وردالروان;11151761:
بنات اللي فاهمة في سوالف الطرحات تجاوبني لو سمحتون:
الطرحة الطويلة العادية المفروض شلون يكون شكلها بيضاوي او مستطيل ؟؟؟
جم متر تقريبا؟؟
سؤال ثاني اذا فستاني للعرس ابيض وفيه كرستال يصير البس جوتي سلفر؟؟:042:
إنتي بتسوين لج فستان تفصيل صح ؟!.. يعني طرحته بتجي وياه
والبيضاوية أو المستطيل كل واحد
بس!..
البيضاوية أرتب شكلاً
والطول يعتمد عليج
تبينها قصيرة .. تبينها نص .. تبينها طويلة
هاي يعتمد عليج وعلى موديل فستانج أهم شي !..
الشوز ,
إذا الفستان فيه شك سلفر .. بيطلع وايد نايس عليه
هو الأبيض & السلفر حلوين :014:
+
طيف امل;11151919:
وه ما بغيت اخلص من القراءة صار ليي يومين واني اقرا الردود تعبت هههههههههه
المهم بقولكم ترى اتصل على فاطمة اللبنانية تلفونها كله مقفل ومعصومة مسافرة مادري ويش سالفتها :091::091:
واني بكبري خايفه منهم لان سمعت عن مكياجهم واجد ناعم واني ابي شي وسط وزاهي :057:
بليز بنات اللي عندها صور مكياج لعايشة الريس او صابرين كمال تطرشهم ليي على الخاص بشوف ابي اقرر احجز
واذا في ماكيرات تنصحوني فيهم قريب للرونق بكون ليكم مشكورة
وفي شي ثاني بعد ماعرف اروح احف عند من ابي حفافه تطلع حواجبي واااااااو
واستغربت يوم تقولون حفاف لعروس ب 10 و15 دينار هههههههههه :085::085:
سمعتكم تتكلمون عن الحفافه دلال هل هي تحف عرايس حلوو وبجم
وشرايكم في الحفافه ابتسام مالت السنابس ؟؟
بليز بنات ساعدوني في سالفة الحفافه
حواجبي عراض ومشبوكين وابي حفافه فنانه تغيرني 180 درجة :094::094:
إذا إنتي حواجبج عريضة ومشبوكة
لا تجوكمين وتروحين عند أي أحد
روحي عند حفافة خبرة في هالمجال
مو بس تطلع غير .. هو شي طبيعي بتطلعين غير
حفافة ما تخربهم لج وتلعب في رسمتهم وتضعفهم وايد
أكيد كل حفافة وبأي صالون قادرة إنها تطلعج غير 180 درجة
بس يمكن تلعب فيهم وما تضبط لج الرسمة أو تغيرها
حافظي عليهم عراض
ترى الضعاف مب شي ,
والحفافة (دلال) هذي معروفة
أخت الحفافة (جميلة) إلي تحف بصالون / نور العين
كانت تشتغل مع إختها في الصالون
والحين تشتغل بروحها في بيتها دوار 4
تحف ب 10 , مثل ما ذكرت الأخت / عذبة
*
إبتسام ,
إلي من إسكان السنابس
تحف العروس ب 5 دينار
بس من الحين أقولج ماااااااااااااااا تسووووووووووووى
لأن وايد وايد وايد زحمة عندها
وتسجلين دروج
وتمين تنتظرين من الصبح لين ما أدري متى علما يجي دورج
عن جد ما تسوى كسرة هالظهر , على حساب حفة هههههه
*
ثواني وبدز لج صور مكياج (عايشة الريس )
+
عاشقة قلبه;11152130:
هااي عروسات شخباركم؟؟
بس ابي اعررف عبير الرويعي جم تمكيج للعادي
15 وما فوق ..,
قبل كانت 10 .. بس الحين 15
مع الرموش + بودرة الجسم
+
عيونه سماي;11152145:
بنات بسألكم ، عن الحفافة دلال ..
حق عروس ،
تحف بس
أو تحف وتصبغ ، وتسوي ماسكات؟
أو شنو بالضبط؟
، ومشكورين ، =)
إذا تبين هالباكج ,
حفاف , صبغ , ماسكات
عندج صالون (لطيفة) - عند وردة
أو
صالون (فاتنة الخليج) - عند رقية أو راعية الصالون " زينب أو أم زينب "
هذيلا عندهم باكج الحفاف للعرايس
وشامل كل إلي ذكرتيه
وشغل عدل ونظيف 100%
+
Happy Heart;11152166:
مرحبا بنات,,
شنو رايكم بهذي الاستديوهات واي واحد الافضل؟
العالمية
الديجيتل
الامازون
جير
لؤلؤة الخليج
وشنهي بكجاتهم
لؤلؤة الخليج .,
في جد علي (شارع الخدمات)
ما عندي فكرة عن باكجاتهم للعرايس
بس ممكن تلقين نظرة علأستديو
وتشوفين شغلهم وتصويرهم
أنا رحت لهم أول ما فتحوا وعجبني .. ورحت لهم عقب سنة تقريباً
وما شاء الله فرررررررق
تصويرهم تطور وصار احلى من قبل ,
وينوعون لج بحركات التصوير ولمساتهم على الصور عموماً !..
+
ع ـذبة المشاعر;11152331:
وحشتينا :083: كنت اتذكرش من قبل تجين هني التجهيزات
على العموم المصورة ام يقين ماعليها كلام تصويرها ابداع واذا تبين تجوفين شغلها تقدرين تمرينها البيت وبتراويش النماذج اللي عندها الصور العاديه والبوم المجله بعد وبتعطيش الاسعار وبيتهم في المقشع
هذه صاله ناريمان حالياً
اخت حلمـ قالت انها تتسع الى 350 شخص , بس في اعلانهم مكتوب الى 500 شخص
وقالت ان اجارها بـ 350 ,, بس هو على فكره بين فتره وفتره يغير الاجار مالها يعني قبل سنة كان ب 500 ,, وجته فتره سواها على 300 فما ينعرف ليه
واذا بالاكل توصل الف وشي
الكراسي اني جفتهم في هوم سنتر غريبه ما جفتينهم ,, يمكن الحين ما فيه
فيه محل اليوم جفت عندهم هالكراسي بس ماعتقد لو وصفته لش بتعرفينه ههههه هو يصير في جدحفس مقابل اشارات الديه وآدم
بالعافيه عمري
أنا حضرت أعراس في هالصالة ,
يا زعم قبل التعديل وبعد التعديل
وأحس إن يا دوبها 350 إلى 400 فقط
أزيد من جذي تصير جداً مزدحمة :085:
+
حلا الايام;11152523:
عندي استفسار ..
بغيت اسالكم يابنات البحرين اشلون الذهب هالايام عندكم نازل والا مرتفع والا عادي .. ووين ممكن اروح لو بشتري ذهب حلوو باسعار معقوله ..؟؟
الذهب عندنا ما ينزل ههههههههههه
الله يهداه , يرتفع إي!..
بس ينزل لا :041:
+
ملاكي الوحيد;11152888:
الثقيل يعني حق عروس احسه احلى مثل فاطمة شويطر او صفية او صفاء الي في مدينة عيسى ياريت تتطرشون لي ارقامهم ياريت ؟
صفية , ما تحط مكياج " ثقيل " وكلش مو ستايلها
عندج مثل ما ذكرتي (صفاء) هذي فنانة وعادي تضبط لج الثقيل !..
+
ورْد الخُدود;11152942:
بنات أي صوب يصير محل "انظر والبس" الي في سوق واقف ؟
ابي اروح اشوف لي ساري حق ملجتي :$
في صفة محلات الثياب .. في وسط السوق
( ساهرة , بارعة .. إلخ )
بتشوفينه في الوسط
وكلش ما يضيع :014:
+
مريم ناز;11154261:
بنـــــــــــــــــــــــــــــات
انا للحين ماسويتلي فستان ولا شريت لي:(
ابي اسالكم عن السعودية الجاهزين حلوين؟
في وحده قالت لي ان الجاهز في السعودية حلو وتقدرين تاخذينه في نفس اليوم اذا يسوي عليه تعديلات بسيطه
بس مافي وياهم طررررررررحه @@
صج؟؟
ابي اخذ الفستان بسرعه لان ماعرف اسوي ولا شي الا اذا عرفت لون الفستان:(
وبعد بسألكم عن التوزيعات.. ابي اشيا اسويها بروحي ..
لاني باخذ اشيا جاهزة بس في اشيا احب تكون من شغل يدي
شنو الافكار الي عندكم؟ يلا طلعو مواهبكم بنوتات
وفي صحون المنيوم مستطيلة او بيضاوية بشكل حلو.. انا جفت نفسهم عند وحده
بس كانو صغار انا ابي اكبر منهم بشوي
الي كانو عندها كانو بحجك الكف.. انا ابي اكبر بشوي لاني بحطهم على طاولات وبحط فيهم مكسرات
واذا احد يعرف ان في احد يسوي مكسرات حق الطاولة بأسعار اوكي وصحون اشكالهم فن يخبرني
وثانكس حبايبي:)
أنا صديقتي مرة شروا فستان عرس جاهز لأختها من السعودية
طلبوا فيه تعديلات وتغييرات
قالوا لهم 3 ساعات وهو جاهز
إذا تبين شي جاهز وتبين تعدلين فيه على كيفج
أهم شي تروحين من وقت
أما إذا رحتي متآخرة بيقولون لج تعالي عقب يومين أو أسبوع
أستقري على منطقة وحدة وشوفي الفساتين
*
وبالنسبة للطرحة ,
صراحةً ما عندي فكرة تجي مع الفستان أو لا
بس أعتقد إذا طلبتيها , يفصلون لج أكيد
+
أنا الشوق;11154519:
بنات أبي رايكم
بالنسبه للبوفيه،، أنا أفكر اني ماخلي وياه سويت
لأن يعني كله الانواع المعروفه اللي هي أم علي وسلطه فواكه ومادري شنو
قلت عقب العشا مثلا احنا بنوزع السويت في الصواني من جوكلت وكيك و حلويات ثانيه
على الاقل الفلوس اللي بينقصونها من البوفيه ناخذ بها الضيافه وتكون شي أكشخ من الأم علي وربعها، لأن يمكن يطيح من السعر 100 دينار جذي فتسوي شغل يعني حق صواني الحلاوه
ما رأيكن؟؟؟ لأن الفكره للحين ماعرضتها على أحد بس باجوف اذا بتلقى ترحيب ولا لا خخخخخخخ
تصدقين!..
إن هالفكرة أحلى وأكشخ بواااااااااايد
من سويت البوفيه
يعني ما شاء الله شكثر الحين طالعين حريم يشتغلون في البيوت
وعندهم سويت وحلويات على كيف كيفج
حتى تحتارين شنو تاخذين من المنيو المتنوعة عندهم
ممكن تشترين من عندهم وتنوعين بالسويت
وبيطلع راهي أزيد وألذ
من الحلويات العادية :014:
طبقي الفكرة , لأنها وايد فن .. وناجحة بعد :094: