بناااااااااات البحرين أبيكم

هلا بكل خواتي من البحرين والخليج كله
انا بعد بحرينيه ومستانسه عشان لقيت خوات لي من ديرتي وانا مستعده ان كلنا نتشاور ونتساعد بكل شي يخدم المراه وجمالها
وحاضرين لكم يابنات دار بوسلمان

الاخت الي سئلت عن الطين المغربي انا لقيته بصالون انجي الي بالرفاع الغربي وسعره 5دينار وقالت لي الي تبيع هناك ان احنا نحطه مع ماء ورد ويستخدم لتنعيمم الجسم والصالون بعد يسوي حمام مغربي وسعره مع الليفه 17دينار، بس احسن مكان سمعت انه يسوي حمام مغربي هو عروس البحرين وصالون بشارع المعارض هو على الشارع بس ماذكر اسمه بالضبط
واي سؤال انا حاضره لكم يالغالييين

معليش انا اليوم جننتكم بس بقيت اسئل تعرفون وين يبيعون الزيت الاخضر الفلبيني الي يقولون عنه بالموقع؟ واذا وحده منكم استخدمته
ساعدووني(u)

هلا بأختي دلوعة البحرين
صراحة ما أقدر أفيدج ماعرف في وين يبيعونه:o

نسيم البرايح الله يبارك لج البيت اليديد
وبس تنتقلون وتستقرون عزمييييييييييينه كلنا O.k :) :) :)

شلونكم بنات شخباركم

استانست يوم شفت تعاونكم عشان تفيدون بمعلوماتكم

واتمنى اقدر اشارك معاكم اقول ....

شرايكم بمحل العبايات للحمراني يقولون انه وايد زين وعباياته حلوه ؟؟

في احد عندها فكره عنه ;)

هلا وغلا
بس حبيت اقول ان احسن مكان للليز مستشفي البحرين التخصيصي في الجفير
عند الدكتورة هما جعفر اخصائية جلد وايد شاطرة
وبعد سعرة وايد حلوووووووو 15 دينار كل جلسة
جربي وانشاء الله تستفيدين

وشكرا

مرحبا
الالي تسأل عن زيت أم الجدايل ، انا رحت قبل يومين السعوديه عند عبد الصمد القرشي وشريت من عنده زيت جدايل سألته عن أم الجدايل اذا نفسه قال غير هذاك تقليد وشريت من عنده علبتين وحده لتقوية الشعر وتساقطه والثانيه تطويل الشعر بس توني مستخدمته مره وحده جنه زين لين جفت النتيجه بقول لكم

وتحياتي

مشكورة اختي للي دلتني على صالون بروفايل...(((لتنضيف الوجة)))


توي رادة من عندهم والله شغلهم عجيب روعة صج تحسين في تغير .... بعد يدلكون الضهر والرقبة تحسين براحة يهتمون في الوحدة عدل..... بس قلتيلي 15 دينار طلع 20 ماعلش لكن المهم ارتحت على شغلهم وقالت لي تاعلي بعد 6 اسابيع وبعدها لازم تجين كل 4 اشهر وخلاص بتشوفين شلون بشرتش بتصير........


إنشاء الله على الاقل افتك من الحب وبلاوية....


وشكراً

اختي العفراء في فرق بين زيت جدايل و زيت ام الجدايل و انا بعد مثلج استخدمت زيت جدايل هو زين بس ريحته مأساه :pain: المهم مابي اشرح وايد عنه لان البنات ماشاء الله عليهم مكفيين و موفيين في هذي الموضوع و هذي هي الوصله


http://www.3roos.com/forums/showthread.php?s=&threadid=55893

campoocha
اتصدقين كان ب 15 دينار الظاهر غلوه

صالون بروفايل يمكن يوم شافوا اللود عليهم كل بنات المنتدى رايحين لهم ، غلوا السعر هههههههههههه :D

campoocha حبيبتي لبس هذي محل في سوق الرفاع
اذا تدلين محلات السعيد والحسناء اللي يبيعون دفاف في الرفاع
هذي المحل يصير في نفس الشارع بس قبلهم شوي
ثيابه حلوة وراقية بس مثل ما قلت لج حق العصاقل :D
ان شاء الله تروحين ويعجبج وتدعين لي :)
في امان الله ..

مشكورة اختي اصايل

أختي اصايل بس اذا ماعليج امر من وين شريتين زيت ام الجدايل في مدينه عيسى ممكن توصفين اليي المحل وعسى الله يطول بعمرج


:clap:
:clap:
:clap:

بنات دلوعة البحرين سالتكم عن الزيت الفلبيني..بليز دلوها في وين تلاقيه لأن انا بعد ابيه وسالت عنه من قبل بس طنشتوني.
bent1979 بالنسبه للحمراني انا على طول افصل عباتي عنده.. في فرع في سوق واقف وعندهم محل في سوق المحرق.. صراحه شغله نظيف وحلو ويسوي العبايه بالسرعه يعني كلها 5 ايام او اسبوع بالكثير تكون جاهزة.. وادائما هو اول محل ينزل الموديلات الجديده وعنده احسن خلق في السوق.. بس اسعاره غاليه شوي.. اخر عبايه فصلتها عنده كانت ب 28 دينار وقص علي ما ركب فيها خيط حرير ولمارجعتها وركب فيها اخذ مني 5 دينار واختي فصلت مثل عباتي بالضبط ومطرزه بعد في مكان ثاني بس ب 22 دينار.

عفوا حبيبتي و لا شكر على واجب انتي اخت عزيزه و غاليه

sweety90اختي العطار اللي يبيع زيت ام الجدايل يصير في توبلي تعرفين استوديو المناعي خليه على يسارج و روحي سيده بتشوفين المحل بيكون بعد على يدج اليسار عند الدوار الصغير يم كفتيريا نهاد اتمنى عرفت اوصف

اختي ((( shujoon))) يعني في سوق الرفاع إللي بعد سوق بوكوارة .؟؟؟ سوري اذيتج بس لأني ما ادل وخاطري اروحة من كثر ما سمعت عنه....!!!!!!!!!!!


اوكي لأني انا بعد عصاقيل يعني اوكي........

مرحبا

من جربت تنظيف البشرة في الجوزاء
اي احسن الجوزاء او بروفايل الصراحة مترددةواين اروح بشرتي تعبانة وايد
من الشمس تصدقون لون وجهي غير عن جسمي مادري شنو اسوي جربت كل شي ءمافي فايدة واخر شي فكرت اروح صالونات واجرب
وشفت اعلان الجوزاء تنظيف بشرة وتفتيحها بالاعشاب الطبيعية في احد جربةوجم اسعارهم ارجوكم ردوا علي

واللة يعطيكم العافية

campoocha صح مثل ما تقولين
لما تطلعين من شارع البوكوارة تاخذين يسار وبعدين عند مروج المحرق تلفين يمين وبيكون المحل في هذي الشارع على يدج اليمين
وان شاء الله يعجبج وتدعين لي
عاد ديري بالج تدعين لي مو علي :) :)
وتطمني ما اذيتيني ولا شي
واذا تبين اوديج حاضر :):)
نشوفج على خير
في امان الله ..

:y_hi:


لا اختي (((( العفراء)))):mad2:


لا تروحين الجوزاء لأن كلامهم اكثر من شغلهم.... :down:



والله رحتة وطلعت من عندهم ولا كأني مسوية في ويهي شي
لا وصار دهني زيادة والجوزاء :pain:

والسعر ((15 دينار وبعد بتقول لج بحط لج خلطة ما ادري شنو ولا زم زيادة السعر :eek2: وكل شوي بتقول لج جدي لين لين يوصل الى 30 :think: )))


وبدون فايدة :cry:


وشكرا

:z_bye: