seymaa;11152366:
طيب خالينا نبدأ واحدة واحدة ان شاء الله هنزل لحراز اجيب منه شوية زيوت
جوز الهند- خروع- لوز - جرجير - ثوم -زيتون و اعمل منهم خالطة كدا يبقوا مع الزبدة و اسيحهم و اضعهم على الشعر قبل الغسيل تمام؟؟
و بعدين نيجى للخطوة اللى بعد كدا هغسل شعرى بشامبو ايه علشان انا حيرانه (فى جارنية - جونسون- صانسلك......) و بعدين اضع بلسم و لا لو بلسم ترشحى لى ايه اصل و الله اليومي دول عندى مشاكل فى الشغل هتجنن فمش مركزة خالص
كمان مش قولتى لى اجيب الحنة من عن العطار و لا من الصيدلية و عايزة طريقة معتمدة من عروس علشان انا مش ناقصه تجارب
كريم العروسة دا اللى هو صنفرة اجيب قبل الفرح بقد ايه؟؟؟؟
بوصي يا قمر
كلمة قولتها كتير وهقولهالك تاني للزمن يعني :085:
منتجات الشعر تحديدا مش ضروري تحكمي عليها من تجارب الاخرين يعني لازم تجربي وتجازفي لحد لما توصلي لمنتج الي يناسب شعرك
انا لما بسأل حد عن كريم مثلا بسال عن قوامة وملمسه لان انا عارفة شعري يناسبه الكريمات والبلسمات وحمامات الكريم اللي قوامها تقيل فا لما حد يقولي ان المنتج كذا قوامة تقيل بجربه بغض النظر هو نفعه ولالا
انا بقولك الكلام دا عشان انتي سألتيني اجيب شامبو ايه فا بتالي مش هقدر افيدك ايه الشامبو اللي ينفعك بس انا هقولك انا بستخدم شامبو ايه
اكتر شامبو عجبني هير كير من الشبراويشي وشامبو اللوز والافوكادو من افون الباقيين عادي جدا وان كان اسوأهم هو لوريال باريس كان كارثه من كوارث الزمن لزق شعري وخلاه مكعبل وحالته حاله
في بنات كتير بتشكر في شامبو طبي اسمه بروتي كير عن نفسي متحمسة اجربه بس لما اخلص الشامبو بتاعي باذن الله فا انتي لو عايزة شامبو طبي ممكن تجربي البروتي كير وسعره 18 جنية
نيجي للبلسم المفروض البلسم بتحط بعد غسيل الشعر ومش تقربيه من فروة راسك سواء هو او حمام الكريم بيتحطو عالشعر نفسه بعيد عن الفروة واكتر نوعين عجبوني جدا هما هير كير و بلسم اللوز والافوكادو من افون بردو وانا بحب استخدم البلسم والشامبو من نوع واحد بحس ان الاستفادة بتكون اكتر وبصراحة الشامبو والبلسم بتاع هير كير ممتاز رغم رخص تمنهم ب 7 جنية الواحد
الحنة بئه ممكن تجبيها سايبه من العطار اووو تجبيها علبة زي اصاله او جلوريا حسب ما تحبي وبتعجنيها بالتالي
( خلطه زيوت - مغلي البصل والتوم - علبة زبادي )
طريقتها :
- بتجيبي مقدار كوبايتين مايه وتقطعي عليهم بصله و 4 فصوص توم وغطيها وحطيها عالنار لحد لما تغلي هتلاقي المايه اصفرت .. صفي المايه من البصل والتوم واركني المايه شوية
- تجيبي الحنة مقدار 6 - 8 معالق حسب طول وكثافة شعرك وتضيفي عليها تقريبا 5 معالق من خلطه الزيت وتعجنيها كويس لحد لما الزيت والحنة يبقو عجينة واحده
- ضيفي على العجينة دي علبة الزبادي واخلطيها كويس اوي وفي الاخر تبدأي تخففي عجينة الحنة بمايه البصل والتوم تضيفي حبه وتقلبي الحنة وبعدين تضيفي حبه وتقلبي وهكذا لحد ما توصلي لقوام مناسب للحنة لا هي عجينة ناشفه ولا هي سايله
وتبدأي توزعيها على شعرك خصوووصا الجذور وتسبيها 3 - 4 ساعات وبعدين تشطفيها بمايه بس لحد لما شعرك ينضف وبعدها تستخدمي الشامبو ووراه البلسم :065:
ملوحظة مهمة جدا جدا
لو جبتي حنة اصاله او جلوريا او اي ماركة في الغالب بيجي معاها كيس صغير فيه اعشاب بتعمل لون للشعر لو مش عايزة تلوني شعرك اوعي تحطيها عالحنة اما لو هتلوني شعرك فا حطيها بس انا مش مسئوله عن اللون اللي هيطلع :085::085:
اخر حاجة بخصوص كريم الصنفرة حبيبتي انتي تهتمي بنفسك من دلوقت لان الاسكرب مهم للبشرة على طول مش ضروري قبل الجواز وعلى فكرة انتي لو عايزة تهتمي ببشرتك قبل الفرح يبقى عالاقل ابدأي قبلها بشهرين عشان تلحقي تشوفي نتيجة كويسة لان طبيعي اخر اسبوعين بيكونو كلهم دربكة و لخبطة مش هتلحقي تعملي حاجة فا ابدأي من بدري شوية احسن :014:
بس كده ياقمر لو عايزة تسألي عن اي حاجة اسألي براحتك :087:
