قناة أم بي سي 3 للأطفال

بصراحه انصدمت ماكنت متوقعه انها تعرض مثل هلاشياء

المشكله اني احط عليها لبنتي اذا كنت مشغوله

من اليوم بمسح هلقناة

جزاك الله خير على التنبيه

الصراحة انا كنت كله طيور الجنة
بس حسيت ان عمرها صار اكبر من هالرقص والدلع الحين

قمت اخليها اتشوف قناة البراعم احسها تعليمية اكثر

الله يجيرنا من هالقنوات
يعطيج العافيه على التنبية

بصراحة القناة هذي ماأحب أحطها لبنتي كلها فساد وعنف وبما انها للأطفال المفروض يراعون سنهم , مرة شفت حلقة من حلقات توم وجيري وكنت اتابعها مع بنوتتي واستغربت انهم ماحذفوا المشاهد ,, هذولا اللي يشتغلوا في القناة مو مسلمين ولا كيف؟؟؟ يعني شلون مسلم يهدم اطفال المسلمين..
ليش مانعمل حملة ضد هذي القنوات علشان تتعدل.؟؟
انا افضل قناة اطفال عندي قناة البراعم صج صج تعليمية للأطفال ومفيدة واتحطينها وانتي مآمنه يعني مسابقات وكرتون وتعليم وبالليل قصص قبل النوم يعني والله تابعت قنوات للأطفال كلهم فيهم حركات او موسيقى او غناء لكن هالقناة اعتمادها على التعليم والترفيه للطفل
.
.
مشكورة خيوه

انا بعد ما أحب هالقناة أبداً أبداً

يعني مو بس عنف
وبعد فيها كلام بذيء مو مناسب للأطفال.. كله شتم بكلمات مثل: غبي، أحمق، لا تفهم .. إلخ!
يعني أحسها تهدم أكثر مما تبني الطفل!
وأحس إن معظم الرسوم ثقافتها غربية.. يعني شوفوا التعليقات وطريقة المزاح .. كأنك تتابعي فيلم هوليوود مو قناة أطفال!

وأحسن قناة برايي هي البراعم وأحياناً سبيس تون.. البراعم تعليمية وعلى قد الأطفال

الله يحفظ عيالنا يا رب

اني بعد احب قناة براعم كثييييير واخلي اطفالي يطالعوها بس احيانا يطالعوا نكيلودين عربية بس اني اكرهها لان فيها شياء تافهة ومزعجة مثل التجشء وإ طلاق الريح ومثل المقاطع اللي حطيتيها ولكن دورا والثلاثي العجب (الحيوانات المدهشة ) جميلة وتعلمهم التعاون والمساعدة والثقة في النفس

حسبنا الله وهو نعم الوكيل فيهم

انا بناتي مايطالعون هاذي القنوات الحمد الله كله يطالعون طيور الجنة وبراعم فقط

فعلا شي مشين .. لكن في حلقات ووايد حلوة ايحطونها مثل الغنم و الراعي و افلام دزني و القطار توماس !! و للأسف القنوات الاسلامية ما تعرضها.. مافي إلا نشتريها لهم ديفي دي بس مادري وين تنباع

مشكورة خيووه على النصيحة

بارك الله فيج

بصراحه هالقناة تشيب الراااااس !!!

واكثر المشاهد القبيحه في توم وجيري !!!

وعلى فكرة ترى هالقناة تعرض افلام امريكية كلها خلاعه في خلاعه !!!

يعني ما تصلح هالقناة حتى للمراهقين !! كيف الاطفال !!!

أحسن شي قنوات الاناشيد الاسلاميه ’’ مثل : قناة سنا

وقنوات افلام الكرتون مثل : سبيس تون ( مع انها احياناً أحس انه خياليه اكثر منها واقعيه !! ) - قناة بسمة المجد

فقط لا غيرررررررررررررررررر

يعطيج العافيه

حسبنا الله ونعم الوكيل...غزو فكري وووواضح
و احنا فاكين عيالنا عند هالتلفزيون اهم شي نفتك من
لجتهم
ملاحضه ترى قنات نكلودين بعد بشعه وانا شفت فيهاااا اشياء
تخل بالاداب ومسحتها عن عيالي بس خليت براعم والجزيره للاطفال وسبستون
تسلمين اختي على هاالموضوع الرائع

ام بي سي << غسلت يديني منها .. من عرضت افلام كرتون يوغي .. وقريت مقاله عن الام اللي ولدها قال بصلي مثل يوغي ...
نيكلودين حقيره ومسيحيه .. انتو اسمعوا الفاظهم تتجننون وكل عروضها عن الحب والغرام والاعجاب ..

انا بصراحه بنتي تحب براعم خصوصا" انها تناسب سنهم .. مفيده وتحاول ترتب اوقاتهم الصحوه الساعه 6 والنومه 10 ..
وأحيانا" احط لها طيور الجنه .. ماافضل احطها كثير عشان الموسيقى ..

مرحبا

صراحه قنوات الأطفال الحين صدق موجهه للأطفال بس علشان تهدم مو تبني

و اني من بين كل القنوات ما اثق الا في براعم و الجزيره للأطفال وبس

لا mbc 3 و نيكلودين و لا ار تينز و لا حتى سبيس توون

mbc3 و نيكلودين كرتونهم كله عنف و ضرب ووحوش و الا قلة أدب وكلام بايخ مثل ما قالت الأخت (أحمق، غبي ، وغيرها)

وسبيس توون اصلاً ما نقربها بس لما ما احصل شي هالأيام اطل اشوف شحاطين اما اني اخليه بروحه لا

و mbc3

الصبح برامجهم اوكي بارني و بوستمان و شون شيب و البرنسيس و القطار توماس مع ان ما نحبهم بس ما فيهم شي بس تالي يبتدي اللعب

و ما اثق الا في براعم اني اخليه بروحه يتابعها

مشكورة على التنبيه .

أنامعاكم في كل كلمه قلتوها لأنه أنا برضه ما أحط لبنتي إلا براعم وطيور الجنه

أما ام بي سي 3 مررره قليلة أدب وبقوه كمااااان بس بسألكم قناة براعم حدها لعمر 6 أو 10 سنين بالكثير لأنها أصلا هيا

مكتوب عليها من 3 ل6 سنوات طيب بعدها اش نخليهم يشوفوا أي قناة ؟؟

جزاك الله خير
وحسبي الله ونعم الوكيل
الحمدلله ولدي مايطالعها
بس طيور الجنه وع فكره سنا وكراميش وهادي يعرضون افلام كرتون كلها اسلاميه

وبراعم اكيد