تجمع حوامل مصر القمرات لشهر صفر..فلنبدأ الرغي:)

sweetylolla85;11102138:
حلوه يابسبس طريقه التنظيف دي ربنا يعيني عليه يارب عشان عاوزه انهارده انضف المطبخ والسفره ربنا يقويني ياااااااااااارب

بصى انا كنت بشيل هم التنضيف لغايه لما جاتلى واحده ست نضفتلى مره

ولاحظت هى بتنضف ازاى وسريعه جداااااا وفله

وكانت بتنضفلى وهى حامل فى السابع تخيلى بقى وايه تطلع وتنزل ولهلوبه

لقيتها بتعمل ايه بقى
بتجيب اداوات التنضيف كلها جمبها مره واحده عشان متروحش وتيجى كتير

وايه هى اداوت التنضيف بقى؟؟ مقشه عشان تكنس الارض وزعافه وفوطه تنفيض ناشفه وفوطه تانيه مبلوله و ملمع الزجاج وملمع الخشب ان وجد يعنى ولو مفيش ملمع خشب تجيبى اللى هى الريشه دى عارفاها اللى بتشيل التراب؟؟؟ وجرايد

وراحت بقى عملت ايه

شالت كل التراب الموجود على الترابيزه او الكراسى او فوق النيش بالزعافه طبعا وبعدين مسحت رخامه البوفيه الكبير بالفوطه المبلوله ونفس الحوار فى البوفيه الصغير

وبعدين لمعت الازاز الموجود كله فى السفره من ازاز سفره وازاز نيش بالجوانب والمرايات طبعا وبعدين كنست الارض

ومسحتها وخلصناااااااااااااااااا

مخدتش فى ايدها ربع ساعه :025:

CuTie KaTkOoTa;11102167:
بصي انا لما رحت اول التامن زي عادتي كل اول شهر اللي هو 25 ، قالتلي تعالي بقي يوم 15 اللي جاي ولما رحت قالتلي تعالي 25 اول الشهر يعني هابقي في الأسبوع ال 36 بدايته، يعني تقريبا كل اسبوعين من اول التامن، معرفش بقي لما ادخل التاسع هتخليها كده بردو ولا كل اسبوع؟
لسه مش عارفة

اها دانا روحت للدكتور فى الاسبوع ال 25 تقريبا وبعدين روحتله تانى وانا فى الاسبوع ال 32 وهو اللى بيدينى المعاد مش بروحله من دماغى كدا

بس المره دى عايزنى اروحله فى نهاية الاسبوع ال 36 وبداية ال 37 تقريبا

بس اخت جوزى قالتلى ان من اول التاسع بيفضل يجيبك كل اسبوع

السلام عليكم يابنات انا جايه بكره ان شاء الله ومخنوقه قوي علشان هسيب جوزو وارجع تاني لوحدي بجد مخنوقه قوي يابنات ولسه محتاسه وبلم في حاجاتي اللي هاخدها معايه ادعولي

حلوه اوي الطريقه دي يابسبس تسلمي ياقمر ان شاء الله هاجربها انهارده
طيب هاترجعي تاني امتي يادودو او هو هايجي امتي ؟

كوباية مايه;11102193:
اها دانا روحت للدكتور فى الاسبوع ال 25 تقريبا وبعدين روحتله تانى وانا فى الاسبوع ال 32 وهو اللى بيدينى المعاد مش بروحله من دماغى كدا

بس المره دى عايزنى اروحله فى نهاية الاسبوع ال 36 وبداية ال 37 تقريبا

بس اخت جوزى قالتلى ان من اول التاسع بيفضل يجيبك كل اسبوع

بس ليه كتير كده يا بسبس، انا بشوف اللي حواليا يا اما كل شهر او اقل كمان بس اللي اقل دول عشان حالتهم بتبقي محتاجة متابعة وكده، لكن اكتر من شهر دي مستغرباها، وفعلا بسمع دايما ان التامن وممكن من اخر السابع كمان يبقي كل اسبوعين مثلا والتاسع مفروض يبقي كل اسبوع فعلا عشان خلاص ممكن تحصل الولادة في اي وقت والمتابعة محتاجة تكون مكثفة عشاناي حاجة عالطول تتلحق، بس انا مش عارفة داغها ايه، انا بردو كنت بروح حسب ما هي متفقة معايا بس مش بسألها كل مرة، لأني خلاص عرفت النظام اجي كل اول شهر ليا، إلا لما غيرت النظام بقي قالتلي اهي.

فتافييت السكر;11102202:
السلام عليكم يابنات انا جايه بكره ان شاء الله ومخنوقه قوي علشان هسيب جوزو وارجع تاني لوحدي بجد مخنوقه قوي يابنات ولسه محتاسه وبلم في حاجاتي اللي هاخدها معايه ادعولي

تيجي بالسلامة ان شاء الله يا دودو، طيب انتي هتفضلي لغاية الولادة بقي صح

بنات غسلتو هدوم النونو ولا لسه؟

mashimaro16;11102252:
بنات غسلتو هدوم النونو ولا لسه؟

انا غسلت الفوط كلها والبشكير وفوط القشط والحاجات دي.
اه وغسلت البطانية بردو

كتكوت ان شاء الله انا هاروح للدكتوره بتاعتك يوم السبت بس مابيردوش علي التليفون عشان احجز اروح بدري بقي ولا ايه

:( انا غسلت بقى الهدوم ونشرتها وادى المطره مطرت عليهم
عاااااااااااااااااااااااااااااااااااااا
حظ بششششششششششع يعنى

مع انى فاتحه التانده بس برده جه عليهم حاجات كده زى طرطشه الميه :(

sweetylolla85;11102271:
كتكوت ان شاء الله انا هاروح للدكتوره بتاعتك يوم السبت بس مابيردوش علي التليفون عشان احجز اروح بدري بقي ولا ايه

هتجربيها؟
طيب انيت هاتسيبي فكرة ولا ايه، بصي هي معندهاش حجز بالتليفون، تروحي اه يومها وتحجزي ، ايام السبت والاتنين والاربعاء والراجل بيفتح الساعة 7 كده، تروحي بقي من الاول عشان تاخدي دور اولاني ومش تتأخري لبليل، بس هي مش بتيجي من الاول كده إلا لما يتجمع 5 كشوفات مثلا يقوم مكلمها ويقولها تعالي بقي وهي بيتها قريب يعنين ومش لازم تفضلي قاعدة ممكن تعرفي دورك كام وفاضل عليه اد تقريبي وقت، وتنزلي تتمشي وتطلعي في ميعادك كده يعني، اخر مرة رحت كانوا بيجددوا في العيادة مش عارفة ناوية تعمل فيها ايه.

mashimaro16;11102282:
:( انا غسلت بقى الهدوم ونشرتها وادى المطره مطرت عليهم
عاااااااااااااااااااااااااااااااااااااا
حظ بششششششششششع يعنى

مع انى فاتحه التانده بس برده جه عليهم حاجات كده زى طرطشه الميه :(

يا دي الحظ معلش حصل خير :057::057:

يعني ممكن تقفل العياده عشان تجددها يعني تفضل اسبوعين تلاته مقفوله؟

sweetylolla85;11102314:
يعني ممكن تقفل العياده عشان تجددها يعني تفضل اسبوعين تلاته مقفوله؟

لا لا طبعا ازاي بقي والحوامل اللي عندها دول يروحوا فين، هو التجديد كان شغال واحنا هناك، انا بقولك بس عشان متستغربيش لو لقيتي يعني كده، ممكن يكونوا خلصوا مش عارفة.

بس قوليلي انتي هتجربي مرة وتشوفي نظامها ايه وكده وبعدين تستقري علي انهي ولا هتعملي ايه.

انا زهقانة اوي و نفسي اروح البيت بجد

CuTie KaTkOoTa;11102323:
لا لا طبعا ازاي بقي والحوامل اللي عندها دول يروحوا فين، هو التجديد كان شغال واحنا هناك، انا بقولك بس عشان متستغربيش لو لقيتي يعني كده، ممكن يكونوا خلصوا مش عارفة.

بس قوليلي انتي هتجربي مرة وتشوفي نظامها ايه وكده وبعدين تستقري علي انهي ولا هتعملي ايه.

اه فكريه مش مرتاحه معاها خالص كل ماتصل احجز يدوني معاد بعيد اوي الساعه 11 وانا بخلص شغل الساعه 5 عاوزه معاد 6 او 7 فهماني غير اني هاحجز معاها متابعه وهي زحمه موت حاسه مفيش اهتمام يعني هاجرب حد كمان والاحسن هاكمل معاه

سوري معاد الساعه 10

sweetylolla85;11102367:
اه فكريه مش مرتاحه معاها خالص كل ماتصل احجز يدوني معاد بعيد اوي الساعه 11 وانا بخلص شغل الساعه 5 عاوزه معاد 6 او 7 فهماني غير اني هاحجز معاها متابعه وهي زحمه موت حاسه مفيش اهتمام يعني هاجرب حد كمان والاحسن هاكمل معاه

طيب ما يمكن لما تتصلي من بدري اكتر هتاخدي ميعاد بدري، انا رحت مرة واحدة وفضلت منتظرة يومها 4 ساعات بالظبط عقبال ما جه دوري واخدت جوا كمان مثلا نص ساعة وهلكت طبعا من الانتظار والملل والجوع والتعب من القاعدة، بس هي اتاخرت يومها علي حظي فطبعا كل الكشوفات اتأخرت معاها وكان فعلا زحمة دمار شامل مع اني كنت حاجة قبلها بإسبوع ومأكدة الحجز تاني يومها الصبح.

بصي بتاعتي هي مش بتحب الدلع بس شاطرة، يعني هتسأليها هترد عليكي وعادي وكده بس ممكن متقولش كل حاجة نفسك تسمعيها يعني بتهتم بالمفيد مش بالحاجات الصغننة اللي احنا عايزنها دي، ومش بتهتم تعرف النوع عشان كده انا رحت عرفته من بره، بس كل ما اسأل حد من العيادة من الستات يعني اللي مجربنها في ولادة قبل كده، يقولولي ممتازة بنفس الكلمة كده، ويوم لما رحت اشوف مستشفي البدري دي ، البنت قالتلي اكسلنت عليها بردو.

اديني هاجرب انا ممكن اروح انهارده بس مدشدشه ومكسره وعاوزه ارجع فهاروح انام ويوم السبت اجازه ان شاء الله هاروح وهابقي في الاسبوع ال 11 عشان نشوف البيبي
هي السونار عندها كويس؟

sweetylolla85;11102428:
اديني هاجرب انا ممكن اروح انهارده بس مدشدشه ومكسره وعاوزه ارجع فهاروح انام ويوم السبت اجازه ان شاء الله هاروح وهابقي في الاسبوع ال 11 عشان نشوف البيبي
هي السونار عندها كويس؟

هو في الاول كان صغير زي بتاع فكرية كده، بس كبرته قريب، بس بردو يعتبر قديم مش حديث، لكن شاشته اكبر شوية، اه وحاجة كمان انا عايزة اقولك كله عشان متبقيش متضايقة، انا زي ما قلتلك هي ليها المفيد وصحة البيبي وصحتك وان الامور ماشيةتمام، يعني مش هتاخدي صورة للبيبي ولا هتسمعي نبضه زي بره.

السلام عليكم ورحمه الله وبركاته


ازيكم