نفسية زوجي

كم لها ام زوجك متوفيه ؟؟

ما عليش يا اختي واسيه .. لا تخلينه .. ترى هوو محتاج لش كثير ..

على فكرة هالشي طبيعي و هذي فترة و بتعدي ..انتي اتكلمي ويااه بهدوء ووقت اللي اتشوفينه نفسيته هادئة ...

انا زوج اختي كاان جذا لما اتوفى ابووه .. و ما كاان بقعد وياهم في البيت و لما يقعد وياهم كاان يضرب اولاده .. و اكثر ولد كان يضربه اللي ابوه متعلق فيه ... مع انه نفس الوقت كله يحمله و يدلعه و ايقول هذا اللي يحبه ابوي .. بس ايرد يرجع الى الضرب و النفسية التعبانة .. بس انتي لا تخلينه صيري وياه و اتحمليه ..

حبيبتي ماله حق زجك يعاقبكم بوفاة امه ويسبب لولدك عقده نفسيه بسبب حالته النفسيه
انتي كلميه وان الله اللي جاباها وهو اللي اخذها وهذا عمرها ومكتوب لها من يوم هي ببطن امها
وماله داعي يتنرفز عليكم ويعيشكم بضغط نفسي
اذا شفتيه ما هدا روحي سيري عند اهلك مدة اسبوع او اسبوعين غيري جو وهو تهدا شوي نفسيته
لان احيانا الطرفين يحتاجون فتره زي الاجازه علشان تتجدد العواطف والنفسيات

السلام عليكم ورحمة الله وبركاته

اختي الغاليه
اصبري عليه وادعي ان الله يصبر قلبه ويشرح قلبه ويصبره
دايما ذكريه بقضاء الله وقدره ودائما كرري امامه
إنا لله وإنا اليه راجعون
وهذا درب ماشي كل من له يوم ويموت الله يرحمنا برحمته

ذكريه بالاجر بأن الله يأجره في مصيبته ... واذا شفتيه معصب لاتقعدووون معاه
واذا طفلج الصغير غلط او عمل تصرف يغضب والده اخذيه وروحي قعدي معاه في غرفه ثانيه لاتخلين والده يضرب او يصل لمرحلة الغضب تداركي الوقت
وعلاجه الزمن ان شاءالله ان الله يمسح على قلبه ان شاءالله ويصبره ويأجره اللهم امين



دمتم سالمين
اختكم شريفه

اخختي تحملييه بس خللج يمه واسيييه عوضييه انتي عن حنان الام وربي يوفقج

sweetqueen;11096254:
كم لها ام زوجك متوفيه ؟؟

لأ حبيبتي إياك تروحي عند اهلك هذا اكثر وقت لازم توقفي مع زوجك.. لا تتخلي عنه , فترة وبتعدي انشالله وبيتم طول عمره يقول هالاصيلة وقفت معاي واتحملتني اما اذا رحتي بيت اهلك بيقول اتخلت عني عند اول مشكلة كبري عقلك واتحملي

حور الروح;11099282:

اختي زوجك محتاجك جنبه والامر يحتاج لهدوء. طرشي الاطفال يجلسون عند اهلك اسبوع يغيرون جو ويبعدون عن عصبيته وهو مع الوقت راح يشتاق لهم وانتي خلال هالاسبوع اجلسي معاه واهتمي فيه. لما تشوفيه معصب لا تردين عليه وخليكي هادئة وما تزعلي منه ولا تبيني انك متضايقة . بيني له انك قريبة منه وحاسة فيه .

انصحيه يقرأ القرآن ويتصدق عن المرحومة عشان يرتاح قلبه.

اسبوووووووووووووع جدا جدا قليل وطبيعي جدا الي هو فية

اختي لا تروحي بيت اهلك لا والف لا الان هو محتاجك اكثر من اي وقت مضى .. حاولي تخلي الاولاد يبتعدوا عنة وعن استفزازة لان اقل شي ممكن يعصبة

فانتي حاولي تتجنبي اي شي ممكن يأثر اي تأثير بسيط في نفسيتة يعني هيأي لة جو الهدوء والراحة وخلي الاولاد بس يصبحوا ويمسوا علية يعني الطاعة

المهمة ويسلموا علية وبس ... ولازم يهدوأ وهو في البيت مش خناق ولعب ودوشة ... وانتي حاولي بقدر المستطاع تكوني هادئة ناحية اي تصرف يجي منة

وهيأي الجو مثل ما قلت لك يكوووووووووووووون بقدر المستطاع هادئ لانها فترة صعبة هو حزين وبيحس انة محتاج امة واي عوامل ثانية راح تخلية يخرج عن

طورة فأنتي كوني لة الام والزوجة واعطي حنان الام الي فقدة ؟

الله يرحمها ويغمد روحها الجنة ويارب ما يحرم حد من اامة ولا من اي غالي على قلبة

موووفقة غاليتي

لا حبيبتي ما يصير تتركيه و تروحي بيت أهلك لأن هو ما زعلك و لا غلط عليكي،،
هو بس مضغوط و حزين لفراق والدته و تعبير الحزن عند الرجل يختلف عنه عند المرأة،،لذلك هو عصبي و متوتر.

الان في وقت الشدة يبان دورك،،اوقفي معاه واسيه ، ابعديه عن اي شي يوتره و يعصبه، اعملي جو هادي بالبيت و مستقر و لو اولادك اشقياء ارسليهم كم يوم عند اهلك،،
تخيلي لو انتي لا قدر الله اللي بهالموقف شو اللي تتوقعيه من شريكك و سويه له.

الحالة اللي هو فيها سببها اعتقاده انه فقد الحضن الدافي اللي هو حضن الأم، بس انتي لو عوضتيه هالفراغ حتى لو بنسبة 70% راح يرتاح و يرجع يطمئن و يستقر،،و كمان علمي الاولاد يعاملوا ابوهم بحب و بحنية.

يا اختي ما راح تكون حلوه منج انج اتسيرين بيت اهليج وريلج محتاج وقفتج معاه .. صدقيني هاي فتره وبتعدي ولا تنسين ان ما مر على وفاتها الا اسبوع يعني توه الجرح طري مثل ما يقولون .. وانتي لازم اتكونين له عوووووون في محنته ... والله يصبره ان شالله .. ويرحمها برحمته ويغمد روحها الجنه .. وهذا هو حال الجميع يعني زوجك انسان كبقية البشر ما بيقدر انه يكون بحال جيده وكله مبتسم .. لازم في ايام بيكون معصب .. يضرب .. حزين .. فرحان .. مبسوط.. وانتي بعد لا تنسين الايام الحلوه اللي بينكم .. والله يهديه ان شاء الله ..

لاتروحين عند اهلك تحمليه وانا مع المشرفه شريفه كلامها عين العقل ماشاءالله

فترة و تعدي
لا تخافي و لا تواسيه بشكل مباشر يعني عامليه بحنية سوي الأكل اللي يحبه استحملي عصبيته و وفري له الهدوء و الراحة ...
و اذا حب عقب فترة يفضفض اسمعيه بقلب مفتوح و واسيه بأنج تذكرين محاسن أمه و ان ان شاء الله لها الجنة

في نقطة أبي اطرحها بس حساسة شوي من الأفضل تاخذي فيها كذا رأي مو عشان شي بس عشان ان شلون زوجج راح يتقبل منج هالأقتراح و هو معصب و شايط هو انه يحاول يزور قبر أمه يوميا لمدة 40 يوم و يقرا قرآن عندها و بعدين هالشي يصير اسبوعياً أكييييييييييييد نفسيته راح ترتاح خصوصا اذا كان عنده شعور انه قصر في حق أمه ( و كلنا مقصرين ) و بعدين يتعود يوصلها اسبوعيا ترى بر الوالدين مو بس في حياتهم في مماتهم بعد.

يا اختي انا حصل معايا كده لما اتوفي ابو زوجي
نصيحه معلش اتحملي وحاولي تتجنبيه وان شاء الله فتره وتعدي انا عارفه انها فتره صعبه عليكي وعليه بس خدي بالك ان الموضوع لسه حاصل من اسبوع وطالاما انه بيعتذر عن التصرفات دي اعذريه معلش اتحملي واحتسبي الاجر عن الله تعالي
ربنا يفرج كربتك قريبا عاجلا

انا مع الاخت حور

ارسلي الاولاد لبيت اهلج

وخلج انتي كله قريبه منه

مع الوقت بيرجع لطبيعته واما اذا فضلتي الهروب في هالفتره ما راح يناسه انج خليتيه في اكثر وقت هو محتاجج فيه

احنا اذا تصيبنا مشكله نبي كل الي نحبهم يكونون معانه الان نعرف انهم يحسون فينه

شلون تختارين تروحين عنه وتخلينه مع حزنه بروحه