نسيت أقولك ترى أبتاميل حليب زين و قريب من حليب الأم و عندج بعد بيبيلاك نفس الشي و اس26 يعطونه للأطفال الي صحتهم قليلة شوي لأنه ثقيل بس ما أنصحك فيه صراحة خلج على أبتاميل زين
هلا حبيبتي وغارت مافي الا انا وانتي نهذر بروحنه خخخخخ
الله يسلمج يوم اولده وزنة كيلوين و900 وتره اهو المفروض وزنة ازيد بس مادري ليش مو قاعد يزيد حسب المطلوب وعمره الحين شهر واسبوع وله موعد تطعيم تاريخ 23-2 وان شاءالله يكون زاد لان انا اعطيه حليب قد الي اهوه يشرب لان يرفض الباقي اذا اعطيه وايد وبالنسبة حق جسمي والله لايعه جبدي من نفسي وين قبل انا تره اخر مره جفت وزني 50 بس الصراحه بطني السره مادخلت داخل للحين برع واسود وسدري ابيه يصغر لان صار كبير خخخخ والاباط للحين داكن الي تعرف الحلووول اتقولي وبالنسبة للحلاوة عادي ازيل المنطقة الحساسه ماياثر على الخياطه والي راحت الفحص بعد الولادة اتقوول شنو سوو لها وشنو قالوا لها عن الخياطه انا وايد افكر اخاف الخياطه مو اوكي وتاريخ الفحص مالي 15 هالشهرر
على فكره انا ماقصد السرة سوده بس بطني كله للحين مافتح لونه اااااااااااااااه ياقلبي شنو الحل مع السرة عشان اتدش داخل بطني خخخخ
أنا كان عندي موعد الأسبوع الماضي عشان الخياطة بس صراحة طنشت و ماسرت الموعد أحس ان شاالله خلاص صارت زين هالحين
بالنسبة للسرة يوم ولدت بنتي أخذت وقت عشان تدخل بس هالحمل الحمدلله على طول دخلت فانتي صبري شوي و ان شاالله تتعدل
بالنسبة لسواد البطن انا سويت تقشير و بعدها تشقير و الحمدلله مرتاحة للنتيجة وااااااااااااااااااااايد
اما الصدر انا بعد صدري صار كبيييييييييييير ههههههههههه حتى العباة بالعافيه تسكر من عند الصدر و حتى صرت أستحرم أطلع فيهم و قلت بفصل كم عباة جديدة أحسن بس أنا بجد مستانسة أحلى الصدر يكون كبير أحس نفسي أنثى هههههههههههه
و سواد الابط يباله خلطات و خرابيط شوفي قسم العناية بالجسم في منتدانا و ان شاالله تستفيدي و بعد خلطات بنت عذاري الله يسلمها حلوة و شيل الشعر بالمنطقة انا استعمل الموس النسائي من جديد أخذت الفكرة من وحدة الله يعطيها العافية هني في المنتدى رووووووووووووووووووووعة و الله كانها حلاوة و الشعر يوم يطلع يطلع ناعم و ممكن تقعدي 5 ايام ماتشوفي الشعر بس لا تنس قبل الشيل سوي تقشير خفيف و بعدين شيلي الشعر و بعدين سوي ماي ورد +نشا و خليه شوي و بعدين غسليه و حطي بودرة جونسون او زيت جونسون و شوفي النعومة و الريحة الحلوة لاتنس غسول كير فري حلو بعد
صحيح نسيت بالنسبة للوزن أحسن شي الرضاعة الطبيعية و الله بسبب الرضاعة أجووووووووووووووووووووووووع و آآآآآآآآآآآآآآآآآآآآآآآآآآآآآآكل بنهم لكن فعلا وزني ينقص أنا وزني وصل بالحمل 72 و كنت قبل الحمل 58 و هالحين الحمدلله وزني صار 61 يعني مابقى شي وزوجي يقولي لاتنحفي خلااااااااااااااااااااااااااص هو يحب البنت المربربة يعني يتمنى أكون 65 بس أنا ما أحب أحس نفسي دبدوبة مع انه طولي 166 بس ان شاالله أحاول أحافظ على وزني 60 يكون حلو
مشكووورة حبيبتي وغارت على المعلوماات الحلوه بس شلون التقشير في الصالون سوويته الي حق سواد البطن ؟؟؟
