™`.¸¸.× تجهيزات عرائس (مملكة البحرين) لشهر صفر 1431-2010 م / الجزء = 61 ×.¸¸.'™

ابي صالون لـ حفة الجسم ويفضل ان يكون زين ومب هنديات، أو هنديات بس مايهذرون فوق راسي ..


ويفضل يعني حول المحافظة الوسطى

دآآن;11266092:
خيتو روحي سوق واقف في محل ماعرف شنو اسمه بس فيه "الشرق " يعني شي الشرق

قريب استيديو صحاري

انه مره رحت وجفت فساتين عجبوني هناك
حتى واحد سألت عن سعره قالت لي بـ 60 !!

immortal;11266147:
بس البروفا ما تغربل اللي كل مرة بروح السعودية ؟ :057:


يعني احس صح بيطلع ارخص وحقي بس بحتاج كل جم يوم اروح حق البروفا ؟؟

خيتو انه الحين فستان خطوبتي مسويته في السعوديه تفصيل

رحت مره للبروفا ،، وباجر بروح اجوف الشغل

وعقب جم يوم المفروض يجهز

مارحت وايد !

دآآن;11266199:
خيتو انه الحين فستان خطوبتي مسويته في السعوديه تفصيل

رحت مره للبروفا ،، وباجر بروح اجوف الشغل

وعقب جم يوم المفروض يجهز

مارحت وايد !

وين يصير المحل ؟؟

وجم احتاج فترة علشان يبرز ؟؟

وعندش صورة تشابه الفستان

وبجم طلع ؟

immortal;11266223:
وين يصير المحل ؟؟

وجم احتاج فترة علشان يبرز ؟؟

وعندش صورة تشابه الفستان

وبجم طلع ؟

عندج سوق سويكت ،، انه سويت هناك
امم انه فستاني يحتاج كان شهر ونص لانه كله شغل وشك
بس رفيجتي قال لها شهر تقريبا لانه مافيه شك ،، كله تركيب

والله ماعندي صوره تشبهه لانه انه الي صممته بروحي ،، يعني الفستان
الي كنت متخيلته وحابه البسه ،، سويته ،، اهو بس رسمه الشك كانت عليه
والتفصيل !!

سويته بــ 700 دينار

صديقتش بعد طلع عليها ب 700 ؟؟

الفستان اللي ابيه بسيط

وبغيت شي في حدود 300

immortal;11266324:
صديقتش بعد طلع عليها ب 700 ؟؟

الفستان اللي ابيه بسيط

وبغيت شي في حدود 300

صديقتي اعتقد بـ 500

مادري والله
انتي روحي وجوفي مب خسرانه شي !!

immortal;11266147:
بس البروفا ما تغربل اللي كل مرة بروح السعودية ؟ :057:


يعني احس صح بيطلع ارخص وحقي بس بحتاج كل جم يوم اروح حق البروفا ؟؟

يمكن مرتين او 3 بالكثير

WARD89;11266154:
ابي صالون لـ حفة الجسم ويفضل ان يكون زين ومب هنديات، أو هنديات بس مايهذرون فوق راسي ..


ويفضل يعني حول المحافظة الوسطى

صالون لوران في مدينه عيسى
يشيلون شمع واايد زين ويدورون عليه بالخيط والملقط بعد :049:

immortal;11266324:
صديقتش بعد طلع عليها ب 700 ؟؟

الفستان اللي ابيه بسيط

وبغيت شي في حدود 300

تحصلين في حدود 300 وشي فخم بعد :014: واذا شي ناعم بتحصلين في حدود 200 او 250 بالكثير

سلام
بنات بغيت اللمعة اليي يحطونها على الجسم او في الشعر ويصير شايني
ماادري من وينه اشتريه هو شكله مثل الاسبري يرشونة على العروس ويعطيها لمعه وفي الاضاءة يبرق
ياريت تردون عليي ضرووووري لان مافي وقت وخاطري اشترية ولا تقولون الصالون لان ماعدهم ومايحطون ولا اليي بروح لها مكياج بعد ماتحط
بليز لاتبخلون برد ..

تحياتي

قلب كريم;11266081:

حلوومه ,

وه ريحتيني الله يريحج دنياا وآخره :)

آناا ما ادري أنه ام محمود عادي اهي تشتري وتغلف

عباالي بس تغلييف :D

ماقصررتي يالغلا

اشوه راح لمحاته خلاص اذا عندها بنأخذ من عندها تعبنه واحنه ندور باجر بتصل لها.. قلب كريم خلاص اشوه حصلنه هم وانزاح نفس مايقولون ..:08:
ان شاء الله مشكوره حلومــه ماتقصرين :083:

هااي عروسات شخباركم؟؟

الحين 600 دينار يكفي حق تجهيزات الخطوبه من شغلات الصالون والصالون يوم الملجة والخطوبة وفستان الملجة والخطوبه وغيره

هذه بعض الباقات اللي عجبتني

بحطها للأفاده

هذه باقه بنت عمتي من مزاهير




^
^

ولاحظوا انه الورد فرش وما اخترب لنهايه الحفله


........










وهذه باقه شوشو اعتقد

فوفو البحرين;11266425:



صالون لوران في مدينه عيسى
يشيلون شمع واايد زين ويدورون عليه بالخيط والملقط بعد :049:

عاشقة قلبه;11266607:
هااي عروسات شخباركم؟؟

الحين 600 دينار يكفي حق تجهيزات الخطوبه من شغلات الصالون والصالون يوم الملجة والخطوبة وفستان الملجة والخطوبه وغيره

600 دينار !!

بالنسبه لي ماتكفي بصراحه
بس مادري

انا احس 600 دينار تكفيني

بس انا ماعندي خبره فيعني نورووني

5 يناير 2008;11266440:
سلام
بنات بغيت اللمعة اليي يحطونها على الجسم او في الشعر ويصير شايني
ماادري من وينه اشتريه هو شكله مثل الاسبري يرشونة على العروس ويعطيها لمعه وفي الاضاءة يبرق
ياريت تردون عليي ضرووووري لان مافي وقت وخاطري اشترية ولا تقولون الصالون لان ماعدهم ومايحطون ولا اليي بروح لها مكياج بعد ماتحط
بليز لاتبخلون برد ..

تحياتي

يمكن تلاقينه في محلات الي يبيعون مستلزمات الصالونات مثل نزيه وصبايا وآفاق

ولؤلؤه المحرق قالت انها شرته من لايف ستايل بس مادري اي صوب

وترا تقدرين تستبدلينه بكريم او لوشن مع لمعه وتزيدين فيه جلتر او بيجمنت تخلطينهم مع بعض وتحطينه على جسمج انه مجربه هالطريقه وتطلع وايد حلوه :ok:

هذي صور البيجمنت والغلتر










وبعد عندج نوع غلتر كريم
انه شريت من بدي شووب وايد حلوو يعطيج غلتر فظي على لمعه ورديه وفي برونزي بعد
وتلاقنه عند الماركات الثانيه



وتقدرين بعد تروحين جنيد واصغر علي تلاقين عندهم كريمات معطره وفيها لمعه فظيييعه :02: واتوقع بتكون احسن من الرش لأن معطره وتعطي ترطيب ونعومه :014:

حلم...
حبيبتي ,

بدل هالمخاسير كلها

روحي " لأم محمود " وهي بتوفر لج بكل شي

لأن هذي شغلها وهذي إختصاصها

وإنتي ما عليج إلا تختارين الألوان وإلي إنتي بخاطرج

جذي التكلفة بتطلع عليج دبل .. دبل

أنا عسبالي بتسوين الشغل في البيت بروحج من جذي تسآلين :085:

و على فكرة !..

