وردالروان;11240577:
حبيبتي اذا حفلتج قريبة فأكيد مابتقدر ام نادر لان زوجها توفى امس الله يرحمه:091:
بنات ...
اللي سمعته منكم ان الملاية ام بسام حلوة فبليز اللي تعرف عنها شي اكيد تخبرني او اذا حضرتوا لها جلوة وشنو رايكم
ابي احد سمعها:01:
لا حول ولا قوة إلا بالله العلي العظيم .. الله يرحمه
هم السابقون ونحن اللاحقون !..
(( أم بسام ))
صديقتي حضرت لها جلوة وحدة من أهلها وصديقتها بنفس الوقت :094:
ومدحتها عدل .. عدل
تقول شالت لهم المكان شيل وما قعدوا دقيقة
لأنها إهي تشجع وهم يشجعون , تقول إنها أحلى جلوة حضرتها :ok:
وسبق ومدحوها هني بالموضوع !..
ورقمها موجود بملف التجهيزات الشامل ,
+
ميمي3;11240955:
دعوة العروس حزة العقد زينه يقولون وتستجاب خطيبة اخوي عجبتني حركتها كانت مخليه في حضنها صحن فيها تفاح وعقب العقد عطته لعزوبيه كل وحده تفاحه وتقدرين تكلبين كل وحده لها مراد يوفقها وتعطينها تفاحه مو شرط لعزوبيه بس :ok:
إي ..,
قالوا لي عن هالحركة
بس أحلى شي صحن أو سلة حلويات بحضن العروسة .. ولمن الشيخ يكمل العقد
ينثر الحلويات على المعازيم
واااااي شعور يصيح << دمعت عيوني :041:
لأن حضرت ملجة و وسو الشيخ جذي .. جد حسينا بالفرحة ,
وحتى سلة التفاح بعد .. متعارفة عليها
وللعزوبية تتوزع أفضل شي لأن هي لها الأولوية له!..:040:
ويقولون دعوات العروس أثناء عقد القران مستجابة
ف يااااا بناااااات
لا تنسونا من دعواتكم !.. :086:
+
طيف امل;11240958:
بنات شرايكم في محل عليا فلاورز وفاليران ومزاهير لباقة العرايس ؟؟
اي واحد شغلهم احلى ومميز :ok:
محتارة بين هالمحلات الثلاثه لان كلهم قريب من الاستيديو اللي بصور فيه
يعني اي وحده سوت باقتها في هالمحلات تقول لي عن تجربتها :040:
وووشرايكم في صالون ريفين للواكس ؟؟؟
سمعت وحده وياي في الجامعه تقول ان اختها كله تروح عندهم الجسم كامل بـ 4 دينار بسسس
عاد مادري شيرة عادية او واكس !!! :02:
اللي جربت هناك تقول ليي :01:
لاني ادور صالون للواكس يكون شغلهم نظيف ويكون رخيييص :041:
والله يسر اموركم ويتمم ليكم على خير عرايسنا الحلوين :083::032:
شخصياً أقولج إن أفضل شي هو ( عليا فلاورز )
محل معروف جداً وله أسمه :095:
وعندهم كذا فرع
وردهم طبيعي ونااااااايس
بس ترى الكاتلوجات إلي عندهم قديمة خذي معاج موديل أو ديزاين الباقة أفضل :ok:
بس من ناحية السعر هو الأغلى!..
وبعده أرشح لج ( فاليريان ) إلي بسوق واقف / شارع البليارد
وردهم فرش وطبيعي وحلو
وشغلهم وايد وايد رخيييييييص
من 20 إلى 35 فقط
وخذي معاج موديل للباقة هم بعد أفضل لج , يمكن ما يعجبونج إلي بالكاتلوجات وقديمة !..
وآخر شي أرشح لج ( مزاهير ) !..
وإلي سبق وتكلمت عنه اليوم في رد ساابق .. وما بعيد شقلت عنه ههههههه :085:
+
مريم ناز;11241128:
حرام عليج والله ظلمتيني :)
انا قاعده ماسوي شي !!
انا كليوم اتصل مكان احجز شي .. وانا بروحي اسوي كلشي ماعندي ولا احد يسوي لي
اداوم من الصبح لين 5 ونص .. ارجع البيت 6 وشي اصلي واتعشى .. متى اروح افتر؟؟؟
اليمعه يصكون الصبح ويبطلون العصر... واروح اليمعه ... مع ان بيت يدي يزعلون اذا مو كلمن يكون موجود
بس هاليمعه كلهم سافروا .. بروح بروحي بدور:)
بس انا مو قاعده هلون وماسوي شي..
انا حتى مارقد في الليل وافكر شنو اسوي وشنو ماسوي انطر الصبح يطلع عشان اخلص اشغالي
اصلا شكلي حنيت وايد في الموضوع:D
يلا معليه
مشكورة على مساعدتج اختي
لا حبيبتي .,
أتمنى إنج ما فهمتيني غلط :02:
وأنا ما قصدي أظلمج وأقلل من قدرج أو من تعبج
كل عروس تتعب وتتآلم وتعاني علما تجي حفلتها
من قال التجهيزات سهلة ؟!. :047:
أنا على أيام تجهيزي كنت أشتغل وأطلع من شغلي 7 المغرب
تخيلي هذي حزة راحتي لو حزة تجهيزات ؟!.
وبعدين حجوزات التلفون ما بتسوي لج شي
إلي أقصده ضغطي على نفسج شوي وأفتري وطلعي وشوفي
لو كل يوم تمرين محل واحد بس !.. :ok:
منتي خسرانة شي
ليش تجمعين التعب على نفسج ؟!.
وبيوم راحتج تروحين تفترين ؟!.
زين ساعة أو ساعاتين من كل يوم تفترين على كذا محل .. بتفيدج وايد مب شوي :014:
بتطعيج فكرة عن الأسعار
فكرة عن البضاعة الجديدة
عن التصفيات والعروضات
وأحنا الحين في فترة بداية السنة .. أحلى وأكشخ فترة للتجهيزات :03:
على حظظظظظظظظظظج
كل تخفيضات 70% وما فوق
أستغلي الفرصة وأخذي لج كل شي تبينه
*
ترى التجهز صعب مب سهل!..
وفترة ما قبل الحفلة من أصعب وأقسى اللحظات على كل عروس
أنا قاعدة أشجعج تتغلبين عليها وتصيرين قوية وتخلصين بسرعة
ما قاعدة أحبطج !..
بالعكسسسسسسس
شوفي العرايس هني ؟!.
ما شاء الله عليهم بدون ما أذكر أسامي
بس تحدد موعد الحفلة
يوم واحد رسمت مخطط وقررت كل شي بتسويه
أنا تعجبني العروس إلي جذي :ok:
ما تحير نفسها بشي
وتسمع برآي الناس إلي تذم
قررت كل شي وفقاً لذوقها
حتى لو ما حجزت أو ما دفعت عربون
كفاية عليها إنها أختارت!..
*
وهذي إلي نبيج تسوينه
تجين لنا صافه لستة أستعدادتج وأختياراتج
بدون حيرة وبدون تشتت
وبدون قلق
ترى هاللون مب زين لج والله!.. :032:
+
عاشقة قلبه;11241264:
والحبوبه اللي سالت عن سعر الشبكات انه خطيبه ولد عمتي خطوبتهم قبل محرم وخذت شبكه ناعمه من سووق الذهب اللي في المحرق ب500 دينار ومعاهم الدبل
أنا توي الأسبوع إلي طاف كنت بسوق الذهب
الذهب عندنا كلما جا له ويزيد ويرتفع
آخر مرة كان 11.700 أعتقد (( وهذي يعتبر نازل جداً ترى )) :041:
الأطقم النعومية جداً جداً جداً والهادئة .. توصل 550 دينار
الدبل العادية السادة 25 وما فوق
والدبل الكشوخية أقل شي 40 دينار وما فوق
وإلي تبي الشي الراهي والغالي تحط لها أقل شي ميزانية 1000 دينار .. دبل & طقم :091:
هذي قبل !..
الذهب كان على 7 , 8 , 9 .. الحين أبدددددد
مب راضي يوصل إلى هالسعر .. وصار له على هالحالة فوق السنة :047:
+
المكياج;11241349:
بنات الي توكم مخطوبين كم عطوكم للتجهيزات
اتمنى تردون علي
الله يسلمج ,
مبلغ جهاز العروس
يتحدد يوم المواساة " المعادل "
العروس تطلب مبلغ وأهل المعرس يعطونها
إذا الخطيب على قد الحال لا تاخذين أزيد من 500 ( شاملة كل شي طبعاً ) :040:
وإذا هو مقتدر .. لا يبه تدلعي ههههه
خذي من 600 إلى 800 :014:
بس أهو المتعارف من 500 إلى 800 دينار .. كل عائلة وميزانيتها
وتكون شاملة كل تجهيزاتج وأغراضج وحجوزاتج كعروس !..
والذهب والصالة وهالسوالف , هذي شي منفصل ماله علاقة بفلوس التجهيزات :095:
+
سراب الأمنيات;11243076:
اشووى ارتاح قلبي :032:
يعني انتين قصدش عادي اني انظف من الحين لتاريخ زواجي بعدين احف ؟؟؟
اللولو حق الشعر تماام بس المكياج ما انصحش فيه
زواجج شهر كم ؟!..
4 صح ؟!.
والحين أحنا شهر كم ؟!.. 2 مووو
يعني روحي نظفي عادي
ولين طلع لج وزاد وحسيتين نفسج متضايقة منه روحي شيليه بعد :ok:
التنظيف عادي كلش ولا بيآثر على شكل حواجبج .. لأنه مثل ما ذكرت لج هو مجرد تنظييف للزوايا
ماله علاقة بالحاجب نفسه وبرسمته
وقبل زواجج بثلاثة أسابيع مثلاً أبتدي ربيهم , ولا تسوين شي لو حبيتي :025:
عاد أهم شي تروحين لحفافة شاطرة وتقولين لها أبي بس (( تنظيف ))
وهي بروحها بتفهم وبتسوي لج تنظيف :02: