مآدري شآسوي... آحس مشتتة وضاااايعة

صراحة حلم العذارى كفت ووفت وانا معاها بكل كلمة قالتها

واسمحيلي ولا تزعلين انتي غلطانة وانا ما شوفه غلطان بشي حتى بمسالة الصلاة هذي شي يخصه بينه وبين ربه، احنا بشر مومن حقنا نحاسب بعض له رب يحاسبه، اتمنى انج ماتكونين طحتي من عينه، ترى الريال صعب لين انجرح من مرته، مونفسنا احنا البنات نسانح الريال صعب يسامح حتى اذا مابين لج بتصرفاته راح تحسين انه مومسامج ماقول غير الله يصلح حالكم ويكتب لكم الي فيه الخير

اكبر غلطه انش دخلتي الاهل
والاكبر منها انش كرهتي اهلش فيه

مو بس زوجش مو قد المسئوليه على قولتش حتى انتين مو قدها لان تبين احد اساعدش
اول شي عدلي داخلش وبعدين اهلش وزوجش

بالنسبه للتدخين حاولي معاه بس هذي مو نهاية الطريق
الله تواب ورحيم وانتو ما ترحمون؟؟؟؟

شلون تبين عيال وبتربينهم يعني اذا بدا الطفل يتعلو المشي وقام اطيح بتضربينه لانه فشل ؟؟؟
حاولي مرة وثنتين وعشر بس لا تيأسين ولا ادخلين احد بينكم

اقولون ليش ان الزوجين من ادخلون حجرتهم اقفلون على اسرارهم حتى لو خطيره

هلا اخني ملتزمة << طول المده كنت احاتيج .. و انصدمت برسالتج بصراحة ما تستاهلين والله

انا قريت مشكلتج واللي من الاساس اعرف جزء كبير منها
و قريت كل ردود البنات عليج وفعلا ما قصروا كفوا ووفوا .. اتمنى كلامهم يساعدج ويفيدج و دعواتنا لج طبعا ان تتحسن امورج وترجع المياه لمجاريها

ومثل ما شفتي من ردودهم الكل قال انج غلطانه بتصرفج وسلوكج و مية غلطانه بنقلج حياتج الزوجية بحذافيرها الى امج ومن بعدها شكواج الى ابوج اللي زاد الطين بله و اتصل في ابو زوجج وكبرت السالفه بشكل ما كان له داعي ابدا ..وانا اتفق معاه 100% انج غلطانه وسبب اللي انتي فيه اللحين من مصيبه !!
ادري انكم اثنينكم بعمر صغير و تزوجتوا بسرعه و حملتي واجهضتي و هذا كله ساهم في تفاقم المشاكل بينكم وتعليقها بدون حلول جذريه ..


انا حاليا اقول الحل بيدج انتي وبس و يكون بينج وبين زوجج ما تدخلين فيه احد ابدا الا اذا اتفقتي انتي وياه على كل شي .. ومع انكم وصلتوا للطلاق لكن هذا ما يمنع المحاوله و المحاولة ثم المحاولة ملايين المرات ان تصلحي من غلطتج و تعالجين مشكلتج معاه ..

اولا اكسبيه بعد ما فرطي فيه وكرهتي اهلج فيه و فضحتي عيوبه وبشكل محرج جدا .. حاولي تقربينه منج و تعتذرين له و تتفقين معاه على صفحة جديده يكون هو فيه افضل من قبل و انتي بدورج بعد توعدينه ان تتغيرين الى الاحسن عشان تعيشون حياة جديده اسعد وافضل من قبل << لا هو يدخل اهله ولا انتي تدخلين اهلج
+
اعترفي له انج تحبينه وما سويتي جذي الا من قهرج و ضيقج على وضعه وحالته .. و هم تعذري له بان الامور صارت بشكل سريع اثرت فيج و في نفسيتج و ان حملج و اجهاضج لهم دور كبير في اللي صار وحاليا انتي ندمانه على اللي وصلتوا له و انج ما تبين تطلقين تبين تعيشين وياه بس بشكل افضل من قبل عشان لا يتكرر هالشي .. قولي له تعال نكون قد المسئوليه ونثبت للكل ان احنا قادرين نحل مشاكلنا ونعيش حياتنا بدون ما نحتاج لاحد لا من اهلي ولا من اهلك ...

+

انتي كنتي تبين حل سريع لمشكلتج و ما لقيتي غير الطلاق اهون واسهل حل وتناسيتي العشرة اللي بينكم و انه ابغض الحلال عند الله و ما فكرتي في عاقبة هالشي بس لو لا سمح الله وقع راح تعضين اصابعج ندم لان مثل ما قالوا لج البنات في ملايين غيرج حالتهم وحياتهم الزوجية اسوأ منج بملااااييين المرات و زوجج يعتبر امير على راسهم!! .. لو قارنتي نفسج فيهم بتحمدين ربج مليون مرة .. << اعيدي النظر في ايجابيات زوجج وفي النعمه اللي انتي فيها و احمدي ربج و اشكريه و استغفريه على اللي صار ..واكثري من الدعاء ان ينصلح حالكم انتي و زوجج

+

اذا استعصى الامر و زاد عناد زوجج بسبب اللي سويتيه فيه و استمر الموضوع بالاصرار اهلج على الطلاق تشبثي برايج اللي انتي تكونين مقتنعه فيه .. وهو انج ما تطلقين وترجعين له على امل ان تكون فرصة جديده لكم انتوا الاثنين تحسنون استغلالها
الجئي لشيخ دين يساعدكم و يهدي نفوسكم ولا تنسي الاستخارة في امرج و ربج قادر على كل شي .. و اذا كان رجوعكم فيه خير وصلاح لكم راح يتيسر باسهل مما تتوقعين ... فقط قوي ايمانج برب العالمين وانتي انسانه مؤمنه و ملتزمة وعارفه ربج و اكيد ما بتغفلين عن هالنقطه ..

و ممكن تلجئين الى مستشار في العلاقات الزوجية مثلا الاستاذ صلاح الخواجة << راح يساعدكم كثير في التراجع عن الطلاق اولا و حل مشكلة التدخين والتهاون في الصلاة وغيرها من المشاكل وحتى راح يساعدج انتي في شلون تتصرفين وقت المشكله بينج وبينه بدل ما تدخلين امج واهلج كل مرة .. وبجذي تكون انحلت المشكلة من جذورها
" اذا احتجتي رقم الاستاذ صلاح لو للاستشارة بالتلفون خبريني راح ارسله لج اوكي "

+

اشتغلي في نفس الوقت على مدح ايجابيات زوجج امام اهلج لتعيدي الثقة لهم فيه و تحببينهم فيه بعد ما طيحتيه من عيونهم واحرجتيه و خليتيهم يحسون بالكره اتجااهه ..
و في نفس الوقت عززي ثقته بنفسه قدامهم و خليه على تواصل معاهم و معاج طول هالفترة عشان يحسون انه ما تخلى عنج و ان اللي صار ما اثر في مشاعره اتجاهم ولا مشاعرج اتجاهه .. استسمحي انتي وياه من امج حتى لو هو الغلطان واستسمحي بعد انتي وياه من ابوج وابوه عشان تعادلون الكفة .. و واعدوهم انكم ما راح تكررون هالغلطه بحياتكم و انكم راح تتغيرون .. وكل اللي صار كان بلحظة غضب وضعف نفسية ..

هذي الحلول اللي قدرت اقدمها لج وتمنياتي انها تفيدج و لا املك اكثر من ذلك الا الدعاء لج بتيسير الامور والصلاح
ودمتي بود والف خير
طمنينا عليج و ننتظر منج بشاير خير ...

حبوبة انتي غلطتي والحين مو هذه المشكلة المشكلة ان اهلج اشلون يفكرون واشلون امج الله يهديها تقول لج ويش فيها لو تطلقتي وماصار عندج ريل وعيال
اشلون ام تفكر في مصلحت بنتها تقول جذي
بصراحة وايد غريبة!!!!!!!!
ماعليج من هالكلام لو شنو يصير لاتفكرين في الطلاق
خلي عندج شخصية وقولي لاهلج ابي ارجع لزوجي وبحاول اني اخلية يتغير
بس قولي لزوجش ابيك تجي تتسامح منهم وحتى لو هم مارضوا عليك ولاقبلوا منك التسامح برجع معاك
واذا ربي سهل لج ورجعتي بيتج تحملي اطلعين مشاكلج واسرار بيتج برة وخصوصوا لاهلج لو شنو يكون
الله يهدي مابينكم ان شاء الله

حاولي تصلي الامر

الله يعينك

يسلموووووو
تحياتي

حلم العذارى كفت و وفت

انتي فعلا غلطتي يوم قلتي حق امج عن عيويه

تدري انا امي لين تسألني عن زوجي كله اذكره بالخير

مو بس هو حتى خواته اخوانه دايما امدحهم مع ان فيهم عيوب بس ماقول حق احد, ليش؟

عشان امي تستانس وتطمن علي اكثر

بالنسبه للطلاق

انا بعد كلش مااييد

خاصه انج تحبينه وماتقدرين تعيشين بدونه

ولا تلومين امج وابوج تره اهمه خايفين عليج

وتدرين دايما الاهل يبون الافضل لج

ومادام ابوج قالت لا ترجع الا لين تغيرت تره هالشي طيب

وانتي كلمي زوجج بهالموضوع

وان شاء الله يتغير

وبس

ولا تنسين تبشرينه

خبرينا شصار :(

السلام عليكم اختي
اختي الاسباب اللي خلقت هذي المشكلة ماتستحق كل هل الفاوضى اللي صارت في حياتج
ان لانه توج في بداية حياتج الزوجية ويعني ابسط شي بتقومين الدنيا واتقعدينا والله ذكرتيني بزوجي كنت اهواش واتوصل لاخوانة الكبار اللحين مااعور راسي معاه( المضرة له بس طبعا بره ....البيت ) اللحين احس اني كنت ماعندي سالفة
مع الايام بشوفين هل الاموراللي كنتي معصبه عليها تافها وترى تدخين مب شي يعني حرام مكبرة السالفة
ام عن الصلاة الله يهدية مب بالضغط او علشانج اختي اصلي في النهاية ان تركها الله يحاسبها
والله انه ازواج اسون البلاوي واشياء حرام والنسوان ساطتة وساترة على نفسها
الله يقومج بالسلامة ويعوضج خير وان شاء الله بيتغير واهلج اللحين معصبين

الله يهديك ماكان لازم تقولي لاهلك
صحيح ممكن ودك تفضفضين وتشتكين
بس الامور الزوجية فضفضيها لأخت او صديقة صدوقه ومخلصة معك
اما امك لا لا لا لانها مهما كان ام وتبي تحل الموضوع حتى لو بطلاقك
ما يصير كذا شوفي شصار معك الحين
بصراحة من رأيي السالفة ما فيها كرامة وخرابيط لا تدخلين الكرامة ابدا
وانتي قلتي انه اعتذر من امك يعني خلاص
يكفي انه اعتذر
حكمي عقلك ترا الطلاق مو سهل
امك وابوك الله يخليهم لك ماراح يدومون لك
ودامها واقفه ع تدخين راح تقدرين بإذن الله تساعدينه يتركه

الله يختار لك الخير ويطمن قلبك ياااارب

.. الله يسهل أمورك,, الصراحة ماعندي نصايح ولا حلول
بس حبيت ادعي لك.. وربي يلم شملكم وترجعون لبعض..

يا ما ناس صارت بينهم مشاكل ووصلوا لسالفة الطلاق وبعدين تتعدل الامور ويرجعون لبعض
وان شاء الله كلها فترة وتدخلين وتطمنينا بالاخبار اللي تسر,,

ماابغي اغلطك واقول غلطتي لأنك فضفضتي لأمك.. يمكن اللي تقولينه لها ماكان قصدك منها انك تشتكي لها.. وانما تفضفضي لها او انك تبينها تساعدك في مشاكلك
والمعروف ان المشاكل بين الزوجين مااحد يتدخل فيها لأن الزوجين يغفرون لبعض.. اما الغير يحمل الشخص الغلطان على ألف محمل

واتذكر من فترة بسيطة ان اختي كانت تتكلم عن زوجها وتتشكى لنا,, اختي قالت لها تحملي تقولين لأمي اي شي عنه.. لأن امي اذا تشوف وحدة من خواتي سوى لها زوجها شي حتى لو بسيط تشيل في قلبها عليه,, صح ماتكلمهم وتهاوشهم بس تظل زعلانة منهم ولا تعطيهم وجه >>>لأنها خجولة وماتقدر تسوي اكثر من هالشي هههههه
وقالوا لها مادام امي تحب زوجك ودايما تمدحه لاتقولين لها اي شي ,, حتى اتفه الاشياء .. عشان ماتشيل في قلبها عليه وتتغير عليه,,,

الجىء الى فارج الكربات

واكثري من استغفر الله الذي لااله الاهو الحي القيوم واتوب اليه


وستجدي الفرج

حلم العذارى;10973919:

عزيزتي .,

كل إلي صاير الحين إنتي السبب فيه !..

أتمنى ما تزعلين من كلامي أو تتضايقين

بس أنا بتكلم معاج بصراحة و واقعية !,

وبدون لف و دوران

*

إنتي بديتي معاه بداية غلط

وقاعدة تحسبين وتعددين عيوبه

وناسيه إن إنتي بعد لج عيوب

[MARK="#000000"]ومثل ما زوجج يغلط ويسوي .. ترى إنتي بعد غلطتي وسويتي[/MARK]

يعني المشكلة مب بس تقع على عتاقه , عتاقج , وعاتقه

*

أول شي .,

ما كان المفروض أمج وأبوج وأهلج يدرون بكل صغيرة وكبيرة في بيتكم .. هذي عيب

أكبر غلط على الزوجة

إنها تروح تبوح أسرارها برى

حتى لو لأمج أقرب الناس لج

حتى لو مجرد فضفضة

[MARK="#000000"]غلط .. غلط .. غلط[/MARK]

الحياة الزوجية مشاركة بين إثنين

وما يصير 3 يدش بينهم

وإنتي دخلتي أطراف , مب بس طرف في قضاياج ومشاكلج مع زوجج إلي ممكن إنتي تحلينها بسهولة بنفسج

بالصبر !.

وقوة الإيمان

*

ثانياً .,

وايد , وايد , وايد معظمى مشكلة زوجج

إلي هي التدخين!.

وإلي يسمعج يقول والعياذ بالله هذي زوجها خمار أو مدمن !!!!!!!!!!! :060:

ترى التدخين طبع من أطباع معظم إلا ثلاثة أرباع شبابنا

وإذا ما يدخن , يشرب شيشة

يعني بإختصار ما سوينا شي !؟!..

صح التدخين طبع كريه ومب حلو

لكن ما يوصل لدرجة فيج تكرهين زوجج وتكرهين أهلج فيه

بحيث إنج وصلتي لهم فكرة أهو ما كان مدخن يوم تقدم لي والحين يدخن!

وخير يا طير يدخن ؟!.

حسبي في البحرين كم واحد مدخن ؟!!!!!!!!!!!!!!

يعني تقدرين تخلينه يترك التدخين

بشكل عقلاني

بطرق حلوة

بأساليب هادئة :ok:

بدل ما تخلقين لنفسج مشكلة وتعتبرينه عيب ما يتصلح ولا يستهان فيه

ترى كل ما في السالفة ( تدخين )

وما يدخن معاج إلي بتقولين يضر صحتي .. يدخن بروحه

يعني الآذية كلها لصحته مب لج :057:

*

ثالثاً .,

مسآلة الصلاة

هو هو تارك أو متهاون ؟!....

في كلاتا الحالتين عموماً

[MARK="#000000"]ستري عليه[/MARK]

إذا ربج , إلي هو ربج يستر على عباده كبائر وعظائم الذنوب

إنتي عجزانة تسترين على زوجج من هالناحية

والله مب حلوة في حقه إنج تفضحينه هالشكل جدام أمج وأبوج

أحس بداخله أنحرج وايد مب شوي , مب شوي

إذا ما أنجرح بعد .. لأنها مسآلة خاصة المفروض بينج وبينه

وإنتي وبآلف ومليون طريقة

تقدرين تحثينه وتشجعينه على صلاته

مرة , مرتين , آلف

مرده بالنهاية بيتلزم في صلاته ولا بيهملها

*

نجي لمسآلة الطلاق .,

دامج دخلتي أطراف .. أستحملي ما صار

لو كنتي ساكتة وصابرة وراضية بالمقسوم من البداية

ما صار إلي صار

الحين بس يوم وصلت للطلاق حسيتي بحبه وما تقدرين تستغنين عنه

لأنه يوم عرفتي إنج بتبعدين !..

قمتي تطالعين مميزات وحسنات زوجج

ترى المفروض من البداية

[MARK="#000000"]تحطين عيوبه في جنب ومميزاته في الجنب الأخر[/MARK]

وتستحملينه علشان الأشياءات الحلوة إلي فيه

*

ترى حبيبتي .,

الطلاق مب شي سهل

ولا هو لعب

ولا هو بسيط

الطلاق عذاب لكلا الطرفين

وخصوصاً إذا كانت المشاكل جايه أساساً من تدخل الأهل ,

الطلاق هو أبغض الحلال عند الله

يعني لحد يسهل لج ويزين لج الطلاق لا أمج ولا غيرها

[MARK="#000000"]أسآل مجرب ولا تسآل طبيب[/MARK]

الطلاق حتى لو جاي من كلا الطرفين وبرضاهم الكلي والتام .. صعب

والوحدة .,

مب كل يوم ولها رجل !!!!!! :047:

*

والله .. والله

أكو بنات وحريم

عندهم أزواج

أخس وألعن من زوجج

إلي راعي بنات ولعوب .. وأشكرى يخونها عيني عينج

إلي خمار وسكير !!!!

إلي مدمن ويبيع مخدرات

وإلي زوجها يمشي بدرب الحرام ويآكلهم حرام

و إلي طايح فيها طق ومسود عليها عيشتها لا ليلها ليل .. ولا نهارها نهار , وخايفة يجي يوم ويذبحها من زود عصبيته

وإلي تاركها بروحها ومقضيها أسفار برى وفي بلادان والعياذ بالله بس حق الخراب

وما خفي كان أعظم .. وأعظم

[MARK="#000000"]شوفي بس المشاكل بهالقسم + مشاكل مجتمعنا بتحمدين ربج[/MARK]

*

أنا ما أقولج جذي علشان تتشائمين

أقولج إنه مهما كانت مشكلتج

تآكدي إن في ملايين أخس من حالتج

ولكن صابرين !..

والحياة فانية ترى

وكل إلي نعيشه بالدنيا

هو إمتحان وبلاء من رب العالمين يشوف شكثر قوتنا وصبرنا

*

إنتي توج في بداية الحياة الزوجية

ولازم تعرفين وتفهمين شنهي الحياة الزوجية وما تعنيه

الحياة الزوجية , صبر .. تفاهم .. قوة

وأهم شي , أهم شي ( أسرار )

لازم تحتفظين بلي بينكم داخل جدران بيتج وما تطلع برى

وإذا زوجج فيه عيوب

عالجيها

سوي المستحيل

سوي كل الطرق علشان تتحسن

بدل ما تقضينها شكوى لأمج كل يوم , زوجي سوى .. زوجي فعل !..

[MARK="#000000"]هذي ترى مب حل , هذي هروب من الواقع[/MARK]

*

نجي لطلاقج منه

وإلي هو أجباري من أهلج

إذا تحبينه وتبينه

محد في هالدنيا يقدر يحرمج منه

هذي زوجج وحلالج

وإذا صج تبينه

مثل ما خربتي السالفة .. تعدلينها

قولي لأمج وأبوج أنا أحبه وأبيه

ما بينزل راسهم الأرض

ولا بتقللين من قدرهم وكرامتهم

دام السالفة سرية وللحين أنتوا على البر

تصالحوا

صلوا على النبي

وخلي المياه ترجع لمجاريها

*

مو إنتي خليتي أهلج يكرهونه ويكرهون تصرفاته ؟!.

إنتي بعد قادرة تحسنين صورته جدامهم مرة ثانية وتعدلين من هالوضع

*

والأهم قبل لا تعدلين وضع الأهل .,

عدلي وضعج مع نفسج ومع زوجج

ولو فكرتي ترجعين له

أرجعي له بقوة

قوة داخلج

قوة حبج له وإخلاصج إلي بتغيره للأفضل إن شاء الله

وقوة المحافظة على بيتج و زوجج وأسرارج

*

أعتذر لو كنت جافة وقاسية بعض الشيء

[MARK="#000000"]بس حبيت أوصل لج الفكرة , وأبي مصلحتج فقط لا غير[/MARK]

موفقة :065:

لا تعليق كل كلمه صح

مع كلام اختنا حلم عذااااري ...

ماشالله نص البنات سو له اقتباااس .. لان فعلا كلام منطقي ..

تسلميييييييييييين حلم العذاري والله والله لسااااانج ينقط حكم ما شاء الله ...اقوووول خيتي صاحبة المشكلة حافظي على اسرار بيتك وانا ازييدك شي ثاني اذا هو طلق من رضاااه بتكوووني تستاهلين لانه حقرتيه جدام اهلك يالاه حبيبتي سوي موقف زين بحياتك ورجي زوجك واطلبي السماح منه انتي الغلطانة موو هو..

الأخت حلم العذاري ما قصرت
و كلامها عين العقل :ok:

و آنا اقول لش
انتي غلطانه من ساسش الى راسش
أولا : التدخين مو ذاك العيب الكبيييييييييييير اللي يخليك تكبرين السوالف و تزنين عليها
انا بعد زوجي ما يدخن و مرات اكتشف في سيارته علبة سجاير يشرب منها وحده و الا ثنتين
انزين اهو ريال و يحس بضغوط و يحس انه المنفس الوحيد اللي يروق اعصابه
انتي اش دخلك مادامه يحترمك في هالموضوع

ثانيا: أكبر غلط انك دخلتي اهلك من البدايه في المواضيع العادية اللي بينكم انتي طبيعي بعدها تصفى العلاقة و تنسي بس اهلك ما راح يتذكروا الا الشيء الشين لأنهم مو عايشين و ياه على طول

ثالثا : بالنسبة لصلاته هذا شي بينه و بين ربه و انتي عليك تنصحينه مو تفضحينه
الله ستار على عباده ليش تفضحيه عند اهلك و اهلك ما ادري قالوا الى من؟؟؟؟؟

رابعا: بالنسبة للطلاق اذا انتي ما فيه شي كبييييييييير بينكم لا تفكري فيه و انسي الموضوع
و خبري اهلك انك ما تبغي تطلقي و تبغي ترجعي له و خلي ابوك يناديه و يقول له اسمح لك تاخذ بنتي بس ما تغلط عليها >>>>> يعني من باب انك ما تنكسرين و تنذلين جدامه و تخالفين اهلك >>>>منشان يحس ان اهلك هم اللي وافقوا
هذا اللي عندي الحين
و بشرينا عنك

الله يعينك