التجمع الاول للحوامل اللاتي سيلدن في ستمبر 2010

سلام عليكم


حياكم الله يا الغاليات


أنا حامل بالشهر الثانى

وعملت سونار أمس واطمئنيت عليه

الحمد لله كله تمام


وإن شاء الله ح أولد فى 19 / 9 / 2010


وأبى نصائحكم


لأن هذا أول حمل لى


دعواتكم



متابعه معكم



دمتم بود




سمسمه

مشكورة حبيبتي نور قلبي ايي يقولون لي يمكن خايفة بس ماادري شسالفة انا افكر واحاتي وايد يمكن هذا السبب

اميرة الوفا مشكورة حبيبتي لاتخافيين انا اجهضت 4 مرات من قبل بس متفائلة هالمرة تره وايد الحالة النفسية تاثر خلج ريلاكس قد ماتقدريين والله يكتب اللي فيه الخير

سمسه اهم شي الراااحه وما تشيلين شي ثقيل

تصبحون على خير ياحوامل بكوم اريح ظهري وانام:ok:

وانتي من اهله نور قلبي
الفال لي اييلي ارقاد
روحي وليد
رفعتي من معنوياتي

تلاقين خير نور قلبي

اميرة ان شاء الله دوم معنوياتج مرتفعة طمنينا عليج عقب الموعد ان شاء الله كل شي بكون تمام لاتحاتين

ان شاء الله ما اعرف خالتي قالت لي يوم اسير عند الدكتوره ما اخليها اتسوي لي سونار بس تعطيني مقويات وانا ابروحي ما اعرف شي والله يعين

لالا ضروري تسوين سونار تطمن على البيبي وحجمة مرات بعد حساب الدورة لما تكون ملخبطة ومومنتظمة مايكون دقيق فالسونار يوضح باي اسبوع وحجم الياهل هل طبيعبي بالنسبة لعمرة يعني ضروري تسويين بس خلها تسوي لج العادي لان المهبلي موزين في الشهور الاولى خاصة وخبري الدكتورة انج اجهضتي من قبل احتمال تعطيج مثبت الدفاستون والله يثبت حملج وحملنا جميعا ويبلغنا تمامه

فوفو الحبوبة;11190050:
انة موعد ولاتي 10\9

اللهم يا من دَلَعَ لسان الصباح بِِنُطْقِ تبَلُّجِهِ، وسَرَّح قِطع الليل المظلم بغياهب تلجلُجه، وأتقن صنع الفََلك الدوّار في مقادير تبرُّجه، وشعشع ضياء الشمس بنور تأججه، يا من دل على ذاته بذاته، وتنزه عن مجانسة مخلوقاته، وجلّ عن ملاءمة كيفياته، يا من قَرُبَ من خطرات الظُنون، وبَعُدَ عن لحظات العيون، وعلم بما كان قبل أن يكون، يا من أرقدني في مِهَادِ أمنهِ وأمانه، وأيقظني إلى ما منحني به من مِنَنِهِ وإحسانه، وكَفّ أكُفَّ السوءِ عني بيده وسلطانه

صبااااااااااااح الخير كروشاااااااات
وحشتوني
صا لي كم يوم تعبانه
ودعواتكم لي يابنات
ونه قبل كم يوم رحت مستشفى السلمانيه كان عندي اشوية الم ورحت
الهما يقولون لي البيبي صغير
ياريت تدعون لي وتطمنوني
ونه الحين بالأسبوع السابع
بعد كم يوم راح ادخل الأسبوع الثامن

صباح النور عروس بلادي
ماتشوفين شر ان شاء الله

ماتشوفين شر يا عروس بلادي


بنات ابي كل وحده تكتب موعد ولادتها ابي اسوي لسته

روحي وليد;11190317:
السلام عليكم
شخباركم بقولكم انا آخر دورة 19/12/2009 يعني باي اسبوع اللحين ومتى اولد؟
وايد احس هلايام نبضات قلبي سريعه يعني مو طبيعية احد صار له جذي يعني من الحمل او فيني شي ثاني طمنوني وايد خايفة

ولادتك ان شاء الله في 25-9-2010:013:
الله يتتم علينا يارب
امممم بيني وبيك 4 ايام
انا في 29-9
الله يهون علينا يارب


كم لك انتي من اسبوع انا مره اقول لي 3 ومره 4 ومره 5 محتاره وماعرفت احسبها
وموعدي الاسبوع الجاي

انه ان شاءالله اذا الله ثبت لي ادعولي يابناااااااااااااات الله يثبته
ويخليه وينمو 7/9

بنات كل وحده تقول شنو العلاج الي تسنخدمه انا مثبت دفستون وحمض الفوليك

روحي وليد;11190317:
السلام عليكم
شخباركم بقولكم انا آخر دورة 19/12/2009 يعني باي اسبوع اللحين ومتى اولد؟
وايد احس هلايام نبضات قلبي سريعه يعني مو طبيعية احد صار له جذي يعني من الحمل او فيني شي ثاني طمنوني وايد خايفة

هذي اللسته باقي موعد الولاده
واي وحده مو كاتبه اسمها تقول اضيفها