>< تجمع أمهات وحوامل سلطنة الحب ((عمان)) لشهر صفر1431ه ><

سيدة القوم;11219584:
لا سونيا أنا تخصصي ترجمة

مشكلة الحريم عندنا يتستروا على سوالفهم وبعدين لما الأمور تتفاقم يكون راح الفوت!

الوان سحرية;11219599:

سيدة .. ايش واحد يقول ..

والله الكل استغرب منها ..

في كل زيارة كانوا يسألوها كيفه معـاش ؟؟

وكيف اموركم ..؟؟ وكانت مبينة انها مبسوطة ومرتاحة

بس ما اعرف ليش مو راضيـة ترجع الحين

ترا القربة يوم تمليها وتمليها تنفجر آخر شي!
ما أدري ليش نحن النساء كذي خوافات ما نطالب بأبسط حق: الحياة كإنسان!! :039:
ويوم تجي بسمة الكيومية تتكلم ما يعجبهم كلامها...

ترا هالمشاكل حساسة وتاثر على الاطفال
الله يعين بصراحة

سيدة خخخ شكلج متاثرة ما سونيا لونا الي سالتج
وشوفي ترا دراسة قانون حلوة وبصراحة تشجعت حال عمل لما شفت كيف العمل حلوو سواء لما كنت ادرس بامريكا ولا الامارات حتى لو تشوفي مكاتبهم و مكان الوظيفة تشرح نفس وغير كذا تصدقي دراسة قانون وايد صعبة يعنى اقل كتاب كان عندي يمكن مال 800 صفحة وكله حفظ بس تحسي انج مب شوية و حالج من حال الطب والهندسة وحتى بالامارات كنت اتدرب 3 شهور تحسين لج مكانة مع هالدراسة وغير رواتب الكبيرة لانج بجد تعبتي وتستاهلي
بس انصدمت لما جيت هنا ..اه لو اظل اتكلم من اليوم لين بكرة ما بخلص خخخ احسن لي ساكتة ..عشان كذا غيرت راي ء وماصرت محامية مع انه كام حلمي واشتغلت مستشارة قانونية بس تعبت واخيرا استقلت ..وقبل كم اسبوع حصلت وظيقة وايد حلوة حتى كلهم نصحوني ما اتخلى عنها بس بسبب دوام طويل م 8-6 اضظريت ارفض بسبب عيالي ..يلا خيرها بغيرها

سيدة القوم;11219626:
ترا القربة يوم تمليها وتمليها تنفجر آخر شي!
ما أدري ليش نحن النساء كذي خوافات ما نطالب بأبسط حق: الحياة كإنسان!! :039:
ويوم تجي بسمة الكيومية تتكلم ما يعجبهم كلامها...

هههه سونيا عذراً مضيعة أنا :)
بالفعل القانون وممارسيه في دول غير عُمان لهم مكانة وقدر
أصلاً كل الوظائف لو تبين الصراحة هههههه
بس لو أنا كملت دراستي بتكون في ترجمة قانونية أو تجارية .. شي من هالقبيل.. عسى ربي يوفقنا.. وطبعاً هذا كله كلام وما نعرف كيف ومتى يتنفذ لأن مثلما انت تسوين: عشان خاطر العيال..

لونا
بسمة هذي محامية ومنادية بحقوق المرأة العُمانية الإنسانية
وهالكلام اللي تقولينه :

الواحدة يالله يالله محصلة زوج وبعدها تتطلق ؟؟

يكفي العنوسة اللي كثير من بناتنا عايشات فيها

وبعدها المطلقة هين بتحصل احد يتزوجها بعد عمر طويل ؟؟

هو اللي مخلي النساء منهانات ولا يتكلمن وهو اللي مخلي الرجال أسود وطواويس فارغة..
برايي: ظل حيطة ولا ظل راجل سرابي!

سيده ترى حنا للاسف بعض تربيت البنات تعتمد على انه تكتمة وعيب الام تربيها في تخاف وتظطر تخبي والكبت يولد الانفجار التربيه لها دور مهم بعد انه البنت ما تسكت عن حقها اذا هي صح وتتكلم لانه هذا السبب يصيب الحرمه صغط وقلب وسكر ومراض وتعجز قبل رجال ويجيها اكتئاب من كثر ما تخبي انا درسه كورس في علم نفس وبالفعل مسكينه الحرمه بس تربيه لها دور كبير .. سونيا انشالله بتجيكي وظيفه احسن ضريبه الامومه :)

صح كلامك ألماس
لهذا لازم نعلم بناتنا الاستقلالية ونعلم أولادنا احترام النساء كإنسان

وأحلى هناك علم النفس:)
من الأشيا ءاللي خاطري أقرأ فيها
إذا عندك عناوين كتب حلوة خاصة علم نفس النمو والطفل عطيني بليز أريد أشتريهم من معرض الكتاب

تصدقي لونا ترا هاي المشكلة سكوت المراءة بس هي مب غلطانة لان مجتمعنا ما يرحم وسيدا اصابع الاتهام عليها فشو تسوي تفضل سكوت عن الفضيحة
احس مفروض ما تسكت لان هي انسانة حالها من حال رجل ..عندها احاسيس ومشاعر وكرامة ليش تنداس دايما ما كافي انها تحمل وتتعب وتجيب عيال من اجل الرجل وتكرف وترتب وتطبخ من اجله وفوق هذا كله دايما يقولوا هي مقصرة وهي ما تسوي وماتعرف..انزين علمها .ساعدها . كلمها وانصحها بس لا سيدا يدور غيرها ويقول شرع حلل اربعة عاد بس في هاي يعرفوا شرع حشا
اعرف وحدة سوت عملية كبيرة في راسها وكانت تعبانة وبعدها ما تقصر تخدم زوجها وبعد كم شهر عرفت انه يخونها وبرر غلطته اوين هي كله تعبانة وما تعطيه حقوقه شرعية حشااا ..تو بس بهذيك سالفة صارت حقوق مفروض هي تتركه لانه ماراعها وسهر على راحتها وفوق هذا خانها وهي باصعب ظروف حشا حشا
بس طبعا مب كلمهم في ازواج طيوبين وحلوين ومساندين بس دايما يظل الرجل رجلا والمراءة مراءة

عيل انا مو اقول ما اشتغلت ابدا شهدتي عرض جايبه فيها امتياو على فاضي ابى ابروزها واعلقها في البيت :)

وأصلاً يا حلوات
شرعاً وقانوناً المرأة ما من واجبها تخدم زوجها بالطبخ والغسيل والتنظيف
هو من واجبه يوفر لها أسباب الرعاية والاهتمام وسبل العيش
تعرفون حتى شرعاً الرضاعة مو من واجبها.. من حقها تطالب الزوج عن كل رضعة مقابل!
شوفوا الدين شو عطاها والمجتمع كيف يعطيها

سيده انا انا دراسه بي الانكليزي عندي كتب وايد في مكتبه شوفي علم نفس مش قرايه كثر ما هو تطبيق عملي تشوفي الحالت كذا تستفيدي اكثر هذي زوجي يوم كان ساير كورس امريكا سرت معاه وخذيت انا كورس في علم نفس لاني اعشقه وكان دايم دكتوري يقول الكتب ثيريس بس تطبيق وعملي هو اللي يعلمالواحد يسموهم هناك شرينكس :)

صدقج سيدة بس شو تقولي هي تسوي كل هذا والرجل والمجتمع بدال لا يشكرها صار يلومها بكل شي

المشكله عندنا الحرمه هنا مطالبه تسوي بكل شي هي تفهم وهي تقدر وهي داري وتطبخ وتكرف وغيره بس في المقابل هي بني ادام من لحم ودم في فترات تجيها تريد حد يفهمها ويحس من نبره صوتها او عيونها تريد ريفرش ..... عكس الاجانب غير يستانسوا معا بعض واذا حسوا عندهم مشكله ما يسنحوا يراجعوا الاختصتصي نفسي الشرينك عشان يسعادهم ينجحوا علاقتهم لانه يد وحده ما تصفق :)

تصدقي انا يوم كنت ادرس برع او اذا سافرت ..لما كنت اودي شهودة حمام تغير اشوف كل الرجال الاباء الي يغير الطفل والي يسوي حليب وماعرف شو ويساعد زوجته وتعالي قولي للرجال سوي كذا قدام ناس شوفي شو يرد عليج خخخ

انا احس حياه الاجانب لما يتزوجوا يكونوا مقتنعين وفاهمين بعض ويحاولوا انجاح علاقتهم قدر مستطاع اول وبعدين يفكر انهم يرتبطوا حتى لما يجبوا اطفال وهم في الثلاثين :)

راجعتلكم الحوار روووووووووعة

رجعت

ألماس + سونيا + ألوان

المشكلة مشكلة ثقافة وكيف كل عائلة تربي عيالها.. والحين الحمد لله رجالنا فاهمين الدنيا ومنفتحين عليها أكثر وواعين بدينهم وتعاليمه وما يعاملوا المرأة كـ"حرمة" والقوامة مفهومة عند الأغلب: إنها قوامة توفير مسكن وملبس ورعاية.. هو مسؤول عنها وعن أمورها ما مسؤول عليها ..
وهذي هي التوعية الل يمنتشرة غالباً بين الأجانب بس ما نقول الكل لأن هم بعد عندهم مشاكل في محاكمهم للضرب والبهدلة بسبب عدم الوعي وانعدام الثقافة..

مشكلة ثقافتنا الشرقية لساتها ما متخلصة من تقديس الجانب الذكري لكل شيء.. الذكر هو الأعلى والذكر هو الأفضل ولهذا ربونا الحريم على تبجيل الزوج والأب مو حبه وبس.. وبالتالي تحقير النفس وتهميشها ..

سيدة القوم;11219696:
وأصلاً يا حلوات
شرعاً وقانوناً المرأة ما من واجبها تخدم زوجها بالطبخ والغسيل والتنظيف
هو من واجبه يوفر لها أسباب الرعاية والاهتمام وسبل العيش
تعرفون حتى شرعاً الرضاعة مو من واجبها.. من حقها تطالب الزوج عن كل رضعة مقابل!
شوفوا الدين شو عطاها والمجتمع كيف يعطيها

جلست على ردك كثير وما اعرف ما مقتنعة ..

عندك اية في ما معناها
ولهن مثل الذي عليهن بالمعروف .. وقرأت من قبل تفسير عليها انه مثل ما للمرأة حقوق من زوجها عليها واجبات اتجاهه..


والرجال قوامون على النساء ,,,,,, ومن هذي الاية نستنتج انه المرأة تقوم بخدمة زوجها
لانه لو ما خدمته بتكون هي القوامة عليه ..


انتي شو رايك سيدة ؟!
وممكن اشوف مصادر الفتاوي هذي :095: