CuTie KaTkOoTa;11093876:
لا ما هو ينفع للاتنين حسب لو ساقع ولا سخن، بس انا كل ما بحفظ بنسي تاني وبتلخبط بس دي معلومة اكيدة
هممممممممم السخن بيعلى و العكس
lifedrop;11095321:
على فكرة يا ميرو
الستات مش زى بعضها
وربنا بيبتليكى على قد مقدرتك
يعنى ان شاء الله حتعدى بسلاااام
انتى عارفة انا ساعات بفكرة ان الولادة دى كانت ممتعة( انا عارفة انك بتقولى ايه الهبلة دى...ربنا يسامحك)
وببقى مستمتعة وانا بحكى لجوزى على ادق تفاصيلها ( عشان مكنش معايا...عا)
واستنى انه يتاثر ..... مفيش يا بنتى والله
اقوم متاثرة انا واعيط
هبلة رسمى يعنى
quiet girl;11095295:
ههههههههههههههههه عسل يا ميرو والله
لا بصى الموضوع بسيييط بسيط بسيط .. بجد اقنعى نفسك انه عادى خالص
ما الناس اللى ماشية فى الشارع دى كلها ايه مش اتولدوا برده و كل يوم كتيررررررررر بيولدوا ربنا بيكرمهم وبيسهلمهم
و ان شاء الله يرزقكوا ساعة ولادة سهله
وبعدين هو ربنا اللى خلق جسم المرأة سبحان الله بطبيعة معينة أكيد عشان يستحمل الحمل و الولادة
يعنى دى مؤهلات ربنا حاططها فى الجسم سبحان الله
ما تقلقيش والله ان شاء الله خيررررررررر وتفرحوا يااارب بكتكوتك وتلعبى معاااه ويبقى سندك كده فى الدنيا وتحبيه اووووووووووووى ان شاء الله
بصوا هقولكم على حاجة مش قلتها هنا قبل كده انا مامتى الله يرحمها اتوفت و هى بتولد اخويا الصغير يارب بعيد عن كل الحوامل بإذن الله
و انا بقى نسخة من ماما فى كل حاجة
طبعا انا مؤمنة بالله و كل حاجة و عارفة ان دى حاجة بتاعة ربنا بس انا بترعب انا اصلا ضعيفة و رفيعة و عاملة زى الورقة كده فخايفة انى مش اتحمل و لا الطبيعى و لا القيصرى و بعدين موضوع بردو انى مش عارفة هعمل ايه لوحدى و لا مين هيعد معايا بعد الولادة و لا الكلام ده بردو قالقنى اوى
ربنا يستر ان شاء الله
انا يوم عملية اللوز و انا طفلة كنت بموت من البنج و مش كان حد راضى يقول لبابا و اهلى برا ايه اللى بيحصل فى العمليات جوا و الممرضات بيجروا ادامهم و خلاص و مش بيتكلموا
عااااااااااااااااااا
يا مامااااااااا غصب عنى والله كل الافكار دى بتجيلى فبخاف اكتر
بابا كمان كان بيقولى ان ماما بردو غلبته فى كل الحمل و الولادات بس هى كانت دكتورة فأيام الولاده كانوا اصحابها الدكاترة بيستحملوها و بيخافوا عليها
بس بقىىىىىىىى
يا مامااااااااااااااا
lifedrop;11095333:
يا عيااااااااااااااااال
ممكن بسملة دى جوز حد فينا داخل يراقب او يغلس
ما احنا كرهنا فى المنتدى جامد بصراحة
حاجة تأرف اخررررررررررر حاجة