التجمع السابع للحوامل اللاتي يلدن في شهر 3 ( مارس/آذار ) 2010 م

انا تمام والله امس منهد حيلي احس عمري طولت بالرقده معني اقوم حق روحة الحمام بس اروح وانا عيوني مشبنه هههههههههه وقمت اليوم الا شد في ريلي وادور ريلي قايم حاولت اشد ريلي واعدلها يوم اتسعدلت الا اهو داش قلت له في بالي انك رحت كنت محتاجه لك تعدل ريولي

بنات تلاحظون الشهر 7 مر بسرعه

دلوعة اتصلوا فيج التخصصي لو الا الحين

عيون والله الشهر السابع اطول شهر مر بحياتي

حنين ام
لا والله ليحين ...

اي فديتج مع المحاتاه انا لانه عندي مواعيد احسه مر بسرعه ان شاء الله الثامن بعد يمر بسرعه هههههههههههه

عيون المها
بما انج مو بكريه ،في ولادتج الأولى هل ولدتي بموعدج والا جدمتي أو تأخرتي؟

انا في ولدي تاخرت 10 ايام بس لاعت جبدي ويمكن لاني مامشيت كلش الا يوم وصلت نص التاسع لانه امي كانت مسافره وخايفه اربي كنت

مشكورين بنات عا المعلوماااااااااااااااااااااات الدكتورة عطتنى تمارين اسويها لمدة اسبوعين بس اتعب ما قدرت كلها يومين اتبعتها وخلاص لكن راح امشى ان شاء اللة واللة يسهل على الجميع يا رب

عيون المها
ان شاء الله هالمره تربين بموعدج ، احس اكره شي الوحده تدخل العاشر ، ان شاء الله ياربي اجدم اسبوع واولد بعيد الأم 21 مارس ...

الحلم الأزرق;11110994:

هلا إنجنيرا شخبارج إحنا بخير الحمدلله إنج تطمنتي على البيبي واليوم أنا عندي موعد العصر بروح أطمن على فطومة إنشاء الله كل شي يكون أوكي أنا بس انام على ظهري أحس نفسي بينقطع بس أتنفس من خشمي

يله روحي الموعد وتعالي طمنينا على فطومة ان شاء الله ما تسمعين اليوم الا كل خير

انا تعبانه بنات
ما ادري شسوي
توي يلست اصيح
ابوي يقول لي ما في فايده تسوين هالاشعه
قلت له ابي اعرف كل تفاصيله
يقول لو عرفتي انه مشوه بتطيحينه يعني
ما ادري شسوي
قال اذا انتي مصره بكيفج
بس ما في فايدة انتظري الدكتورة تقول لج عن الاشعه
قلت له ما يبين بكلامهم لا حق ولا باطل
وانا ابي اتأكد اكثر
ما ادري شسوي ! اشوف عمري حيرانه

نصحوني بنات

مادري شقول لج جود، في النهاية ذي ابوج، وانا من رايي انج تسوينه تتطمنين على البيبي اكثر بحكم ان جهازها متطور اكثر ، وتركي عنج الصياح، قوليله ضناي ومن حقي اتطمن عليه، شنو بطيحه يعني، احد يرضى ينزل ضناه ماعتقد ...

دلوعة شنو بتتغدين

آه من قلب والله
ما اطلب من ربي غير يسهل امري
لأنه مو يالسه اشوف حد واقف معاي جد
غيركم انتوا !

والباقي ما همهم الا اذا مشوه او معاق ما يبونه !
كلهم حتى زوجي معاهم

جوود حبيبتي سوي الاشعة وتوكلي على الله ترى قبل ماتدفعين هناك مكتوب انه هالاشعة تكشف عن تشوهات الجنين وكل مايتعلق بالجنين على الاقل تطمني وبس عقب هلاشعة وكلي امرج لله وماتدري كل شي فيه خير لج الله كاتبه

حنين ام
بس بخلي غداي لي البيت مع اني يعت ، كلت لي ايسكريم ذهب ...

جود
الله يسهل امورج ان شاء الله يارب ، ماعليج منهم ان شاء الله مافيه ولا شي من هالاشيه ، خلي ايمانج بالله قوي ، واذا ماوافق ابوج يوديج شتسوين بعد؟ مالج الا الصبر والدعاء ...

بروح بروحي الموعد ما بودي لا ابوي ولا زوجي
ما ابي اسمع كلام يضايقني كاافي
توي قلت لزوجي باخذ السيارة
عشان ابوي ما بييني لين شقتي
عشان ما ابين له الموضوع بكبره

حاولي تقنعين زوجج انه هالشي الله كاتبة ولازم مايعترض على كتبت الله ولازم تودينه معاج انتي بتروحين العياده وبتجوفين كل وحده قاعده مع زوجها بيعورج قلبج والدكتورة يمكن ينكسر خاطرها عليج لانج بروحج ياية المفروض زوجج ايي عشان يجوف بروحة وماتدرين عقب مايجوف البيبي يمكن يتغير لللاحسن معاج لان يبين الياهل عدل واذا ماعجبة وكلي امرج لله وحقرية الصراحة لان المفروض اهو الوحيد الي يوقف معاج مو يبتعد عنج ويطنقر واهو المفروض لو اخته مكانج مابيرضى زوجها يسوي فيها مثل ما اهو يسوي حاقرج وقاط اللوم عليج ومب عاجبة ومب راضي بكتبت الله!!؟؟


وايد قصتج عورت قلبي الصراحة بس لازم تجوفين حل مع زوجج اول وعدلو علاقتكم ولازم يوقف معاج في الحلوه والمره وانتي الي فيج ومضايقج مب الي في بطنج انتي متضايقة من معاملة زوجج معاج ..

الله يهون عليج ويريح قلبج ان شاء الله ومالج الاا الدعاء حبيبتي وطمنينا عليج اليوم :)

الله يعين والله شوشو
اخاف تخنقني العبرة واصيح جدامه وانا ما ابي تنزل دمعتي جدام زوجي
بس على المغربيه بمر بيت هلي باخذ ال 50 من امي
وبقول لزوجي انه يجهز حاله عشان ايي وياي