التجمع السادس للحوامل اللاتي يلدن في شهر 3 ( مارس/آذار ) 2010

دلوعة انه قلت بامر عن العين والنفس ههههههههههه خايفة اروح ريام وماحصل حلوين جاهزين واخاف افصل ومايمدي يجهزون كله اخاف اولد قبل موعدي

بحرينية انه رحت الي يم روضه الوفاء الي ورى الكازينو بس انصدمت انه مبند وشايلين قشهم بعد؟!!

بحرينية_حلوة;11049405:

شوشو .. انتي اي سديم رحتي .. ؟!!!

كان في واحد في سوق المحرق و واحد يصير تقريبا ورة الكازينو ..

ام ندى .. ان شا ءالله اذا برز المفرش و توابعه باصورهم و باحطهم ولا يهمج ..

دلوعة .. يوم جفتي المفرش و الفساتين و المهادات بارزين بشنو حسيتي .. ؟!!!

انا من أشتري شي حق البيبي اتييني الصيحة لا تسألوني ليش .. !!!

و من أقعد أجوف الأغراض في البيت .. من قللللب عيني تدمع

بحرينية مشكورة حبيبتي على الرقم ما قصرتي, ذكرتيني بروحي يوم كنت حامل بندى مثل الشي كل شوي أروح اشوفهم وأستانس حدي الله يقر عيونكم بشوفة بيبياتكم واحلى شعور في حياتي حسيت فيه لما ولدت ندى وراوني إياها تقول لي الممرضة هذي بنتج بوسيها ياربي هذي اللحظة إتم في الذاكرة ما تنمحي الله يوصلكم كلكم لها يارب

ماعتقد سديم لهم فرع غير اللي رحتيه شوشو ، وبالنسبه عن الاغراض اللي طلبتيها ، اذا مصنوعه في USA ماياخذون ولا فلس لأن في اتفاقية تجارة مادري شي من هالقبيل لأن اتذكر يوم يروح ريلي يستلم التوزيعات من البريد هم صج من سايت امريكي بس البضاعه اللي هي شنطة المنكيير مصنوعه في China فخذوا نسبة قليله ، ولاتعطينهم السعر الاصلي عطيهم نص السعر او اقل لان ياخذون نسبه ، يعني اتذكر انا طلع علي 150 دينار تقريبا ويا الشحن بس ريلي قال لهم 70 دينار فخذوا بس 5 دينار ...

بحرينية نفس الشعور امس صادني دمعت عيني يوم خذيتهم آيه عليهم الله اييبهم بالسلامه ان شاء الله ...

لا بحرينة ما صلوا وبشوف مع زوجي اليوم وشالسالفة

لا انا ليحين ماوصلوا اتوقع قبل نهاية الشهر ...

مادري والله دلوعة قالو لي ارامكس يحسبون كل نص كيلو 3 دينار وانه وايد طالبه وثقال بس مايندره هذاني حاطه يدي على قلبي لان كفاية الي دفعته حق التوزيعات وحق المفرش مافيني شده مصاريف زياده هههههه

يوم اطلب خذو فايده السايت نفسة بس ارامكس فايدتهم غير حق التوصيل..

بحرينية اذا على سالفة مو للبيع هذي اذا من الكارقو او من البريد العادي هني يطلبون علي ضريبة وبعدين اتفاهم معاهم انه مب للبيع ويقطونة علي

انه لو مب متعوده على رقده العصر جان كملت اغراض البيبي ارقد وماطلع من البيت الاا 7 وكله احس المحلات بتبند هههههه بس اليوم ضروري اروح ريام :)

انزين بحرينية اذا ماعليج امر بغيت رقم الي تسوي كب كيك من الحد عايشة :)

مشكروة حبيبتي بحرينية :)

اقولكم رحت انصار جاليري عندهم استكانت حق المستشفى وايد حلوين الحين على قولتهم راحت موضة الجزاز الشفاف الحين الجزاز الابيض الغامج ماعرف شلون اشرح لكم بس وايد عجبوني الصراحة واسعارهم مب رخيصة الستكانة الوحده مع الصحن ب 3.850 يعني يعني نص درزن عادي يطلع 25 دينار ههههه بس بعد يمكن في اسعار ارخص بس هذي الي طبت عيني عليه

قاعده ادور قناج (صواني) مب محصلة امي تقول حطي العاديين المتعارف عليه حق التقديم بس انه ابي اتفنتق شوي الي يقول الناس بتحط بالها هههههه بس انه المشكلة اهل زوجي من النوع الي وايد يلاحظون :(

بنات بسألكم عن حركة البيبي إشلون عندكم هالأيام لأني أحسها قالة هاليومين تتحرك بس مو مثل اول كانت واجد وصراحة بديت احاتي

شوشو انا مارحت انصار جاليري ولا ادري شسالفته ليحين يبيله طله اجوف شالسالفه ، اذا رحتي ريام اليوم مري محل الشوكلت اللي يمه اسمه لوكادو كأني لمحت صواني حلوين للتقديم ، وانا ليحين مو عارفه شاسوي بخصوص الدلال والاستكانات وهالسوالف ...

كروشات طرشت حق جود مسج اتطمن عليها ، وردت علي تقول لكم الحمدلله مافيها الا العافيه بس اهي في بيت اهلها وسلمت عليكم وايد ...

بنات شوفووو هالموضوع عجبني

http://forums.3roos.com/showthread.php?t=485957&page=1