هذيــان;11134276:
ماتعرفين اسعار البيت الخليجي؟
أنا وحدة من صديقاتي معرفة :083:
تقول خذت من البيت الخليجي غرفتها وما شاء الله تبارك الرحمن
غرفة نومها قوية وايد من 8 سنين , وللحين كأنها جديدة :03:
+
صديقتي الثانية توها متزوجة من شهور وايد مدحت المحل
وتقول فصلوا لها السيت الطبي مجاناً مع غرفة النوم , ويوم تروح فترة تخفيضات
ترى الماليزي ,
زين وأقوى من الصيني بواااااايد
وطبعاً !..
ماكو أفضل وأحسن من الصناعة الوطنية :014:
بس عاد يبي لج تدورين ورشة نجارتهم تمام .. التمام
ويصيدون لج الموديل إلي إنتي تبينه
وبيكلف التفصيل ميزانية عدلة !.. :01:
+
نور القمرر;11135321:
اليوم رحت ليالي الفرح
الهندي اللي هناك عللله من قلب
رحت لهم قبل محرم حق خطوبة اختي وكان في هندي وش حلاوته خساره مسافر حتى قالي اذا تبين لبسه اولى وعلى ذوقش تعالي وعلى ذوقش سوي الفستان وبأجره لج اول لبسه 150
الحين اروح الا اللي قاعد هناك يقولي اول لبسه 200
ماعجبني شي عندهم حاليا لانه مافي شي عندهم
وبس هذا اللي رحت له
أنا حق إيجار ما أؤيد هالمحل !.. :041:
بس حق تفصيل لبسة أولى
أنصح فيه وبقووووة بعد , :014:
أهم شي تجيبن لهم الموديل وكل شي يصير لج من أفضل ما يكون
صديقتي فصلت لها إيجار لبسة أولى من هالمحل
يوم خطوبتها & يوم زواجها
و راعوها وايد بالسعر وخفضوه لها ب 170 دينار , :02:
وعندي صديقة ثانية بعد هم سوت عندهم إيجار لبسة أولى في خطوبتها
سوا لها ب 250 دينار أعتقد .. أو يمكن أقل , مب متذكرة
وعموماً
كانت فساتينهم واو .. كشخة ومرتبة
وما توهقوا مع المحل بشي :014:
شغل نظيف ,
+
هذيــان;11136886:
اختي تسألني عن صالة المطرود
ما اذكر مرة رحت فيها عرس
كم شخص تكفي؟ وكم سعرها؟
هذي صالة ( ناريمان ) حالياً ,
الصالة زوينة من ناحية سعرها + تشيل عدد لا بآس فيه
يعني إيجارها 300 أو 350 دينار
وتشيل لج من 350 إلى 400 شخص
بس عيبها !..
إن كلها أسطوانات
وإن ممر الزفة على شكل حرف L وقصير واااااااايد
بس عموماً ,
الصالة زوينة للي ميزانيتهم على قد الحال :025:
+
هذيــان;11137212:
هلا شواقه "
" ايتها الشمس المضيئه
من زمان ما سولفت وياش
مفكرة تسوين في اي صالة؟
المهم ،، اخر عرس رحته كانت العروس مسويه جلوة وعرس في نفس الوقت
دخلت الصالة يمكن 10 او 9 ونص وعليها فستان اخضر
وهم يجلونها كل حين يلبسونها مشمر
عقب ماخلصت دخلت الغرفة ولبست فستان ابيض ودشت على الزفة مع زوجها عال 11 تقريبا
بعدها حطوا البوفية وتمت تصور والناس تبارك لها
بصراحة ,
فكرة الجلوة & العرس .. إلي سوتها صديقتج
جداً مرتبة وحلوة
لا فيها تعب ولا غربال
الجلوة ما تاخذ وقت أصلاً
بالكثير 45 دقيقة
وحتى تبديلها للجلابية يمكن ياخذ 10 أو ربع ساعة بس ,
حبيت فكرتها وايد
مرتبة ومنظمة على الوقت :014:
+
فوفو البحرين;11138051:
انزين سؤاال
يوم الخطوبه احط لي لوشن معطر فيه لمعه قبل البودره او مايحتاج
خصوصا ان جسمي واايد جاااف
إي أكيد حطي لج لوشن , علشان يرطب جسمج
أهو في الأيام العادية ما نستغني عن اللوشن فما بال يوم خطوبتج
بيعطيج ترطيب & نعومة :02:
بس حطيه قبل فترة من وضع البودرة
يعني مثلاً بعد ما تخلصين شعرج وقبل ما تحطين ميك آب
حطي لج اللوشن , علما يمتصه الجسم وجذي .. :ok:
+
عبيرالنرجس;11138947:
بنات اعطوني اسم صالات فيها البوفيه مع ارقامهم ابيها على بداية شهر3 مع لليلة اجازه
غير صالة الدانه
ادري توني متفرقه بس شسوي
صالات مرمريز ( 1 , 2 , 3 , 4 .. زينة الأفراح .. الجميرا )
صالات الدانة ( 1 , 2 .. سند )
صالات الليالي ( 1 , 2 )
صالة طيران الخليج
+
آخر المطر;11139254:
اللي تسأل عن نافورة الكاكو
الجمعة اللي راحت شايفتها في منازل سعرها كان في حدود 11- 14 ما اذكر جم بالضبط
و في منها انواع ..
حلم العذارى في الموضوع السابق حطيتن لي موديلات الجلابيات توني شايفتهم لأن كنت مريضة افلونزا من تغيير الجو صادتني و كسرت ظهري ما اقدر اقوم و في نفس الوقت كمبيوتري كان عند المصلح فأعذريني ما ريدت عليش
لي طلب يا ريت لو تقدرون تسوون موضوع منفصل لموديلات جلابيات اكون لكم ساكرة و ممنونة لأني بادية اجهز روحي و ما دام زوجي اجازة ابي اروح وياه اتشرى ..
لموديلات البدوية حصلت اشكال في محلات الخياطة حلوين المتر ب 6 دينار بس خالتي قالت لي ان في السعودية يبيعون الطاقة الكاملة 6 دينار فأضل لو تروحين تشترينهم من هناك اقدر اخذ اكثر من خيار و بسعر ارخص ..
فبروح اخذ زيقات من هناك .. و ان شاء الله
حبيبتي ,
ما شاء الله في المنتدى & في قوقل
بتطلعين وايد موديلات حلوة & راقية للجلابيات
عندج خاصية البحث في المنتدى بتطلع لج جلابيات موجودة بقسم " الأزياء "
وبحث الصور في قوقل بعد :014:
+
P!NkYa;11139486:
السلام عليكم
شخباركم عرايس؟؟
بغيتكم تساعدوني في شغلة
عرسي مابقى عليه شي
وخاطري اسوي لي شي ستايله هندي حق الصباحية اذا بروح لاهلي واهله
بس بصراحة مااعرف لهذي السوالف !!
يعني اشتري لي جاهز ولا افصل؟؟
ومن وين اشتري شي راقي وفخم ؟؟
وشنو الستايلات الي ممكن اسويها؟؟
ممكن تسوين لج جلابية فخمة وراهية من الخلق الهندي
وبتطلع شييييي :014:
أشتري لج قطعة خلق هندية راهية .. وفصليها كجلابية
تناسبج وتصلح لكشختج كعروس
+
هدوء الربيع;11139523:
بنات لو بروح السعودية ،، ابي اشتري جلابية ،، حق اول يوم ،، وين تنصحوني اروح ؟ فينيسيا اوكي ؟ والله في احلى منه؟
وبجامات للبيت ،، وين بالضبط احصل حلوين وبرخخوص :d
وابی اشتری م?یاج ــ تهقون احسن اشتری من البحرین لو السعودية
فينيسا ,
من المجمعات الكشوخية في السعودية
أغلب شي يبيعونه قطع أقمشة , فساتين سهرة , أكسسورات .. وفي محلات جلابيات ينعدون على أصابعج :037:
والبيجامات ,
بتلقين بالسعودية أشياءات حلوة ورخيصة
وعندج محل في ( مجمع سوق واقف ) الجديد
متخصص بس لبيجامات البيت كلهم على 2.500 دينار
أنا ذاك اليوم رحت بشتري عن يا حسب
أفتر مخي والله العظيم :085:
محل طول وعرض وكله بيجامات على كيف كيفج
شخصياً ما عرفت شنو أخذ وطلعت هههههه
بضاعتهم كلها سورية :014:
بس أنصحج فيه رخيص & قوي
+
الميك آب ,
يعتمد عليج
إذا تبين مكياجات متنوعة ومب ماركات .. شي عادي
أشتري من السعودية عندهم وايد أشياءة
وإذا تبين ماركات .. وايد عندنا محلات هني في البحرين :014:
