التجمع التاسع للحوامل اللاتي سيلدن في يناير 2010

بحبح، بسالش، ليش ترضعين علاوي صناعي ؟؟!! الطبيعي ما يكفيه؟؟؟

صباح الخير على الحلوين

العين مليانه

صح كلامج فيه ابتاميل الخدج وجربته على يسوف نفس الفكره مشكلة حليب الخدج مترووووووووس حديد وفيتامينات من جذي
يتفخ بطنهم انا جربت حق يسوف ابتاميل كمفرت بعد ماخلص ابتاميل الخدج روووووووووووعه وريحاه وممتاز
والحين بعد مااخلص حليب رزووق مال الخدج بعد اسبوعين لازم اغيره وحتاره شنو اعطييييه خايفه يرجع لاني ماصدقت افتكيت نوعا ما من النوافير


بحبح

الله يعيييييييييييينج ترى الياهل اذا شرب زياده عن المعتاد ممكن يستفرغ كل الي شربه فانتي بس عطيه صدرج ونطري اذا صرخ وبجى ويدور سويه


مرووم

الحمدلله ياقلبي كلنه بخير انتي شلونج وشلون البنات

وردووووون الله يسهل عليييج يمه

وتولديين بالسلااامة

ها مافي خبرر عن ردووون انشالله ولدت ...

لا والله مافيه خبر

هاا فدوو مو ناوية تولدين هههه

يااربي تمللت أستغفر الله

مابقينا الا أحنى

والمشكلة لا آلآم ولا بوادر ولادة ولا دم ولا شي

يعني معوشرين معوشرين

:(

وحشتيني خيشووو

فتحت تجمع نفاس واغلقوه :-#

اول مره افتح تجمع في حياتي ابوووك يالحظ :thumbs_down:

مرحبا ياامهات المستقبل
وحشتوني مرررررررررررررررره والله
ودايم اقول لاهليث جيبوا لي نت عشان ادخل على الكروشات اشوف اخبارهم بس صديقتي قامت باللازم الله يجزاها خير وبشرتكم بس عقب اسبوع واعذروني لاني مررررره تعبت قبل الولادة ب3ايام وولدت بطلق صناعي والبنوته كانت فوق عيت تنزل وقعدو يضغطون المهم كانت ولادتي متعسره والحمدلله على كل حال اهم شيء يوم شفت بنوتتي ((يارا)) نسيت كل الألم والتعب وظليت 3ايام كني جنازة استغفر الله من اثر الطلق الصناعي وبعدها بديت اصحصح
المهم اضيفوا اسم بنتي يارا للقائمه وراح اكتب قصتي هاليومين بس اذا نامت يويا كتبتها

اشوفكم على خير

صح بقول للي ماولدوا للحين ادعو بتسير الولاده وانا بدعي لكم الله ييسر لكم ويسهل عليكم انا كنت ادعي بتسخير الدكتوره والممرضات وفعلا الحمدلله كانو مثل خواتي واكثر حتى انهم جلسوا يبكون من بكاي :(
بصراحه حسيت بأمي يوم تولدني لحظات ولادة بنتي


وبقولكم بنات تقطعت 2 من خيوطي رابع يوم من ولادتي وللحين مارحت للمستشفى خايفه يخيطون مره ثانيه من صار لها كذا او تعرف احد صار له كذا؟؟

مافي اخبار عن وردووون ؟!!

هلا عروس، حمدلله على سلامتك وسلامة يارا

بالنسبه للخيوط اهي طاحت ولا تفككت، يعني مكان الجرح صار مفتوح ؟؟!! اذا تفككت في رايي تروحين المستشفى احسن من بعدين دام الجرح في وضع التئام

جمووله، البنات تمام الحمدلله :)

مرووم
..
هلا وغلاااا انا وصقوري بخييير
انتي شخبارج بعد 10 ايام؟؟ التأم الجرح وطاحت الخيوط؟؟ >> مب مستوعبه الولاده الطبيعيه ههههههههههه




جمووله
..
ايي فديته من جي ينفخ بطنه
بس انا ارتحت لشركه الميلوبا وااايد لا يقارن مع السيميلاك هههههههههههه
ليش ما ترجعين تستخدمين له ابتاميل كومفرت؟؟
الله يحفظ عيالنا يارب

اخبار وردون؟؟
شكلها ولدت

موغي
..
ليش سكروه؟؟




بحبح
..
جربتي المره؟؟
انا سمعت ان تغلينها في ماي مع ملح فارسي وقشر رمان وتستخدم كغسوول بس جي تحطينها مااعرف




عرووس نجديه
..
هلا وغلاااا
وحشتينا
اخبارج واخبار ياراااا
حلوو اسمها
واعتقد معناته جرح بالتركي صح؟؟
ههههههههههههههههههه

هلا مرووم حمدلله على سلامتك وسلامة اية ماشاء ولدتي بعدي ب3ايام بس حلو اجل سبقتك هههههههههههههه
مدري شكله انفك من نفسه لان مستحيل يلتئم ب3او 4ايام والدكتوره تقول لاتنتظرين الخيوط تطيح الا بعد 30 يوم الله يعين شكلي بطلع وهن فيني ههههههههههههههههه

واحيانا احس بألم مكان الخيوط اللي ارتخت واللي طاح وحطيت ميبو عليه كل يوم 4مرات مبالغه صح خخخخخخخخخخ
وموعدي بعد 8ايام الله يستر

اقول بنات عادي اتوضأ بملح وماء والا انتظر لحد ماتطيح الخيوط
ياشين الجهل اخاف من كل شيء خخخخخخخخخ

عيوونه، اني الحمد الله ، ما طاحت لي خيوط لأنه ما لحقوا ، ( قصتي فيلم من جد ، الحمدلله على كل حال )


عرووس، الخيوط تبدأ تطيح بعد 3 اسابيع تقريبا ، يعتمد اشلون تعتنين فيها ، الماي والملح يمكن لما يلتئم الجرح شوي مو من الحين

صبااح االخيررر حلوواات

اخباررررررركم

هلا بمرررررررررروم اخبارج واخبار ايووتهع الحلووة ااي لازم غيره بين البنات ههه الله يخليهم

لج ياارب انززين قولي لنا قصة الولاده شكلها تخرع :091: اي انا امتررخت عند ام عاادل وومدحت

لي المررة وامترخي عندهاا خووش مرااخه صراحه .. وليش ارضع ولدي صناعي عشان

يتعلم على الاثنين انا وحدة ابي اطلع اروح مكان اي شي مابي ارتبط فيه وكل مكان وياي

ومو حلوة كل مكان ارضع وانا ماعطيه غير الليل بس او مضطرة رايحة مشوار امي تعطيه ..

عروس نجديه يا هلا ومرحبا اخبارج واخبار الولادة؟؟ زاخبار ياارونه

جموول ااي شكله جذي عطيته وايد ورجعه :091:

عيوونه اي قالت لي بعد المراخه عن غسوله وايد ززين ويطييح السيم بسررعه بس ماسويت

مادري ليش صكوه التجمع جان سالتيهم وووين نفتحه ..:057:

انا دام ولدي ناام بقووم اريح شووي ماشووف النوووم منه ابد:033:

مرااااااااااحب عراااااااااايس بما انو اكثريتنا ولدوا هههههههه

وعقبال الكروشااااااات الباقيات فديتهم والله

حبيت اسلم عليكم واقول لكم انو انا ورشوووووودي تماااااام ولله الحمد

ولي رجعة بأذن لله قصة ولادتي لكن بعد الاربعين ان شاالله لأني عند ماما الحين بس ارجع بيتي بقول قصتي اللي تدعو لتفأول

عقبالكم يااااااارب

والله كنتم لي مثل الاخوات الله لا يفرق بيننا

استودعكم الله حبايب قلبي

صبااح الخيراااات

ماافييه خبررر عن وردون

لأن أدز لها مسجات وأتصل فيها كل لايمكن التصاال

مادري ليش مبنده جهازها ..


..

المهم أدعوا لي يابنات

محتاجه دعاكم

اليوم الدكتورة جافت لي الرحم مفتوح 1 سانتي وسوت لي توسعه

وقالت لي أحين شربي حليب وسمسم وزعفران وهالسوالف وتمشى

والعصر الساعه 4 أروح أرقد في المستشفى

والصبح يحطون الطلق وبإذن الله ولادة

فأدعوا ليي يابناات ولا تنسوني من الدعاء

في أمان الله

الله يسهل عليش سيدوون ... ان شاء الله ساعه سهلة ياررب ,,

قمت احاتي وردوون .. معقولة للحين مافي خبر عنها ..؟!

بحبوحه ومروم شخباركم وباقي البنات ..