شمس الهيااام وعروس فريجهم وام نبراسي وزهرة السعاده وبحرينية عسل وسعاد سالم واسفه اذا نسيت احد بس وينكم والله ماوحشكم تجمعنا حتى لو ماعندكم وقت بس تقطعون نهاائيا خلنه نسوولف ونستفيد من بعض اذا جذي يتراوالي الموضووع يتقفل احسن :035:
السلام عليكم بنات
كيفكم
كيف حالكم مع قلة النوم
السلام عليكم بنات ممكن انضم لكم
شكراً حبيبتي
اي ولدت تاريخ 11 يناير
&*أم علي*&;11248249:
السلام عليكم بنات ممكن انضم لكم
اهلا وسهلا فيج حبيبتي اكيد ممكن
وغارت انا اكثر شي اعطيه صناعي
لاني احس انه مايشبع من عندي
الصناعي يشبعه اكثر
وحاسه بتأنيب ضمير من موضوع الصناعي
لاني اتمنى اعطيه اكثر طبيعي
ومادري وش الحل
لاني اتعب واجد
وبالنسبة للحليب استخدم له حليب بيبلاك
اما بالنسبة للنوم
فانسيت شو يعني نوم
لاني مانام في اليوم اكثر من ثلاث ساعات تقريباً
والغازات متعبتني واجد
بنات مو قلت لكم انه المستشفى خبرون انه علاوي يمكن يكون فيه فتحه في القلب
الحمدلله طلع مافيه شي
لاني عرضته على ثلاثة دكاتره وثلاثهم اجمعوا انه بخير ولله الحمد
وبالنسبة لموضوع الطقه الي بفخده فله موعد تاريخ 22/2 عشان هالموضوع وانشالله مافيه الا الخير بأذن الواحد الأحد
بنات بما انه علاوي نايم راح انتهز الفرصه واخبركم بقصة ولادتي
انا بعد اعطي ولدي صناعي لاني اشتغل ولازم يتعود على الصناعي
واعطيه حليب نان بس الغازات لاعبة لعب مسكين متأذي
وام الحلو ما يجوف شر علاوي والله يطمنج عليه
كلكم عارفين اني ولدت بتاريخ 20/12 وكنت متأخره عن موعد ولادتي لانه كان موعد ولادتي تاريخ 15/12 ومن بعد ماأخرت خلوني اسوي تخطيط كل يوم للطمأنان على دقات قلب البيبي وحركته
فكل يوم صرت اروح المستشفى لتخطيط
وبتاريخ 19/12 قبل ولادتي بيوم رحت كالعادة مع زوج لمستشفى لتخطيط
والحمدلله عملت التخطيط وطلع كل شي بخير
وبعد ماطلعنا من المستشفى رحنا انا وزوج الممشى
وانا امشي حسيت بضغط في بطني وتعكر مزاج فقلت لزوج ماراح امشي غير دوره وحده لاني احس اني شوي تعبانه
وقال لي اوكي
مشينا دوره وحده وبعدين ركبت بالسيارة ووصلني الى بيت جدي ونزلت من السيارة وانا احس بتعكير المزاج وضغط ببطني بدون مادري من شنو ولا خطر ببالي انه معناته ولادتي قربت
دخلت بيت جدي وكان الكل متجمع واختي كانت جايبه معاها سمبوسه وانا مالحقت الا على وحده خخخخ
عطاني اياهاا خالي وقال لي اكلي السمبوسة وبكرا راح تولدين لانه على قولته انه زوجته اكلت السمبويسة ويوم ثاني ولدت
اهي ولدت قبلي ب 11 يوم واكلت السمبوسة وانا اضحك على كلامة
وقعت معاهم وهم يسولون وانا مزاجي متعكر
بعدين قمنا ورحنا الماتم وقعت بالماتم وانا احس اني مضايقه واجد وكانت اختي الي اصغر مني قاعده صوبي بالكرسي وانا من كثر ماكنت مضايقه كان على بدي اقومهاا عشان تتباعد عني مولانهاا صغيره لا هي اصغر مني بس بسنتين بس من ضيق المكان وتعكر المزاج بس اشوى الحمدلله اني تحملت ومازعلتهااا وقمتهاا من مكانهااا
وبعد ماكمل الشيخ جت لي زوج خالي تقول لي دعيت لج وانشالله بتولدين وبتقومين بالسلامه انا قلت ليهاا الله يسمع منج
