تجمعنا السوريات الحلوين لشهر صفر أهلا وسهلا ومرحبا ***

الفاطمية الصغيرة أهلا وسهلا فيك بسوريا والله كوني ما عندي أطفال بقى ما عندي فكرة كبيرة بس ممكن فيدك أنا بعرف بآخر سوق الحميدية في دخلة عاليسار الدخلة(الحارة ) طويلة وضيقة فيها مسلتزمات البيبي وبالنسبة للتوزيعات في بباب توما بدمشق محل راقي جدا المحل تحديدا بدخلة القصاع نفس مدخل مشفى الفرنسي وعلى نفس جهته نسيت اسم المحل بس من لما تدخلي السوق خلي عينك على جهة اليسار حتى تجديه في بجانبه محل زهور المحل بيبيع توزيعات أعراس وتوزيعات مواليد على فكرة بظن أن التوزيعات عنكم بالخليج أحلى لأن بسوريا مو كل الناس بتهتم بالتوزيعات للاعراس أو للمواليد يعني قليل من الناس يلي بيهتم عادة منعمل للمواليد كراوية وحلويات وبيوزعو شوكولا

صحيح يابنت اللادقية يامونو خانم قال أنتو شاطرين بعمل السمكة الحرة اذا طيبة و بتعرفي طريقتها بلا أمر عليكي اكتبيلي ياها لأنو بيني وبينك أنا مو كتير صحبة مع السمك وحرمت زوجي منو بس من كتر ما قالولي مفيد بدي أعمل وأنا مابعرف غير طريقة السمك المبهر والمقلي حتى المك المشوي ما بعرف كيف بس بظن نفس المقلي بس بالفرن مو؟؟ ويمكن بيضيفولو زيت وبسأنا دورت عالنت بس بصراحة ماعاد وثقت ساوي أكل من عالنت مو كلو عم يطلع على ذوقناحتى ما بفهم بأنواع السمك الطيب اتخيلو مع اني قاعدة ببلد بيطعمي الوطن العربي كلو سمك ما شاءالله بقى حبيبتي اذا فيك تفيديني بالموضوع الله يوفقك

مونو العسل تسلميلي والله .. وتلاقي الخير يااارب هي الدنيا على ودع واستقبل
ومات وانولد خخخخ سبحان الله ,, دوام الحال من المحال
والحلويات اللي قالت عنهم كاتس هنن اللي شكلهم متل الملبس بس صغااار كتير ولما بدوب بتمك بتلاقي يانسونة خخخخ (( مو كاتس ))
وهدول الحلويات مونو اللي منزين فيهم السنينية وقت بسنن البيبي (( اكلة القمح مع القرفة والسكر ؟ عرفتيها ))
كيف عم تقضي ايامك مونو وتأقلمتي بجلسة البيت ولا لسى وكيف القمر رورو ربي يحميها وتخاويها خخخخخ

CATS_ANGEL;11204013:
يا ملييييييييون هلااااااااا بالحلوين:013:
ان شاء الله متل ما ودعتي تلاقي:083: و الله يجمعكم و يبسطكم دايما يا رب

و الحمدلله يلي طمنتينا عنك وهلا بدك تعوضيلنا كل الغيبة:014:

وجمعة مباركة علينا و عليكي يا رب

هلا وكل الغلا بكاتس خانم والله الك وحشة ومكانة بالقلب :032:
وتلاقي الخير ياقمر والله بالفعل انبسطنا كتيير ورحنا على استراحة يعني مزرعة ومسبح
صح نحنا الحريم ماسبحنا بس كتيير انبسطنا باللمة والشوي والقعدة
والله يبسطكم جمييع
انتي طمنيني عنك مع هالبردات وعم تدفيها لتالا والله الجو عنكم فظيع اعتقد امر من الشام لان عمان جبال
بس الله يهنيكم يارب والله الفصول الاربعة حلوة والاحلى انكم تشوفوها وتعيشوا معها
الله يطعمنا:025:

شامية للعظم;11222142:
دمشقية الله يسعدك ويبسطك والله الواحد بيتونس بالضيوف حلوة اللمة والعجقة وخصوصي للناس يلي بوضعنا أنا من اسبوعين أجو لعندي ضيوف ضللو بعدن شي 3 أيام وأقامو بفندق قريب علينا بس كل يوم الغدا والعشا والسهرة مع بعض ولما راحو تركو فراغ كبير واللهمونو الله ييسرلك أموك وينجحك بظن في موقع للجامعة عالنت ممكن يفيدك حتى في منتدى لطلاب الجامعة بيطرحو فيه شغلات ما بعرف اذا بتفيدك ولا لاء بس ممكن تتطلعي عليها وتشوفي

مية اهلا وسهلا بشامية العسل والحمد لله انك بخير وعوافي ويارب دووووم
وانتي كمان متل ماودعتي تلاقي هي الدنيا صرنا بغربة ونستنى ونحن للغريب القريب متل كانو اهل وحباب .. ستي الحمد لله

ومنشان المكان اللي قلتي عنو للفاطمية اعتقد اسمو العصرونية صح لانو مليان توزيعات وستاندات حلوة واشياء تانية بتخص البيبي عقبالك لما تجهزي لابنك او بنتك يارب

وبالنسبة للسمكة الحرة راح قلك طريقتي انا لبين ماتجي الشيف مونو وتقلك طريقتها كمان
انا من السمك كللو مابحب الا نوعين بس اللي هو الشعور والسلطان براهيم وغير هيك ماحبيت
بالنسبة للسمكة الحرة المفروض سمكة هامور بس انا مابحبها (( كيفي خخخ )) انا بجيب فرخ سمك شعور كبييير منظف من جوا وبرا بعملوا خطين بالسكين من الجانبين وبهرها منيح بالبهارات المشكلة والكمون والملح وبتبلها بالليمون والخل
وبكون داقة كزبرة وتوم ومقطعة شرائح بصل وفلفل حار ومحطوطين بزيت زيتون وبحشي السمكة فيهم
وبكون مقطعة سلايسات كمان بصل وفلفل رومي اخضر واحمر واصفر وجزر وبمدهم تحت السمكة على قصدير بقلب صحن البايركس وبغطيهم بالقصدير من كل النواحي وعلى الفرن بتاخدلها 3 ارباع الساعة اقل شوي اكتر شوي وبالعافية ولا تنسي الطرطور قدامها تحفـة:03:

شامية للعظم;11222095:
يسعدلي أيامكم يا حلوين كيف الأحوال أنا بخير والحمد لله وكل شي تمام طبعا قرأت أخبار الجميع الله يعطيكن العافية كات النشيطة دايما كيفها بنتوتتك وكيفك أنت بيرل الله يعيك العافية العمر بيخلص والشغل ما بيخلص بس الواحد يضل بصحتو وعافيتو وينحت بالصخر مو مشكلة وبعدين والله استغربت في وحدة ما بتحب الشط والطلعة من البيت غريب والله نيال زوجك فيكي بس بتعرفي يللي بتكون عم تشتغل بتستنى العطلة لتقعد بالبيت وترتاح واذا عندها شغل بالبيت متراكم تعمله فعلا معك حق اتذكرت لما كنت اشتغل شي 10 ساعات باليوم هيك كنت والله لما أهلي يستأجرو مزارع ويطلعو يسبحو ويريوحو سيرين أنا الوحيدة كنت ضل بالبيت أكوي تيابي ضبضب خزانتي اهتم بحالي وبجسمي لأنو ببقية أيام الجمعة ما أفضى لحالي بقى عاديلولية كيفك وكيف عروستنا ياستي ما قصرتو يعني لازم تجيبو الشيخ ويكتب الكتاب يعني بيضل كل شي بالحلال والله نحنا عنا العادة كتاب الشيخ مباشرة مافي شي اسمو خطبة بس وكتاب المحكمة قبل العرس بشي 10 أيام أو حسب الظروف

اهلين شامية نورتي كيفك و شو اخر الاخبار:083:
بنوتي بتسلم عليكي و ليكها اخدت اجرها على المشي ما شاء الله:013:
وهلا عم حس انو عم نفهم على بعض كتير متل الاصحاب انا وهي عم نتسلى و نلعب حلو انها بلشت تفهم علي وانا افهم عليها شعور غريب و حلو بنفس الوقت:02:

الدمشقية;11222911:
مونو العسل تسلميلي والله .. وتلاقي الخير يااارب هي الدنيا على ودع واستقبل
ومات وانولد خخخخ سبحان الله ,, دوام الحال من المحال
والحلويات اللي قالت عنهم كاتس هنن اللي شكلهم متل الملبس بس صغااار كتير ولما بدوب بتمك بتلاقي يانسونة خخخخ (( مو كاتس ))
وهدول الحلويات مونو اللي منزين فيهم السنينية وقت بسنن البيبي (( اكلة القمح مع القرفة والسكر ؟ عرفتيها ))
كيف عم تقضي ايامك مونو وتأقلمتي بجلسة البيت ولا لسى وكيف القمر رورو ربي يحميها وتخاويها خخخخخ

الدمشقية;11222936:
هلا وكل الغلا بكاتس خانم والله الك وحشة ومكانة بالقلب :032:
وتلاقي الخير ياقمر والله بالفعل انبسطنا كتيير ورحنا على استراحة يعني مزرعة ومسبح
صح نحنا الحريم ماسبحنا بس كتيير انبسطنا باللمة والشوي والقعدة
والله يبسطكم جمييع
انتي طمنيني عنك مع هالبردات وعم تدفيها لتالا والله الجو عنكم فظيع اعتقد امر من الشام لان عمان جبال
بس الله يهنيكم يارب والله الفصول الاربعة حلوة والاحلى انكم تشوفوها وتعيشوا معها
الله يطعمنا:025:

دمشقية حبيبتي كيفك :013: :087: :016: :025:

ايه صح هيدا هو سكاكر الينسون بس انا ما بستنى حتى يدوبو :01:

الله يهنيكي كمان و كمان ان شاء الله و تبقي على طووووول مبسوطة و مروئة بس انا ما بقدر اشوف المي وما اسبح وتالا طالعة متلي بس بالبرد عم حممها بسرعة و ما برد عليها و يا حرام بس بدي اطلعها مشوار بتكون متل الدب القطبي من كتر ما بلبسها حتى ما بتعرف تتحرك:094:
والفصول الاربعا عم نعيشها كل يوم الصبح خريف و الضهر صيف و العصر ربيع اما الليل شتا :057:

وان شاء الله يكونو اطافيلك انبسطو و سبحو و عوضو عنك السباحة بس اكيد اللمة و القعدة مع التبولة و المشاوي بتعوض و زيادة:03:

هلا كاتس حبيبة قلبي انا بخير الحمد لله تسلميلي ياعسل
وعلى طول عرفت الحلاوة من وقت شفت ردك بس على فكرة انا مابحبها كتييير خخخخ مالي صحبة باليانسون غير شر وعلى خفيف
المهم,,, معليش خليها تطلع تالا اسكيمو صغيرة خخخخ ولا تبرد لان البرد والله اساس كل علّة ومرض الله يبعدهم عنها
وبالفعل الجو متقلب حتى نحنا هون والله الجو عم يتقلب صح مو برد بس بالليل هوايات بيجننو وخرج الطلعة والفوتة يعني لا شوب ولا دبئ ورطوبة

وانا متلك بحب المي كتييير مع اني مابعرف اسبح كتير يعني يادوب من اول المسبح لاخره ولازم وقف على ارض لاني مابعرف فوش هههههه
بس وقتها ماسبحنا لانو الجو كان بارد والمي باعتبار المسبح مغلق فاكتفينا بالمشاهدة انا والباقي وحتى ولادي ماخليتهم خفت عليهم من البرد واعراضه
وعلى قولتك المشاوي واللمة والسلطة كفو ووفو خخخخخ لان ماعملنا تبولة

الدمشقية;11227004:
هلا كاتس حبيبة قلبي انا بخير الحمد لله تسلميلي ياعسل
وعلى طول عرفت الحلاوة من وقت شفت ردك بس على فكرة انا مابحبها كتييير خخخخ مالي صحبة باليانسون غير شر وعلى خفيف
المهم,,, معليش خليها تطلع تالا اسكيمو صغيرة خخخخ ولا تبرد لان البرد والله اساس كل علّة ومرض الله يبعدهم عنها
وبالفعل الجو متقلب حتى نحنا هون والله الجو عم يتقلب صح مو برد بس بالليل هوايات بيجننو وخرج الطلعة والفوتة يعني لا شوب ولا دبئ ورطوبة

وانا متلك بحب المي كتييير مع اني مابعرف اسبح كتير يعني يادوب من اول المسبح لاخره ولازم وقف على ارض لاني مابعرف فوش هههههه
بس وقتها ماسبحنا لانو الجو كان بارد والمي باعتبار المسبح مغلق فاكتفينا بالمشاهدة انا والباقي وحتى ولادي ماخليتهم خفت عليهم من البرد واعراضه
وعلى قولتك المشاوي واللمة والسلطة كفو ووفو خخخخخ لان ماعملنا تبولة

يا هلا دمشقية:087:
انا كنت بدي صور السكاكر لمونو بس متل ما قلتلها ما بقي شي للتصوير:037: انا بحب نكهتو كتير بهالطريقة بس الغريب اني مش مستعدة اشربو ابدا كيف صار هيك ما بعرف:01:

هو بهالوقت صحيح ما بكون عندكن برد متلنا بس متل ما قلتي الا يتاثر الجو و يتقلب يعني اكيد هلا عندكن مو متل الصيف ما هيك:060:

انا تعلمت السباحة في البحر من وانا صغيرة بابا كان دايما ياخدناعلى العقبة عندنا او على بانياس في سوريا:013: و متل ما قلتي اذا كان الجو في شوية برودة مو خرج سباحة ابدا اما المسابح عندنا بهيك اجواء بتكون مغلقة و مكيفة بس انا ما بحب اسبح فيها ابدا و اكيد ما رح تسمحي للاطافيل يسبحو حرام ببردو وبرشحو لا سمح الله:033:

معقول ما تعملو تبولة بهيك اجواء ولو :091:

الدمشقية;11223125:
مية اهلا وسهلا بشامية العسل والحمد لله انك بخير وعوافي ويارب دووووم
وانتي كمان متل ماودعتي تلاقي هي الدنيا صرنا بغربة ونستنى ونحن للغريب القريب متل كانو اهل وحباب .. ستي الحمد لله

ومنشان المكان اللي قلتي عنو للفاطمية اعتقد اسمو العصرونية صح لانو مليان توزيعات وستاندات حلوة واشياء تانية بتخص البيبي عقبالك لما تجهزي لابنك او بنتك يارب

وبالنسبة للسمكة الحرة راح قلك طريقتي انا لبين ماتجي الشيف مونو وتقلك طريقتها كمان
انا من السمك كللو مابحب الا نوعين بس اللي هو الشعور والسلطان براهيم وغير هيك ماحبيت
بالنسبة للسمكة الحرة المفروض سمكة هامور بس انا مابحبها (( كيفي خخخ )) انا بجيب فرخ سمك شعور كبييير منظف من جوا وبرا بعملوا خطين بالسكين من الجانبين وبهرها منيح بالبهارات المشكلة والكمون والملح وبتبلها بالليمون والخل
وبكون داقة كزبرة وتوم ومقطعة شرائح بصل وفلفل حار ومحطوطين بزيت زيتون وبحشي السمكة فيهم
وبكون مقطعة سلايسات كمان بصل وفلفل رومي اخضر واحمر واصفر وجزر وبمدهم تحت السمكة على قصدير بقلب صحن البايركس وبغطيهم بالقصدير من كل النواحي وعلى الفرن بتاخدلها 3 ارباع الساعة اقل شوي اكتر شوي وبالعافية ولا تنسي الطرطور قدامها تحفـة:03:

أهلي بدمشقية والله نورتينا

تسلميلي وان شالله أنت بتفرحي بولادك هيك بأحسن شهادات وبيصيرو عرسان قمامير
ومشان السمكة بتعرفي طريقتك كتير شهتني وعجبتني وكتير متحمسة ساويها ان شالله بكرا بدي أعمل سمك وببقى بخبرك النتيجة بس المشكلة كل ما اتعلمت أكلة واتحمستلها ما بتعجبني بعد الطيخ لذلك مارح اتحمس كتير خخخخخخخخخخخ مشان لاقيها طيبة

على فكرة أول مرة بسمع بسمك الشعور ورح أسأل عنو ان شالله

كاتس الله يخليلك ياها وتفرحي فيها أنت كمان بتعرفي أصعب ولد بتربيه الأم أول ولد وخصوصي اذا اتزوجت صغيرة بس حتى لو ما اتزوجت صغيرة أول ولد بتكون الأم والأب بدن يفجرو فيه كل طاقاتن بدهن ياه يطلع تمام من جميع النواحي مشان هيك ماعدا أنو أصلا الأم بيكون الجو والوضع جديد عليها يالله بكرا ان شالله بس تجيبي لتالا أخ أو أخت بيصير الموضوع أسهل بكتير

CATS_ANGEL;11229393:
يا هلا دمشقية:087:
انا كنت بدي صور السكاكر لمونو بس متل ما قلتلها ما بقي شي للتصوير:037: انا بحب نكهتو كتير بهالطريقة بس الغريب اني مش مستعدة اشربو ابدا كيف صار هيك ما بعرف:01:

هو بهالوقت صحيح ما بكون عندكن برد متلنا بس متل ما قلتي الا يتاثر الجو و يتقلب يعني اكيد هلا عندكن مو متل الصيف ما هيك:060:

انا تعلمت السباحة في البحر من وانا صغيرة بابا كان دايما ياخدناعلى العقبة عندنا او على بانياس في سوريا:013: و متل ما قلتي اذا كان الجو في شوية برودة مو خرج سباحة ابدا اما المسابح عندنا بهيك اجواء بتكون مغلقة و مكيفة بس انا ما بحب اسبح فيها ابدا و اكيد ما رح تسمحي للاطافيل يسبحو حرام ببردو وبرشحو لا سمح الله:033:

معقول ما تعملو تبولة بهيك اجواء ولو :091:

مية وردة كاتس يسعدلي اوقاتك يارب
وبالنسبة لليانسون كشرب والله انو مفيد كتير وخصوصي لبنوتك يعني مغص لا قدر الله
اذا معها امساك كمان حلو للكبار والصغار وبكميات معقولة طبعا

ومنشان البحر والله نحنا متلكم بابا كل سنة ياخدنا راس البسيط بس يااختي انا جبانة وكتييير بخاف من السباحة بس بحبها وبتمنى اتعلم او على الاقل محمود وشام يتعلموا لانهم طالعين خوافين لألي والله

والله ماعملنا تبولة ههههه اي لانو اول شي كنا معزومين يعني الاكل وغراض السلطة وهيك على قرايبينا وتاني شي اعتقد لاننا كنا كتار كتيير بالمزرعة والسلطة افضل بهيك حالة لانها اسهل والرجال بحبوها اكتر من التبولة ههههه مو متلنا

صحيح كاتس على سيرة العقبة يالله شو حلوة انا هي اول سنة منمر عليها بسيارتنا بطريقنا يعني للشام
كتيير حلوة وراقية ومنطمة عجبتني كتير انا وزوجي وان شالله ناويين اذا ربي كتبلنا السفرة الجاية نجلس فيها كم يوم ... دخلك كيف الاسعار عالية ولا عالية اكتر خخخخ لان بعرف ماضل شي رخيص :042:

شامية للعظم;11231374:
أهلي بدمشقية والله نورتينا

تسلميلي وان شالله أنت بتفرحي بولادك هيك بأحسن شهادات وبيصيرو عرسان قمامير
ومشان السمكة بتعرفي طريقتك كتير شهتني وعجبتني وكتير متحمسة ساويها ان شالله بكرا بدي أعمل سمك وببقى بخبرك النتيجة بس المشكلة كل ما اتعلمت أكلة واتحمستلها ما بتعجبني بعد الطيخ لذلك مارح اتحمس كتير خخخخخخخخخخخ مشان لاقيها طيبة

على فكرة أول مرة بسمع بسمك الشعور ورح أسأل عنو ان شالله

النور نورك والله شامية ربي يسعدك وشكرا على الدعوة الحلوة لك مثلها واحسن يااارب :087:
اي والله طريقتي حلوة وكتير بتطلع طيبة ان شالله لانها متبلة ومبهرة من الصميم هههه
وهي زوجي عم يقلي هي بالناجل قال اطيب واطيب بس انا للامانة ولا مرة عملتها غير بالشعور
هو سمك كتيير طيب شامية بقلولوا شعري او شعور واكيد بتحصليه باليمن
وان شالله انها بتطلع معك طيبة وبتعجبك اكييد

صار معكم شي منشان سفرتكم لصنعا او اليمن ؟ بالي عندك والله والله يختارلكم الخير


وين عقيدتنا اليوم ومبارح مابينت من غير شر سلامي الك مونو وبيرل ولولية وسمورة وبنوتة :087::087:

:016:مونو الحلوه
:072: دمشقية الاموره
:009: ياسمينتي عروستنا
:087:شاميه ست البيت
:032:بيرل قد ملبتغيبي بس بضلي بالقلب
:027:لوليتي أخت الكل


جد اشتقتالكم كثير والله بنبسط من قلبي وقت بقرا اخباركم وبطمن عليكم إن شالله دائما بتعيشوا بسعادة

:062::025: أحلى كاتس وأحلى بنوته تالا الحمدلله انكم بخير

أنا الحمدلله ما بطلب منكم إلا الدعاء الله يفرج همي هذا على الصعيد الخاص اما العائلي إن شالله خطبة ابن أختي يوم 12الشهر وانا مقررة الاسبوع لبعده إن شالله سافر على الرياض والله محتاجه تغير جو الحمدلله نعم الله علينا كثيرة بس الواحد مابشوف إلا مشكلته

كيفكون يا امامير وشو الاخبار
انا منيحة كتير وملتهية بهالشغل بس كتير مشتاقتلكون

اهلين بنوتة يسعد اوقاتك يااااارب وربي يفرج همك ويفرح قلبك ان شالله عااجلا غير اجلا
وتسلمي ياعسل انا بخير الحمد لله والف مبرووك لابن اختك ربي يتمم بالخير
وان شالله نسمع عنك كل الاخبار الحلوة اللي تسعدك وتريح بالك يارب

اهللين سمووورة الله يعطيكي الف عافية ياارب ويكون بعونك
بس مو تلتهي بالشغل وتنسي خطيبك اوووعك هههه الله يخليكم لبعض ان شالله
ونحنا كتييير مشتاقين لسماع اخبارك وان شالله تكوني بخير وسعاادة دووم

صباح الخير ومسا الخير وان شالله ايمتى ما فتو عالشات يكون خير

أول شي مونو وينك اشتئنالك ان شالله يكون خير أن بتوقع أنك حاطة هالكتاب وقاعدة عم تدرسي الله يوفقك وينجحك خلص اختي ماعاد بدي تعلميني السمكة المهم طلي علينا
بس لاء لا تصدقي ما استغنيت عن خدماتك والله طريقة دمشقية طيبة بس مافي مانع اتعرف على طريقتك يعني

تاني شي دمشقية يسلمو ايديك اليوم جربت طريقتك جد طيبة وأكلنا السمكة كلها ممممم شو طيبة

ومشان سفرتي على صنعا لساتها قائمة بس الوقت مفتوح ليصفي زوجي شغلو وأصلا مدير الشركة بدو يجي من سوريا يجتمع مع مدراء الفروع وبيجوز وقتها يتغير شي ما منعرف

بنوتة الله يفرج همك مين الك بالسعودية بتروحي لعندو على كل حال التغيير كتير ضروري وبيحسن النفسية

ياسمينة ياهلا فيك ياقمرنا اي ياعمي مين قدك عايشة أحلى أيام عمرك ياستي الله يسعدك ويهنيك مع ابن عمك ويجعل أيامك كلها عسل بعسل

كات اليوم ما شفناك خلص اتعودنا كل يوم على طلتك علينا

لولية وبيرل كمان ان شالله تكون أيامكم كلها خير