ابغي الحل

الله يوفقش حبيبتي وانتي حاولي تركزي في المراجعة حتى تجيبي نتيجة حلوة ترفع راس الماما والبابا وبعدين بيعرفون اشلون انش تدرسين بضمير

واكيد ماقالوا لش جديه الا خوفهم على مصلحش !

عندي لج فكرة ماادري اذا جربتيها ولا لا

سويلج جدول تكون امج تعرفه مثلا 4 ساعات دراسه والساعه الفلانيه استراحه وبجي امج يوم بتجوفج يالسه هالساعه استراحه مابتقولج شي لأنها تدري انه وقت رااحتج

وشدي حيلج يالغلا مابقى شي وترتاااااااااااااحييين ضغطي شوي على عمرج عسب تستااانسين عقب :)

وبالتوفيج حبووبه ^^

ياقلبو اسمعي حتى انا تدرين اختباراتي الاسبوع الجاي الله يعين صديقيني يمكن اهلك خايفين ودهم تجيبين درجات حلوة وبالاخير انتي اللي تستفيدين ماقول لاتتنفسين لا تنفسي لاكن شوي حتى بعدين اذا خلصتي اختباراتك تقولين لنفسك انا سويت اللي علي ماتقولين ليتني ذاكرت وليت وليت صدقيني انا انصحك حسبت اختي

^^^
مع راي الاخت اللي فوق انا اهلي كانو يعرفون مواعيد مذاكرتي وخليتهم يثقون اني حرييصصه على دراستي بقووه حتى امي كانت تلف على اخواني تهاوشهم وانا لا خخخخ لانها تعرف متى اذاكر متى ارتاح وعلى كذا=)
انتي فهميهم وتكلمي معهم,, واهمم شي دراااستك مهما كبر عمرك مابيفيدك غير دراستك الحين وبعدين=) الله يوفقك وتنجحين وتروحين الجامعه وتجيبين علامات ترفع الراس

نفس كلام الاخوات ..
صدقيني يبون لك الزينه .. فانتي حاولي تسوين لج جدول متى تدرسين ومتى ترتاحين .. ولا تخلين كلامهم يأثر فيج
شدي حيلج ودرسي حتى ترفعين راس اهلج فيج

الله يوفقج وبشرينا يوم تخلصين امتحانات عااد .. ناجحه ان شاء الله مع معدل يرفع الراس :*

انا لالجاامعة سنة ثالثة او امي او ابوي يقولون لي جيي وكل خلاتي يقولون لي بناتهم جددي تعودي كللهم جدي..بس الي علييج انتي طللعي يوم وااحد في الاسبووع بس وباقي الايام دررررسي ..او ادا قالولج جدي قولي لهم حرااام ابي اتنففس ملليت

حلوة فكرة الجدول وفعلا الواحد لازم يرتاح بين فترات الدراسه علشان يرجع يركز ثاني،،آنه بالعكس ابوي اقولي اخذي راحه بين الدراسه مو تاخذين الدراسه ورى بعض لان اجوف نفسيتي لين ادرس اكون قلقانه وخايفه لين افتك من لامتحان الحمدالله افتكيت امس كان آخر امتحان لي،،الله يوفقج واهمه اكيد يبون مصلحتج:)

شوركم و هداية الله
و اللي يقولون لي طلعي يوم واحد في الاسبوع من اللي بطلعني ابوي و هو اللي يقول لي درسي
ان شاء الله يقتنعوا
اللي علي سويته
تحياتي

السلااام عليكم

اختي اني بوجهة نظري ادرسي و اجتهدي ترى ساعات من حرص الوالدين و خوفهم عليش يلحوون و يقولون كلام ما يدركونه ..

و انتين واثقة انش تحطين جهدش كله في الدراسة فلا تستهينين بكلامهم و لا تفكرين فيه يعني مو تعطينه الطاف و كأنش ما تسمعين بلعكس في ناس يتمنون يحصلون ام و ابو في ناس تصيح ليل نهار تبى من يخاف عليها و يضمها ..

فهذي نعمة انه عندش ام و اب يحبونش .... :032:

فاشكري ربش و احيانا الصمت هو يكون حل يعني لين سمعتيهم يهدرون على رأسش و انتين مو متحملة اسكتي و ابلعي لسانش لان الصمت باب من ابواب الحكمة ..

و دائما ادعي في صلاتش انه ربش يخلي ليش والدينش .....
و الله يوفقش حبووووبة
و لا تتذمرين بل اشكري اذا تذمرتين الله ما راح يعطيش امانيش
كوني صابرة و شكورة فان الله يزيد الشاكرين ..

مشكووورين
رفعتوا معنوياتي وااايد الله يجزيكم الجنة
يلا راح الكثير و بقى القليل قربنا نكمل الحمد لله
تحياتي :025:

الله يعينك ويفرج همك

اختي كلنا مرينا في مرحلتج وكانو آبائنا وامهاتنا يعاملونه بنفس الطريقه
دايما كنا انقول في بالنا هم بس جي بتكلمون ادرسو ادرسوا بدون ما يعرفون نحنا كيف نتعب ولا ابونا يرد من الدوام والله انا اليوم ابدا ما شفتج تدرسين
اختي يعني حطي في بالج هم يسوون معاج هالشي عشان يغيظونج ولا ما يبون يشوفونج
طبعا ولا وحده من هذيل
الزن هذا كه عشانج انتي عشان مصلحتج
لانه مافي شي يساوي فرحة الوالدين بابنائهم عند النجاح

نفسي ايام الدراسه يقول ابوي ماااتدرسين وامي بعد لين لقيت لي حل انه كتابي بايدي بكل مكااان خخخخ محد يكلمني ههههه
شغله نفسيه يبونج تدرسين وتنجحين وتفرحينهم
بس انتي حطي جدول وربي يوفقك الله ذكرتيني باياام الدراااااااسه والمعارك الاهليه هههههه

شوفي حبوبه كلنا مرينا بنفس هذا المرحله

واهالينا قالوا لنا نفس هالكلام

هم خايفيين على مصلحتنا ويبون لنا الزين

وخصوصا انج انتي بأول ثانوي يعني النسبه اللي راح تجيبينها الحين راح تكون الاساس اللي بترتكزين عليه طول ما انتي بالثانوي

يعني لو نسبتج نازله (( الله لا يقوله )) صعب بعدين ترفعينه

الله يوفقج حبيبتي

ونصيحه من اخت خلصت المدرسه والجامعه

اقولج استمعتي بكل لحظه تدرسين فيها و تمسكين فيها الكتاب لانه لما تخلصين راح تشتاقين لهالايام

الله يوفقج حبوبة وتجبين نسبة تفرحج وتفرح اهلج

مشكوورين على الحلول و اتمنى اني اجيب النسبة اللي في بالي