>< لمة الليبيات لشهر صفر 1431 ه ><

عروسة ليبيا وينك مغطسة
ان شاء الله خير

اللمة والشاهي الللوز اللوز اللوز كسرلي حارة وزوز :015:
جيب القفة خود اللوزة كسر لوزة ردو يلا *** كسر لوزة :099:
خود اللوز افتح لوزة تطلع لوزة ردو بصوت حلو *** تطلع لوزة :099:

لمتنا عيلة في كل ليلة :085::085: وووك عليا بنموت من الضحك بروحي

ياسر من الضحك انتي وياها :067:يلا حصة غناء مع ابلة غولة

Ghado;11112260:

سامحوني على هالغيبة .. لكن و الله ظروف ..

اميمة توفت نهار الجمعة و قعدت لاهية و خلاص ...

اليوم كيف رجعت للعمل ...

ان لله و ان اليه راجعون البقاء لله سبحانه وان شاء الله ربى يتقبلها برحمته

يعطيك الصحة يا غولة روحك حلوووووووووووووووووووووووة

عروس رايقة;11110379:
راح تفيد البنوتات لاحقا والمدامات حالياااااااااااااااا
حى حى صار تحسابى البنوتات ماعندهن افكار رومانسية
اقسم بالله صحباتى المزوزات لما ييبن يديرن جو يكلمنى نعطى فيهن افكار وبعدها يقولنى الله يربحك شن درتى الراجل انهبل عليها
وحتى خالتى اللى عندها طابور عيال لما يخطر عليها راجلها تقولى عطينى فطرة يالولى

تى مرة مرة انقول للغالى على شوى حويجة فى راسى يعييييييييييييييط يقولى الله يربحك نفسيتى تعبانة من غادى ماتزيدينش

ياروقاااااااااااااا مش قتلك والله تفكري فيا بنفسي نفس الحماس ونفس الرومانسيه
ههههههههههههههه والله حتى انا كنت زيك وكنت نطلع لصحباتي واختى ف حاجات:029: حلوه البعض من النت والبعض مني ومرات من النت ونعدلو فيها بش تناسب الاجواء متاعنا


============== مش قصدي انو للمدامات فقط لالالالالا
قصدي يشوفنهن الانسااااااااااات ويخزنهن ويضيفن الي يبنه وعلا ذوقهن وذوق رجالتهن :ok: يا سمحه

وووووقصدي هكي انو البنوتات لاحقا يطبقهن :08:===== مباشر يعني ----------------:086:-------------

عروسة ليبيا اهلا و سهلا نورتى الصفحة والله
و بالنسبة لقناعك امتع النشا و مية الورد الحق ررررررررررررررررررروعة جربته مرتين اتحسيه ينور الوجه ويورده خاصة بعد القناع كان تمررى عليه مكعب تلج مية ورد يخلى الوجه ما شاء الله
ربى ما يحرمنا منك ومن وصفاتك

عظم الله اجركم ياغادة تخلفلكم البركة ان شاء الله

غولة قسما بالله جوك مش عادي حبيتك يابنت

بنات توه انا انكلم فيكم و اندير فى المحشى هيا اتفضلو ما اتحشموش رانا كلنا خويات
بنات علمونى كيف انزل الصور؟

* مريانا *;11108174:

السلام عليكم ..كيف حالكن يابنات بلادي..ان شاء الله اموركن تمام

الف شكر حبيبتي ووخيتي عروسة ليبيا على العزومة وبارك الله فيك
والله انا من زمان نبي نخش غير متحشمة انجي ويدي فاضية ..فقلت خليني اندير شكل حلويات بيش انخش بيه عالبنات
جبتلكن معاي مثرد حلويات هدا عليش طولت وانا اندير فيهن
هيا تفضلن ..مش اتقوللي ريجيم ما ريجيم..نبيكن تسمنن قبل افراحكن..وجوهكن صايفات شكله خناق العرايس بادي فيكن...نبصر معاكن

مرة ثانية مشكورة حبيبتي عروسة ليبيا عا العزومة وعلى نصائحك و افكارك الاكثر من رائعة
وان شاء الله يرزقك ربي ببيبي عن قريب **يارب عاجل غير اجل **
وماشاء الله ماشاء الله عليك وربي يحفظك ويسلمك
عروس ليبيا ربي يسهلك امورك ونفرحوا بيك قريب ان شاء الله
بيسو ما شاء الله عليك وعلى بتاتك الحلوو ..تبارك الرحمان عليك
عروسة رايقة..ربي يعجل بفرحك ويجي كيف ماتبي واحلا ..يارب
نرجوسة الف مبروك على تحديد موعد العرس
طبعا ماننساش باقي البنات..ربي يحفظهن ان شاء الله

سامحوني على الاطالة {وحدة ما صدقت عزموها }

هلالا وغلا مريانا :03:واخيرا هلو الصامتون :03: نورتي حبيبيه :083: علاش مكلفه روحك طلتك ساده

عموماااااااااا سلم ايدياتك و انستينااااااااااااااا ولا اطاله لا شيء بالعكس نحب نتعرفوووو

وتشاركينا تجاربك وشن الحاجات والمنتجات العمليه الي تجربي فيها ومشت معاك وووالخلطات الي فادتك او سمعتى بحد مجربها

وعرفينا عن نفسك وووطبعا امور التهجيزات راح تكون غادي فموضوع التجهيزات


وبس يا سمحه ووووووووووووووووووالله فرحت بجيتك :016:انتي وبيكاتشوو :032: ونحب تكون اللمه ملتقى لي بنات ومدامات ليبيات :ok: وهمااااااااااا هلبا ف عروس

مزال اغلبهن ماعرفش بلمتنا :08:

الحاااااااااااااااااااااااااااااااااضر يعلم الغايب :07::027: ونتلاقو عالفايده والخير :072: ونتونسو بي بعض:055:

مبروك علينا التجمع وكالعادة ديما نجى متاخرة

غولة بصراحة اسمك يرعش حولى حرف الغاء وحطى بدله حرف م او ف عشان تقعدى فولة او مولة شنو رايك ندزلك ابو الحروف

والله فاجاتينى يا عروسة ليبيا انك مازلتى متذكرتينى وبارك الله فيك على الترحيب
بس تصدقى انا لما شفت عروس ليبيا كنت نحسابها فى البداية هى انت ومشيت على هذا المنوال
لانك غبتى ومعاش بنتى
وعلى فكرة تسلم عليكم ام ادم وهى صديقتى جدا ووصتنى انها تبلغكم السلام

ومشكورة واجد جدا على المعلومات الى ذكرتيها وان شاء الله نستفيد حتى انا للمستقبل

عروسة ليبيا ما شاء الله كالعادة ابدااااااااااااااااااااااع صحيتى و بارك الله فيك و الله هالتجمع من دونك سلطة ههههههههههههه
طبعا مع احترامى لباقى البنات
بس يا ريت يا عروسة ليبيا اتقوليلنا عن كريمات للبشرة يعنى زى كريمات النهار و كريمات الليل لانى محتارة و نبى حاجات كويسة
المهم يا ريت كل وحدة تكتبنا عن المنتجات اللى تستعمل فيها و فادتها
طبعا أنا أكثر شئ نستخدم فيه الطبيعى أضمن صح نتايجه ممكن اتطول لكن حاجة طبيعية ومضمونة
نبي انقوللكم على وصف و هى للجسم طبعا أنا جربتها و شفت نتايجها أصلا مش هنكتب عن وصفة الا اذا كان مجربتها أنا شخصيا أو شفت حد مجربها و جابت نتيجة معاه
بل الوصفة خلينى انقوللكم على شى طبعا أنا والدة من 5 شهور فاتو و هذه أول مرة ليا و زى ما انتم عارفين ان جسم المرا يتغير بعد الحمل و الولادة من اسمرار الجسم بما فى ذلك الابط و المنطقة الحساسة و ترهل البطن و.......... طبعا كل المدامات خاصة اللى عندها صغار عارافات بكل هالاشياء
فقررت بعد الولادة انرجع جسمى زى ما كان قبل الحمل ومن ضمن هالاشياء وصفة لتقشير الجسم و تبيضه فى نفس الوقت عارفة كلكن كان تلقن تضربنى الوصفة بسييييييييطة وسااااااااهلة و هى:

1-نصف برتقالة كبيرة بقشرها
2-ليمونة كبيرة بقشرها
3-فنجان قهوة زيت زيتون
الطريقة:
انحط نصف البرتقالة بقشرتها و اليمونة بقشرتها و معاها زيت الزيتون كلهن مع بعض فى الخلاط و تضريهن كوييييييييييس وكان لقيتيه ثقيل زيدى شوية زيت زيتون
و تحطيها على جسمك كامل و ركزى على الرقبة و ما بين الفخدين المهم كاااامل جسمك قبل الحمام بساعة ولا ساعتين اهم شى مش اقل من ساعة و بعدين اتبللى جسمك بمية دافيا و تبدى تفركى جسمك عادى بالليفةو تكملى الحمام عادى و طبعا لازم الترطيب بعد الحمام لاااااااااااازم لان الجفاف السبب الرئيسى للسواد بالجسم
و طبعا هذه الكمية هلبة بتسدك لى استعمال تانى يعنى تقدرى تحطيها فى التلاجة و تاخدى اللى يسدك فى صحن و تستخدميه
و هذه الوصفة تستخدم مرة الى مرتين فى الاسبوع
طبعا النتايج مش من اول مرة يعنى تبى شوية وقت انا مثلا لاحظت النتيجة ممكن من تالت او رابع مرة و سرعة النتيجة تختلف من بشرة لبشرة انا هالفترة وقفتها كسل و خلاص لكن ان شاء الله الاسبوع الجاى نرجعلها
جرنها و انشاء تستفادن منها
و هيا اللى عندها و صفة اتقولها حتى نستفيدوا بسسسسسسسسسسس على شرط اتكون مجربتها انتى شخصيا و لا شفتى بعييييييينك وحدة جرتها و جابت معاها نتيجة