مساكم صبحكم الله بالخير
اليوم يابتلكم قصة ولادتي بولدي الحلو الرزقي <<< تدلوعته :085:
الله يسلمكم انا حملت من غير نيه بعد ولاتي بولدي العنونو ب9 شهور
ومعني مستخدمه موانع طبيعيه بس ارادة الله فوق اي شي الحمدلله
مشه حملي كاي حمل فيه بعض المضاعفات والتعب
بس الحمدلله ربي ماقصر معاي وهونها علي لين وصلت السابع اخره تقريبا واحس بعوار
مو طبيعي في ظهري ولاني ام عيالي وعندي خبره خفت يكون طلق
ويوم رحت المستشفى ولا المفاجأه عنق الرحم مفتوح 1سم والعنق بده يقصر :023:
واول شي سواه الطبيب انه عطاني ابرئه تنشط الرئه وقالي ضروري من باجر اشوف الاستشاريه وفعلا خذيت سوناراتي والتخطيط من ثاني يوم ورحت لها
وقالت لازم اصرفلج ابر توقف الطلق وتبرده معنه مامعاي بس تساعد على ثبات الحمل
والعنق مايبطل زياده وعدم الحركه ابداااااااااااااااااا :039:
وتميت محبوسه ومحبوسه ومحبوسه لين يوم من الايام وانا بداة الاسبوع 33 الساعه 2 بالليل
حسيت بالم فظيع الي مااقدر انام وقلت لا اتوهم كل هالبر ومعقوله ولاده
تم الالم معاي اي ورويح بالضبط كل 16 دقيقه ونطرت لين اذن الفجر وصليت واخذت شور
وصحيت ريلي وقتله يالله المستشفى صلى ولا انا انسدج ولا تاخذني غفوه على القنفه
وقعدني قالي هاااااااااا قتله لا خلاص اخاف اروح ويطلع مافيني شي وقتله انانه لاتروح الدوام
لانه حدي خايفه :059: وضليت اتقلب ومااقدر انام كل ربع ساعه بعدين لا قمت بدلت وقتله يالله وهالكلام الساعه 9 الصبح
بعدييييييييين يوم بدلت قتله لالا خلاص هونت <<< تلعب :056:
رحت وقعدت بهدومي ونسدحت على الفراش ومن التعب خذتني نومه ساعه كامله
من غير اي الم :013: وعلى ال11 بلش العوار هم كل ربع ساعه وانا صامده واقول لالا
هذي تجاديم صارت 2 ولا يصير العوار كل 7 دقايق اهني مت من الخرعه :024:
وقلت مابدهاش وقلت حق ريلي يالله شكلي ولاده قالي مو معقول توج ماحذه ابره امس
قتله لانجازف اخاف اولد بالبيت رحت الطوارئ لانه مافي عيادات هالوقت الكل مشى
وعلى طول الطوارئ دخلت حطوا التخطيط نادموا الدكتوره تفحص ويات قتلها دكتوره شكلها ولاده الله يخليج ابي ابرة الظهر مابي احس بشي ابتسمت وقالت افحصج الاول وبعدين يصير خير عطتني امل فحصت تقولون ملاك ايدها خفيفه ماحسيت بشي طلعت ايدها وقالت للسستر 6 سم تيكها تو دلفر رووم انا بققت عيني وقتلها دكتوره ابي الابره الله يخليج بموت من الالم قالت ماينفعش انتي خلاص ولاده لو اطلب دكتور التخدير وايقي ويعمل التستت تولدي
انا من غير شعور وااااااااااااااااااااااااااااااااااااااااااااااااااااااااااااه صحت صحت من كل قلبي ودخل زوجي علي وقالي ها شفيج واصيح شفيج يامره قتله ماراح يعطوني ابره ليش قتله لاني
مفتوحه 6 اهو فرح قال الحمدلله قربتي وانا اصييييييييييح قالي استهدي بالله قتله
شكلي هالمره بمجع شعري :031: لا محاله يات الدكتوره وعطته اوراق الدخول قالت سو دخول
ولالالالالالالالالالالالالالالا بق بق بق بق ينزل الماي وتصرخ الدكتوره سستر
كوكلي شي ويل دلفر هير
ويون السسترات ركض ويصعدوني غرفة الولاده وانا اصرخ من الالم واصرخ عليهم
كووول ماي هزبن كول ماي هزبن لانه ريلي المصون واحنا بالطورائ خذه مبايلي وخشه
عنده ونسه يعطيني اياها المهم دقوا عليه ويه يركض وبسرعه 4 سسترات الي تفصخني
والي تلبسني هدوم الولاده والي تركب الدرب والي دق على يونت الاطفال تطلب طبيب وحضانه وحوسه وانا اووووووون من الالم وعطت ريلي الكام قالتله هاك حطلها خل تشم
واشم واشم وادزه عن ويها واهو حيل يزد ه على ويهي مايبيني اشيله لييين زفيته
قوتله خلالالالالالالاص ورب الكعبه دخلت :096:ههههه تالي كل شوي فحص
فحص بوش بوش بوش طول راس البيبي على مانزل بوش لايتعب البيبي
يالله وانا بكل قوتي سويت بوش اخيره وطل ولدي حبيبي وحطوه على بطني لميته
وشميته وبسته :087:وبسرعه خذته السستر عطته الدكتور مال الطفال لانه كان موجود
ياخزيتاه فشله بيني وبينه ستاره بس سمع كل شي فحصه وقام باللازم
ودخله الحضانه المتنقله ودزووه ليه يونت الخدج
وقتها قالتلي بوش اخيره وبشيت وطلعت المشيمه الحمدلله
طبعا طول فترة الولاده وانا اقول شي واحد
يارحيم ارحمني برحمتك الواسعه يارحيم ارحمني برحمتك الواسعه
بصوت مسموع حتى الطبيبه استانست وقالت ادعي ادعي ودعيييت بصوت عالي
وكل ساع تقولي طلبي ربج السهاله وفعلا بسقلت يامسهل يارب نزل راس وطلع
خلوني بغرفة الولاده ساعتين تحت الملاحظه وطلعوا زوجي وقالولي حالوي تنامين وطفوا اليتات وخلوا اضاءه خافته وبعد ساعتين صعدت غرفتي ولا الغرفه بتنبط من الناس
اهلي وزوجي وعيالي واخو زوجي <<< لانه دكتور :04:
وبيوم 7-12-2009 ربي رزقني باحلى ولد بالدنيا :062:
ويبته بالاسبوع 33 وظل بالحضانه 18 يوم وطلع بالسلامه
وهذا سبب تاخيري برواية القصه :058:
طبعا حيل صغير ويبيله رعايه ادعو ربي يشافيه ويعافيه ويكبره وافرح فيه :051:
اسفه طولت عليكم وتقبلوا تحياتي :065:
