اخواتي ......... ياليت تطمنوني

هلا المخملية ..... يمكن ما أفيدج كثير ..... لكن أحب اني أنصحج ..... لأن خالتي وبنت خالي كان عندهم أكياس فوق المبيض ..... ولما سوولهم عملية كان حظهم دكاترة بدون ضمير ..... فشالولهم المبايض ..... والحين كل وحدة فيهم بمبيض واحد ..... فديري بالج ولا تسوين عملية من غير سؤال ..... لكن أعتذر لأني ما عندي معلومات كفاية ..... لكن قريت ان الرياضة والوصول للوزن المثالي أولى خطوات التخلص من التكيس في المبيضين ..... وأعتقد ان الموضوع هين فلا تخافين .... وان شاء الله تتخلصين منهم بسرعة ...... ان شاء الله أكون أفدتج ولو بالقليل ............ :) !!!

اختي المخمليه شفاك الله انصحك باستشارة اكثر من طبيب
اما عن تجربتي الخاصه فتتكون لدي اكياس فوق المبيض
واعمل اشعه واتاكد من ذلك ويكون الالم بسيط وبعد الدوره
اعمل اشعه ثاني مره واجدها اختفت .

اخت زوجي كان عندها نفس الشي...

لكن على طول شالولها هالكيس...
والحمدلله اتخلصت من الالم...

هذا لو الكيس فوق المبيض..

لو انتي تقصدين تكيس المبيض...هذا عادي...ومنتشر كثير ...والطبيعي ان المبيض يكون حوله كيس...

نصيحه لا تروحين مستشفيات خصوصيه..تراهم بيطلعون فيك بلاوي الدنيا...عشان بس ياخذون فلوس....

واخرتها يطلع شي بسيط...

عزيزتي ام سواف هلا والله باهل الكرم والجود هلا باهل الامارات

بالاول احب اشكرك من كل قلبي لاهتمامك بموظوعي واشكرك على نصيحتك ولو انها

خوفتني من الدكاتره الله يستر وبالعكس وشلون ما افتيني انت نبهتيني لشئ حيل مهم

تسلمين والله يا الغاليه

...................................
اختي افنان هلا بك
تدرين كلامك حيل طمني تدرين ليش لاني لي حوالي الخمس شهور ما جاتني دورتي

ودكتورتي عرفت ومعنى كلامك لو دورتي جات احتمال كبير ان الاكياس تختفي

واحتمال بعد ان سببها عدم انتظام دورتي صح افنان يا سلااااااااام والله فائلتيني

يا شيخه الله يسهل امرك
...............................
هلا هلا هلا والله عروس قديمه وصاحبه احلى مواظيع جديده

عزيزتي كلامك يطمن بس ودي اعرف وشلون شالوها لاخت زوجك جراحه ولا منظار

تخدير موظعي ولا كلي يا ليت تفيديني ولو كلفت عليكي

ايه وابي اقولك ان انا اراجع عند استشاريه بمستشفى خاص وهي ما ايدت اني اشيل

الاكياس الا بعد الثلاث الشهور اعتقد ان عندها ظمير لانها ما عجلت بشيل الاكياس

تعتقدين استمر معها ولا اروح مستشفى حكومي ولو انه متعب

مره ثانيه اشكرك من كل قلبي لاهتمامك بالموظوع

هلا المخمليه.....

انا الحين فهمت عليك...
انتي عندك كيس فوق المبيض..مو تكيس؟؟؟؟صح؟؟؟

لأن لو تكيس...التكيس على ما اعتقد ينشال بالأدوية..مو بالجراحه.....

اما لة في كيس فوق المبيض هذا غير....

المهم...
بالنسبة لاخت زوجي كان عندها كيس.. دم فاسد متجمع فوق المبيض....وشالوه....
بجراحه مو منظار...
تدرين شو..
اصلا هم كانوا بيعملون لها الزايده..بس لقوا هالكيس وشالوه...


اما لو عندك تكيس المبايض..انصحك...
ابتعدي شوي او قللي من اللحوم وخاصة الدجاج..وعليك بالخضروات

واي استفسار انا في الخدمه

اختي الغاليه عروس قديمه

ما قصرتي كفيتي ووفيتي وكثر الله من امثالك يا بعد ي

مرحبا المخمليه

انا ممكن اقدر افيدك كثير لان امي طلع فيها مثلك بالضبط على المبايض واحد صغير واحد كبير فقالتله الدكتوره وهي بصراحه مره شاطره لازم نشيلها والعمليه مره سهله
وفعلا شالتها امي بس قالولها لازم تستمرين تاخذين اشاعات لمدة سنتين لان فيه احتمال كبير انها ترجعلك لكن الحمد لله مارجعتلها وزي ماقلتي عطوها حبوب منع الحمل عشان الحبوب تعمل على تفجير الاكياس اللي تطلع اتمنى اني اكون افدتك ..

ولاتخافين ولاشيء هذي اغلي الحريم صار يطلع فيهن بس انتبهي تشيلين المبايض
وماتشوفين شر انشاء الله..

حبيبتي ليان تسلمين يا الغاليه الله يسعدك والف الحمد لله على سلامه الوالده

والله يطمنك بس انا ما رظت انها تشيلهم لي فظلت اني استخدم حبوب الحمل ثلاث شهور

اول ووالله ما ادري هل رايها زين وصايب ولا لا الله يستر

مشكوره ليان يا نظر عيني