miko85;11136681:
طيب ماتخانقين ليه طيب يايمي في حاجه جامده ولا ايه
والله ما فاكرة السبب كان ايه بس انا كنت صاحية قبله بشوية وجيت قعدت هنا معاكم يومها، وهو قام جه قعد جنبي وبعدين اتخانق معايا وابتدينا بقي، واتخانقنا تاني بالليل بردو خناقة تانية غير دي فبقوا الاتنين مع بعض وانا فضلت بقي قاعدة قالبة وشي وطبعا ده لما بطلت عياط واتهديت بعد فترة كبيرة وهو طبعا كل ما يدخل يقولي عيطي عيطي ده اللي انتي شاطرة فيه بيتغاظ من العياط اوي، النهاردة بقي لسه بقوله انت علي فكرة شرير ومش هتتأثر بيا لما اجي اولد ومش هتحس، قاللي انااااااااااا ازاي وليه بتقولي كده، قلتله اه اساسي عشان انتي بتشوفني بعيط كل مرة وعلي الاخر ولا بتفكر تيجي تصالح ولا تخليني ابطل وكل اللي شاطر فيه بتعيطي ليه دلوقتي وبعصبية وتسيبني كده اكمل واضرب دماغي في الحيط.
فقاللي يعني فكرك كده ولا حتي هخاف ساعة الولادة ولا هتأثر قلتله اه بس كده هه، فقاللي طيب قومي بقي عشان جعت اوي وعايز اتغدي :085::085::085::085::057::057::057:
كوباية مايه;11136702:
وطبعا بطنى تحت تحت تحت
يعنى لسه ايمى كانت بتقولى قيسى المسافه من تحت الصدر كدا لبداية البطن المنفوخه لقيتها 7 صوابع
لا كده مش عارفة اقيس بس هي مساحة كبيرة، انا بجد منفوخة من تحت البريست مباشرة، وجوزي لسه النهاردة بقوله بجد انا مش مستحملة الجزء ده خلاص، انا باجي البس البنطلون او الاندر او الشراب ببقي مش قادرة اخد نفسي عشان بس تانية نسي حاجة بسيطة علي الجزء ده وببقي بتوجع جامد اوي، بقوله لو علي البطن مقدور عليها ، فقاللي طيب ما هو لازم يا بنتي مش بتكبر وواخدة مساحة، قلتله مكنتش اعرف بقي انها بتاخد فوق البطن كمان، قاللي لأ والمهم بصي كده هتلاقيها مش مستوية، قلتله طيب ما ايوة فعلا وبتتغير كل شوية حسب حركاتها جوا