بناااااااااات البحرين أبيكم

حياتي والله campoocha وحشتيني وايد وايد (r) عدل انا ضفتج على المسنجر :bigsmile: بس لما اكون اون لاين انتي اوف المهم على طاري الشقق ما في يمكم شقه فاضيه :cool2:

حياج الله حبيبتي مي مي 22 في اي وقت
وانتي بعد وحشتيني وايد وايد واكثر من وايد


والله يا حبيبتي عمارتنا فضيعة كل اللي يزورني يقول لي والله نجحتون فيها فيها لفت ((( اصنصير))) ونضيفة وجديدة وكبيرة وكل شي يمنا برادات ((( اللي يبيعون سمك))) ((( مغسلة))) ((( مطاعم شكثر تقريبا 6))) ((( صالونات للنساء بعد وايد وحتى في العمارة في واحد))) ((( ستوديو تصوير))) ((( حلاقة للرجال))) ((( هدايا وحلويات))) ((( خضار ثنين))) ((( قرطاسية2 ))) ((( صيديلية))) ((( خباز))) ((( في العمارة نفسها باركات ))) بعد وايد وكل هذي الاشياء دورنا وما يبتعدون عنا في مثل عمارتنا ا جدامها او وراها كل هذي الاشياء ف المنطقة حيوية وعجيبة وكل شي تتخيلين يمنا


المشكلة إن العمارة كلها امتلت قبل لا تكتمل

ولكن صاعب العمارة قاعد يبني عمارة يمنا بلضبط وباين عليها حلوة وزوجي يقول إنها محجوزة قبل لا تكتمل بعد

بس إذا تبين بقول الى زوجي يسألة بعد لأنة وايد يحب ريلي وما يرد له طلب او تبون رقمة وتسألونة على راحتكم

ايه حبيبتي خلي يسأل واذا في جانس طرشي لي الرقم عالخاص الا ما قلتي لي هي صايره في اي منطقه وجم الاجار

نسيت عندي بعد سؤال تعرفون دكتور استشاري غدد صماء بس يكون شاطر

هاي بنات البحرين


شخباركم:down:

:D2:D2:D2:D2:D2:D2:D2:shy::shy::shy::shy:

بنات الي تسمع عن اي تخفيضات تصير في البحرين وخصوصا في المجمعات التجارية اتقول لنه اول بأول:clap::clap::clap:


اوكي

حياج الله ام البنات2 وانشاء الله اذا سمعنا بنحط اعلان :D2

حبيبتي مي مي22
أن شاء الله بقول الى زوجي يسألة
الشقة في منطقة عالي وحنا شقتنا اجارها 120 بس عجيبة والله تستاهل هذا السعر ونظيفة وصاحب العمارة ما يقصر اي شي نتصل على طول يطرش احد يشوف شنو عندنا من خلل

كنت ساكنة في شقة ورى الشقة الحالية اصغر شوي ومثلة والى مثل صاحب العمارة وسعرها كان 100 وكانت حلوة بعد بس هذي اكبر وقبل لا نطلع كان في ناس يننظرونا نطلع لن يبونها



ام البنات حبيبتي سمعت مثلج بس ما ادري متى !!!

قوه بنات ادري اني طولت و ما اسولف بس مثل ما قالت عسوله و الله مشغولين ايام امتحانات و تعب و الله بس نبي منكم دعائكم لنا و لجميع الطلبع بالتوفيق

في وحده من البنات سألت عن اللف بالطحالب في الجوزاء بس اختيcampoocha
ما فهمت السؤال عدل على ما اعتقد لانها قالت عن الفيشل الفيشل غير و الرابينغ غير

الفيشل هو تنظيف البشره بالاعشاب او اي شي مثل الفروت سيتروس و غيره

اما الرابينغ اللف بالطحالب هو يكون بتدليك الجسم بالطحالب و لف الجسم بقطعه من جذيه اسمه رابيينغ يعني لف و على ما اعتقد بعدها تجلس في جهاز معين فيه بخار للجسم و هذي يضعف الجسم و طبعا مو مره وحده بس لازم جمن جلسه و انا اعرف وحده سوت هذي اللف وصغرت يعني نقص منها جمن سنتيمتر من البطن و الارداف و الفخوذ

والحين اشوف بعد في مكان ثاني يسوي لف جان سمعتوا عنه اسمه ذي مامي و يقولون اذا ما تغير حجمك و ما استفدتي يردون فلوسك عاد مادري شسالفه هالمحل بس دايمن اشوف اعلانه اتمنى اكون افدتكم

اما بالنسبه عن العبايات الحين موضه العبايه المكسره بس انا بصراحه ما عجبتني العبايه المكسره كلها بس سويت لي عبايه كريب سعودي و في طرف اليدين و الشيله حطيت القطعه المكسره و طلعت حلوه و مرتبه وايد بس نصيحه عن تجربه و مثل ما يقول المثل اسأل مجرب و لا تسال طبيب ما انصح انكم تحطون القطعه المكسره في طرف الشيله لانها بصراحه اذتني الشيله تصير ثقيله على طرف ما تثبت و تملل :eek2:

كأني طولت وااايد يعني الحين لازم اسكت و بحاول اتابع الموضوع من بعيد لي بعيد لان عندي امتحانات :confused: لا تنسون اللي وصيتكم عليه هالله هالله بالدعاء

تسلمين اصايل حبيبتي على التوضيح


صراحة ما كنت فاهمة السالفة ومشكووووووووووورة عمري


انا بعد سويت لي مكسر بس في اليد وفي كريب سعودي بس ما حطيت بالشيلة


وعندي شيلة من الكويت مكسرة تثبت عدل و معاها تطلع روعة

وحبيبتي لا توصين ان شاء الله بندعي لكم والله يوفقكم وتيبون درجات تبرد القلب :up:

الله يوفق الجميع انشاء الله شنو موضة القصات الحين ومن قصت عند ايفا شلون معاملتها وبجم تقص ولازم موعد

الافضل تتصلين فيها قبل لأن عادتاً تكون عندها زحمة فتصلي فيها خذي موعد وروحي وبالتوفييييييييق حبيبتي

:shy:

مشكوووووووة يا الغالية نسيم البرايح على الاقتراح الحلو واللي كنت اتمناه من زمان


والبنات ماشاء الله عليهم يسرون القلب

عندي جذي كم شي بخبركم عنه ويمكن البنات سبقوني بها بس معلش يكون تأكيد وتأييد لهم:cool2:

الحناية: عندي رقم وحد أعتقد أن هي من راس رمان حناها ناعم ودقيق وحلو وناس وايد تاخذها الي تبي راح أطرش لها الرقم مع صورة حق حناها وسعرها وايد زين تحني العروس ب25 دينار ((أعتقد ))

صالون رياضي: ما في أحسن من صالون الوزان حق رياضة أوربكس أو آلات والاشتراك لشهر واحد 20 دينار وايد زين حق الي تبي تضعف.

ريجيم: في صالون الوزان اخصائية تغذية تعطيك نظام رجيم خاص فيك ويناسبك ب10 دينار

قصات الشعر : الريجينسي شي فظظيع وصالون الرونق لي تقص فيه وحيدة

الحفاف الحواجب: صالون العروسة في المحرق بس أحسن وحدة تحف سافرت الحين وهي هندية طويلة وضعيفة

الشيلات: في محل صغير في المحرق يم مطعم ست الشام تييب البضاعة من الامارات بس شيلاتها روعة روعة وزحمة عليها لأن شيلاتها ناعمة وراقية

محلات لشراء ششغلات حلوة ورخيصة للأعراس مثلا: محل كل شي 200فلس في الحرق عند last chance في حالة بو ماهر وخمس دوائر وبيت التنزيلات :D2 ((ماقلت شي يديد كلهم معروفين))

قاعات أعراس: قاعة شهرزاد ((عادية نوعا ما))بس كبيرة وسعرها زين 400 دينار شامل المسرح وقهوة وجاي وقاعة الجميرا ب590 أيام خميس وجمعة وقاعة مطعم الأفراح في مدينة حمد تكفي ل800 شخص ب490 دينار أيام عادية مو خميس أو جمعة

مطاعم لوجبات الأعراس: الي أعرفهم وهم وايد زينين مخبز المنار روعة والمطعم اللبناني

مغنية الحفلة: أم محمود هي صج قديمة بس للحين صوتها وأغانيها حلوة وهي معاه عدة موسيقى وإذا تبي العروس طارات تييب معاها وفي رايي أحسن من الديجي وأم جاسم بعد من سماهيج رخيصة وحلوة تييب معاها طربنقة وكانت تييب طارات بس الحين كنسلت

برك سباحة:D2 حق الحر: بركة أنو نزار في باربار ((أكيد تعرفونها)) وبركة الملوك في عراد وبركة الواحة في عراد ويمها بالضبط بركة جديدة توهم مسويينها ما أعرف أسمها وبركة أبو خليفة ((عادية)) بس نظيفة ورخيصة وبركة الغربي في عراد ولها أسم ثاني بس ما أتذكره حلوة نوعا ما بس رخيصة



والحين عندي طلب منكم

من تعرف أسم محل أومكان يبيع أو أجر سجاد أحمر الي يمشون عليه وكم سعره

وخبروني عن خولة اللي تحط مكياج أني سمعت عنها بس مو متأكدة

ومكان يأجر جهاز الفقاعات الي يحطونه في المعاريس

ومشكووووررين عساني ما طولت عليكم :pain: (u):shy::up:

تسلمييييييييين حبييبتي ((( نجوم الليل))) ومشكووووووورة على كل اللي قلتية من معلوماااااااااات حلوة :clap:



والحناية اللي ذكرتيها اسمها فاطمة صح ؟؟؟؟ إذا كان قصدج هذي فكلامج 100% صج حناها قمة في الروعة وتستاهل الدعاية :up:




صج عندي سؤال في وحدة كانت تحط مكياج في صالون العفراء اسمها نجلاء والحين طلعت إذا في احد ممكن يساعدني إذا تعرفون رقمها او اي شي لأنها تحط مكياج في بيتهم الحين إذا ممكن بسرعة اتبغية ضروري لا تردوني حبيباتي

السلام عليكم ورحمة الله وبركاته
:confused: هلا وغلا فيكم بنات انا ودى اسالكم وانشاءاللة القى مطلبى عندكم .انا اضبغ شعرى دائما فى صالون باينبل وارتاح اكثير من الى تصبغلى , المهم انا حجزت موعد علشان اصبغ ومارحت الا قالولى انها تغيرت وحطوا مكانها وحدة مغربية وانا متضايقة وااايد لانى ابى اعرف وين راحت .او فى احد منكم يعرف مكانها يدلنى علية لانى ادورها لين دار راسى وان شاء وحدة تنقذنى وتقولى.

صح campoocha نجلاء مكياجها وايد حلو :up: بس توني اسمع انها طلعت خلاص بسكر الصالون :D2 جربي اتصلي عالصالون يمكن يعطونج رقمها

الاخت الي قالت عن الحنايه يا ريت دزين لي الرقم بليييز ومع صوره بكون افضل :shy:

campoocha
اذا عندج رقم ايفا دزي لي اياه

هاي وينكم يا بنات محد رد علي بخصوص تخفيضات المجمعات:confused::confused::confused::confused::confused::confused::confused::confused::confused::confused::confused::confused::confused::confused:



من سمع عن الزيت الفلبيني الاخضر......................واذا احد حصله يقول من وين.......

او اذا احد عنده حل للمناطق السوده الي في الجسم ياريت يقول لنه:up:


شنو احسن نوع حق عباية الراس.



وسوري على الاسئله:o

مي مي 22 ))) يا حياتي
دزيت لج الرقم على الخاص

تسلمين حبيبتي campoocha ما قصرتي :smile:

حتى انا محد رات على اشدعوة بنات هططنيش ردو على الاقل قولوا مانعرف .
عاد هالصالون ماعتقد احد مايعرفة .:cry: :cry:

ام زعل خلي عنج الزعل


صدقيني لو اعرف ما قصرت بس الو مرة اسمع عنه :pain: