تجمع حوامل وامهات دار الزين ( مملكه البحرين ) لشهر صفر 1431ه

صوت الحنان;11230141:
صلو على محمد و آل محمد
توتتي :062:
إهني فيها الصيحة و أني أبي أصورها خخخخ و ما شغلت الفلاش خخخخخخ

صوت الحنان;11229746:
بكمل شغلي و بجي بس بغيت أقول
دمعوووووووووو حلاوتش
سوالفش ما تنمل يا أم محمد

صوت الحنان;11230141:
صلو على محمد و آل محمد
توتتي :062:
إهني فيها الصيحة و أني أبي أصورها خخخخ و ما شغلت الفلاش خخخخخخ

¨°o.O عيون بن عون O.o°";11222146:



هلا بيج

بس ماادري عن نفسي اول مرة اشوف نكج ويانا



ماادري تقصدين وحده معينه يعني....؟
[/CENTER]

شمس الهيام;11231676:

إلا أقصد قرووب كامل من الحلوات دورت عنهم لقيت بعضهم لهم مشاركه لهم بهذا التجمع زهرة السعادة , بحرينيه عسل , أم يسوور , مخرخشة , سعاد سالم عروس فريجهم .وغارت الحور , ام نبراسي ووووو واايد كناااااا

nice-girl;11231735:

هلا فيج اختي معانا عزيزة وغالية وبالبركة ما جبتي ماقلتي لنا خل نتعرف عليج اكثر:083:

شمس الهيام;11231786:

هلا بيج اكثر أختي تسلمين يالغلا على هالترحيب الطيب الله يبارك فيج حبيبتي


جبت حبيبتي بنوته :072:

ام يسوور;11227608:
السلاام عليكم بناات شخبااركم
انا حطيت هالموضوع لان شغل تفكيري انا ام صغيرة باصير نفس صووت خخخ ولا بعد انا اصغر لان عمري 20 والصراحه كله احب ولدي علاوي يكون ساكت ومن يصيح اتضاااايق وابيه يسكت باي طريقة خخخخ مالي مزاج طبعا اعطيه حليب وماي واعشاب وكلشي في اعطيه الحين عمره شهر وسبوع الله يحفظه وانا للحين مارحت شقتي ومادري شسوي لين رحت وبروحي لازم اهدي نفسي وامسك اعصابي واصبر صح الزبده ان انا اهز فيه بس بدون مارقبته تطيح يمين ويسار وره وجدام يعني احاسب لها بس امي جافتني الا تقولي بالعداااااااااال هزيه مسكيييييين انا اوتعيت حق روحي وعورني قلبي والله خصوصا في الليل لين نام اقعد افكر شلون هزيت فيه خضيت جبده عشان يسكت ولما طقيت بحث عن هالشي طلع لي الي جفتوه وحبيت تستفيدون معااي وان شاءالله مافي الا الخير ومن يوم ورايح راح اهزه بالعدااال واطووووول بالي عليه والله يعين على مايكبر هالنتفه وانا اكبر معاه خخخخخخخ

nice-girl;11231860:

عيون

قريت التعليمات على الدواء اللي عندي وكتوب عليه مافيه كحول ولا سكر ولا الوان صناعية ..اعتقد غلطانة اللي قالت لج و مكتوب بعد انه يستخدمون الايثانول وهو نوع من انوع الكحول بس حق يذيبون الاوراق ويطلعون خلاصتها وبعدين يستخدمون طريقة التجفيف وعقبها يجف الايثانول تماما .. ماعطيني في الكيمياء .. المهم يروح تاثير الكحول .. واهو رخيص ووايد زين

ღام عبودღ;11228004:

نايس جفتين عاد

انصحش بهندية شاااااااااغول

هلا ملاذ الطير
الله يرزقش ان شاء الله عاجلا غير آجل

وحدك اني قلت باخذها لان خفيفه وبلاستك حق روحتي الهند
طلع ما يجوز هم يغسلون ثيابنا لان خبرش مجوس
واني توي ادري خخخخخ

ام يسور
حطي بالش عليه وكله خلي مزاجش فوق النخل <<= هذا ويه
ترى هم مايفهمون
اذا صاح يا جوعان يا يعوره شي
اني جود ساعات تصيح ولا ادري من شنو وما تبي ترضع نفس البارحه
لما فصختها لدلاغ الطويل اسمعي ضحكها لوين
طلعت حرانه خخخخخخخخ:085:
بس صدق يبي ليهم مزااااااج

دمعه انتين قالو لش تعطينه اياه 3 مرات في اليوم؟؟؟

عيون زتريك تعطينه قصود 5 قطرات مره وحده في اليوم لمدة اسبوع او 10 ايام؟؟؟

أساير الروح;11228298:

فديتها اختي :037:

الله يوفقج دبوووووووووووو وتحملي بولدنا

الحمد الله خذيتوووو

وه وه وه ماتشوفين شر يا حبيبتي كدرتيني :091: تحملي بروحج واكل اكل مايرفع ضغطج

وي ترى بزعليني منج لا تقوزلين مللتينا تراج عزيزه واخت ويوزي عن الوسواس وريحي روحج وريلاكس حق تفكيرج اوكي:087: بوسه مني لج وترى اذا عدتيها بطقج بكرسي صوت اليديد:011:

نوم العوافي يا الدبة

هلا وغلا فيج اختي بينا ... انا اول مره اشوفج معانا حياج بينا

صوت الحنان;11228391:
صباحكم عسل وية قيمر << خاطري فيه وية خبز دبل ساااااااااخن يمي

زهورة خيوتي
أسور بتي
و بطوطة
أشوفكم حبيباتي
شخباركم؟

خذيتو .... يااااااااعلي أستحي :040: خخخخخخخ

عيون
هالصالون في جدعلي كأنش بتروحين الحلي اللي على شارع الخدمات مقابل حلويات سعد الدين توة جديد (سبا كاملة) كل شئ يسوون
اللي فيه تايلنديات و هالأيام عندهم عرض كل شئ 5 دينار بمناسبة الإقتتاح

أما المصرع معناه بس إحنا نعرفه البحارنة خخخخ
في ايام محرم الشيخ او الملاية يلقون محاضرة عن سيرة الحسين عليه السلام و عن يوم كربلاء وتالي يوصلون لمصرع الحسين يعني مقتل الحسين إهني يصير القراءة حزينة و الكل يصيح
يعني بتي وصلت المصرع خخخخخخ

ولدي علاوي ابو النكت أمس توتة سوت كاكا إلا يناديني ماااااااما توتة سوت معسل خخخخخخ

شمس الهيام الله يتمم عليش خيو

صحووووووووب أهني!!! هلا و غلا خيو

نايس تسلمين خيو بشوف هالدوا
أني أمس سويت لها بخيار الشمبر و راح شويونة
و عن مسلسل ديسبرت هاوس وايف شفته يمكن مرتين خخخخ لأن كللللللش ما عندي وقت أقعد حق التلفزيون وإذا قعدت أطالع ديزني جانل خخخخ لأن أولادي يطالعون


روحش وليد ما عليش شر خيو و الله يوصلش لتمامه لا تخافين و أسألي عن كل شئ عشان تطمنين

برجع لباقي الردود حدي فيني النومة :019:
ما نامت عدل توتة البارحة الدليعة
بشرب جاي حليب و بتريق

nooral9ba7;11228992:
صباح الخير

انا غبيت عنكم جمن يوم اقرا التجمع القبلي ووصلت في هالتجمع لين ص 30

بس حبيت ابارك حق اختنا الحبيبه روحي وليد على الحمل والله يثبته لها ان شاء الله وتفرح في شوفة ضناها قادر يا كريم

بس حبيبتي داومي على الدافستون وابر التثبيت

انا كنت في حملتي ببنتي حصوصه كان ينزل علي دم بني والدكتوره حذرتني من اشياء حطي بالج عدل لها

الزعل اهم شي ترا اهم من كلللللللللل شي حطي بالج

والثاني الجماع تحملي منه لأن يطلق مواد كيميائية في المره تساعد على انقباض الرحم وطرد الجنين

ثالث شي لا تركبين الدري وايد يعني لو ساكنه في مكان مثل شقه او شي حاولي تكون نزلتج منها مره وحده عشان ما تتعبين ويتأثر ظهرج

رابع شي تحملي من شغل البيت خلي كل شي يولي لاحقه على التنظيف او خلي اي احد يساعدج

واهتمي بجرعات الدافستون

انا كنت اكل 3 مرات في اليوم مدة اربع اشهر وكانو يطقوني ابرة تثبيت بعد مره في الاسبوع عند د. هدى شريده في العسكري والحمد لله الحمل ثبت بقدرة العلي العظيم عقب ما خرعوني الدكاتره الله لا يسامحهم جم مره قالو لي الا كيس الضنا ماافيه جنين الا الجنين نزل الا مادري شنو

فحتى لو صار شي لا تثقين بكلام دكتور واحد روحي كذا مكان عشان يأكدون لج

حسبي الله عليهم هالدكاتره عطوني تحويل العسكري حق اسوي تنظيف لأن قالو لي مافيه جنين وكنت باروح بس امي وقفتني وانا في طريجي المستشفى

قلت لج قصة حياتي بس لازم الواحد يستفيد من تجارب غيره ولا احنا ليش متجمعين هني

وسلامي للجميع

دمـعـة;11229604:
:ok:..اني بعد اعرف صالون يسوون كذا خدمة بـ 15دينار في الرفاع.. بس الخدمات اكثر ,, ومااحس انها كلش كلش بيرفكت,, فبجرب الصالون اللي قلتي عنه,,
بصير عروسة وبلبس فستان عرسي هههههههه>>>اتحلم يدخل عليي الحين :01::01:


..حبيتي يعطيش العافية ان شاء الله,, ايي بنخفف تشكي وهذرة على بيبياتنا :072:


..هههههههه الله يحفظهم لها ولكم ان شاء الله.. اني بعد في العشرة ماكنت اروح الماتم اقول لهم بعدين يخلون حمودي يقرا لهم المصرع ههههههه
وتطعيمه قبل الاربعين,, قلت لهم بجيك اول التطيعم ويا الاربعين او لا؟ تقول لي اختي ليش؟؟ اقول لها لأنه بيشيل في العزاء مايصير اطعمه قبل بيوم تالي يمرض هههههه :037:


..وياش حبيبتي.. تسلمييين


..ماتشوفي شر,, وماعليش من كلام دكتورة وحدة.. روحي لغيرها تطني اكثر
خواتي ثتينهم قالوا لهم ماادري شنو في المشيمة,, وراحوا لدكتورة ثانية وطمنتهم,, والحمدلله مافيهم الا العافية والحين عندهم بنوتاتهم بصحة :014:


..ويوفقك الجميع حبوبة... ادرس في معهد البحرين للتدريب,, دورة تهيئة العاطلين عن العمل من وزارة العمل>>>فااااضييين حدهم..
لمدة 3 شهور ويعطونا 200 دينار كل شهر>>>على قولة اختي بطالة مقنعة :014:


..نبي الجواي من عندش.. الصراحة اني لو بنسأل هالسؤال بقول احترام شعور الاآخرين.. احس روحي واااجد اراعي للناس واحاسب لشعورهم.. على الرغم اني الاقي الكثير اللي مايحاسبون لهالشي.. حتى اللي اراعي لشعورهم ..في معاملاتهم وياي مايراعون لي :01:>>>اتمنى الكل يحس للآخرين,, حتى لو زاد عن حده وصار حساس عندي اوكي :014:


..وياش حبوبة :025:



..هم ثتينهم اندونيسيات.. عمتي ماتحب الا هالجنسية.. وحدة مالت حماتي والثانية مالت بيت عمي ,,بس ثتينهم في بيت عمي,, لأن عيال حماتي على طول ويانا في البيت ..يروحون بس وقت النوم لأن دوام امهم للمغرب.. وتاخذها حماتي بس في الاجازات
واني اكثر شي اطلب الشغلات من شغالة بيت عمي.. بس شغالة حماتي تحب تجود حمودي.. ومن بروح المعهد تطالعه كأنها متحسرة عليه تبيه هههههه.. وذاك اليوم تقول لي خليه عندي لاتودينه للماما,,
ولو افكر اجيب لي شغالة ..افكر في فلبينية ثم هندية.. بس بشرط مسلمة ومتحجبة..
وابغيهم بعد يتكلمون انقلش عشان حمودي يكتسب اللغة حق المدرسة..:ok:


..اني اغسل ثياب حمودي على يدي.. يتعب.. الحين بعد مايوسخ لأن للحين ماياكل,, الله يساعدني لما ياكل :091:.. ماادري ليش نغسل على يدنا؟؟ يعني الغسالة وش بتسوي فيهم؟؟>>>اسأل روحي واسألكم هههههه


..ههههههه زوجي خيوب.. وبعد هم تعودوا على هالشي,, عمي اذا ينزل من السيارة يدخل يده فاضية وينادي الشغالات يروحون السيارة يجيبون الاغراض..
اول ماانخطبت انزل ويا زوجي الاغراض.. وعمتي تقول لي لييييش تشيلينهم؟؟ وتنادي الشغالة,, الحين تعودت>>>قصدي تعودت على الخيابة هههههه :085:
بس صج ساعات اشيل اغراضنا بروحي.. بس زوجي مستحييييل يشيل الا اذا رجعنا وقت متأخر وهم ماحد,,



..ياكافي الشر .. مشكوووورة على الموضوع ام يسووور
اني يوم اللي ولدت حماتي تعطيني توصيات وقالت لي لاتخلين احد يهزه
وصج من احد يهزه اقول لهم لا تهزونه,, بعدين اني قمت اهزه بس بالعداااال
وعرفت ان الهز بالقوة هو اللي خطير,, كنت اهزه بس يمين ويسار,, كأنه في مرجحانة ويكون في فراشه
يعني مستحيل يهتز راسه او رقبته ,, والحين اذا بنيمه وماقدرت عليه اوقف به واحركه يمين ويسار ويرتاح ودايركت يغمض
ومرة قريت ان كل الاطفال يرتاحون من هالحركة.. واحنا نقول لاتعودينه على هالشي,, بس في الاساس الطفل ومن يكون في بطن الام يحب هالحركة.. الام لما تتحرك في النهار هو يتحرك في بطنها ويرتاح وينام.. ولما تجي الليل وتنام الام مايصير فيه حركة ويقعد>>>واحنا نقول مايرفس الا في الليل؟!! متعود على السهر من الحين.. بس ماندري عن هالنقطة :ok: