Majd's Favorites ... أفضل منتجاتي اللي أستخدمهم هالفترة ... تم تعديل الصور ،

السلام عليكم و رحمة اللّه و بركاته



مطول الغيبات جاب الغنائم

يا حي اللّه مجد و مواضيعها المميزة


ما شاء اللّه مجموعة حلوة و موضوع أحلى

حطيت كونسيلر كرويلاين في اللستة و لو ممكن رقم المناكير البنفسجي اللي من أنجلوت


حاولت أقيمك بس رد علي و قال ما يصير لإني قيمت ناس كثير
:08::08::08::08::08:

أعتذر خواتي عن التأخير في الرد ،

:o

شمـس و قمـر;11002948:
الغالية مجد ،

طرحك مميز
وموضعك قيم
همني اعرف رأيك بالماسكرا
كما ان اختيارك للمناكير بيجنن
يعطيك العافية
لك ودي مع تقييم ههههه ^^

الله يعافيك يااا رب ،
اممممم أي ماسكرا " الصفرا " ؟
حلوة ، بس نادراً ما أستخدمها بروحها ، أحب أستخدم ماسكرتين مع بعض ،
لأنها تعطي نتيجة أحلى ومميزة للعين ،
F:

اللي عارضته بودرة أرماني مو أساس أرماني ،
وإن كنت تسإلين عن أساس أرماني ، فأي واحد بالضبط ، لأن أرماني عندهم كذا أساس ؟
لكن بصفة عامة أجاوبج ، أرماني ماركة جداً مميزة ، وأساساتها روعة ،
بس الأهم تختارين اللي يناسب بشرتج ودرجتها ،
موفقة ،،
F:

vanvoon77;11004281:
thanks majd ...wish to have it every month and every one can share also :065:

إن شاء الله ، أنا هاليومين راح أنزل Majd's Favorites لهالفترة ،
تسلمين حبيبتي ،
F:

عَبَقْ;11035125:
روعه يالغلا جدا راائع

حبيت اغراضج والله و فتحتي عيني على كم منتج غافله عنهم

بس سؤال حبيبتي

كومباكت ارماني و غلوسات دييغو وين احصلهم ؟

وعليج بألف عاافيه

الله يعافيج ياااا رب ،
امممممم والله مادري وين تحصلينهم في البحرين ،
لكن في الكويت تحصلين أرماني في الفافافوم الأفنيوز والمارينا ،
ودييغو تحصلينها بكل مراكز تجميل الجمعيات ودبنهامز ،
أتمنى إني أكون أفدتج ،
F:

Lmne BshoG;11044334:
الفكره والاغراض روعه
وانا متابعه بقوه لهالافكار باليوتيوب تعطيج ريفيوز حلوه عن المنتجات
واذا ممكن تعملي مثل what`s in my purse or handbag :)

تسلمين حبيبتي ،
وبالنسبة للطلب ، إن شاء الله بس مو هاليومين ، لأن حدي مزحومة ،
F:

برونزي;11045165:
روووعه اغراااضج الصراحه
خاطري اجرب بودره كابينو بس يقولون فيها رصاص !!

الله المستعان بس ،
جربيها وما عليج من كلامهم ، اهو بقى شي ما قالوا فيه رصاص ،
كل شيء عذربوا فيه وذمّوه ، ولاحظي ما يعذربون ولا يحذرون إلا من المنتجات الدارجة واللي الكل يستخدمها ،
وعلى فكرة ، ترى حتى الزعفران وشاي ليبتون شالوا وحطوا فيه ههههههههههه ،
واللي بيسمع لهم ويصدقهم والله يتعب صدقيني ،
F:

مو شرط أختي ،
وعلى فكرة أحياناً يكون الأساس زين ، بس البودرة مو زينة ، فـ ليش أشتريها ؟؟
وأحياناً تكون البودرة زينة بس الأساس لج عليه ، أو ما يعطي كوفر حلو ، مو شرط أشتريه ،
أنا أشتري اللي يوالمني بغض النظر إن كانوا من ماركة وحدة وإلا من ماركات متعددة والدليل اختياراتي متعددة ،
F:

= يتبع مع بقية الردود ، وأعتذر عن التأخير مرة ثانية =

لــــــورا;11129956:
حلوووو موضوعج وياليت تنزلين لنا بشكل مستمر مثل هالمواضيع الحلوه
انا من زمااااااان اتابع جديدج
عساج عالقوه يا قلبي وتستاهلين التقييم

إن شاء الله أبشري ، أنا هاليومين ناوية أنزل الـ Majd's Favorites ،
ومشكورة ع المتابعة ، الله يخليج يااا رب ،
F:

قهوة بالبندق;11132471:
مجد شكرا على الموضوع الحلو وياريت اسم اساس سيشيدو وهل هو كريمي اوبودر ومشكوره

الأساس اسمه :
shiseido
The Makeup Hydro-liquid Compact Foundation
وعلى فكرة ، ترى تشترين الـ Refill " البودرة " بروح ، والـ Case " العلبة " بروح ،
والأساس كريمي ويناسب البشرات الجافة أكثر شي ، بس الحلو فيه ما يعطي مظهر مدهن على البشرة ،
F:

M!$s Reem;11132717:
من طول الغيبات جاب الغناااايم:029:



ياهلا بهالطله وحشتيييينا :032:
الموضووع خطيييير ومنتجاتج اخطر واخطر !!:ok:
حطيت عيني على اساس شيسسدوو بحطه باللست عندي
بس مايبيله لوس باودر فوقه ؟ ماتحسينه ستكي عالبشره ؟
اقصد لما تحطين بلاشر فوق الاساس ,البلاش يتوزع عدل ولا يتركز بمكان ومكان لا ؟:02:

بروح اشوف منيكير شانيل

لونه دخل صماصيم البي :016:
بس ان شاء الله مايكون عندي لون قريب منه عشان اقدر اخده:03:
ووو منيكر ماك لاتقولين لي انه لمتد بموووت ! :'( ادور هاللون من زماان

يا هلاااا وغلاااا بالريم :) ،
الأساس مع إنه كريمي بس مو Sticky ع البشرة ، مع إني ساعات أستخدمه بروحه بدون بيس ولا شي ،
والبلاش لا تخافين يتوزع زي السلام عليكم :D ،
بس لازم بودرة فوقه بالفرشاة ، وعادة تكون اللوس باودر ،
لأني أحب المظهر المات للبشرة ،
بس لحظة خل أقول شغلة ،
ترى الأساس كريمي بس مو كريمي مثل ما إنت متصورة ، أغلبه أحسه ماي ، يعني لما يتوزع
ع البشرة يعطي مظهر ريفرش حلو ،

بالنسبة لمناكير ماك ، للأسف ليميتد ،
بس أنا شارية منه أثنين ، وبما إني أدري إن الشي إذا دخل صماصيم القلب ، صعب تهدأ النفس لين تحصل عليه ، " حالة مجربة بعيد عنج :lol: " ،
لذلك أنا مستعدة أدز لج المناكير الثاني بكرتونته ، والعرض ساري لنهاية الأسبوع ،
دزي لي العنوان وكل شيء ويوصلج لي باب البيت ، جم عندنا ريومة :)
F:

شوق الدروب;11133168:
مشكوره على موضوعك الحلو والمفيد بس حبيت استفسر عن الفاوندشين من شيسيدو هو كيك بودر وشنهو نوع بشرتك
السؤال الثاني بالنسبه للمسكره من مبيلين هي واتر بروف وانت تستخدمي المسكاره الثانيه فوقها والا شو وفي انتظار جديدك وجاري التقيم

تسلمين حبيبتي ،
بالنسبة للفاونديشن ، جاوبت على الخوات اللي قبلج ،
ما هو كيك ، اهو كريمي وبشرتي دهنية ،
لكن كريمية الأساس حلوة يعني ما هي دهنية لااا ، تحسين إن أغلبه ماي ،
امممم تعرفين شلون ماك تيك " Studio Tech " ، اهو نفسه تقريباً ،
ماسكرا ميبيلين ما هي ووتر بروف ،
أستخدم أول شي ماسكرا ديور ، وعقب ماسكرا ميبيلين ،
صج تنظيفهم صعب شوي ، لكن نتيجتهم حلوة ، وهذا اللي الشي اللي يخليني مستمرة ع هالطريقة ،
F:

برود;11168797:
روعة روعة روعة من الخاطر كل المنتجات اتجنن عليج بألف عافية وطبعا إنتي وحدة من العضوات اللي أثق بذوقهن واااايد بس اللي قاهرني أني ماحصلت شدو ديور الرمادي:039:

تسلمين حبيبتي ، هذا من ذوقج F: ،
بالنسبة لشادو ديور ، إن شاء الله تلاقينه ، يا في بعض المحلات اللي ما عليهم دوس ،
وإلا إذا سافرتي إن شاء الله ،
F:

