مريم ناز;11329221:
بنـــــــــــــــــــــــــــــــــــــات وحشتوني وايد وايد وايد
انا يييت من السعودية بس كنت دايخه من قلب ورقدت
بقولكم بالتفصيل
طلعنا من البيت ورحنا اليسر شوي كان زحمة .. طلعنا من اليسر الساعه 3:35 تقريبا
وداااااايركت رحت على الخريطه الي عندي خخخخخخخخ
خبركم ماندل مكان واول مرة اروح ويا واحد مايدل.. مشينا على الخرطه الي كتبتها لي انا الشوق وانا بعد دورت في ويكيمبيا
وماشالله طلع صح ورحنا داااااااااااايركت عالخبز بلازا والمحلات
اول مانزلت المحلات جفت الفساتين
اول محل دشيته البدوي
ولين كنت اجوف محلات تتكلمون عنها كنت اقول الااااي الي قالو عنه البنات
خطيبي يقول البنات كلشي يقولون؟ خخخخخخخ
قلتله اي كلشي قالولي عنه
يقول كله يتعسعسون هالبنات هههههههههههه
:085::085::085::085: ذبحتيني من الضحك
المهم كنت بصور ماااااااااااااااااايخلوني اصووووور
لاصقين في الواحد لصقه اونهم يبون يساعدونا يزعم
بس صورت جم صورة يمكن ثنتين او ثلاث خخخخخخخخخخ
افتريت محلات وايد وايد.. امي وخطيبي دش في مخهم فستان قالو وايد حلو !!
كان فيه كله سوار فسكي وحركه من الخصر ومن ورا
يعني كان حلو.. انا عدلت فيه شوي
سعره قالي 680 دينار @@
انا قلت مابي اخذ فستان بهالسعر مايسوى
وقلتله ابي اخذ الجاهز بس مارضى يعطيني اياه
قالي ان توه منزله يديد ومايبي يبيعه لان يبي الاوادم تجوفه وكلمن ايي يأشر عليه !
بس قلتله سولي تفصيل ..
في محل اسمه لمسات
وقالي بيسويلي في شهر قلتله لا ماقدر عالاقل 15 يوم عشان اذا في شي اعدله
قال اوكي بس تدفعين عربون 200 دينار ! قلتله اوكي
واخر شي رضا يسويلي اياه 430 دينار خخخخخخخخ
لو تجوفون كل واحد يقول سعر جنه الحراج ومزاد
اخر شي رضا 430
مالقيتي ارخص؟؟؟ كنتي تبين اقل :01:
وانا حدي خايفه مايضبط الفستان
على قولة خطيبي قبل تحاتي شنو بتلبس فستان والحين تحاتي شلون بيطلع الفستان
:085:
وبعدين كلينا شوارما يمي يمي لذيذه وبعد كلينا ورق عنب لان كنت يوعانه من الصبح ماكليت شي ههههههههه
الساعه 8 طلعنا من سويكت
ورحنا فينيسيا .. شريت لي فستان الملجه .. خذته 45 .. ناعم بس فيه شك اذهبي واورقنزا اخضر من فوقل
الي عجبني ان لونه يناسب حق ملجه.. وخذته وافتكيت من فستان الملجه
الحين بنات بسألكم لان لا انا ولا امي نعرف انا اول وحده بنخطب وماعندها غيري خخخخخخخ
خطيبي الحين بيلبسني الذهب في الملجه وانا البس كريستال في الخطوبة؟ لان فستاني اوف وايت !!
