بس حزات تشوفينهم راقدين ومايدرون وين الله قاطهم ...

مسكينه بحرينيه ليحين تعاني ويا النت مالهم في الشغل :(

Daloo3t_Obooy;11185838:
انجنيرا
بالعكس لا لقافه ولا شي حياج اختي ويانا سولفي ، والله زين شغلج احسه مايتعب وايد ، انا بعد شغلي حلو بس قسمنا 3 ارباعهم باكستانيين ويلوعون الجبد كله يكرفون ، بس حزات تشوفينهم راقدين ومايدرون وين الله قاطهم ...

مسكينه بحرينيه ليحين تعاني ويا النت مالهم في الشغل :(

احنا بعد قسمنا كله باكستانيين تلوع جبدي من ريحتهم بس الحمدلله عطوني مكتب بروحي وافتكيت من ريحتهم

بحرينية اي شكلها مسكينة للحين تعاني من النت وحشتنا سوالفها وطلتها اليوووم

وقلب البتول ان شاء الله ما ندخل باجر الا صافة لنا عشر صفحات خبرج هي زام ليل

شوشو ويتوم شخباركم وشخبار إدبابكم

بحرينية ما يصير جذي عاد إذا ما قدرتين تدخلين ألحين دخلي الليل وحشتينا عاد ما يصير جذي الله يغربله من نت

دلوعة أني بعد خاطري أروح المعرض أم زوجي وخواته توني متصلة فيهم قالوا إنهم في المعرض خاطري أروح أبغي آخذ مفرش للولادة

انجنيرا
احنا اشوه مو خايسين ، بس فيهم غباء مو طبيعي ، يعني صج مدراء ودارسين مادري في وين ومعاشاتهم فوق بس المخ لج عليه شوي ، اي والله قلب البتول وحشتنا الدبه ...

الحلم الازرق
طرشت لها مسج قلت لها كلمي الIT هذي مب حاله يعني مانقدر نسولف وياج بروحه الشغل ملل الواحد يحتاج يرفه عن نفسه صراحه ، انا بحاول قد ماقدر اروح السبت الصبح وان شاء الله نحصل اشياء زينه وتسوى ...

برب بروح اصلي ...

عيون المها شخبارج ؟ مالج حس اليوم عسى ماشر ...

هلا بنات شخباركم قاعده اقرى الصفحات اللي قبل وانزل برنامج حق جهازي الزفت مادري متى باوديه اصلحه