الرئيسية النساء و الحمل و الولادة إستفسارات النساء و الحمل و الولادة التجمع السابع للحوامل اللاتي يلدن في شهر 3 ( مارس/آذار ) 2010 م

التجمع السابع للحوامل اللاتي يلدن في شهر 3 ( مارس/آذار ) 2010 م

om 3lawi 18-01-2010 1,578 رد 28,548 مشاهدة
n
no0or_3aini
عروس مشرقة
18-01-2010 | 11:31 AM
امس حلمت انه ولدت وجبت بنوته مثل القمر ويها صغير وشعرها اسود ان شاءالله حلمي يتحقق واشوف بنتي
D
Daloo3t_Obooy
عروس برونزية
18-01-2010 | 11:34 AM
بحرينية_حلوة
اي حبيبتي شوفي روحج اذا تعبانه ردي البيت ، ارتاحي احسن لج ...

عيون المها
ان شاء الله بيتحقق حلمج وتشوفينها بين ايدينج بالسلامه يارب ...

الحلم الأزرق كأنها كانت موجوده من شوي ولا انا اتخيل ...
n
no0or_3aini
عروس مشرقة
18-01-2010 | 11:37 AM
بنات شاسوي ولدي ماياكل ملوع جبدي ويقول ابي بيض وابي سندويش جام واسوي له وماياكله على حطته
ب
بحرينية_حلوة
عروس رائعة
18-01-2010 | 11:46 AM
شكبر ولدج عيون .. ؟!!!
s
shosho84
عروس متألقة
18-01-2010 | 11:48 AM
بنات ابي اخذ لي اطقم ثياب الياهل مع مهاده وقبعته بس مابي الي افصلهم الغلاية ابي جم قطعه جاهزين وسعرهم معقول لان الغلاية خذت حق المستشفى ابي حق البيت بعدين
ب
بحرينية_حلوة
عروس رائعة
18-01-2010 | 11:53 AM
شوشو .. في محل في البوكوارة اسمع فارنا .. اييج طقم ثياب الياهل ( هاي الخفيف كلش ) مع المهاد ماله .. بدينارين .. و في بعد كل شي بروحه .. ان الثياب بروحه اذا تبين و المهاد بروحه .. كل قطعه بدينار ..

و عندنا محل في المحرق اسمه الخاجة .. عنده هالأشية بعد ..
n
no0or_3aini
عروس مشرقة
18-01-2010 | 11:56 AM
ولدي عمرة سنتين و3 شهور
ب
بحرينية_حلوة
عروس رائعة
18-01-2010 | 11:59 AM
عيون المها .. عن تجربة مع عيال اختي و اخوي .. انهم من يطقون سنة و نص تقريبا نحاسة الأكل تدق براسهم .. !!!
حاولي تراشينه بشي .. انج بتطلعينه مكان مثلا اذا كل .. او بتعطينه شي .. ادري مو الكل يفيد فيهم هالاسلوب بس حاولي ..

الله يخليه لج ان شاءالله
n
no0or_3aini
عروس مشرقة
18-01-2010 | 12:01 PM
ويه عبالج ماحاولت عاد اليووم قلت حق امي تمر عليه لانه عندي موعد العصر بنزلني ريلي الموعد وابوي يمكن يجي ياخذني او ريلي يرجع لي المهم قلت لها اخذي لانه بعدين طريج المستشفى وطريق بيت ابوي غير اخليه عندهم ولين رجعت انزل بيت ابوي قلت له ياولد الحلال ماما بتي تخذك اكل واذا ماكلت مافي روحه
قلت للخدامه طلعيه الحوش يمكن ياكل بس تم يلعب ولاحط شي بحلجه عيزت معاه ويوم دش قال ابي حليب
ب
بحرينية_حلوة
عروس رائعة
18-01-2010 | 12:06 PM
ههههههههههههههههه يحليله .. و الله يهديه .. شاقدر آقول غير جذي
n
no0or_3aini
عروس مشرقة
18-01-2010 | 12:08 PM
بحرينية حلوه خلاص ولدج يبي يطلع هههههههههههه يبي يشقج
s
shosho84
عروس متألقة
18-01-2010 | 12:12 PM
مشكورة بحرينية انه رحت فارنا وخذت 2 من النفانيف الخفاف بس ساده كانوو وماحطيت بالي على المهادات بامر مره ثانية باجوف :)

والخاجة بعد رحت قالي كلشي تبين تفصيل وماعندنا موديل انتي يبي هههههه
ب
بحرينية_حلوة
عروس رائعة
18-01-2010 | 12:17 PM
عي المها ون;11100603:
بحرينية حلوه خلاص ولدج يبي يطلع هههههههههههه يبي يشقج



ويييي سكتي عيون .. لا تخرعيني واللي يسلمج ..


shosho84;11100638:
مشكورة بحرينية انه رحت فارنا وخذت 2 من النفانيف الخفاف بس ساده كانوو وماحطيت بالي على المهادات بامر مره ثانية باجوف :)

والخاجة بعد رحت قالي كلشي تبين تفصيل وماعندنا موديل انتي يبي هههههه



عيل باسأل اختي من وين خذت و باقولج .. عبالي الخاجة عندهم جاهز ..

اييي جنه في محل يم بودي شوب اللي فسوق المحرق مال يهال .. يقولون عنده اشيه زينة
n
no0or_3aini
عروس مشرقة
18-01-2010 | 12:17 PM
بنات خاطري بمعكرونه طريقة جديدة قولوا لي شي حلو عندكم ابي اسوي>>>>>>>>>> مترددة ادش المطبخ هههههههههههههه
D
Daloo3t_Obooy
عروس برونزية
18-01-2010 | 12:21 PM
كروشات توها رفيجتي متصله فيني اهي اجازه وتقول فاتحين جوسي كوتور في مجمع العالي محل مكس سابقا ، وفي عندهم شنط حفاظات حلوين معاهم المات والمريله وفوطه صغيره ، يبيلنا نمر ونشوف ، انا بحاول اليوم امر وبخبركم ...

انا عجبوني ذلين من النت ...







ب
بحرينية_حلوة
عروس رائعة
18-01-2010 | 12:23 PM
عي المها ون;11100678:
بنات خاطري بمعكرونه طريقة جديدة قولوا لي شي حلو عندكم ابي اسوي>>>>>>>>>> مترددة ادش المطبخ هههههههههههههه



باقولج طريقتي السهلة و اللذيذة ..

المقادير ..
جيس مكرونة ( اي شكل تحبين )
صدور دجاج
كوسة
مشروم
بروكلي
كريمة خفق
صلصة الباستا
جبن موزاريلا
مكعب ماجي
ملح
فلفل أسود
أوريجانو ( حسب الرغبة )


الطريقة ..
تفوحين المكرونة و تخلينها نص سوى ..

تقصصين الدياي مكعبات صغار أو شرايح و نفي الشي الكوسة تقصصينها شرايح
تسوين الدياي في سوية زيت ليما يستوي عدل .. عقل تحطين فوقه الكوسة و البروكلي و تخلينهم يذبلون شوي عقب تحطين المشروم .. و تحطين فوقهم مكعب الماجي و تحطين الفلفل الأسود

عقب تحطين المكرونة فوق هالخليط و تصبين كريمة الخفق و الصلصة ( قد ما تبين ) .. عقب ذوقيه اذا كان ناقص ملح حطي شوي ..

و قبل التقديم حطي شوية جبن موزريلا و خلطيه مع الباستا ..


وعقب ماتنجبينه في الصحن .. رشي شوية اوريغانو على الويه ..

هني و عافية ..

((( اذا ))) سويتيها و عجبتج .. ادعي لي

او تدرين .. جذي جاك ادعي لي .. :040:
ب
بحرينية_حلوة
عروس رائعة
18-01-2010 | 12:27 PM
الحلم الأزرق ..شخبارج اختي .. شفيج ساكتة عسى ما شر .. ؟!!!

خليتي دلوعة تشك فروحها
n
no0or_3aini
عروس مشرقة
18-01-2010 | 12:33 PM
ويه سكتي كريمة خفق وماعندي والخدامة مسويه غدى دال وناشف عاد انا كلش ماكله العاده تسوي لي معكرونه مع صويا وخضار كان خاطري بشي غريب وين اخليها اطلع لي دياي
امي الحين ماره على ولدي باشوف ريلي نطلع نتغدى برع بس مشكورة على الوصفه باخليها لين توفر كامل مكوناتها
n
no0or_3aini
عروس مشرقة
18-01-2010 | 12:35 PM
المشكله انه مطبخ اهل ريلي في الحوش وخبرج البيت فيه كم خدامه وانا من النوع ماحب ادش واسوي شي في مكان مب لي ولا اعرف اغراضي حلاته مطبخي بروحي الخبط واتفنن فيه بكيفي واعرف شنو في ثلاجتي يالله الله كريم وتي الفلوس عشان نعدل الطابق لنا واسويه شقه محترمه
ب
بحرينية_حلوة
عروس رائعة
18-01-2010 | 12:36 PM
افا عليج .. حاضرين ..

بنات انا ماشية الحين .. مب قادرة اقعد مادري شفيني .. جني بارجع ..

ياتني اللوعة مالت بداية الأشهر ..

نجوفكم باجر باذن الله
X