ابغي راايكم بليز

مسامحة اختي ما فهمت المشكلة بالضبط؟

اختي انتي لما تشترين لها و لعيالها هدية ، مو معناته انها لازم تشتري لج بعد.

انتي تسوين جذي تعبير عن حبج مو بمقابل صح؟

انا من رايي لا تفكرين في الموضوع وايد يابت لج يابت ، ما يابت لج شي خلاص اعمل خير و قطه بحر

اتمنى اني اكون فدتج و سامحيني اذا قلت شي ضايقج

اختي انا موماثر فيني انهاا ما جابت في عيد ميلادي هديه
لاا
الماثر فيني انهاا ذكرت الغريبين في عيد ميلادهم مع انهم ما جابو لهاا هديه
واما انا لما كان عيد ميلادي ما جابت ليي شي ... وذيك الفتره ما كان ماثر فيني هالشي ولا في بالي

اها

معليه حبيبتي التمس لاخيك 100 عذر مادري 1000 :p انتي لا تحطين في بالج يمكن مسكينة كان عندها ظروف ولا شي واذا حسيتي ان لا بس انتي لا تشترين لها شي :)

انا نفس الموقف صادني مع وحدة وايد كنت اوكي معاها و احنا اهل بعد و كان مافي فرق بيني و بينها بس من انا انخطبت اهي تغيرت واايد حتى عيد ميلادها كان قبل خطوبتي شريت لها تلفون I Phone الجديد و كا انا نخطبت و عيدميلادي طافوا ولا شرتي لي شي واشوفها تسوي حق غيري :) خلج كوووول اختي

طنش تعش تنتعش :)

امممممممم

غاليتي

في ناس تفكيرهم يختلف .,, يعني احتمال في بالها مو شرط تعطيك في عيد ميلادك تعطيك اي شي على مدار السنة هدايا او اي شي بسيط

وفي ناس تفكيرهم يحبون يتقربون للغرب يعني انتي مكانك غير ومحفوظ في داخلها بس هي حابة تتقرب لاخرين ..

انا بكل صراحه افضل الي يهديني مثل ماقدرني وجاب لي هديه اهديه اغلى وافضل ماحب التطنيش ابد..

لكن هي صديقتك وانتي تعرفي طبعها.. حاولي تستميلها بالكلام تشوفي شنو رايها بالموضوع او تلميح يعني..

ربي يرزقك الذرية الصالحه يشغلونك عن الناس وهداياهم خخخخخ

تحياتي لك

اختتتي اتغاضي عن الامر هاي اشياااء ثنوية ولا تحطيين في بالج يمكن فترة عيد ميلادج ماعندها ميزانية

أتفق مع رأي اختي أمينة

بالتوفيق لك

ادري الأمر يحز في الخاطر مهما قلنا

لكن أحياناً وأحياناً مو شوية غالباً يعني نحتاج نقهر مشاعرنا الطبيعية بشوية تفكير عقلاني

أنتِ لما اشتريتي لها أو لعيالها هدايا كنتِ تنطرين مقابل ؟؟؟ أكيد لا وأكيد عمرك ما حطيتي في بالك او زعلتي لما فوتت مناسباتك لكن اللي زعلك انها اهدت غيرك وهالغير برأيك ما يقدرونها مثل ما تقدرينها

حبيبتي ممكن هم ما هدوها شيء في عيدميلادها لكن يمكن في شيء يخصهم ما تعرفينه مثل
انهم قدموا لها خدمة واستحت تهديهم عليها هدية فتبين كقيمة أو ثمن للخدمة ... وممكن جداً مثل ما قالت أمنية هي عارفة مكانتها في قلبك لكن الهدايا طريقها لقلوبهم لأنها حابة تكسب ودهم ... وممكن تكون اهدتهم هدايا بسيطة لكن أنتِ لمعزتك وقربك ما تحب تهديكِ إلا شيء قيم ووقت عيدميلادها ما كانت ميزانيتها تسمح ويمكن ويمكن ويمكن

يمكن ألف شغلة وشغلة أنتِ بس التمسي لها العذر ولا تحطي في خاطرك على كل صغيرة تتعبي

مشكووووورين اخواتي على ردودكم واهتمامك
الهديه بحد ذاتها مو هامنتي حتى في عيد ميلادي ما اهتميت لما ما عطتني شي
بس الي حاز في خاطري الحين عرفتو قصدي اكيد
على العموم انا عطيتهاا هديتهاا ولا بينت لهاا
بس بعد
حاز في خاطري
ما ادري شلون ابين لكم ....
وعلى فكره الفتره الي عرفتهم فيهم هالبنات كنت موجوده فيهاا
ولا في خدمات بينهم علشان ممكن ترد فيها جميل
لما افكر فيهاا احس اني ابغي اصيح ... احس ان ما في اعتبار لي عندها
مع ان المفروض اني اقرب الناس لهاا
بس اضن المثل ينطبق هنا
عين عذاري تسقي البعيد وتخلي القريب

لاتتضايقي يا أختي
ماحد يدري باللي بالخواطر ..
وان كانت فعلاً مثلاً خلينا نقول ماتحبك أو مو حاطة لك إعتبار
لاتتحسفي ع شي
الصديق الي ماكسبت محبته ماتخسره ^_*

تصدقين اختي .. الموقف صار لي علشان جذي اعرف شعورج

انا لما تزوجت محد من ربعي عطاني هدية كلش وبعدين لما رفيجتي عرست اتصلوا فيني علشان ادفع معاهم فلوس على اساس ياخذون لها هدية عودة .. الموضوع حز في خاطري يعني انا ما تذكروني ورفيجتي يجمعون لها وسوا لها مفاجأة ..

انا واااايد تضايقت في خاطري وكلش يعني انا ما بينت لهم بس مع الايام نسيت الموضوع ..