أفيدونا يا أمهات .. سلبيات وإيجابيات تغذية الطفل فالشهر الرابع والسادس

هذا الموضوع وايد شاغل بالي ولدي الحمد لله كمل 4 شهور وامس كانت ابرة تطعيمه سالنا الدكتورة قالت لاااا لاا تفكرون تاكلونه لانه الطفل في هذي الفترة يتحسس من بعض الاطعمه وغير جذيه محتاج ياخذ كفايته من الحليب اذا اكلتينه بتقل رضعاته وبعد في المستقبل بيكون عرضه لامراض المعده والقولون هذا كلامها خلا ابوه يحلفني اني ما احط في حلجه ولا لقمه الا اذا كمل 6 شهور
وشكرا لطرح الموضوع حبيبتي يعطيج العافيه

فديته الله يحفظه لج يارب

سبحان الله صح كلامها الحليب هو الغذاء الأساسي وبعد الشهر السادس أفضل هذا على كلام أغلب الدكاتره هالأيام

وأفضل غذا للبدايه في تغذيتهم

الأرز المدعم بالحديد طبعا المهروس

وتسلمين عالمشاركه عزيزتي

بخبرج عن سالفه حرمه شو سوت بعيالها ال12 .. طال عمرج الحرمه كانت تعطيحم ماي التمر من استوو ... وتعطيهم أنواع العصاير المخففه بالماي .وتعطيهم العسل المخفف بالماي ..يوم أنسألت ليش تسوين جذيه حرام هاييلا بعدهن صغار ..قالت نحن كانت أمايه تعطينا أنا وخواني من نحن عيال يوم وما أستوا علينا شي والحمد الله ..ونحن عيال أربع شهور كلشي كناو ياكلونه لكبار كانو يعطونا منه .(شوفن عاد ولا ظرهم ..سبحان الله)
ولحين بخبركن عن تجربتي ..بالنسبه ليه كل عيالي عطيتهم من الشهر الرابع ..يعني سيريلاك مثلا بس أخليه مثل الماي وخاشوقه وحده بس ما أكثر ..وكل يوم شي غير بنسبه خاشوقه وحده ..مدة شهر من الخامس أخليها وجبتين بس نفس الشي خفيف بكميه بسيطه لين السادس ..من السادس أبدا أعطيهم الشوربات المطحونه ..والفواكه المطحونه ..بس ما أدخل اللحوم لأنها ثقيله على معدة الياهل .. من الثامن أعطبهم كل شي ماشالله عليهم بس يكون مهروس لعمر السنه ... واللحمد الله ماضرهم ولا أستوى عليهم شي ..للعلم هذا البرنامج أستعملته مع عيالي السته فديتهم .. وخواتي وحريم خواني نفس الشي بس بنسب متفاوته

إن شاء الله أكون فدتج

هلا هنودة موضوع حلو ومهم

انا بالنسبة لأولادي بدأت اكل محمود من الشهر الثالث وشام بنتي كانت كتيير صغيرة الحجم بديت اكلها وهي عمرها شهرين ونصف
وطبعا كنت ابتدي معهم اطعمة سهلة وبسيطة ومسلووقة طبعا وكميات قليلة جدا حتى تعودت معدتهم والحمد لله مافي اي سلبيات
شفتها مع اطفالي من ناحية الاكل ... والطفل كيف ماعودتيه يتعود .. والله يحمي جمييع الاطفال

بنات ترى مب زين للطلف انه ياكل قبل 6 شهور لأن معدته ما تهضم الكل زين و يصير الإمتصاص و تروح الجزييئات اللي مو مهضومة في جهازه التنفسي وهذا يسويله مشاكل في الصدر

أنا بنتي (الحين عمرها 6 سنين) بديت أوكلها لما صار عمرها 6 شهور و الحمدلله كانت تجربة ناجحة لأن مثل ما يقول الدكتور إن الطفل يتقبل الأكل أكثر من لو كان اصغر و لأنه يبدأ يجلس ولأنه ما راح يأثر على كمية الحليب اللي ياخذها

المشكله الوحيدة اللي واجهتني ان أمي وخالتي كانوا دايما يهاوشوني لأني ما عطيتها أكل و هي 4 شهور و يمكن وكلوها كم مرة و هي عندهم

حي الله فيك يا هنودة ، يا عمري طلبتيني أدش ذاك التجمع وما استوا لي من انشغالي السموحة يا قلبي ،،،

عاد شفت موضوعك هاي ما رضيت أطلع ما أجاوبك ،،

كونك أم جديدة شي طبيعي بتسألي واجد بهالموضوع ،،

وبالأخير الشي يرجع لك الأمر ،، أهم شي تكوني واثقة من نفسك ولا توسوسي في أمر ما ، يعني ما تسمعي كلامنا وعقب توسوسي سواء تأخرتي أو استعجلتي في تأكيله ،، هاي أهم شي خخخ

كلام الدخاترة كثير طال عمرك ، واحترنا وياهم الصراحة .. هم كل ما في الأمر انهم ما يريدوا الأم تتسبب في حساسية للطفل من نوع الأكل ،
أذكر قبل 10 سنوات كانت علب السيريلاك تنكتب عليها ( من عمر 4 شهور ) وعقب تطور الأمر وكتبو ( خمس شهور ) والحين شفناهم ( ست شهور ) !!!
طبعا هم يمشوا على الدراسات السنوية اللي يسوونها للأطفال ،،
بمعنى انهم يخضعوا كمين طفل تحت الدراسة ويشوفوا تأثير الأكل عليهم كيف ..

ومثل ما تعرفي مو كل الأطفال سوا ،،
عندي قناعة بأن الطفل بالتعويد ،، صدقيني كثير أمهات أكلن عيالهن ولاد ست شهور وتعالي شوفي معاناتهم ،، طبعا مش الكل .. بس الطفل على قولتنا الحليب ما يكفيه خلاص يحتاج شي يشبع جوعه ،، فالأكل أسهل طريق شرط يكون مهروس وناعم ومناسب لسنه ،،

من تجربتي ،،
أبدي وياهم من نص الشهر الثالث ولله الحمد ،، أبدأ معاهم أكل خفيف جدا وسهل البلع ويكون سائل جدا ،،

تبدي ببسكوت فارليز مع حليبه اللي في الغرشة أو بالملعقة مثل ما تحبي ،، ومهروس التمر ما فيه مثله مفيد للأطفال .
أيضا الفواكه مثل التفاح بعد سلقه وطحنه بالطحانة ويكون وياه ماي يعني تسوينه مثل العصير بعد مفيد ،،
عصير البرتقال لازم يتخفف بالماي وما تكثري قدر ملعقتين كافي ..

يعني باختصار كأنك تلحوسيه بس ،، لا تعتبريها وجبة رئيسية فهمتي علي ،،
وهذا من باب التعود واستساغة الأكل والطعم ،،

وبالأخير استفتي نفسك وشوفي اللي يريحك يالغلا ،،

بالتوفيق يا رب ،،

انا عن نفسي بديت ااكل بنتوتي من عمر 4 شهور وما لاحظت اي سلبيات ابصراحه ... وناويه ولدي الثاني بعد ابدا فيه من عمر 4 شهووور ...

يعني انا وكلت عيالي اثنينهم من عمر 4 شهور من ورى الحاح الاهل

بس ما اشوف اكو داي لان لحد عمر 6 شهور ما يرضون يفتحون حلقهم و اصلا ما يعرفون ياكلون

بالتوفيق

ممنوع الاكل للاطفال لحد الشهر السادس


منعا للتحسس


وهذا كلام الاطباء الاجانب


بالسادس يبتدي ياكل كل 3 ايام نفس الاكله مع ملاحظه الطفل اي تحسس من هذي الاكله


وكل 3 ايام نوع جديد يتكرر 3 ايام

مشكور اختي على طرح الموووضع

عندنا بالبحرين خاصه والخليج يبدوون إطعام الطفل من الشعر الرابع باكلات خفيفه وسهله

وإلي صاير هذا كله

انه دارسه للدكاتره وقرار مفاده

انه الطفل يأكل من الشهر السادس لسبب رأيسس وهو انه الطفل كائن حساس يتحسس من بعض الأنواع من الأكل فتخيلي هلاطفل تكون عنده حساسيه من نوع معين وانتي تعطيه اياه بدون ما تدرين مسكين حقل تجارب

وبعدين شنو الحل ويه الحساسيه وهو طفل صغير ،، الكبير ما يتحمل فما بالك الصغير

بالإظافه إلى نقاط اخرى منها معده الطفل ،، وانه كفايه حليب الأم وإلخ من الأمور


لكن إذا عرفتي الأطعمه إلي من الممكن تسبب الحساسيه وشنو الأفضل تعطيه فهذا شي آخر ،، لانه بتكوني على علم ودرايه وبتحافظي على طفلك من التعرض إلى الأمراض

