تجمع حوامل مصر القمرات لشهر صفر..فلنبدأ الرغي:)

كوباية مايه;11103377:
انا غسلت كله معادا الغيارات لسه

وعملتله كمان مكان فى الدولاب ورصيت هدومه خلاص

ربنا يجيبهولى بالسلامه يارب :03:





انتى نشرتيها ليه بره بس؟؟؟

انا كنت مقبوضه خالص انى انشرها ومكنتش عايزه حد يشوف الحاجات عشان ماشاء الله كتيره وقولت كمان ان هنا بيبصوا ويعلقوا على كل حاجه فا خوفت بصراحه

انا فضيت الشوفونيرة خالص وخلتها ليها كلها، وبردو نشرت الحاجة جوا الشقة.

مشمش ام محمد;11103380:
اخبارك ايه يا ست ميكو والواد اهومه المايص والبت لولا الرقيقه عاملين ايه

مشمش ليكي سؤال في التجهيزات روحي جاوبي عشان الماترنا والبديل بتاعه

طلعت وحشه عايز يبعها زي ماقولتك ب12 وعايز الفين كمان
وغير كده لقيناها مصديه من تحت
فصرفنا نظر عنها

مشمش ام محمد;11103406:
عيال الحاجه لما اتغسلت شكلها مش بئا مش حلو؟؟؟

الفوط بس تحسي انها بدل ما كانت ناعمة خالص كده، بقت مفرولة شوية نونو زي ما بتغسلي اي فوط لأول مرة وبعدين ترجع تنعم وتتظبط اليافها تاني، وده طبيعي عشان هي قطن مش قطيفة.

الهدوم انا مغسلتهاش واحتمال مغسلهاش لسه هشوف.
غسلت المستعملين منهم بس لكن الجديد لا

miko85;11103441:
طلعت وحشه عايز يبعها زي ماقولتك ب12 وعايز الفين كمان
وغير كده لقيناها مصديه من تحت
فصرفنا نظر عنها

ازيك يا ميكووووو، عاملة ايه.

ازيك يايمي عامله يابت اتغدتوا امبارح امتي

هو محتاجين كام سلوبيت خروج من مقاس 0-3 يابنات

اصلي انا جايبه 4 سلوبتين وماما جابت 2 خروج بس غريبه انها جابت لادهم واحد قطيفه ب 55 والت لارا ب 18 ليه باه
يعني كده 6 كويسين ولا كتار

miko85;11103463:
ازيك يايمي عامله يابت اتغدتوا امبارح امتي

اول ما اختفيت كان هو جه، حطيت الاكل وبعدين هو ابتدي وانا قاعدة معاه استنيت شوية كده صغيرين عشان الاكل يبرد لأني مش بعرف اكله سخن مولع زيه كده، بس تمت علي خير الحمدلله :085::085::085: وعجبه اوووووووووي بس انا معجبنيش، اصلي مكنتش فاكرة طعمه عامل ازاي اصلا، فمظنش اني هاكله تاني، بس المهم انه هو عجبه اوي اوي عشان كمان هو اللي طالبه الحمدلله.

كده احسن يا ميكو جوزو بيقول مدام الباروما دخلتها يبئا بلاها احسن

miko85;11103465:
هو محتاجين كام سلوبيت خروج من مقاس 0-3 يابنات

miko85;11103475:
اصلي انا جايبه 4 سلوبتين وماما جابت 2 خروج بس غريبه انها جابت لادهم واحد قطيفه ب 55 والت لارا ب 18 ليه باه
يعني كده 6 كويسين ولا كتار

للخروج كفاية بالكتير 3 مثلا، وللبيت بقي 6 او 5 حسب ظروفك وكده كده هما هايتغسلوا مش هايخللوا يعني في طبق الغسيل :085::085::085::085:
بس الخروج مش كتير في السن الصغير ده لأنك مش هتخرجي بيهم غير مرات معدودة.

مشمش ام محمد;11103406:
عيال الحاجه لما اتغسلت شكلها مش بئا مش حلو؟؟؟

لا خالص عادى انا غسلتها على البرنامج اللى هو اسمه delicate

مش عارفه البرنامج دا عندكوا او لا بس هو للحاجات الرقيقه اللى ممكن تتقطع او كدا زى اللانجيرى وغيره

miko85;11103416:
ان شاء الله يجي ياسو بالسلامه يابسبس

يارب وكلنا تيجى بيبيهاتنا بالسلامه يارب ونفرح بيها ومنتعبش ولا فى ولاده ولا فى غيره :033:

مشمش ام محمد;11103421:

بت يا بسبس ازيك ي اسطه وحشتنيني طبختي ايه باللحمه النهارده

عملت رز وصلصه وشوربه وهعملهم فته لما جوزو يجى

miko85;11103428:
انا لسه ماغسلتش حاجه لسه

متغسليش حاجه دلوقتى لما تكمليهم كلهم عشان تعمليلهم غسله واحده فى الغساله وتنجزى بس طبعا الالوان غير الابيض فا تبقى غسله ابيض وغسله الوان

CuTie KaTkOoTa;11103431:
انا فضيت الشوفونيرة خالص وخلتها ليها كلها، وبردو نشرت الحاجة جوا الشقة.

لا انا فضيت التسريحه بصراحه عشان هى قريبه من باب الاوضه وقولت عشان لو احتاجت حاجه اجيبها بسرعه وكمان اوسع عشان حطيت الكوفرته والبطاطين بتاعته فيها كمان وعملاله رف للسلوبيتات ورف للبيجامات والترنجات وهدوم الخروج معلقهاله فى الدولاب

انا اصل دولابى تقسيمته غريبه
عندى مكان للبدل فى ضرفه وضرف تانيه للفساتين

الضرفه اللى فى الوسط بقى عباره عن رف كبيييييييييييير فوق وبعدين من تحت الرف تتقسم نصين بالطول
نص فيه 3 رفوف وسط والنص المقابل ليه فيه مكان لتعليق السماعات فا لقيته صغنون قولت خلاص يبقى لحاجات بطوطى بقى وفعلا معلقاهم كلهم كدا

وفى تحت درجين بعرض الضرفه بس انا وخداهم ليا

مواضيعي : :08:

1- سيد جنيد للعطور
http://forums.3roos.com/showthread.php?t=384117&page=25

2- اثاث × اثاث
http://forums.3roos.com/showthread.php?t=478972&page=8

3- مانغو 2010
http://forums.3roos.com/showthread.php?t=500439&page=7

4- تنظيف الرؤوس السوداء ( صورة بالداخل )
http://forums.3roos.com/showthread.php?t=498427&page=6

5- :: تغليف الهدايا بالصور ::
http://forums.3roos.com/showthread.php?t=504611

6- الورد من له ؟!
http://forums.3roos.com/showthread.php?t=503791

كان طالب ياكل ايه يا كتكت

كتكوته اغسلى كله عشان اصلا الحاجات دى وهى بتتنقل اكيد دخلتلها حاجه كدا او كدا والنونو فى الاول مش بيبقى مستحمل حاجه وخصوصا اننا هنولد فى الشتا فا نحاول نحافظ عليهم بس اول كام شهر لغايه لما يشدو حيلهم كدا بس

كوباية مايه;11103497:

لا انا فضيت التسريحه بصراحه عشان هى قريبه من باب الاوضه وقولت عشان لو احتاجت حاجه اجيبها بسرعه وكمان اوسع عشان حطيت الكوفرته والبطاطين بتاعته فيها كمان وعملاله رف للسلوبيتات ورف للبيجامات والترنجات وهدوم الخروج معلقهاله فى الدولاب

انا اصل دولابى تقسيمته غريبه
عندى مكان للبدل فى ضرفه وضرف تانيه للفساتين

الضرفه اللى فى الوسط بقى عباره عن رف كبيييييييييييير فوق وبعدين من تحت الرف تتقسم نصين بالطول
نص فيه 3 رفوف وسط والنص المقابل ليه فيه مكان لتعليق السماعات فا لقيته صغنون قولت خلاص يبقى لحاجات بطوطى بقى وفعلا معلقاهم كلهم كدا

وفى تحت درجين بعرض الضرفه بس انا وخداهم ليا

وصف تحفة يا بسبس، انا تهت منك بس جمعت في الأخر عشان شفت الشكل ده فعلا وانا بختار العفش، بصي انا بتاعي واخدة بردو الدرجين اللي تحت دول ، هتلاقي تقريبا كل البنات مختلين الجزء الأكبر من الدولاب ومناوضة النوم كلها بصفة عامة :085::085::085::085:
انا قعدت انقي واتفرج كتير عشان تعجبني الاوضة من بره ومن جوا كمان لازم من كله، عندي الضرفتين الصغيرين اللي علي طرفين الدولاب رفوف عادية، وبعدين الضرفتين الكبار في النص، نص له ونص ليا، الاتنين فيهم رف كبير فوق بعرض الضرفة الكبيرة، وتحتيه مكان الشماعات وناحية واحدة منهم بس فيها تحت الدرجين دول.

انا عندي الشوفونيرة بقي رفين كبار تحت عشان جبتها العادية مش العسكري دي، وفيها درجين فوق، بس فضيت الرفوق بس، حطيت فوق الغيارات والحاجات الرفايع، وتحت لبس الخروج والاغطية.

CuTie KaTkOoTa;11103573:
وصف تحفة يا بسبس، انا تهت منك بس جمعت في الأخر عشان شفت الشكل ده فعلا وانا بختار العفش، بصي انا بتاعي واخدة بردو الدرجين اللي تحت دول ، هتلاقي تقريبا كل البنات مختلين الجزء الأكبر من الدولاب ومناوضة النوم كلها بصفة عامة :085::085::085::085:
انا قعدت انقي واتفرج كتير عشان تعجبني الاوضة من بره ومن جوا كمان لازم من كله، عندي الضرفتين الصغيرين اللي علي طرفين الدولاب رفوف عادية، وبعدين الضرفتين الكبار في النص، نص له ونص ليا، الاتنين فيهم رف كبير فوق بعرض الضرفة الكبيرة، وتحتيه مكان الشماعات وناحية واحدة منهم بس فيها تحت الدرجين دول.

انا عندي الشوفونيرة بقي رفين كبار تحت عشان جبتها العادية مش العسكري دي، وفيها درجين فوق، بس فضيت الرفوق بس، حطيت فوق الغيارات والحاجات الرفايع، وتحت لبس الخروج والاغطية.

هههههههههههههههههه لا انا اشتريت العفش اصلا وتقدرى تقولى انى مبصيتش جوا الدولاب اصلا كنت فكراهم كلهم من جوا واحد ههههههههههههههه

انا مش عارفه ايه الشوفنيره العسكرى دى بس انا بتاعتى درج وتحتيه ضرفتين وعريضه مش طويله دى

اه افتكرت حاجه يا كوتى

الراجل ساعتها قالى دى تقسيم امريكانى هههههههههههههههه

CuTie KaTkOoTa;11103493:
للخروج كفاية بالكتير 3 مثلا، وللبيت بقي 6 او 5 حسب ظروفك وكده كده هما هايتغسلوا مش هايخللوا يعني في طبق الغسيل :085::085::085::085:
بس الخروج مش كتير في السن الصغير ده لأنك مش هتخرجي بيهم غير مرات معدودة.

يعني كويس 6 انا جبت 6 بس وماما جابت جلابيات للبيت باه
الغربيه معرفش امبارح بحسب الحاجات ال جبتها لقيتها 1000 ريال يعني 1500 نصف مصري مش عارفه ليه كتير اووي كده

miko85;11103604:
يعني كويس 6 انا جبت 6 بس وماما جابت جلابيات للبيت باه
الغربيه معرفش امبارح بحسب الحاجات ال جبتها لقيتها 1000 ريال يعني 1500 نصف مصري مش عارفه ليه كتير اووي كده

والله انا لو منك مكنتش جيبت حاجه اصلا مدام الاسعار غاليه كدا وكدا كدا انتى نازله مصر اصلا وتقدرى تشترى بنص التمن دا كل حاجه

مشمش ام محمد;11103508:
كان طالب ياكل ايه يا كتكت

حمام محشي رز وده حماتي كانت حشياه وانا سلقته وحمرته بس وقاللي اعملي جنبه بقي فريك وملوخية، وعملت معاهم رز باللبن كمان.
بس فكنت بقول علي الفريك بقي.