تجمع حوامل مصر القمرات لشهر صفر..فلنبدأ الرغي:)

زوكا وبسبس صباح الخير

سمسم ومراميرو الله يبارك فيكو يارب ربنا يكرمنا كلنا بأذن الله

لولا حاولي تثبتي مواعيد الاكل

بصي اولا لازم تفكطري قبل 11 الصبح عشان نسبه الحرق بعد 11 بتقل
ثانيا اشربي كوبايه مايه قبل الاكل
ثالثا خلي بين الوجبتين مش اكتر من 5 ساعات
رابعا كلي سلطه كتير
خامسا كلي بين الوجبات سناكس
يعني حبايه فاكهه ,كوبايه زبادي, طبق سلطه ممكن, شويه فشار
شوكلاتايه ممكن بس مره في الاسبوع
كده ان شاء الله هتشبعي ومش هتتخني
طبعا الاكل خليه بزيت مش سمن, حاولي تكون طاقتك في الوجبه من نص رغيف ل رغيف بالكتير, لو مكرونه او رز يعني خدي حوالي 5 معالق
والخضار مفتوح, ده دايت كنت عاملاه قبل الجواز وجاب معايا نتيجه الحمدلله بس انا جسمي بيخس ببطء والدايت ده عموما بيخسس علي المدي البعيد
لو اتعودتي عليه وبقيت دي طريقه اكلك
والحمدلله اتجوزت وتخنت بس لما عرفت اني حامل الحمدلله رب العالمين بحاول انفذه تاني وان شاء الله كله يبقي تمام

ان شاء الله يا بسبس
بس انتى روقى كده و استغفرى الله

مفيش يا دونه عندى طلق على خفيف والدكتور قالى دى حاجات خفيفه والرحم بيتوسع اكتر وبيستعد للولاده بس مقريفانى اوى اوى

ربنا معاكي يا بسبس ياااااااااااااااااارب و ان شاء الله تيجيبي احلى بيبي في الدنيا

حاضر يا دندونه
انا كل ما اجى اسالك هناك اقول لالالالا ههههههه بفتكر عالطول الحمد لله
و خصوصا يوم ما كنتى كاتبه ان زى النهارده كان كتب كتابك
كنت هقولك وان شاء الله تقومى بالسلامه و النونو يكون معاكم السنه الجايه ياااااااااارب
قمت افتكرت عالطووووووووول ههههه الحمد لله


هدير
ربنا يكرمك يا حبيبتى يارب
ويكملك على خير و عقبالى انا و كل اللى زى ياااااااارب و ربنا يقومكم كلكممم بالف خير ياااارب

ربنامعاكى يا بسبس يا حبيبتى ياااارب
معلش هتبقى كويسه ان شاء الله يااااااارب

ربنا يرزقك يارب يا ميراميرو ياااااااااااااااااااارب اللهم آمين انتي جوزك موجود معاكي دلوقتي

الف سلامه يا بسبس
دندونه اول مره اسمع حكايه ابعدي عن اي حاجه فيها فيتامين أ دي
انا الحمدلله اتجوزت 16/10

الف مبروك يا حبيبتي على الجواز مع انه متأخرة شوية

و الله الدكتور بتاعي قالي و مكتوبة في كل مواقع النت الخاصة بالحمل ان اول 3 شهور ابعدي عن اي حاجة فيها فيتامين أ

ايوه الكبده ممنوعه تماما لانها مليانه فيتامين أ وده بعد الشر بيجيب تشوهه اجنه ده كنت قريته علي النت

انتي اول مرة تعرفي كده يا هدير ماهو عشان كده انا مستغربة انك بتقوليلها كلي جزر و هوا مليان فيتامين أ

ربنا يخليكى يا دندونه يا حبيبتى ياااااارب اللهم امين يارب العالمين
احتمال يجى يومين ان شاء الله يا مسهل يارب ادينى قاعده مستنيه ههههههه

اللي فهمته من البحث في موضوع فيتامين أ ده
ان المفروض ماتكليش منه كتير
وخاصتا الكبده
لكن لو بأعتدال اعتقد مايعملش مشاكل والله اعلم

الله يبارك فيكي يا دندونه ولا يهمك

انتو والله قلقتوني من موضوع الجزر ده طب انا بحبه وباكله وبقالي كام يوم باكل بسله
اعمل ايه بقي؟

ازيكم يابنات

بنات
طمونى
اخبار
كتكوت و مروه(قطه اخر الليل) و منار و مورو و ميكو و برنسيس ميرو و اميرة هوبا و ضياء الجنه و مشمش ايه؟؟؟؟؟

من المعروف أن فيتامين أ عنصر غذائي جوهري وأساسي لوظائف الخلايا الطبيعية. وعندما يذكر المحتوى الكلي من فيتامين أ في الأغذية, فإنه يتضمن فيتامين أ المشتق من الكاروتين, مكون فيتامين أ و الرتينول. ولا يساهم البيتا-كاروتين بأي تأثيرات سامة, فلذلك فإن التحذير الذي نشير إليه هنا موجه إلى من يتناولون تحضيرات جاهزة من فيتامين أ ذات القوة الكبيرة(حبوب إمداد من الرتينول وإسترات الرتينول). فكبسولات الإمداد متوفرة لمن يرغب بشراؤه بدون وصفة طبيب, وتحتوي على 25,000 وحدة دولية أو قد يتوفر بمحتويات أعلى حسب البلد.
قد تم توثيق خطورة تعرض الأطفال عند الولادة لتشوهات خلقية نتيجة لتناول تحضيرات إمداد على شكل كبسولة تحتوي على 25,000 وحدة دولية أو أكثر من الرتينول او أسترات الرتينول خلال فترة الحمل.
فالتناول المزمن لفيتامين أ بمقادير تتجاوز الحد اليومي المسموح به, مما يسبب سمومية الرتينويدز التي تدفع بتأثيرات طبية سامة على الجهاز العصبي المركزي والكبد والعظام والجلد.
وتؤثر التشوهات الخلقية في الجمجمة والجهاز العصبي المركزي (بتكون ماء في الدماغ ) وتشوهات في القلب.
ولذا, يجب على المختصين وذات العلاقة, تحذير المرأة في سنوات توالدها وإعلامها بأن التناول المبالغ فيه من فيتامين أ, قبل الحمل بفترة قليلة وخلال الحمل, قد يكون ضاراً ومؤذياً للمولود.
ويوصي مجلس الأبحاث الوطني الأمريكي بتناول 1,000 وحدة معادلة رتينول في اليوم وهو ما يعادل 3,300 وحدة دولية كرتينول أو 5,000 وحدة دولية من فيتامين أ, من مصادر الرتينول والبيتا-كاروتين الموجودة طبيعياً في الغذاء اليومي.
وعادةً ما يكون معدل محتوى غذاء متوازن ليوم كامل ما بين 7,000-8,000 وحدة دولية من فيتامين أ من مصادر الغذاء المختلفة. ويعتبر هذا المعدل أكثر من المعدل الموصي به أعلاه.
ولذلك, يجب على المرأة التي تنوي على الحمل أو الحامل أن تحذر من تناول أي إمداد لفيتامين أ, وضرورة معرفة المتناول اليومي من فيتامين أ, لضمان عدم المبالغة في تناول كبسولات الإمداد أو تناول الأغذية المرتفعة جداً في فيتامين أ مثل الكبد.
ويعتقد الأطباء أن الخطورة تأتي من زيادة المتناول من فيتامين أ الكبيرة من أطعمة معينة مثل الكبد التي تحتوي على محتوى عالي جداً من فيتامين أ, والتي تتجاوز الحد اليومي المسموح به. يحتوي 90 غم من كبد البقر على أكثر من ثمانية أضعاف المقدار اليومي الموصي به من فيتامين أ. ولا تسبب مصادر الغذاء المحتوية على البيتا-كاروتين, مثل الجزر, على أي سمومية.
المصادر الغذائية لفيتامين أ
تعتبر الخضراوات والفواكه أفضل مصادر فيتامين أ لأنها غنية المحتوى من البيتا-كاروتين الذي لا يسبب أي سمومية. ومثال على ذلك, الفواكه ذات اللون البرتقالي والأصفر والخضراوات الورقية الخضراء. ولا ننسى محتوى الأغذية المختلفة المدعومة بفيتامين أ, مثل الحليب وحبوب الإفطار والخبز (فالحكومة الأردنية تدعم الطحين بفيتامين أ وغيرها من العناصر الغذائية). وفيما يلي محتوى بعض الأغذية من فيتامين أ:
1 كوب من البطاطا الحلوة تعطي 28,058 وحدة دولية
1 كوب من الجزر المطبوخ يعطي 26,835 وحدة دولية
1 كوب من السبانخ المطبوخ يعطي 22,916 وحدة دولية
المصادر
Azais-Braesco V, Pascal G. Vitamin A in : requirements and safety limits Am J Clin Nutr. 2000 May;71(5 Suppl):1325S-33S
Rothman KJ, Moore LL, Singer MR, et al. Teratogenicity of high vitamin A intake. N Engl J Med 1995;333:1369–73.
Teratology Society Publications http://go.3roos.com/lg4U7USDcpt
http://go.3roos.com/4hWyEV6tDNg
والعلم عند الله

الحمد لله
ازيك انتى يا ميكو
كنت لسه بسال عليكى
ازيك عامله ايه وازاى البيبز ربنا معاكى يا حبيبتى يارب
انتى ناويه تنزلى مصر و لا هتعملى ايه؟

زوكا
انا مشفتش صورتك على الفيس بوك لمانزلتيها
مليش دعوه عايزه اشوفها يا اما هعيط اهوه عااااااااااااااااااااااااااااااااااااااا

هدى انتى هنا؟؟؟
ازيك عاملة ايه؟؟؟ وازى بلبلة ايه اخبارها؟؟؟