احس حلو البس عليه كريستال
وفستاني مال الملجه فيه ذهبي حلو البس عليه الذهب
انتو شتقولون؟؟
الذهب بعد يناسب عالاوفوايت واذا بتلبسين يوم الملجه الطقم ماتبينه يلبسج اياه في الخطوبة يعني؟؟ في الصور ؟
اذا ماتبين عادي الخيارين يناسبون يعني الذهب والكريستال اثنينهم نايس مع لااوفوايت بس للتغيير لبسي كريستال اذا مب مسويه عرس
وعلى طاري التوزيعات بنات شنو تسوون غير العسل والبخور؟ ابي افكار ثانية بعد
وانشالله بنزل لكم الصور بعد شوي ههههههه كلها صورتين او ثلاث لووول
صاحبة الظل الخفي;11326484:
بنات ضروري ردوا علي
ابي اعرف اسعار موفمبيك ومرمريز والجميرة
الزينة بحرينية;11327968:
بنات ادري بغربلكم بكثرة اسالتي
بس الموعد للملجة جدمناه لان مافي حجز
المهم ابي للملجة بلبس جلابية كشخه وستايل يعني ابي اصير ناعمة
لان الاسبوع الي بعد الملجة باذن الله بتصير حفلة الخطوبة
وان شاءالله الله يتمم على خير ادعولي بنات
لان وايد اجلنا واخرنا الله يستر
انزين ابي تقولون لي وين محلات حلوة كشخه كشخه وناعمة للجلابيات غير اللي بالبوكوارة
ويكونون جاهزين لان مافي وقت
WARD89;11329656:
بنات من تعرف محل بارسلات نفس المنار وجي؟
بس مابي مشويات رضوان،، وخبروني بالأسعار بعد ..
الزينة بحرينية;11327813:
بنات شرايكم في فتحية اللي بالرونق
انا كنت ابي وحيده بس نفس اليوم اللي ابيها بتكون مو موجوده
فاضطريت احجز عند فتحية لحفلة خطوبتي
واذا سمعتوا بعد عن وحده تمكيج اسمها نوال بوحسن بالمحرق
شلون مكياجها ؟؟
عاشقه الدوحه;11329473:
الموفنبيك سعر الشخص يبتدي ب
14++ دينار تزيدين عليه الخدمه و السرفس 20 % يعني ممكن يوصل لج الشخص 15 وشوي او
16
16++دينار تزيدين عليه الخدمه و السرفس 20 %
18++دينار تزيدين عليه الخدمه و السرفس 20 %
وانتي حسبيها على عدد معازيمج غير انهم ياخذون 200 او 300 دينار للويترز الهم هم الفلبينيات الي يخدون على الطاولا
رفيجيت احجزتها ل250 شخص طلعت عليها ب3700 دينار تقريبا
مرمريز ماقدر افيدج لان عندهم اسعار متعدده
و الجميرا مسكره ما يندرا متى بيفتحونها بعد التعديلات
ع ـذبة المشاعر;11329746:
وليش ما تبين رضوان ؟ حلو اكله
المهم
عندش مخبز الكوثر - المرزوق - البستاني - الجميع للتموين - اللبناني << هذيلا اسعارهم مناسبه وارخص من غيرهم
وعندش ابو علي - قيصر , اغلى شوي
الماسةالماسية;11326206:
بناااااات شخباركم
انا بعد رحلة عناء مع الوالد وافق يودينا , انا و امي السعودية , عاد انا وامي نبي نشتري فساتين سهرة حلوة و كشوخية , وين تنصحوني اقولة يودينا , بعني ما نبي نتفرفر وايد , انا سمعت عن المارينا و فينيسيا , اي واحد نروح ؟؟؟؟
او في مكان ثاني جامع ووافي للفساتين , واسعار مناسبة , وكشخة
اخر سؤال في اماكن لتغير الملابس ؟؟؟؟
بليييييييييييييييييييييييز كلكم ردو علي :)
ما في أسماء;11329038:سلام بنات وعرايس
الله يسر أموركم ان شاء الله ويعدي كل شي على خير ومثل ما تبون
أختي زواجها قريب وتبي سفرة عجم تكون رخيصة وحلوة في نفس الوقت لأن ميزانيتها قفلت مسكينة
نبي بس السفرة بدون التوزيعات
بالنسبة للتوزيعات احنا حاطين في بالنا كذا شغلة منها حنة، شبة، ديرم، بخور وعطر
اذا عندكم افكار ثانية تفيدونا ما تقصرون
مريم ناز;11329960:
انا على طول اسوي في اللبناني او قيصر واكلهم حلو .. جربيهم:)
Happy Heart;11329258:صباح الخير
مريم ننتظر الصور
بنات بسألكم عن مكياج نورة الكعبي وعبير
انا اجوف صورة الميكب تبعهم يستخدمون اسود وايد
اهم يعني جذي ستايلهم؟
وعادي يرضون اقول لهم مابي يخلون لي اسود؟ او مايرضون