منبـــع إحســآس;11198718:
ياليت تفيديني باسم الاساس من شيسيدو بلييييييييز

اسمه :
shiseido
The Makeup Hydro-liquid Compact Foundation
وأعتذر عن التأخير ،
F:

i wish;11200592:
شكرا ع الموضوع الحلو

ماسكرا ديور رووووعة وفيه بعد الفضية ايضا خطيرة

بس ماسكرا مايبلين ابد ما عجبتني ..... احس اطلع الرموش بطريقة غبية :01:

العفو حبيبتي ،
بالنسبة لماسكرا ميبيلين ، كل وحدة وطريقة إستخدامها وكيفية رموشها ،
وعلى فكرة أنا أستخدم ميبيلين كـ خطوة ثانية بعد ماسكرا ديور أو ماسكرا ثانية ،
F:

مدمنة عروس;11201728:
رائع رائع موضوعك لاخلى و لا عدم انشاءالله الله يعطيك اااااااااااالف عافيه

ابي ارقام القلوسات حبوبه

وطريقة كونسيلر كريولاين كيف بالنسبه للهلات الغامقه

عن جد منحرجة منج ، وأعتذر جداً جداً وجداً عن التأخير F: ،
بالنسبة للجلوسات :
دييغو رقمه : 80
أرتديكو أرقامهم : 26 & 27
وريفلون ترى مو جلوس ، روج سائل ثابت ومظهره مات ، يعني لازم تحطين فوقه جلوس إذا ما تحبين المظهر المات للشفاة ، رقمه : 40

بالنسبة لكونسيلر كريولان ، بما إني ما عندي ولله الحمد هالات داكنة ، فأكتفي باللون الفاتح الأصفر ، لإبراز المنطقة لا أكثر ،
لكن إذا هالاتك كثيرة ، ممكن تحطين اللون الغامج ، وعقب اللون الأصفر ، بس الأهم توزعينه عدل ،
F:

=شماليه من القصيم;11204701]حبيت اسالك عن كونسيلر كريولان حلوه تغطيته ؟؟


الف شكر ع الموضوع ..

بالنسبة لي ، تغطيته حلوة ،
بس هذا ما يمنع تجربينه قبل لا تشترينه ،
F:

عيون وليد;11236958:
ماشاء الله مجموعه روعه

بالنسبه للالتراكونسيلر من كريولاين بجد روعه انا استعمله لي تقريبا سنه وما استغنى عنه ابدااااااااا

بغيت اسالك عن الاساس من وين اشتريه مادري القاه بفيسس او باريس غاليري وكم سعره ؟؟؟

والله ما عندي فكرة وين تحصلينه بالسعودية ،
لكن بالكويت تحصلينه في كل مراكز التجميل اللي فيها ماركة شيسيدو ،
F:

يا هلا وغلا بهموس ،
والأحلى تواجدج وطلتج الحلوة ،
رقم صبغ أظافر أنجلوت : 706 ، وعلى فكرة اهو مات " مطفي " ،
بالنسبة للتقييم ، يكفيني وجودج اهو أحلى تقييم ،
مشكوووووووووورة ،
F:

محبوبه الغالي;12353276:
ذووووق

تتهني فيه

فديتك بجد ضحكت ع هذي حسيتها احلا اعلان هههه:

هذا ميزته يعطي لمعة حلوة وإشراقه للبشرة ، مجرد لمسة منه تعطي لون حلو وبنفس الوقت نضارة ،



يعني تنصحيني ببلاشرات ماك؟؟

تتطنزين حضرتج :mad: :D ،
بالنسبة لـ المنتجات اللي ذكرتها بهالموضوع فهي عبارة عن منتجاتي اللي هابة فيها بشهر يناير ،
لكن ما يعني هذا إنه ما فيه منتجات نفس مستواها أو أفضل منها ،
وبالننسبة للبلاشر اللي سألتي عنه ، للأسف اهو ليميتد ، يعني ما رح تحصلينه الحين ،
لكن إذا تبين نفس مستواه ، عندج بلاشرات نارس حيل حلوة ، ولمعتها راقية ،
أتمنى إني أكون أفدتج ،،

* على فكرة ، ماك راح ينزلون من ضمن الكوليكشنات الجاية بلشرات مينيرالز ،
نفسي اللمعة ، ونفس الألوان تقريباً ،

F:

لون الوروج مره عجبني:).,.

الله يسلمكم ياااا رب ،
وألف شكر لتواجدكم ومتابعتكم ،،

F: