أميرة آلورد;11308963:مسآآآء الخير ع العرايس :087:
صار لي فترة طويلة ما دخلت الموضوع
التجهيز ياخذ وقت وجهد :036:
تعبت واني افتر في الأسواق ما فيه أشياء عدلة
كل الموجود ثياب سودة / شتوية
باقي إسبوعين على زواجي وهذا اللي سويته إلى الآن
1. حجزت فستان من ليدي موون ،، أتذكر فيه بنات كانو يسألون عن فساتين زواج بـ 150
حصلت عندهم فساتين أول لبسة بـ 120 دينار وموديلاتهم حليوة
2. حجزت صالون سلوى حق الزواج
3. الباقة للحين ما حجزتها
4. حجزت الحناية أم محمود للحنة
5. شريت جلابية الجلوة
6. كملت شراي الثياب + البيجامات + النعل + الشنط + العبايات + الاكسسورات وغيره ونقلتهم إلى عش الزوجية :02:
باقي التعديل الأخير بيصير يوم الجمعة إن شاء الله
7. صالون لتعديل الجلوة للحين ما استقريت على رآي بس أفكر أروح وصال
8. حجزت للتصوير سكوب
الله يوفقج وييسر لج امورج :083:
امممم
عندي كم سؤال
وشرايكم في حفاف صديقة في الأطراف الناعمة ؟؟
صالون الاطراف كلهم حفافهم فضيع ومرتب:ok: وانا من خطوبتي لهذا يوم ماعمري غيرت هالصالون ومرتاحه منه بس انا احف عند امل او سناء هالثنتين بس وايد ناس على صديقه لكن احسها شوي تضعف الحاجب وانا ماحب لضعاف وموضة لعراض الحين بس اذا تقولين لها ابي عراض تسويهم لج عراض
وبالتوفيق :065:
وسؤال آخير
لو رحت للحلاوة الصبح وتحنيت العصر بيأثر على بشرتي !!؟
اممم جوفي بالنسبه لي انا مجربه هالشي وماحسيت بشي ولا صار لي شي حفيت الصبح وعلى المغرب تحنيت
بس يفضل انج اتروحين قبل بيوم احسن بوايد عشان البشره ترتاح شوي
والحمام المغربي روحي له بعد بروحه وقبل الحلاوة عشان المسامات تتفتح
يعني تقددرين تسوين حمام مغربي وحلاوة في نفس اليوم بس مو ورا بعض بالضبط لا يعني يبي لج ساعتين على مايبرد الجسم من الحمام المغربي
وانا الصالون الي اروحه جذي سولي سويت حمام مغربي وحلاوة ومنيكير وبديكير في نفس اليوم
لكن قالولي بعد الحمام المغربي انطر لين يبرد جسمي وفعلا كل شوي اتي اتجيك يدي وجوف بعدها طريه او لا هههه :085: << كانه بطبخوني لوول
الشعر يطلع لي بسرعة وما ابغي اشيل قبل الزواج بفترة طويلة :01:
وعن الشعر يطلع طويل عادة الحلاة اطلع الشعر بعد 3 اسابيع تقريبا يعني شهر
مادري انا بالنسبه لي هالكثر مده اتم معاي وانتي اذا منظمه وقت زواج بفترة بعيده عن وقت دورتج يعني تأكدي بتمين سبوعين نظيفه بس اذا وقت قصير من بعد زواجج بتيج اكيد بيطلع لج بسرعه
وانتي لاتشيلين بفتره طويلة من زواجج يعني قبل الحنه بيوم شيلي يعني بصير قبل حفلتج بيومين تقريبا اذا كل شي ورا بعض
وبالتوفيق :083:
إن شاء الله ما تمللتون من كثر أسئلتي بس متأكدة إنكم ما بتقصرون :08:
حياج حبوبه وبالعكس البنات هني محد يتملل من الثاني ماشالله كلهم متعاونين وجاوبون على كل شي :086:
ع ـذبة المشاعر;11309140:
10 تحف الوجه كامل - لكن اذا حواجب وشنب بـ دينارين ونص
بس اذا تروحين لها اول مرة بـ 3 دينار ونص ,, تاخذ دينار زود لانها ترسم الحواجب من جديد
وبيتها في مدينه حمد دوار 4 ما يضيع
حلو انا عبالي حتى الوجه مو كامل وعروس 10
بصراحه صار خاطري اروح لها وهذي اول مره بغير فيها المكان الي احف فيه وبجازف
انزين وين بالضبط في الدوار ال 4؟؟؟ ايصوب لانه بيت خالتي في م. حمد الدوار ال 4 يعني ادلي شوي هناك
ياريت تشرحين لي المكان وانا بتصل فيها بعد، واي صح بنات سألو عندها كرسي او على الأرض؟؟ :02:
ثانكيوو خيتوو :025:
روح,;11312880:
بنات شنو الألوان المناسبة لميكب حق فستان أحمر, بس مو ميكب أحمر كللللش بالمررررة !!
