™`.¸¸.× تجهيزات عرائس (مملكة البحرين) لشهر صفر 1431-2010 م / الجزء = 61 ×.¸¸.'™

حنــــين;11231483:

بنات اني حجزت لحنتي رقية وثريا لان حنوا مرت اخويي في زواجها كان وايد احليو بس موغامق قلت يمكن لان اتحنت قبل بيوم بس من العرس ويوم اتصلت ليهم قالوا لي بنحنيش قبل يومين علشان يغمق عاد البارحة مرت خالي اتقول انهم حنوا وحدة اتصير ليها قبل بيوم من العرس لكن عقب جم يوم من العرس ظل مثل ماهو فاتح ماغمق

انتون ويش رايكم اظل عليهم لو اغير؟؟

ميمي3;11231577:
اني عرس بنت خالتي ركبت وصلات مو باروكه يعني يصير شعرج من فوق وهي تحت تعطيه طول اشتيريتها من العفراء ماتذكر بكم بس اللي يشتغلون هناك قالوا لي ان في محل بالسيف فوق يبيع وعنده اشياء وايد حلوة وسويت شعري عند صفيه هي كانت تشتغل بالعفراء بس الحين في شقتها في كرزكان وايد اتعامل وياها :ok:

ميمي3;11231650:
كتبت شرحج كله ههههههههههه عادي الشرح يعني ماتوقع يضيع اكيد بحصله ماتعرفين بعد محلات مناك مال بدلات بيت البواطلين مع الجاكيتات اللي ينلبسون في البيت لان مرة وحده الله يستر عليها من الاهل قالت ماخذه من هناك وبسبب الغيره ماعلمتني وين هالمكان بالضبط بس كانت ثيابه حلوة مادري ليش في ناس ماتحب تعلم اذا تاخذ شي من مكان كأن المحل ملكهم وبس ههههه

حنــــين;11231634:

انزين بالنسبة لاسعار المحل غالية لو زينة؟

حنــــين;11231818:
مشكوورة وتر ريحتيني

ريح الياسمين;11231895:
اممم سلام عليكم عروسات :)

عندي سؤاااااااال منو عنده فكرة عن صالون ظفاير في البديع حق الملجه او حتى تعديل عروس :)....؟؟؟؟؟؟؟؟؟؟؟؟

وتر المحبة;11231813:
ميمي اذا ماعليج امر بسالج الحين يعني صفيه طلعت من صالون العفراء؟؟؟ واذا عندج رقمها ممكن تطرشينه حقي!!!!! وشلون الحين بس اتسوي شعر وعندها كل شغلات الصصالون !؟ :040:

حنــــين;11229891:

خايفة حدي افتريت على محلات الفساتين كلها وماعجبني شي ومااقدر اشتري فستان لان الميزانية ماتسمح قلت بروح السعودية اشتري بس مااعتقد احصل فستان زواج بأقل من مئتين دينار

ميمي3;11231920:
اي طلعت تقول تعب وايد وهي حامل ولادتها نهاية 3 الظاهر او نص ثلاثه اي في شقتها كل شي شرت لها من معدات ومن حشوات ولمعات وهالسوالف رقمها مو عندي عند مرة خالي اني كل مرة اخليها هي تتصل فيها بس تبينه باخذه من عندها لاني قلت لها اذا ماولدت احتمال اروح لها في جلوتي واسعارها حدها نايس يعني التسريحه اللي كنت اسويه ب 23 و ب 25 حسبتها لي مسكينه ب 15 الله يقومها بالسلامه

فوفو البحرين;11231933:
ليش ماتسوين تفصيل لبسه اولى وبعدين يرجع للمحل
اتوقع بتحصلين من 170 ورايح

أنا الشوق;11230010:
قعدوا بدفافكم
:085::085::085::085::085::085::085::085::085:

بنات بغيت رايكم في شي

ذيج المره قلت لكم اني يمكن ألبس لبسين في ليله وحده :057: وبعدين استقريت على هندي وبعدين الفستان الأبيض
والهندي اخترته عشان يناسب تسريحة الشعر لأن ثوب النشل مب شي الشعر مرفوع !!!!!!!
انزيييين الحين تخيلت اللوك الهندي بالاكسسوارات بكل شي حسيت انه وايد بيطغي على الأبيض... ولأن لونه بيكون فاقع بعد
حتى أمي قالت لي بيحطم ذاك :037::037::037::037:

فقلت باسوي لي الجلوه وانا لابسه الأبيض بعد شاسوي،،، بس أهل خطيبي عاجبهم الاثنين أكثر
وأنا بعد عاجبيني الاثنين، أبي أصير بلوكين :040:

الشي الثاني اني اذا خذت الساري بتختل الميزانيه :057: وهاذي شي ثاني خلاني أفكر اني البس الفستان بروحه

أو

اني ألبس ثوب نشل وطبعا بيكلفني وااااااااااايد أقل، بس الشعر لازم يكون مفلول :042:وأنا طرحتي جذي



احس مايناسب،، ولا شرايكم؟؟

وتر المحبة;11231935:
الله يقومها بالسلامة وفديتج تسوين خير اذا ماعليج امر يعني لووو اتقولين لمرة خالج عشان اتييب الرقم انه اخر مرة رحت قالوا ان اجازة بس ماقالوا اطلعت .. ان شاء الله اتحصلين رقمها وانه اروح لها بعد !

حنــــين;11231955:

قررت اروح السعودية اشتري لي واحد ناعم اكيد بكون سعره رخيص لان الفساتين الاجار اللي في البحرين احس كلهم موديلاتهم قديمة واذا فصلت لبسة اولى اقل شي بيطلع عليّ 250 دينار اخد واحد لي احسن