إلي تقصدها " حنين "

إهي نفسها ( بنت النور ) :02:




لا خيو حلم بنت النور غير عن تخفيضات (ام جنان) كل وحدة منهم عندها متجر مختلف عن الثانية حتى اذا دشيتين متاجرهم الالكترونية بتشوفين ان بضايعهم كلش غير عن بعض


بنات خلاص بسمع كلامكم ومن باجر بروح للفستان والاستديو

قلبي مارديتو عليي:(

عاشقة قلبه;11266607:
هااي عروسات شخباركم؟؟

الحين 600 دينار يكفي حق تجهيزات الخطوبه من شغلات الصالون والصالون يوم الملجة والخطوبة وفستان الملجة والخطوبه وغيره

يعتمد في بنات يقدرون يجهزون روحهم بهالمبلغ وفي بنات لاا

يعني مثلا تقدرين تروحين سلوى وتسوين شعر ومكياج ب 75 وتقولين لهم مابغي اضافات
والحنه تختارين حنايه تحنيج ب 25
هذي 100 دينار طارت

الفستان تقدرين تتأجرين من عند احد تعرفينه ويراعونج في السعر
او تتأجرين ب 180 او 150

الملجه تروحين صالونات رخيص وقوي مثل وصال و نادره ووايد صالونات في اسعارهم حلوه ومناسبه لملجه او جلوه او حنه
وتشترين فستان جاهز من السعوديه ب 60 او 70 يكون ناعم وحلوو
والاكسسوارات بعد تاخذينها من السعوديه ارخص واحلى من هني :08:

ع ـذبة المشاعر;11266635:
هذه بعض الباقات اللي عجبتني

بحطها للأفاده

هذه باقه بنت عمتي من مزاهير




^
^

ولاحظوا انه الورد فرش وما اخترب لنهايه الحفله


........










وهذه باقه شوشو اعتقد

عذبه مشكوووره على الصور :065:
عجبتني الباقه الي فيها ازرق
افكر اسويها في عرسي مع فستان ابيض كتغيير عن الوان المكياج المعتاده

WARD89;11266643:

مشكووره حبيبتي، بس وين يصير بالضبط؟

وفلبينيات أو هنديات اللي يحفون؟

اهو يصير جفتي اذا انتي يايه من صوب مجمع المدينه ومريتي على مدينه خليفه الرياضيه
وكأنج بتروحين جد علي وبتلفين على الدوار الي يوديج المعهد الحديث
بتلاقينه على الشارع
واذا تبين وصف ابسط
اذا تعرفين مستشفى مدينه عيسى القديم الي كنسلوه وسووه للعجزه
يصير مجابله بالضبط :014:
والي يحفون فلبينيات
ولاتخافين مايهدرون ولا يدخلون يسوون شغلهم وهم ساكتين

فوفو البحرين;11264081:
حلويين
بس شنو هذيلا بالظبط
مناظر صغار او علب ؟؟
ومن وين وشنو سالفتهم وجم سعرهم
ادري مللتج بس شسوي :085:

احلوت دنياج ابوي
هاي فديتج علب صغار كلش نتيفونه

يايبتهم من الهند بس مابتصدقين سعرهم ههههه الوحده طلعتها ب 100 فلس خذت 200 حبه مادري 250

بس احتمال اعطيهم رفيجتي وابي زياده هني شفت مناظر في سناء كانه بدينار ونص وفي قلم بعد هناك والله على ربيه ونص القلامه ههههههه

بس الحاجه الحين مظطره اخذ ان ماكفوني
امي تقول بس سوي لها 200 علبه وسوي شي غير

بنات سامحوني يمكن دشيت عرض :$ واذا استفساري بمكان غلط نقلوه المكان الصح :)


بس بسألكم من تعرف خديجه اللي كانت تسوي شعر بصالون فندق الخليج والحين طلعت بصالون بالجفير


اللي عندها رقم موبايلها بليز تدزه لي عالخاص ابيها ضروري عندي مناسبه قريبه :(