Aldalee3a;11323810:
وين يصير عبايات الخدر؟؟
سوق واقف / في شارع البليارد
+
mimi8841;11324212:
بنات صورت لكم باقتي يوم الخطوبة وكانت الخطوبة من سنتين تقريبا 25/3/2008
وأتمنى تعجبكم خواتي
ما شاء الله !..
كيووووتة .. حبيتها :ok:
وايد أحب الباقات الناجرال إلي جذي .. عوافي :032:
+
طيف امل;11324231:
سلام عليكم بنات
اللهم صل على محمد وآآل محمد
رجعت ليكم بنات بأسألتي من بعد غيبه خهخههخهخه
المهم بقولكم بنات طلعت لي اشياء جديدة الحين :02:
ملجتي ما بسويها في ماتم لان امي بتسويها عامه كل من هب ودب والمواتم اللي صوب بيتنا صغااار ما يكفون المعازيم :01:
فقررنا نسويها في النادي اللي في منطقتنا عشان يكفي المعازيم
وبما ان بنسويها في النادي لازم مسرح لان ما يجي تبعه المسرح :057:
من قبل سمعتكم تتكلمون عن المسارح والمحلات اللي يسوونهم وما حطيت بالي لاني قلت ما بحتاج وجا اليوم اللي احتاجهم فيه
اني مابي مسرح كبير وفخم
ابيه يكون ناعم وبسيط وفي حدود 30 الى 40 دينار فقط لان ملجة ومابي اخسر على المسرح ولان ميزانيتي ما تسمح ادفع اكثر :02:
يعني رحم الله والديكم اللي تعرف اسماء محلات مسارح حلوين بهالسعر تخبرني بلييييييييييززز
وسمعتكم تتكلمون عن الانصاري وين يصير هذااا ؟؟ وهل فيه مسارح بهالسعر لولا ؟؟؟
وشي ثاني بعد متحيرة فيه الا هو الباقه :01:
اللي متأجرة من عندها الفستان مسوية باقتها لون واحد الا هو فوشي وموديل الكورة
واني قلت ليها مابي باقه لون واحد احس مو حلووو قالت لي لا لان الفستان فيه الوان واجد وبعد بتسوين الباقه الوان واجد ما يصلح :091:
وقالت لي انتي اللون اللي تبين الماكيرة تحط لش الروج مثلا فوشي تبين الروج سوي الباقه فوشي
واني عاجبتني هالباقه :01:
هي موديل الكورة وطايحه منها اشياء
عجبتني لاني ماحب كورة بس بدون مو نازل منها شي
شرايكم يناسب موديل الباقه اسويها كلها ورد فوشي ؟؟ بيطلع حلووو والا شنوووو
او ادخل وياها ابيض مثلا او اخليها بس فوشي ويا الزرع هذا الاخضر !!!! او في اشكال غير تصلح ويا الفستان !!!
مع العلم ان فستاني وردي وفيه ذهبي والوان واجد فيه وحده زاااهي :094:
علمووووني ترى حدي هبله في هالسوالف وماعرف شي وابي اروح المحل واوصي عليها وافتك :01:
والله يسهل عليكم اموركم يااااارب ويتمم ليكم على خيرر آآآآمين :083:
خيتو إنتي ما بتسوين لج سفرة عجم في الملجة ؟!.
إذا بتسوين لج سفرة عجم
أوردي سفر العجم تجي مع كوشة نعومية وكشخة .. متناسقة مع السفرة
فماله داعي تخسرين في هالحالة :ok:
بس في حالة إنه ما بتسوين لج ,
عندج محلات عندها كوش نعومية & سمبل
مثل :
- أبو قاسم / كرانة
- الطاووس / عالي
وعندج ( أم طلال ) المتخصصة في سفر العجم , تآجر كوشات نعومية وحلوة !..
وإذا عندج ملف التجهيزات .. بتلقين رقمها :094:
+
فستانج !..
إذا الفستان زاهي وايد ومكس ألوان مثل ما تقولين ,
فخلي باقتج بلون واحد سادة مع أوراق خضرا & ورد أبيض أو أوف وايت
أو أختاري لون واحد بتدرجاته & تدخيل الورق الأخضر
لأن لو الفستان ألوانه مكس & الباقة ألوانها بعد مكس .. أحس الشي بيطلع عليج أوفر وايد صج :02:
شوفي الباقة إلى حطتها ( mimi8841 ) من شوي .. باقة خطوبتها
لون واحد بس مع تدخيل الأخضر .., :014:
إنتي تبين الباقة فوشية ؟!..
شوفي هاي باقات راقية بلون واحد مع تدرجاته مثل ما قلت لج , أو لون واحد مع أبيض :
(( هاي باقة العضوة / ورد .. حطتها مسبقاً وعجبتني بصراحة وسيفتها .. ما شاء الله روووووعة , الألوان كلش فظيعة , والورد ناجرال .. مناسبة )) :032:
//
(( هاي الباقة طالعة موضتها , والصورة الأولى من مجلة والثانية تطبيق وحدة بحرينية عاد بصراحة ناسية أسمها .. هالباقة معتمدة على لون واحد ومب حلو فيها ألوان مكس أصلاً .. بعد مناسبة ))
//
(( هاي روعة , نعومية & فخمة بنفس الوقت .. وبعد ما فيها مكس ألوان ))
//
(( هاي الباقة باتت دارجة بقوة .. وشخصياً أحبها عدل , وهي الباقة أم مسكة .. مثل باقة هيفاء وهبي .. وبعد حلاتها هذي تجي لون واحد بس مو مكس )) :032:
//
باقة الروزة الكبيرة
توها دارجة عندنا
وفي عرايس يسون روزة وحدة كبيرة وفي إلي 3 جذي
هذي بعد تتطلب منج لون واحد بس !..
//
(( هذي عاد الباقة كلش داشه بالي .. إلي هي موديل الكورة وتجي مثل السلسلة من الكبيرة إلى الصغيرة .. فخمة جداً , وبعد تجي بلون واحد )) :013:
//
(( هاي باقة أختنا / شواقة .. وايد حبيتها .. وبالخصوص نوع الروز إلي جاي لونين دمج .. ما شاء الله فننننن )) :040:
//
(( هاي حركتها نعومية وعجيبة .. وغريبة بنفس الوقت .. وتتماشى مع لون واحد بعد .. مب شرط مكس , وإذا جات على فووووشية .. أتوقع بتطلع فظيعة ))
//
(( نو كومنت .. الباقة تعبر عن نفسها )) :086:
+
وإذا تقولين إن الفستان من أساس ألوانه مكس .. يعني الماكيرة بتعتمد على ألوان فستانج علشان تحط لج ألوان مكياج !..
لأن هو عادةً الفساتين تجي بلون واحد درجة أو درجتين
والباقة هي إلي تجي مكس علشان تحدد ألوان المكياج
بس إنتي صاير العكس , الحين
فستانج مكس ألوان
وباقتج لازم تجي نعومية مب أوفر :025:
