¤¦¤ التجمع الثاني للحوامل اللاتي سيلدن شهر 7 (يوليو) 2010 ¤¦¤

رومانسيه جذابه;11256987:
دلوعة قيصر
ماسه الجمال
فوشي
سويتو
العسوله
كسيرة الخاطر
كاندي
القطوة
عروسته

مشكورين فديتكم على السؤال...

باقولكم سالفتي


انا عقب ماصادني الالم ونزل علي دم بني تخسبقت واتصلت بالدكتوره وخذت اجرب موعد لمن رحت لها الصبح اول سؤال سألتني انتي متعبه روحج هاليومين؟ وفعلا انا قبلها بيوم من طلعتي من الشغل رحت المستشفى مع زوجي عنده موعد وعقب رحنا سوبر ماركت وعقب جيان وفي جيان حسيت اني ماني بطيبه وقلت حق زوجي انا باروح السياره اريح وانت خلص اشغالك وتعال ماحبيت اخرعه علي والاسبوع الي قبله كان عيد زواجنه ورحت اراكض واشتري الكيك والاغراض ورحت الصالون ورجعت البيت ازين غرفتنه وازين الاغراض وجذي..
المهم سوت لي الترا ساوند قالت لي البيبي الحمدلله بخير بس المشيمه قيها تقلصات وفعلا شفتهم واضحيييييين وقالت لي في دم متجمع لازم بينزل عليج بني بس لتخافين لكن اذا نزل حمر لازم تيين لي على طول عشان ارقدج :091: وعطتني ابره حق التقلصات وانا موتي الابر اخااااااف منهم يس شاسوي..


المهم حاولت تشوف جنس البيبي بس مابين... وعطتني اسبوع اجازه قالت لي يبي لج رااااااحه تاااامه ابدا لاتركبين سياره ولاتسوين شي...


المهم ثاني يوم لما قمت من النوم الا نزل علي دم بني معاه احمر شووووووووي.. انا هني مت من الخوف واتصلت بالدكتوره قالت لي تعالي على طول رحت لها فحصتني قالت التقلصات راحت الحمدلله بس المشيمه نازله :091: وطمنتني ان البيبي بخير وبس عطتني موعد الاسبوع الياي عشان تجيك المشيمه,,,, ان شاء الله ترد ترتفع,,,,

شي يخوف واحس نفسيتي مأساه بس الحمدلله على كل حال ... جني كتبت قصة حياتي :040:

حطوا بالكم بنات لترهقون روحكم تره احنه كله عبالنه عادي ماندري

عبق انثى;11259230:
حمدالله على سلامتك رومانسيه وانتبهي على نفسك وعلى الامانه الي ربي عطاك هي

اشلونكم يااامهات المستقبل عساكم بخير
انا رحت كشفت عند صديقتي بالاشعه التلفزيونيه لانها فنيه اشعه
وقالت البيبي ولد :091:

الحمدلله على اللي جابه ربي بس كنت اتمنى بنوته

لولو مي;11259622:
صباح الخيـــــــــر


الحمد لله ع سلامتج رومانسيه ^_^.... وتحملي زين على نفسج

عبق انثى.. مبروك عليج الولد.. ما عليه فالمرات اليايه ان شاءالله الله بيرزقج بالبنت

انا عندي موعد يوم الاثنين الي ياي... وبشوف اذا بنت ولا ولد

fooshe girl;11262216:


انا اخذت لي موعد باجر عن دكتورة فهميه المطوع حق اجوف جنس البيبي وان شاء الله اروح واطمن واعرف جنسهم

دلوعة قيصر;11262302:
بنات انا الاسبوع الجاي ان شاء الله بروح اشوف جنس البيبي واتطمن عليه

وان شاء الله يبان معاي الجنس ويكون بخير ياااارب

ماسة الجمال;11264806:
هلا كروشات شخباركم؟؟

انا سويت موعد يوم الاحد تصوير ثلاثي ابعاد عشان اعرف جنس الجنين وان شاء الله يبين معاي يااااارب

sweet lady84;11265126:
مساء الخير كروووشات

و ينكم اليوم محد مبين

حبيت أخبركم ان باجر موعدي

وإن شاء الله أطمن ع البيبي و أعرف جنسه

أدعووولي ..

دلوعة قيصر;11249415:


يلا ربي يعينج ويعطيج العافيه
صج الدوام شي كريه ومتعب خاصة للحامل بس مافي غير الصبر

..

.


بناااات اليوم نفسيتي واااااااايد تعبانه
يعني اخلاقي صايره في بعضها احس كله من هرمونات الحمل
لاني مو عارفه شنو سبب هالضيقه :091:
ويمكن لاني احاتي البيبي مادري والله ربي يفرج علينا ان شاء الله

سوعال;11249577:
لا فدييتج

اقول لج انا الحيين توني في الاسبوع 17 بحساب السونار
بس على حساب الدورة دشيت ال 18

يعني متأخر الجنين اسبوع عن موعده الاصلي:095:

:083:

ماسة الجمال;11250305:

عروووسته

الله يتمم لك على خير وتولدين بالتاسع ان شاء الله وتفرحين بشوفته سالم معافى

fooshe girl;11254933:
صباح الخير كروشااات
شلووونكم كلكم وشلون البيبيااات
انا حدي تعبانه زكام وكحه وفوق هذا اللوعه راجعه بقووه :091:

وامس حسيت بحركه البيبي:040: