ياهلا ياهلا بالعرايس
منورين المكان:065:
من غير تطويل
امبارح عملت صينية دجاج بالقشطة والخضار
وكاااااااااانت تجنننن
والريحة خطيييييرة
ودي جبتها من كتاب عندي بس زودت عليها شوية اضافات وتحابيش ههههه :01:
يلا نشوف بسرعة عملتها ازاي
المقادير ( على حسب الكمية اللي هتعمليها .. وهنا لنصف دجاجة حجم متوسط )
دجاج مسلوق ومفتت قطع صغيرة
فلفل ( أخضر وأحمر وأصفر )
جزرة مبشورة
مشروم
علبة قشطة
5 م ك جبن كاسات باي طعم تفضليه انا اخدته بطعم الجبن الرومي عشان يكون مالح شوية
بهارات ( ملح وفلفل وكمون ورشة زنجبيل وشطة )
بصلة مفرومة ناعم
جبن موتزاريلا
الطريقة ,,,,
نحمس البصلة في زيت ع النار لحد ماتذبل شوية
نضيف الفلفل الاحمر والاصفر لحد مايذبلوا برده
نضيف الجزرة والفلفل الاخضر
نضيف البهارات ونقلب شوية على نار هادئة ونضيف المشروم
نتركه حوالي خمس دقائق على نار هادئة .. لحد مايستوي شوية
في صينية بايركس او طاجن الفرن نحط اول طبقة الدجاج المفتت
نضيف خلطة الخضار ...كطبقة ثانية
ونجهز الطبقة الثالثة .. نخلط القشطة مع الجبن ورشة فلفل اسود خفيفة ونقلبهم كويس وممكن في الخلاط
ونصبها فوق الصينية ..
ونرش جبن موتزاريلا ..
وع الفرن على طوووووول .. على درجة 200 لحد ماتمتزج مع بعض
حوالي ثلث ساعة .. وبعدين تشغلي الشواية عشان تحمر الوجه
هنا لما طلعت من الفرن .. اتحمرت مني زيادة شوية من الوسط
هنا لما غرفتها طبعا كانت ساخنة وسايحة ولذييييذة ولو عاوزاها قطعة واحدة استني لما تبرد
بس طبعا طعمها احلى وهي ساخنة ..
وبسسسسس
ايه رايكم بقى ؟؟؟؟؟؟
في انتظار رايكم ياحلوين !!! :087:
سلااااااااام