دايما الفستان الاحمر يحطون الميكب دمج مع الاسود والحمرة مو شرط حمره تقدرين تحطينها اللون اللحمي
او الاسود مع الذهبي وشوي من الاحمر والحمره حمره او مثل ماقلت لج الحمرة اللحميه
وتدرين اتحطين الاسود مع الفضي والحمره حمرة
mimi8841;11314782:مرحباااا بنات شفت لكم صور لخبيرة التجميل" سلوى الجودر" وعجبني شغلها وحبيت انقل الصور لكم<<< واصلني عبر الايميل:037:
واللي تبي رقمها تخبرني لاني طلعته من تحت الارض ولقيته <<< أخيراً:03:
عجبوني هالثنتين واحب طريقة الكحل الي جذي وايد
تسلمين على الصور :083:
maryoom;11314869:
بنات آنا خلاص رسيت على هالتسريحة لزواجي لأنها دشت بالي خلاص:025:
بس من وين ألاقي التاج اللي مثل الصورة؟؟
مادري ليش البنات هني وايد يحبون السعودية واغراضها :094:
مع انه هني في البحرين وايد في محلات حلوه وشغلات وايد فن واسهل لكل وحده بدل روحت السعودية ومشوارها وتعبها << وايد هذرت مو :02:
على العموم تقدرين اتحصلين هالتيجان في متجر فاضل ( مجمع اللؤلؤ ) وايد حلوين
ميمي3;11315054:
بالنسبه لي شفت ظفاير على صديقتي بس كان في صور ماادري اذا بالطبيعه كان شلون وحده روعه
بالنسبه لصالون وصال شفته على حماتي وصديقتي يوم ملجتها احس وجههم مدهن والبودرة رايحه كأن مو مبين الا الشدو منهم ماعجبني مع احترامي لمحبين الصالون وهالحجي من سنتين مادري الحين شلون طبعا هذا رايي الشخصي فقط
بصراحه انا مع كلام ميمي عن صالون وصال وكنت بتكلم وبقول راي بس سكت وماحبيت اتحجى مع احترامي لكل الي يحب هالصالون وللعرايس الي بروحونه
لكن انا نفس الشي شغلهم جايفته ومو لهناك وهذا الحجي بعد من زمان وقبل لا ارد شاككت في الصالون نفسه الي في بالي وهو الي اتحجون عنه او غيره
بس من وصف وحده له تأكدت انه اهو واذا ماخاب ضني يصير يمهم محل كراج بعد صح؟؟
عالعموم الناس اذواق ويمكن هالفتره صار تغير بس الي اعرفه لوصال انه شغلهم مو لهناك
مااحبط احد يمكن الحين غير وقبل غير بس انا لمى رحته صحت ومنها تعلمت مااروح اي صالون
عشان جذي انا ثابته لكل شي على صالون عشان اروح وانا مطمنه مااحاتي شلون بطلع وشنو بصير بعدين
وبالتوفيق للكل وكل واحد وذوقه وستايله :083:
mimi8841
اول فستان حطيتيه فضييييييييييييع وخذيت الصورة عندي :02:
بروح بسوي لي واحد نفسه وايد فن