عن نفس ولله الحمد عطيت بنتي من الشهر الرابع على الرغم من اني كنت بعطيها من الشهر السادس بس لمه شفتها وحسيتها لها قابليه بالأكل عطيتها

واول ما عطيتها اشياء خفيفه عشيتها موز بس بكميات كلش كلش قيليه وعطيتها التمر اكثر شي لانه يروي الطفل وويخليه حلوو

وعلى فكره ناس كثيره كنت اسمعهم يقوولون لا عطوهم عشان حنك الطفل ومدي ايش وهذا كله خرابيط تره

وإن شاء الله إجابتي فيها الفائده

هلا حبيبتي انا اولادي عمرهم 8 شهور واكلتهم سيريلاك اربع شهور وعمرهم 5شهور وسويته اليهم سائل والحين قمت اعطيهم سيريلاك ست شهور وفواكه وخضروات والحمد لله كل شي طبيعي

مووضوع مفييد واكيد بيفيد الكل ..

انا سمعت انو مو زين من البداايه علشان جذي ما اهتميت ولا ركزت على اكله..
من شهر رابع مرات اي اعطيه ومرات لا ما انتظمت يعني ..

على اساس انو مو ضروري ولا صحي ..!!
ومن الشهر السادس بدات التزم اكثر وهذي كانت غلطتي ..

لانو غربلني على ما تقبل الاكل وصراحه للحين اعانني معااااه ..!!
وهو قريب بيكمل السنتين الشهر القادم ..

بعكس بنات حماتي ماشاء الله من 3 شهوور تعطيهم اشياء ..
ووبنتها الصغيره الحين بتكمل السنه وتقبلت كل شي تقريبا ما شاء الله ..!!

وما عذبتها في تقبل الاكل وبنفس الووقت بناتها الكبار ما صار عليهم شي بسبب الاكل المبكر ..!!
يعني كل ماعوديته من وقت كل ما تعوود اكثر ..!!

هذا كله من خلال تجربتي والا شفته في محيطناا ..!!
ولو صار عندي طفل جديد راح ابدا معاه من نهاية الشهر الثالث ..!!

و ما راح اكرر غلطتي لاني للحين اعاني معااه ..
مو اي شي يتقبله ولا اي وقت ..!

أم عمر القمر;11065753:
بخبرج عن سالفه حرمه شو سوت بعيالها ال12 .. طال عمرج الحرمه كانت تعطيحم ماي التمر من استوو ... وتعطيهم أنواع العصاير المخففه بالماي .وتعطيهم العسل المخفف بالماي ..يوم أنسألت ليش تسوين جذيه حرام هاييلا بعدهن صغار ..قالت نحن كانت أمايه تعطينا أنا وخواني من نحن عيال يوم وما أستوا علينا شي والحمد الله ..ونحن عيال أربع شهور كلشي كناو ياكلونه لكبار كانو يعطونا منه .(شوفن عاد ولا ظرهم ..سبحان الله)
ولحين بخبركن عن تجربتي ..بالنسبه ليه كل عيالي عطيتهم من الشهر الرابع ..يعني سيريلاك مثلا بس أخليه مثل الماي وخاشوقه وحده بس ما أكثر ..وكل يوم شي غير بنسبه خاشوقه وحده ..مدة شهر من الخامس أخليها وجبتين بس نفس الشي خفيف بكميه بسيطه لين السادس ..من السادس أبدا أعطيهم الشوربات المطحونه ..والفواكه المطحونه ..بس ما أدخل اللحوم لأنها ثقيله على معدة الياهل .. من الثامن أعطبهم كل شي ماشالله عليهم بس يكون مهروس لعمر السنه ... واللحمد الله ماضرهم ولا أستوى عليهم شي ..للعلم هذا البرنامج أستعملته مع عيالي السته فديتهم .. وخواتي وحريم خواني نفس الشي بس بنسب متفاوته

إن شاء الله أكون فدتج

مرحبا فيج حبووووووبه .. ماشاء الله زين أحس كل طفل غير عن الثاني وبعد يأثر نوعية الأكل يعني في أكلات تسبب الحساسية بنسبة أقل من الأزر والبطاطس وجي

ماشاء الله عندج ستة الله يخليهم لج يارب ويرزقج برهم آميييييييييين

:072:

يزاج الله خير عالمشاركه أفدتيني حبيبتي

الدمشقية;11066012:
هلا هنودة موضوع حلو ومهم

انا بالنسبة لأولادي بدأت اكل محمود من الشهر الثالث وشام بنتي كانت كتيير صغيرة الحجم بديت اكلها وهي عمرها شهرين ونصف
وطبعا كنت ابتدي معهم اطعمة سهلة وبسيطة ومسلووقة طبعا وكميات قليلة جدا حتى تعودت معدتهم والحمد لله مافي اي سلبيات
شفتها مع اطفالي من ناحية الاكل ... والطفل كيف ماعودتيه يتعود .. والله يحمي جمييع الاطفال

يا هلا فيج يا قلبي ... مرورج الأحلى

ماشاء الله أحس كل ما تغذينهم من وقت يتقبلون الأكل أكثر

يزاج الله خير عالمشاركه الطيبه والله يخلي لج عيالج يارب
:083:

أساير الروح;11066136:

حلو الموضوع

انا ام جديدة ابي اتعلم منكم وعمره 4 شهور وخمس ايام

انا بديت اعطيه فارليزربع بسكويت بس اخليه ايصير سائل وااايد وخذيت له سيريلاك قمح واسويه سائل

بس افيدوني هل هذا صح ولا غلط

مرورج الأحلى حبيبتي

:016:

إن شاء الله الأمهات يفيدونج أنا مامي يديده مثلج

:094:

تسلمين عالمرور منوره

etam;11066191:
بنات ترى مب زين للطلف انه ياكل قبل 6 شهور لأن معدته ما تهضم الكل زين و يصير الإمتصاص و تروح الجزييئات اللي مو مهضومة في جهازه التنفسي وهذا يسويله مشاكل في الصدر

أنا بنتي (الحين عمرها 6 سنين) بديت أوكلها لما صار عمرها 6 شهور و الحمدلله كانت تجربة ناجحة لأن مثل ما يقول الدكتور إن الطفل يتقبل الأكل أكثر من لو كان اصغر و لأنه يبدأ يجلس ولأنه ما راح يأثر على كمية الحليب اللي ياخذها

المشكله الوحيدة اللي واجهتني ان أمي وخالتي كانوا دايما يهاوشوني لأني ما عطيتها أكل و هي 4 شهور و يمكن وكلوها كم مرة و هي عندهم

مرحبا الغاااااليه

:083:

ماشاء الله أنا ناويه أأكله بعد 6 شهور إن شاء الله مع أن ولدي حجمه صغييير وأي حد يشوفه يقولي ولدج طبيعي هل وزنه طبيعي مع أن الدكتور قالي طبيعي بس الناس ما يقتنعون

:091:

أهم شي سلامة ولدي ما عليه من كلام الناس

هاي هي المشكله كلام الأهل .. الله يقدرنا ونختار الإختيار الصح اللي في مصلحتهم

ويزاج الله خير عالمشاركه حبيبتي ... منوره يالغاليه

:072:

أم المهند;11066249:
حي الله فيك يا هنودة ، يا عمري طلبتيني أدش ذاك التجمع وما استوا لي من انشغالي السموحة يا قلبي ،،،

عاد شفت موضوعك هاي ما رضيت أطلع ما أجاوبك ،،

كونك أم جديدة شي طبيعي بتسألي واجد بهالموضوع ،،

وبالأخير الشي يرجع لك الأمر ،، أهم شي تكوني واثقة من نفسك ولا توسوسي في أمر ما ، يعني ما تسمعي كلامنا وعقب توسوسي سواء تأخرتي أو استعجلتي في تأكيله ،، هاي أهم شي خخخ

كلام الدخاترة كثير طال عمرك ، واحترنا وياهم الصراحة .. هم كل ما في الأمر انهم ما يريدوا الأم تتسبب في حساسية للطفل من نوع الأكل ،
أذكر قبل 10 سنوات كانت علب السيريلاك تنكتب عليها ( من عمر 4 شهور ) وعقب تطور الأمر وكتبو ( خمس شهور ) والحين شفناهم ( ست شهور ) !!!
طبعا هم يمشوا على الدراسات السنوية اللي يسوونها للأطفال ،،
بمعنى انهم يخضعوا كمين طفل تحت الدراسة ويشوفوا تأثير الأكل عليهم كيف ..

ومثل ما تعرفي مو كل الأطفال سوا ،،
عندي قناعة بأن الطفل بالتعويد ،، صدقيني كثير أمهات أكلن عيالهن ولاد ست شهور وتعالي شوفي معاناتهم ،، طبعا مش الكل .. بس الطفل على قولتنا الحليب ما يكفيه خلاص يحتاج شي يشبع جوعه ،، فالأكل أسهل طريق شرط يكون مهروس وناعم ومناسب لسنه ،،

من تجربتي ،،
أبدي وياهم من نص الشهر الثالث ولله الحمد ،، أبدأ معاهم أكل خفيف جدا وسهل البلع ويكون سائل جدا ،،

تبدي ببسكوت فارليز مع حليبه اللي في الغرشة أو بالملعقة مثل ما تحبي ،، ومهروس التمر ما فيه مثله مفيد للأطفال .
أيضا الفواكه مثل التفاح بعد سلقه وطحنه بالطحانة ويكون وياه ماي يعني تسوينه مثل العصير بعد مفيد ،،
عصير البرتقال لازم يتخفف بالماي وما تكثري قدر ملعقتين كافي ..

يعني باختصار كأنك تلحوسيه بس ،، لا تعتبريها وجبة رئيسية فهمتي علي ،،
وهذا من باب التعود واستساغة الأكل والطعم ،،

وبالأخير استفتي نفسك وشوفي اللي يريحك يالغلا ،،

بالتوفيق يا رب ،،

حيا الله أم المهند مرحبا مرحبا بالغاااااليه منوره الموضوع يا زهره

:025:

مسموحه فديتج كلنا مشغولين أنا يالله يالله حصلت وقت عشان أرد عليكم

:094:

ماشاء الله تجربه ناجحه يا أم المهند الله يخلي لج عيالج يارب

أنا قلت بأكله فالشهر الخامس عشان ما يكون فالرابع ولا فالسادس

ههههههههههه

:01:

ببدأ وياه بالأرز المدعم بالحديد مثل ما مكتوب فالكتاب :014: وشوي شوي بدخل البطاطس وأشياء ثانيه لين ما يكمل الست شهور بزيدله أنواع ثانيه

ويزاج الله خير ما قصرتي يالغاليه والله يقومج بالسلامه ياااااااااارب لا تنسين تبشريني بولادتج عشان أباركلج يالغاليه

:094:

ريم الدماني;11067694:
انا عن نفسي بديت ااكل بنتوتي من عمر 4 شهور وما لاحظت اي سلبيات ابصراحه ... وناويه ولدي الثاني بعد ابدا فيه من عمر 4 شهووور ...

ماشاء الله الله يحفظهم لج يارب

تسلمين عالمشاركه الطيبه

:083:

ام عمار;11068638:
يعني انا وكلت عيالي اثنينهم من عمر 4 شهور من ورى الحاح الاهل

بس ما اشوف اكو داي لان لحد عمر 6 شهور ما يرضون يفتحون حلقهم و اصلا ما يعرفون ياكلون

بالتوفيق

يا هلا بأم عمار

سبحان الله .. كل وحده تجربتها غير عن الثانيه

تسلمين عالمشاركه حبيبتي ... منوره

:083:

ميس_الريم;11069227:
ممنوع الاكل للاطفال لحد الشهر السادس


منعا للتحسس


وهذا كلام الاطباء الاجانب


بالسادس يبتدي ياكل كل 3 ايام نفس الاكله مع ملاحظه الطفل اي تحسس من هذي الاكله


وكل 3 ايام نوع جديد يتكرر 3 ايام

ماشاء الله ماشاء الله ماشيه عالنظام

:094:

أنا مثلج أخاف أخالف النظام

:02:

الله يبارك فيج وفعيالج مشكوره عالمشاركه الطيبه يا طيبه

تسلمين

:083:

@ عنوني @;11069310:
مشكور اختي على طرح الموووضع

عندنا بالبحرين خاصه والخليج يبدوون إطعام الطفل من الشعر الرابع باكلات خفيفه وسهله

وإلي صاير هذا كله

انه دارسه للدكاتره وقرار مفاده

انه الطفل يأكل من الشهر السادس لسبب رأيسس وهو انه الطفل كائن حساس يتحسس من بعض الأنواع من الأكل فتخيلي هلاطفل تكون عنده حساسيه من نوع معين وانتي تعطيه اياه بدون ما تدرين مسكين حقل تجارب

وبعدين شنو الحل ويه الحساسيه وهو طفل صغير ،، الكبير ما يتحمل فما بالك الصغير

بالإظافه إلى نقاط اخرى منها معده الطفل ،، وانه كفايه حليب الأم وإلخ من الأمور


لكن إذا عرفتي الأطعمه إلي من الممكن تسبب الحساسيه وشنو الأفضل تعطيه فهذا شي آخر ،، لانه بتكوني على علم ودرايه وبتحافظي على طفلك من التعرض إلى الأمراض

عن نفس ولله الحمد عطيت بنتي من الشهر الرابع على الرغم من اني كنت بعطيها من الشهر السادس بس لمه شفتها وحسيتها لها قابليه بالأكل عطيتها

واول ما عطيتها اشياء خفيفه عشيتها موز بس بكميات كلش كلش قيليه وعطيتها التمر اكثر شي لانه يروي الطفل وويخليه حلوو

وعلى فكره ناس كثيره كنت اسمعهم يقوولون لا عطوهم عشان حنك الطفل ومدي ايش وهذا كله خرابيط تره

وإن شاء الله إجابتي فيها الفائده

مرحبا فيج يالغاليه ... منوره الموضوع يا قلبي

:083:

أنا حنكت ولدي بتمر ومن هاك اليوم ما عطيته شي غير الحليب وعمتي حاشرتني عطيه تمر عطيه تمر وأنا مب راضيه

:01:

أبدا أبدا

يقولون أن أنسب غذاء للطفل فأول 6 شهور من عمره هو حليب الأم وهو كافي جدا حتى الماي ما يحتاجونه

ممكن البيبي يكون شكله ضعيف مثل ولدي

:02:

بس وزنه فالمعدل الطبيعي الحمدلله وهذا هو المهم

أعتقد عشان جي يقولون لا تأكلين الطفل أكثر من نوع فالمره الواحده عشان تعرفين إذا كانت عنده حساسيه ولا لا

مثلا تعطينه نوع واحد فتره يعني كمن يوم أسبوع وتشوفين ردة فعله

وبتعرفين إذا كان فيه حساسيه أعتقد إذا طلع على جلده حبوبه حمرا أو بقع حمرا فالطفل يتحسس من هالنوع وجي

ويزاج الله خير عالمشاركه الطيبه

:065:

نفسي الحلم يتحقق;11069333:
هلا حبيبتي انا اولادي عمرهم 8 شهور واكلتهم سيريلاك اربع شهور وعمرهم 5شهور وسويته اليهم سائل والحين قمت اعطيهم سيريلاك ست شهور وفواكه وخضروات والحمد لله كل شي طبيعي

ماشاء الله تسلمين عالمشاركه عزيزتي والله يخلي لج عيالج يارب \

:083:

ام علاوووي;11071423:
مووضوع مفييد واكيد بيفيد الكل ..

انا سمعت انو مو زين من البداايه علشان جذي ما اهتميت ولا ركزت على اكله..
من شهر رابع مرات اي اعطيه ومرات لا ما انتظمت يعني ..

على اساس انو مو ضروري ولا صحي ..!!
ومن الشهر السادس بدات التزم اكثر وهذي كانت غلطتي ..

لانو غربلني على ما تقبل الاكل وصراحه للحين اعانني معااااه ..!!
وهو قريب بيكمل السنتين الشهر القادم ..

بعكس بنات حماتي ماشاء الله من 3 شهوور تعطيهم اشياء ..
ووبنتها الصغيره الحين بتكمل السنه وتقبلت كل شي تقريبا ما شاء الله ..!!

وما عذبتها في تقبل الاكل وبنفس الووقت بناتها الكبار ما صار عليهم شي بسبب الاكل المبكر ..!!
يعني كل ماعوديته من وقت كل ما تعوود اكثر ..!!

هذا كله من خلال تجربتي والا شفته في محيطناا ..!!
ولو صار عندي طفل جديد راح ابدا معاه من نهاية الشهر الثالث ..!!

و ما راح اكرر غلطتي لاني للحين اعاني معااه ..
مو اي شي يتقبله ولا اي وقت ..!

مرحبا فيج يا أم علاوووووي

سبحان الله

:02:

أول مره أعرف هالمعلومات .. كل أم تجربتها غير عن الثانيه

يزاج الله خير عالمشاركه الطيبه

يمكن طالع عنيد مثلي أنا يوم كنت صغيره ما كنت أحب الأكل أبدا أبدا

كنت معذبه أمي يحليلها

:01:

بس الحين الحمدلله أحب آكل كل شي تقريبا وصحتي زينه

ماشاء الله

:094:

لا تخافين باجر بيكبر وبيحب الأكل

والله يخليه لج يارب

:f::f:

روح همس;11071718:

الله يعطيكم العافيه على الأراء الفعاله وانا ان شاء الله بنتي بعد اسبوعين بتدخل الشهر الرابع وانا الحين كل ثلاث ايام اعطيها ملعقتين صغار عصير برتقال طازج والحمد لله مافيها الا العافيه وناويه بإذن الله ابدأ معاها بالسيريلاك نهاية الشهر وبالنسبه لي افضل لان بنتي ماترضع طبيعي

وان شاء الله ماعليها ضرر لأن أمي اعطتني انا واخواني كلنا الاكل بنفس النظام وكلنا الحمد لله بصحه ومافينا اي نوع من الحساسيه او مشاكل الصدر
بس الأكلات الممنوعه وهي البيض والموز والمنجا لانها ممكن تسبب حساسيه فعلا ونبدأ فيهم الشهر الثامن
والله يحمي أطفالنا من كل سوء

الله يعافيج يارب إن شاء الله الكل يستفيد من الموضوع

حياج الله

ماشاء الله تجربه ناجحه الحمدلله ... صح الوحده لازم تآخذ حذرها وتعرف شو هي الأنواع اللي تسبب الحساسيه وتتجنبها من البدايه

ويزاج الله خير عالمشاركه

:083:

b7o0or_ashoq;11072794:

السلام عليكم ورحمة الله وبركاته

شخباركم عرايس وامهات ان شاؤالله بخير

بصراحه أنا أم جديده بس بديت أأكل ولدي من الشهر الرابع بس طبعا مو اي اكل اشياء خفيفه وتحتوي على الحليب والتمر أذوبه فالماي الدافي واشربه له
وجدا مفيد للأمساك ويغذي اليااهل بعد

والحمدالله ماصارت له اي أعراض كل شي الحمدالله والحين عمره 8 شهور ربي يحفظه قمت اعطيه الدياي والسمج مع الرز بس مهروس والحمدالله صحته في احسن حال


وبصراحه كل هذي الاشياء تقولي عنها أم زوجي بما انا ساكنين معاها ربي يحفظها ويشفيها ان شاءالله

وعليكم السلام ورحمة الله وبركاته

ماشاء الله الله يخليه لج يارب مشكوره على ذكر تجربتج

افدتينا

:083::083::083:

التمر عمتي وايد تمدحه وتقول يغذي الياهل ويخلي ويه مدور

خاطرها تشوف ولدي ويه مدور فديته ضعيف

تسلمين حبيبتي

:065:

ماذا اقول;11073407:

انا من رايي انه الطفل في سن الاربع شهور ما بتكون معدته قادره على الهضم الصحيح

وانه الافضل التاجيل للشهر السادس وحتى في الشهر السادس تبدئي معاه كتجربه وما تعطيه كميه كبيره من الاكل
يعني تعمليها كتجربه حتى لا يصير معه تلبك معوي وانتي اللي راح تعاني الامرين
الله يحفظ اولادنا جميعا

يا هلا بماذا أقول ... مشكووووووووره عالمشاركه والمرور

آمييييييين الله يحفظ لنا عيالنا يارب

ويرزقهم الصحه والعافيه آمين

:083::083:

أغلب الدكاتره يقولون أنسب سن هو سن 6 شهور

وإمبارحه قريت فالكتاب أن لازم نبدى نغذي أطفالنا ما بين الشهر الرابع والسادس

مايتعبج الا كلام الناس صدقيني

نصيحة لاتسمعين كلام حد اللي يقولج اكلي عيالج واللي يقولج عيالج ضعاف..اهم شي الصحة مب السمنة دام ان الطفل ينمو عقليا وجسديا ووزنه في زيادة خلاص الحمدلله..!!!
وامشي على كلام الطبيب لانه دارس وفاهم وعارف اسباب الكلام اللي يقوله..والاكل من بعد ال 6شهور لانه معدة الياهل ماتكون متطورةلتقبل الاكل الا في هالمرحلة