:029:
خيرررات حبيبااااااااااتي توحشن فيا نلف نلف ونجي نشوف النت
انشاء الله حالكم باهي
=============================
عروس رايقه
حبوبتي هذي صورة لطقم جفنشي شور جيل وبدي لوشن وهكي شكل الاصلي
طقم عطر سينما
======================
روح الوليد وعرايسنا
هذي بوردة جفنشي متاعي متاع الزفه درتها لجسم علا الفيلو وف الفندق علا روب الدخول
بريق حلو وريحتها تجنن
سعرها 50 -55 العلبه تقدرن تعبنهاا مره تانيه ب اى بودر وتستعملوها بريشه التوزيع
========================================
عرايس
ف ماركه فارمسي كلكم تعرفوها هيا عاديه نوعا ما
متوفره هلبا
المهم انا شريت منهم من بنغازي علبه مانكير حلوووة فرنش مانكير
العلبه فيها اللوان3 معاها لصقه لتحديد الاظافر
وسعرها ب 3 ونص كانو مدايرن تخفيض تخليوووو الكلام اهو رمضان الي فات قبل عرسي ب ايام
هذا هواا
======================================================
حبوباتي
سبق وحكيت ليكم علا معجون الو دانت يباع ف ليبيا عند زين الاثات وهووو مش منتج لزين لكن المحل متاع زين هوا الي منزله
زين ==بنغازي ش دبي وفطرابلس الواحات سنتر الدور الارضي
من تجربتي معجووووووووووووون التفتيح رررررررهيب استعملوه وابدن فيه والله والله درته فتره تلبسيتي كلهمممممممممممممممم قعدو يقولو شن دايره لضحتك سنونك روعه
سعره 10 دينار ف هلبا انواع بس انتن خوذن تبيض اظن اسمه تبيض شديد او حاجه زي هك
المهم متاع تفتيح عليه صورة فرع اخضر زي الي ف صوره
بس مافيش اللون الموف كله ابيض
انا لقيت يومها هنا ف الامارات بس للاسنان الحساسه جبته وخلاص
وقلتلكم عن نوع للاطفال احمر يجنننننننننننننننننننننن بالفرواله سعره 5 دينار خيااااااااااااااااااال يعطر الفم
انا كنت ندير فيه ف مواعيد الخطوبه والدخله واول شهر للاسف دورته ف الامارات ماااااااااافيش
يا مخطوبات ومدامات وعرايس جربنه يستاهل:014:
==================================
يازينات
هذو بوكسات حلوات الصورة ظلمتهن الاصل احلا
هنا ف المحل اشكال واللوان واحجام وموديلات اناديرتهن ف درج التسريحه او الزيناه متاع دار النوم
وحاطه فيهن حاجاتي ومنظرهن حلوووو وممكن تحطن فيهن هدايا
المهم هنااااااااا من محل عباد الشمس بنغازي =تفرع=شارع دبي ==== لما تخشن من تفرع مطعم الدمشقي كانكم ماشيات لكوافير النواعم
هوووو صفه مطعم بلادي ووووووووجنب الصيدليه طووول
الصيدليه نفسها
الصيدليه الي جنبه عندها جهاز غسل المدامات للمنطقه الحساسه سبق وعرضته ف اللمه
وعندها فرش اللسان لتنظيف الفم واللسان
===========================================
عروسااااااات
صاحبه البشره البيضاء تعرفو معظم الماركات من الصعب تلقن فيها فونديشن ابيض
ديما الدرجات البيضاء لما تنحط عالوجه تبدا شفافه خفيفه يعني
ف بودرة وكريم اساس جست كولد القديم الكحلي الاصلي ايطالي
ووووراه تقلد ف تاكدن انه الاصلي ريحته مميزه زي ريحه الدميه او البن بلا
زي الالعاب زمان الراقيات فيهن ريحه مميزه وتكون مغلفه من داخل بكيس شمواه كحلي
وهظا كريم الاساس
الصراحه نستعمل ف لطلعات اللمات وهكي ونخلط فيه بشوي ماكس فاكتر
وووتغطيته حلوووة وفاتح اللون انا ماشي معاااي
تعرف حبوباتي المكياج الصح انك تاخذي من كل ماركه اجمل ما فيها
وقصه لا ناخذه ماركه كله نوع واحد نحسها برستيج مش عمليه
شفت هلبا من صحباتي خذنه كله شانيل وديور ووهكي للاسف مش كل ما فيهن حلوو بعد فتره شرن حاجات يوميه زي قوش وديبورا وجست كولد
وووحتى لو شريتو مكياج قنين وغالي مش معقول كل يوم بتحطوه لان الاحسن ان الوحده ادير عده خفيفه عمليه وعده للاعراس والطلعات الرسمي
واااااااااااااانا جست كولد وماكس فاكتر روعه مشو معاي لو نبي تغطيه نورمل وخفيفه هلبا ندير ماكس ولو نبي حويجه باينه وتغطيه اتقل وافتح اندير جست كولد
لو نبي الوسط نخلطهن=========================================
وبس خلاص انشاء الله حويجاتي البسيطه يفيدو الحلوووووين