كل يوم بعد مايكمل الشيخ اقعد معاهم بالماتم نسولف بس داك اليوم ماكان لي خلق قمت ورحت بيت جدي
وبعد شوي اتجمعواا الاهل هناك وانا ماكنت ابي فوض وكنت كله ابي امبطح وانام
وحسيت بشي مطفح لي وشربت حليب وللحين ماراح
وضليت وياهم بس اسمعهم وش يقولون
بعدين حسيت بضغط اكثر ببطني اتصلت بزوجي وجا اخدني من بيت جدي ورحنا الشقة
وهو يقول وش فيج قلت له مافيني شي ودخلنا انام ونمت ولا كأنه شي صاير
والساعة اربع ونصف الفجر صحينت من النوم وانا اتألم كان عبالي مو ألم صجي كنت اعتقد اني احلم بألالم من زود ماكنت كل يوم انطر الولاده ماصدق الالم
كان الم مو قوي كثير دخلت الحمام وبعدين قعدت اقراء قرآن لما ادن الاذان وصليت وبعد الصلاة دخلت عشان انام والالم كان مستمر يروح ويرد وانا مو مصدقه روحي اني اتألم كنت اقول في نفسي اني اتخيل الالم
وماقدرت انا لما صارت الساعة ست وشي قلت لا هذا يمكن الم ولاده قمت وشغلت النت وسألتكم بعد اذا تذكرون
وكانت اختي اونلاين وخبرتهاا قالت لي يمكن راح تولدين اليوم انا قلت لهااا لا هذا الم موصجي
وقمت من النت ورحت الى زوجيس صحيته من النوم وقلت له بقول لك شي قوم قام وقلت له الظاهر اني اتألم الم ولاده بس مو الحين وقت الولاده ارجع نام انا بس حبيت ابشرك
خخخخخ لانه انا وهو كنه كل يوم ننطر موعد الولاده قال لي راح اصحي امي من النوم عشان تجي لج قلت له لا مافيني شي نام امزح معاك ونام وانا نايمه صوبه وانا اتألم بصمت وحى اهو من النوم على الساعة ثمان الا شي وانا سويت نفسي نايمه عشان مايحس بشي ويروح يخبر عمتي لانه عمتي خويفه وماكنت ابي اخرعهاا
ضليت ممثله عليه النوم لما راح الشغل وبعدين قمت من السرير و قرأت قرآن وبعد ماكملت قمت ودخلت الحمام واخذت دش دافي وضليت بالحمام اكثر من ساعة وبعد ماطلعت من الحمام كان الالم زاد ودخلت البس ثيابيس وانا اتألم وكنت اـالم بصمت بدون اي صوت وقبل لا اعدل شعري دخل زوجي عليي وشافني واخترع هو اوقات يرجع من الدوام من وقت كانت الساعة عشر شاف شكلي وسألني وش فيج قلت له مافي شي قعدت على الكرسي وقعد صوبي وانا لوني متغير وهو يسألني وانا ماكنت ابي اخبره لما طفش بعدين قلت له شكلي راح اولد اليومالا يقول لي راح اتصل في امي تركب لج وانا مارضيت قلت له للحين الالم عادي يحتمل لا تخرعهاا نم الحين وانا سمعت من قبل انه الحليب والسمسم زين قلت له يروح يشتري لي حليب عشتان اسوي لي حليب وراح بعد عمري اشترى الحليب بسرعة البرق ورد الشقة بعد مارد بأقل من خمس دقائق اتصلت فيني اختي الي خبرتهاا بالمسنجر لاني ماخبرت احد بالمره تسألني قلت لهاا للحين الالم يروح ويرد قالت لي اتصل بأختي الي اكبر منا اسألهاا عن الالم لانهاا متزوجه وعندهاا ولاد فأخبر منا اتصلت فيهاا وخبرتهاا وقالت ليي هي ولاده تعالي عندي بالبيت وبتصل بأمي تجي الحين البيت لانه امي كانت بالماتم فالتصلت اختي بأمي وانا قلت الى زوجي ودني بيت اختي واحنا نازلين مابيك اتبين الى احد اني بولد لاني ماكنت ابي اخرع عمتي ورحت بيت اختي واول ماوصلت قعدت فترة بدون ماحس بألم قلت بيس اكيد مو الم ولاده وانا تسرعت وجيت اهني والحين بتفشل وبعد شوي الا الالم رد وقامت امي وسوت ليي حليب وسمسم وشربته والالم يزيد وبعدين سوت لي كف مريم بس نسته على النار واحترق وسوت لي دارسين وزعفران وماء ورد وبعده الالم يزيد وامي من كثر ماكانت متوتره مسكينه طاحت بالمطبخ وجا وقت الغدا وجابت لي صينيت اغدا وانا مارضيت اكل واهي بتشيل الصينية مسكينة طاحت اهي بالصينيه خخخخخ وانا كنت اتألم وكله بصمت وجوا خواتي كلهم بيت اختي وقت زوجت جدي وقالت الى امي تسوي لي بخور زعتر واتبخرت بالزعتر وضليت من السعه 12 وشي الظهر الى الساعه ثلاثة ببيت اختي وقلت الى امي خلاص ماقدر اتحمل لاني كنت خايفه اولد بالبيت واهي ما كانت راضيه اروح المستشفى بهالوقت بس انا عاندت واتصلت بزوجي وجى وقبل مااروح المستشفى بعد خلتني اتبخر بزعتر للمره الثانيه ووصلت المستشفى بحدود الاربع وفحصوني وكنت موصله اربعه سانتتي وكنت على السرير وكل حين امي وخواتي يدخلون علي وزوجي كانت برا ينطر والساعه خمس الا ودوني على الويل جير الى الدكتورة وفحصت البيبي وقالت انه وضعيته وضعيت ولادة وفحصتني والحمدلله وصلت ست سانتي وبعدين رجعوني على السرير والساعه خمس وعشر فحصتني النرس وكان فحصه يدبح من الالم ماحسيت بالدكتوره وهي تفحص بس بفحصهاا اهي تألمت واجد وقالت لي اني وصلت ثمانيه الحمدلله ماتأخرت في الفتاح وركبوني فوق وانا على السرير وحسيت روحي جني ميته وانا على السرير يجرون فيني خخخخخخ
ولما رحت فوق كانت الساعة خمس ونصف الساعة ست تقريباً فحصوني وكنت موصله عشره وفتحوا لي كيس الماي
والممرضه الي كانت وياي كانت واااجد زينه الحمدللهه ومعاملتهم كلهم من احسن مايكون بس تأخرت وتعذبت على ماطلع راح علاوي بعد ماوصلت عشرة سانتي بفتره قالت لي كل ماتحسين بألم ادفعي ضليت كل ماحس بألم ادفع وبعد شوي الا اشوف الغرفه الا انا فيهاا متروسه ممرضات ودكاتره يما وش صاير انا اقول كلهم جايين يشوفوني وانا اولد خخخخخ وكانوا اهلي برا ينطروني عندي الباب وعمتي كانت معاهم وكانت مسكينه تصيحوتندر حتى خواتي يقولون هم يوم شافوهاا تصيح هم صاحوا بعد وصورهاا وهي تصيح خخخخ قلت لكم عمتي خويفه حدهااا
المهم وانا بغرفة الولاده وامي وزوجت جدي يقولون لي قولي ياعلي وانا اسمعهم وهو يقولون وانا والله كنت كل ماحس بألم اقول (((نتاتدي علياً مظهر العجائب تجدهوا عونن لك في النوائب كل هماً وغماً سينجلي بولايتك ياعلي ياعلي ياعلي )))) وراس ولدي كل ماقول جدي احس انه الالم يخف ويخف والحمدلله ماحسيت انه الالم كان واجد
وكانت وحده من الي في غرفة الولادة تقول لي يالله دفعي بسرهة لانه دقات قلب البيبي تعبت وانا خايفه طول ماكنت اـالم ماصرخت ولا صرخه كنت اـالم بصمت بس يوم شفتهاا جدي تخوفني صرخت صرختين بس قلت فيهم اني ماقدر ادفع خلاص لانه راس علاوي ماطلع بسرعه وبعدين طلع علاوي على الساعة 7:1 مساءً
والحمدلله على كل حال
سلام ياحلوين
انا اختكم جمال الرووح
من شهرين الا كم يوم ولدت ولاده مبكره المفورض اولد بيناير
بس ربي كتب اولد بديسمبر
حبيت انظم لكم
شلونج ام علاوي شخبارج وشلون سووسو