™`.¸¸.× تجهيزات عرائس (ليبيا) لشهر صفر 1431-2010 م / الجزء = 7 ×.¸¸.'™

طرابلسية;11242893:

السلام عليكم

كيف حالكم كلكم القدم والجدد
وصحيتو وبارك الله فيكم على السؤال على والانشغال بي
هذا من اصلكم الطيب
انا كنت متابعة معاكم من وراء الستار
وبارك الله فلى دعى لبنتى بالشفاء والحمد لله العملية كانت ناجحة وتمام
كلكم كلكم كلكم مانبيش نذكر ولا اسم مع انه والله اسمائكم محفورة في الذاكرة بالذات اللى سئل على

صحيتو بالهلبة بالزاف بالبرشا بالكمشة واجد وايد قوى كتير

هلا هلا هلا :072:حمدلله علا سلامه يا جي من السفر -------- هلا هلا لو نحساب هكي ذكرتك من زمان

وانتي ف البال حمدلله علا سلامة بنوتك ربي يحفظكم لبعض

سؤال المخالفه طرابلسيه لو تعرفي عطار مميز ف طرابلس وفيه كل شيء يعني يجيب ف اغلب الامور نوريني انت او العرايس

وينه وشن اسمه =======

طرابلسية;11243284:

عروسة ليبيا الله احد على نشاطك

سلمك حبيبتي ونورتي

نبي نسالك على ماكس تاتش وين القيته هنا؟
وما اروعك وين وبكم
والله متوفر ف محلات المكياج والعطور العاديه زي محلات نادي الاتحاد وهكي وراهو قنين ويجي هديه خفافي وووولطيف مش بس لملابس والدولايب ممكن الوحده تستعمله ف النهار صباحي او ف زياره خفيفه واختى دايرته لي ولدها عمره 3 سنوات ونص وتحبله عطور الرجال الخفاف والله قنين وحلو
مرات تحتاجى لعطر مايكونش غالى باش يهون عليك انك متلا ترقدى في البانيو واديرى منه في المية السخونة
ومرات اتحطيه على المبخرة الخاصة بالعطور اللى تحتها شمعة
مرات تبخى منها في دولابك والادراج
فياريتك تقوليلى على ماكس تاتش حسيته يمشي معاى

امم صح وبعدين الوحده قداش منها مهما كانن عطورها يكملن مرات يخش الراجل علا غفله وهي تطبخ ولا جارتك ولا حد من اهل الزوج بذات الي فوق اهل زوجها وهكي مش معقول طول النهار تبي تحط ديور وشانيل اهو حويجه حلوة وفرش تنحط ف دولاب المدخل فطريقك لما تفتحي او في رف الحمام منه ديكور وفايده
وتوصفيلى عطر ما اروعك............بنتعبك معليشي
تعبك راحه عطر ما اروعك يجنننن وانا خذيت صورته من عروس لان راجلي مفضي لاب توب وممنوعه نصور ونحمل :039:
بس عندي زيه بزبط يا طرابلسيه يجننننن ويشبه لعطر عالمي بس عصرت روحي ما ذكرتاش:040:

عطور الرصاصي متوفره ف ليبيا بس ما اروعك جديد بنك وفي ازرق
انا عندي البنك

واسعاره اكيد مقبوللللللله جدا وراهو جوده:03:

انا في العطور اللى ذكرتيها نحب مس ديور وتريزور
لكن توه نستعمل في عطر من استيه لودر واااااااو بجد
من استيه لودر

اااكيد استي حاجته معروف بس انا اختصرت زي ما قلت هذي قطره من بحر وانا ننصح العروس تنوع مش الكل يقدر يشري ماركات ولكل عروس ظرفها
لحد الان مانزلش للبلاد اخديته من مانشستر عامنول
الصراحة فضيع
اممم ياذوق سهفتيني الصراحه هنا الاماراتيات مشاء الله ذوقاات والعطر نمبر ون عندهم
وف هنا اندر العطور واغلاها انا ماسكه رروحي :042:عشان امكانيات الغالي نحوشو بش ندير حويش ف بلادي وبعدو نهيج بكيفي:093:
حتى العطر اللى مقلوب بيه المنتديات حتى منتدى عروس
واللى فعلا غالى بس يستحق حقه وخصوصا انك مش حتلقى حد امدير منه
مش متلا زى المعروفات تلقي اغلبية الموجودات نفس العطر
هو نارسيزو رودريغز
ديرو عليه بحث يابنات والله حاجة جميلة جدا
يسلموو علا تفاعلك :072:ونوري موضوع اللمه ف قسم شات عروس اكيد حتفيدي البنات بردك وخبرتك

هنو الدلوعه;11243251:

أهو غيرته ياعروسة في اللمه وجبته أهني هههههههههههههههههههه

قوليلي شنو رايك في سينما صح مثير ولالا نبي الرد ضرووووووووووووووووري

والعرس قاعدين ماحددوش لكن بأذن الله خلال السنه وهما الفتره الجايه بيحددو بأذن الله

رد المحالفه هنو شكلك مفكره فيه لززززفه حلووو رراهو مميز وووشوفي ردي الرجال ف يوم زي هذك بطلتك الملكيه وب كل الاستعداد يتفاعل كيمكل == او كيماويا بشكل ايجابي مع قوة عطر العروس وجماله ووووهظا باش نقولو عطر العروس يتميز عن عطور باقي الايام ب انه كلاسيك وملكي وقوي بس حلووو

لان ااااااااااااااكيد مش كل قوي شين ولا كل قوي زي بلو ليدي ههههههههههه منحبش يكون خانق بلو ليدي الازرق يا مكتره هو من اصدارت الرصاصي القديمه متاع نساوين كبار حلو للجدات

ياعرررايس ف الايام الي بعد اول شهر ويا هنو والكلام لك وللكل يبدا التاقلم و مع مرور الايام يبدا الاستقرار والاحتواء والسكينه الحلوة بين العرسان هضك الوقت تغيري بعطر زي جفنشي او تتش او بينك او اسكادا وووقتها جوكم نفسيا حيكون اكثر انسجام للامور الاخف وتميلي لي العطور الي فرش خفيف او علا سويت

و الطرف الاخر العريس وانتي اكثر راحه وتفاعل معاهن من العطور الاقوى ------يعني اثاره العطر تحكمها الظروف والعامل النفسي

ولو قريتي كلامي انا جاني كوكو لكن درت جفنشي الاحمر لدخلتي لانه ناسب نفستي وقتها وجمع بين القوي وبين حلوة جفنشي الي عطوره سويتي شويه

وانشاء الفكره وصلت ليك ولكل بنوته وعروس تجهزززز==== تفلسفت واجد منعرفش نشرح بختصار

لو تشاوري فيا علا سينما حلوووووووووووووو


وانشاء الله نفرحو بموعدك قريباااااا :087:

بنات .. فى حد عمركم قابللاته هادى

هيا اسمها ايربرش ليقس للرجلين من سالى هانسون الحق انى خديتها من برا والله رهيييييييييبة وهيا للرجلين وانى نبخ فيها مرات حتا على كتافى وضهرى وفيها لمعة مش عادية للرجلين بكانك لابسة شخشير لحمى لماع .. تمت منى وبنموت عليها وامس لقيت موقع يبيع فيها بعتلهم قالولى تمت بالله عليكم قابلتكم ولا لا ؟؟ وقولولى على اى محل عنده منتجات Sally hanson

طرابلسية;11243781:

وفيه عضوة انسيت من هى وتسامحينى
حطيت انها تستخدم في زيت Eوالاوميغا 3 فبالله تقولينا منين تاخدى فيه

حمدلله علسلامة طرابلسية حمدلله على سلامة بنتك وان شاء الله هادا حد السو:072:

بالنسبة للزيت انى نستخدم فى الكبسولات بس الزيت قالبة عليه وملقيتاش لحد اليوم مشيت لسوق التلات وخشيت للصيدلية ومفيهاش

بالله كانا لقيتوه قولولى