تجمع حوامل مصر القمرات لشهر صفر..فلنبدأ الرغي:)

CuTie KaTkOoTa;11172417:
وعلي سيرة شاكر كمان فبردو بحب اوي من عنده المحشي الورق عنب والمكرونة الفرن والممبار والرز بالخلطة والكفتة والمخلل ومش فاكرة ايه تاني، بس الاساسي اللي كنت باخده كل ما اروح المحشي والمكرونة وبس تحففففة

CuTie KaTkOoTa;11172437:
:085::085::085::085: انا مفتنتش انتي قلتي قبل كده علي الملأ للمنتدي كله وفضحتي نفسك بنفسك.

حتى لو فضحت استرينى ودارى على اختك الغلبانه
حسنه قليله تمنع بلاوى كتيره:033:

عيال نفسي في مومبار اجيبه منين هنا عااااااااااااااااااااااا

miko85;11172443:
علي ايه بتكلوا عنه يااميروو انتي وايمي

مطعم ايطالي تحفففة في مصر الجديدة وله فروع تانية بردو.


خدوا يلا تصبيرة زئلطوا شوية ممبار، اصلي بحبه اوي وهو كميلة وصغنون كده اكتر من الكبير

عيا هي نتيجه ماتش نيجريا وزامبيا كم كم حد بيتفرج؟

رورو لما جيتي عملتي الكيكه خلطتي كله في الخلاط اصلي انا معندبش مضرب بيض

مشمش ام محمد;11172459:
عيال نفسي في مومبار اجيبه منين هنا عااااااااااااااااااااااا

الممبار عند ابوسنه جميل وعند جادوعند ابو عماد

مشمش ام محمد;11172459:
عيال نفسي في مومبار اجيبه منين هنا عااااااااااااااااااااااا

ايه ده انا كنت بحط الصورة من غير ما اقرا ردك ده والله شفتي الصدف بقي

miko85;11172470:
رورو لما جيتي عملتي الكيكه خلطتي كله في الخلاط اصلي انا معندبش مضرب بيض

انا عمرى ماضربت بمضرب فى الكيتشن على طوول وفى اتجاه واحد
كتكت مع انى مش بحب الممبار جوزى بيحبه بس شكله حلو

بنتى نفسى اكلها وهيا نايمه

miko85;11172470:
رورو لما جيتي عملتي الكيكه خلطتي كله في الخلاط اصلي انا معندبش مضرب بيض

وليه مضرب بيض مش مستهلة اضربيه يدوي بإيديك كده وبعدين ضيفيه زي ما انا كاتبة، هو انتي هتعملي انهي طريقة؟

الطريقة بتاعتي مكتوب فيها بالتفصيل الخطوات وكنت بضرب باقي الحاجات في الخلاط اه بس القطعة بتاعة الخفق للعجائن دي وكله مرة واحدة بالترتيب المكتوب

الله انا بحب الممبار اوى بس جوزى مش بيحبه ابعتيلى طبق دليفرى...بت يا ميكو انتى مش واثقه فى كلامى مش قولتلك اضربى فى الخلاط بعد كده مش هقولك حاجه

كوبايتين دقيق وكوباية سكر و3 بيضات و2/3 كوباية سمنة و 2/3 كوباية لبن وكيس بيكينج باودر ورشة فانيليا ورشة ملح و1/3 كوباية كاكاو، دي المقادير

الطريقة بقي
هتحطي الدقيق والبيكينج باودر والملح والكاكاو مع بعض وتقلبيهم.

وتضربي السمنة والسكر في بعض كويس اوي لغاية ما يختلطوا كويس.

وتضربي البيض كويس وتحطي علي الفانيليا وبعدين تضيفي علي خليط السمنة والسكر وتقلبي كويس بردو.

وبعدين حطي خليط الدقيق عليهم وقلبي كويس وبعدين زودي اللبن بقي حسب العجينة، عشان متبقاش ماسكة وتقيلة ، لا حطي وقلبي لغاية ما تبقي سلسة معاكي وسهلة.

طبعا هتكوني مبطنة الصينية بالسمنة والدقيق، وحطتيها في الفرن ومتفتحيش عليها خالص قبل نص ساعة مثلا، بصي عليها من بره بس وشوفيها نفشت كده وبقت كويسة، ولما تيجي بقي تفتحي عليها افتحي بالراحة خالص عشان ميدخلهاش هواء وتهبط منك.

وبعدين عشان تتاكدي انها كلها استوت كويس، اغرسي سكينة بالراحة كده فيها وطلعيها شوفي نضيفةولا فيها حاجة ولا حاسة انها لسه طرية

هقتلك يا كتكت صدقيني وريته لجوزو وهعيط له اهه

سوال يا كتكت انا بعمل الكيكه بزيت دره السمنه بقى ايه نظامها بتحتيها وهى جامده كده ولا بتسيحيها ونوعها ايه انا عندى سمنه بلدى وعندى ذبده صفرا

CuTie KaTkOoTa;11172518:
كوبايتين دقيق وكوباية سكر و3 بيضات و2/3 كوباية سمنة و 2/3 كوباية لبن وكيس بيكينج باودر ورشة فانيليا ورشة ملح و1/3 كوباية كاكاو، دي المقادير

الطريقة بقي
هتحطي الدقيق والبيكينج باودر والملح والكاكاو مع بعض وتقلبيهم.

وتضربي السمنة والسكر في بعض كويس اوي لغاية ما يختلطوا كويس.

وتضربي البيض كويس وتحطي علي الفانيليا وبعدين تضيفي علي خليط السمنة والسكر وتقلبي كويس بردو.

وبعدين حطي خليط الدقيق عليهم وقلبي كويس وبعدين زودي اللبن بقي حسب العجينة، عشان متبقاش ماسكة وتقيلة ، لا حطي وقلبي لغاية ما تبقي سلسة معاكي وسهلة.

طبعا هتكوني مبطنة الصينية بالسمنة والدقيق، وحطتيها في الفرن ومتفتحيش عليها خالص قبل نص ساعة مثلا، بصي عليها من بره بس وشوفيها نفشت كده وبقت كويسة، ولما تيجي بقي تفتحي عليها افتحي بالراحة خالص عشان ميدخلهاش هواء وتهبط منك.

وبعدين عشان تتاكدي انها كلها استوت كويس، اغرسي سكينة بالراحة كده فيها وطلعيها شوفي نضيفةولا فيها حاجة ولا حاسة انها لسه طرية

جميله بس مش بسكينه بخلة سنان زى مابسبس قالت عشان الكيكه ماتتعورش

وكمان يا كتكت ايه فايده الملح انا مش بحط ملح خالص

مشمش ام محمد;11172531:
هقتلك يا كتكت صدقيني وريته لجوزو وهعيط له اهه

:040::040::040::040:

love kingy;11172537:
سوال يا كتكت انا بعمل الكيكه بزيت دره السمنه بقى ايه نظامها بتحتيها وهى جامده كده ولا بتسيحيها ونوعها ايه انا عندى سمنه بلدى وعندى ذبده صفرا

لا سخنتها وسيحتها عشان كانت متجمدة في البررررررد، اللي عندي نباتي اصلا، بس بجد الكيكة كان حلوة اوي وبقولك يومها كانت حماتي كمان عاملة واحدة، كله بقي يقول عايز تاني من بتاعة ايمي :085::085::085:

امممممممممممم انتو قلبتوها حلويات هههههههههههههههه

CuTie KaTkOoTa;11172397:
ازيكي يا هبة عاملة ايه يا قمر.
انا الحمدلله كان عندي حالة زعر من شوية والبنات هدوني الحمدلله :037::037::037:


رورو متخفية ونسيت مين كمان.



وانا كمان بجيب بيتزا فيجي او نجرسكو اللي هي لونا روسو بموت فيهم بجد بس فعلا البيتزا هناك بجد حاجة تانية ايطالي اصلي بجد ولا بقي اي محل بيتزا تانية بجد، صحيح بردو التانيين حلوين بس دي ليها طعم تاني وكمان بتشبع بطريقة والاغلب محدش بيقدر يخلصها إلأا اوقات نادرة يعني :085::085::085:

جوزى بقى مش بيحب الايطالى :(
اقولو ده هو ده اصل البيتزا لكن هو مش بياكل غير بيتزا هت بسسسسسسسسسسسس

*عروس حبيبى*;11172406:
بسم الله ماشاء الله
الله يعينك بجد
انا تخنت اقل من 5 كيلو بس الحمد لله وفى بطنى بس للى يشوفنى يقول انى مش فى السابع مع انى حاسه انها كيرة

انا تخنت 5 كيلو بردو 2 و بعدين 2 و بعدين 1 هههههههه
الدكتور اول امبارح بيبصلى و يستعجب اصلا
بس انا مش استحمل اكتر من كده على جسمى ده

CuTie KaTkOoTa;11172417:
وعلي سيرة شاكر كمان فبردو بحب اوي من عنده المحشي الورق عنب والمكرونة الفرن والممبار والرز بالخلطة والكفتة والمخلل ومش فاكرة ايه تاني، بس الاساسي اللي كنت باخده كل ما اروح المحشي والمكرونة وبس تحففففة

نوووووووووووووووو
انا مش باكل من عنده غير كباب و كفتة وهميين
بس الناحية التاانية فى صبحى الحاتى احلى بردو فى المشويات

miko85;11172443:
علي ايه بتكلوا عنه يااميروو انتي وايمي

مطعم ايطالى جنب البيت ف مصر الجديدة

love kingy;11172537:
سوال يا كتكت انا بعمل الكيكه بزيت دره السمنه بقى ايه نظامها بتحتيها وهى جامده كده ولا بتسيحيها ونوعها ايه انا عندى سمنه بلدى وعندى ذبده صفرا

انا جربت بالاتنين و عجبتنى بالسمنة اكتر

انا بقا اما اعملها لازم احط فيها حاجده تلفت نظر الولاد زى الفاكهه المجففه الصغيره او زبيب او جوز محمص او ملبس رش ملون